Chapter 90

saṃjaya uvāca |
ātmāparādhātsaṃbhūtaṃ vyasanaṃ bharatarṣabha |
prāpya prākṛtavadvīra na tvaṃ śocitumarhasi || 1 ||
[Analyze grammar]

tava nirguṇatāṃ jñātvā pakṣapātaṃ suteṣu ca |
dvaidhībhāvaṃ tathā dharme pāṇḍaveṣu ca matsaram |
ārtapralāpāṃśca bahūnmanujādhipasattama || 2 ||
[Analyze grammar]

sarvalokasya tattvajñaḥ sarvalokaguruḥ prabhuḥ |
vāsudevastato yuddhaṃ kurūṇāmakaronmahat || 3 ||
[Analyze grammar]

ātmāparādhātsumahānprāptaste vipulaḥ kṣayaḥ |
na hi te sukṛtaṃ kiṃcidādau madhye ca bhārata |
dṛśyate pṛṣṭhataścaiva tvanmūlo hi parājayaḥ || 4 ||
[Analyze grammar]

tasmādadya sthiro bhūtvā jñātvā lokasya nirṇayam |
śṛṇu yuddhaṃ yathā vṛttaṃ ghoraṃ devāsuropamam || 5 ||
[Analyze grammar]

praviṣṭe tava sainyaṃ tu śaineye satyavikrame |
bhīmasenamukhāḥ pārthāḥ pratīyurvāhinīṃ tava || 6 ||
[Analyze grammar]

āgacchatastānsahasā kruddharūpānsahānugān |
dadhāraiko raṇe pāṇḍūnkṛtavarmā mahārathaḥ || 7 ||
[Analyze grammar]

yathodvṛttaṃ dhārayate velā vai salilārṇavam |
pāṇḍusainyaṃ tathā saṃkhye hārdikyaḥ samavārayat || 8 ||
[Analyze grammar]

tatrādbhutamamanyanta hārdikyasya parākramam |
yadenaṃ sahitāḥ pārthā nāticakramurāhave || 9 ||
[Analyze grammar]

tato bhīmastribhirviddhvā kṛtavarmāṇamāyasaiḥ |
śaṅkhaṃ dadhmau mahābāhurharṣayansarvapāṇḍavān || 10 ||
[Analyze grammar]

sahadevastu viṃśatyā dharmarājaśca pañcabhiḥ |
śatena nakulaścāpi hārdikyaṃ samavidhyata || 11 ||
[Analyze grammar]

draupadeyāstrisaptatyā saptabhiśca ghaṭotkacaḥ |
dhṛṣṭadyumnastribhiścāpi kṛtavarmāṇamārdayat |
virāṭo drupadaścaiva yājñaseniśca pañcabhiḥ || 12 ||
[Analyze grammar]

śikhaṇḍī cāpi hārdikyaṃ viddhvā pañcabhirāśugaiḥ |
punarvivyādha viṃśatyā sāyakānāṃ hasanniva || 13 ||
[Analyze grammar]

kṛtavarmā tato rājansarvatastānmahārathān |
ekaikaṃ pañcabhirviddhvā bhīmaṃ vivyādha saptabhiḥ |
dhanurdhvajaṃ ca saṃyatto rathādbhūmāvapātayat || 14 ||
[Analyze grammar]

athainaṃ chinnadhanvānaṃ tvaramāṇo mahārathaḥ |
ājaghānorasi kruddhaḥ saptatyā niśitaiḥ śaraiḥ || 15 ||
[Analyze grammar]

sa gāḍhaviddho balavānhārdikyasya śarottamaiḥ |
cacāla rathamadhyasthaḥ kṣitikampe yathācalaḥ || 16 ||
[Analyze grammar]

bhīmasenaṃ tathā dṛṣṭvā dharmarājapurogamāḥ |
visṛjantaḥ śarānghorānkṛtavarmāṇamārdayan || 17 ||
[Analyze grammar]

taṃ tathā koṣṭhakīkṛtya rathavaṃśena māriṣa |
vivyadhuḥ sāyakairhṛṣṭā rakṣārthaṃ mārutermṛdhe || 18 ||
[Analyze grammar]

pratilabhya tataḥ saṃjñāṃ bhīmaseno mahābalaḥ |
śaktiṃ jagrāha samare hemadaṇḍāmayasmayīm |
cikṣepa ca rathāttūrṇaṃ kṛtavarmarathaṃ prati || 19 ||
[Analyze grammar]

sā bhīmabhujanirmuktā nirmuktoragasaṃnibhā |
kṛtavarmāṇamabhitaḥ prajajvāla sudāruṇā || 20 ||
[Analyze grammar]

tāmāpatantīṃ sahasā yugāntāgnisamaprabhām |
dvābhyāṃ śarābhyāṃ hārdikyo nicakarta dvidhā tadā || 21 ||
[Analyze grammar]

sā chinnā patitā bhūmau śaktiḥ kanakabhūṣaṇā |
dyotayantī diśo rājanmaholkeva divaścyutā |
śaktiṃ vinihatāṃ dṛṣṭvā bhīmaścukrodha vai bhṛśam || 22 ||
[Analyze grammar]

tato'nyaddhanurādāya vegavatsumahāsvanam |
bhīmaseno raṇe kruddho hārdikyaṃ samavārayat || 23 ||
[Analyze grammar]

athainaṃ pañcabhirbāṇairājaghāna stanāntare |
bhīmo bhīmabalo rājaṃstava durmantritena ha || 24 ||
[Analyze grammar]

bhojastu kṣatasarvāṅgo bhīmasenena māriṣa |
raktāśoka ivotphullo vyabhrājata raṇājire || 25 ||
[Analyze grammar]

tataḥ kruddhastribhirbāṇairbhīmasenaṃ hasanniva |
abhihatya dṛḍhaṃ yuddhe tānsarvānpratyavidhyata || 26 ||
[Analyze grammar]

tribhistribhirmaheṣvāso yatamānānmahārathān |
te'pi taṃ pratyavidhyanta saptabhiḥ saptabhiḥ śaraiḥ || 27 ||
[Analyze grammar]

śikhaṇḍinastataḥ kruddhaḥ kṣurapreṇa mahārathaḥ |
dhanuściccheda samare prahasanniva bhārata || 28 ||
[Analyze grammar]

śikhaṇḍī tu tataḥ kruddhaśchinne dhanuṣi satvaram |
asiṃ jagrāha samare śatacandraṃ ca bhāsvaram || 29 ||
[Analyze grammar]

bhrāmayitvā mahācarma cāmīkaravibhūṣitam |
tamasiṃ preṣayāmāsa kṛtavarmarathaṃ prati || 30 ||
[Analyze grammar]

sa tasya saśaraṃ cāpaṃ chittvā saṃkhye mahānasiḥ |
abhyagāddharaṇīṃ rājaṃścyutaṃ jyotirivāmbarāt || 31 ||
[Analyze grammar]

etasminneva kāle tu tvaramāṇā mahārathāḥ |
vivyadhuḥ sāyakairgāḍhaṃ kṛtavarmāṇamāhave || 32 ||
[Analyze grammar]

athānyaddhanurādāya tyaktvā tacca mahaddhanuḥ |
viśīrṇaṃ bharataśreṣṭha hārdikyaḥ paravīrahā || 33 ||
[Analyze grammar]

vivyādha pāṇḍavānyuddhe tribhistribhirajihmagaiḥ |
śikhaṇḍinaṃ ca vivyādha tribhiḥ pañcabhireva ca || 34 ||
[Analyze grammar]

dhanuranyatsamādāya śikhaṇḍī tu mahāyaśāḥ |
avārayatkūrmanakhairāśugairhṛdikātmajam || 35 ||
[Analyze grammar]

tataḥ kruddho raṇe rājanhṛdikasyātmasaṃbhavaḥ |
abhidudrāva vegena yājñaseniṃ mahāratham || 36 ||
[Analyze grammar]

bhīṣmasya samare rājanmṛtyorhetuṃ mahātmanaḥ |
vidarśayanbalaṃ śūraḥ śārdūla iva kuñjaram || 37 ||
[Analyze grammar]

tau diśāgajasaṃkāśau jvalitāviva pāvakau |
samāsedaturanyonyaṃ śarasaṃghairariṃdamau || 38 ||
[Analyze grammar]

vidhunvānau dhanuḥśreṣṭhe saṃdadhānau ca sāyakān |
visṛjantau ca śataśo gabhastīniva bhāskarau || 39 ||
[Analyze grammar]

tāpayantau śaraistīkṣṇairanyonyaṃ tau mahārathau |
yugāntapratimau vīrau rejaturbhāskarāviva || 40 ||
[Analyze grammar]

kṛtavarmā tu rabhasaṃ yājñaseniṃ mahāratham |
viddhveṣūṇāṃ trisaptatyā punarvivyādha saptabhiḥ || 41 ||
[Analyze grammar]

sa gāḍhaviddho vyathito rathopastha upāviśat |
visṛjansaśaraṃ cāpaṃ mūrchayābhipariplutaḥ || 42 ||
[Analyze grammar]

taṃ viṣaṇṇaṃ rathe dṛṣṭvā tāvakā bharatarṣabha |
hārdikyaṃ pūjayāmāsurvāsāṃsyādudhuvuśca ha || 43 ||
[Analyze grammar]

śikhaṇḍinaṃ tathā jñātvā hārdikyaśarapīḍitam |
apovāha raṇādyantā tvaramāṇo mahāratham || 44 ||
[Analyze grammar]

sāditaṃ tu rathopasthe dṛṣṭvā pārthāḥ śikhaṇḍinam |
parivavrū rathaistūrṇaṃ kṛtavarmāṇamāhave || 45 ||
[Analyze grammar]

tatrādbhutaṃ paraṃ cakre kṛtavarmā mahārathaḥ |
yadekaḥ samare pārthānvārayāmāsa sānugān || 46 ||
[Analyze grammar]

pārthāñjitvājayaccedīnpāñcālānsṛñjayānapi |
kekayāṃśca mahāvīryānkṛtavarmā mahārathaḥ || 47 ||
[Analyze grammar]

te vadhyamānāḥ samare hārdikyena sma pāṇḍavāḥ |
itaścetaśca dhāvanto naiva cakrurdhṛtiṃ raṇe || 48 ||
[Analyze grammar]

jitvā pāṇḍusutānyuddhe bhīmasenapurogamān |
hārdikyaḥ samare'tiṣṭhadvidhūma iva pāvakaḥ || 49 ||
[Analyze grammar]

te drāvyamāṇāḥ samare hārdikyena mahārathāḥ |
vimukhāḥ samapadyanta śaravṛṣṭibhirarditāḥ || 50 ||
[Analyze grammar]