Chapter 89

dhṛtarāṣṭra uvāca |
evaṃ bahuvidhaṃ sainyamevaṃ pravicitaṃ varam |
vyūḍhamevaṃ yathānyāyamevaṃ bahu ca saṃjaya || 1 ||
[Analyze grammar]

nityaṃ pūjitamasmābhirabhikāmaṃ ca naḥ sadā |
prauḍhamatyadbhutākāraṃ purastāddṛḍhavikramam || 2 ||
[Analyze grammar]

nātivṛddhamabālaṃ ca na kṛśaṃ nātipīvaram |
laghuvṛttāyataprāṇaṃ sāragātramanāmayam || 3 ||
[Analyze grammar]

āttasaṃnāhasaṃpannaṃ bahuśastraparicchadam |
śastragrahaṇavidyāsu bahvīṣu pariniṣṭhitam || 4 ||
[Analyze grammar]

ārohe paryavaskande saraṇe sāntaraplute |
samyakpraharaṇe yāne vyapayāne ca kovidam || 5 ||
[Analyze grammar]

nāgeṣvaśveṣu bahuśo ratheṣu ca parīkṣitam |
parīkṣya ca yathānyāyaṃ vetanenopapāditam || 6 ||
[Analyze grammar]

na goṣṭhyā nopacāreṇa na saṃbandhanimittataḥ |
nānāhūto na hyabhṛto mama sainye babhūva ha || 7 ||
[Analyze grammar]

kulīnāryajanopetaṃ tuṣṭapuṣṭamanuddhatam |
kṛtamānopakāraṃ ca yaśasvi ca manasvi ca || 8 ||
[Analyze grammar]

sacivaiścāparairmukhyairbahubhirmukhyakarmabhiḥ |
lokapālopamaistāta pālitaṃ narasattamaiḥ || 9 ||
[Analyze grammar]

bahubhiḥ pārthivairguptamasmatpriyacikīrṣubhiḥ |
asmānabhisṛtaiḥ kāmātsabalaiḥ sapadānugaiḥ || 10 ||
[Analyze grammar]

mahodadhimivāpūrṇamāpagābhiḥ samantataḥ |
apakṣaiḥ pakṣisaṃkāśai rathairaśvaiśca saṃvṛtam || 11 ||
[Analyze grammar]

yodhākṣayyajalaṃ bhīmaṃ vāhanormitaraṅgiṇam |
kṣepaṇyasigadāśaktiśaraprāsajhaṣākulam || 12 ||
[Analyze grammar]

dhvajabhūṣaṇasaṃbādhaṃ ratnapaṭṭena saṃcitam |
vāhanairapi dhāvadbhirvāyuvegavikampitam || 13 ||
[Analyze grammar]

droṇagambhīrapātālaṃ kṛtavarmamahāhradam |
jalasaṃdhamahāgrāhaṃ karṇacandrodayoddhatam || 14 ||
[Analyze grammar]

gate sainyārṇavaṃ bhittvā tarasā pāṇḍavarṣabhe |
saṃjayaikarathenaiva yuyudhāne ca māmakam || 15 ||
[Analyze grammar]

tatra śeṣaṃ na paśyāmi praviṣṭe savyasācini |
sātvate ca rathodāre mama sainyasya saṃjaya || 16 ||
[Analyze grammar]

tau tatra samatikrāntau dṛṣṭvābhītau tarasvinau |
sindhurājaṃ ca saṃprekṣya gāṇḍīvasyeṣugocare || 17 ||
[Analyze grammar]

kiṃ tadā kuravaḥ kṛtyaṃ vidadhuḥ kālacoditāḥ |
dāruṇaikāyane kāle kathaṃ vā pratipedire || 18 ||
[Analyze grammar]

grastānhi kauravānmanye mṛtyunā tāta saṃgatān |
vikramo hi raṇe teṣāṃ na tathā dṛśyate'dya vai || 19 ||
[Analyze grammar]

akṣatau saṃyuge tatra praviṣṭau kṛṣṇapāṇḍavau |
na ca vārayitā kaścittayorastīha saṃjaya || 20 ||
[Analyze grammar]

bhṛtāśca bahavo yodhāḥ parīkṣyaiva mahārathāḥ |
vetanena yathāyogyaṃ priyavādena cāpare || 21 ||
[Analyze grammar]

akāraṇabhṛtastāta mama sainye na vidyate |
karmaṇā hyanurūpeṇa labhyate bhaktavetanam || 22 ||
[Analyze grammar]

na ca yodho'bhavatkaścinmama sainye tu saṃjaya |
alpadānabhṛtastāta na kupyabhṛtako naraḥ || 23 ||
[Analyze grammar]

pūjitā hi yathāśaktyā dānamānāsanairmayā |
tathā putraiśca me tāta jñātibhiśca sabāndhavaiḥ || 24 ||
[Analyze grammar]

te ca prāpyaiva saṃgrāme nirjitāḥ savyasācinā |
śaineyena parāmṛṣṭāḥ kimanyadbhāgadheyataḥ || 25 ||
[Analyze grammar]

rakṣyate yaśca saṃgrāme ye ca saṃjaya rakṣiṇaḥ |
ekaḥ sādhāraṇaḥ panthā rakṣyasya saha rakṣibhiḥ || 26 ||
[Analyze grammar]

arjunaṃ samare dṛṣṭvā saindhavasyāgrataḥ sthitam |
putro mama bhṛśaṃ mūḍhaḥ kiṃ kāryaṃ pratyapadyata || 27 ||
[Analyze grammar]

sātyakiṃ ca raṇe dṛṣṭvā praviśantamabhītavat |
kiṃ nu duryodhanaḥ kṛtyaṃ prāptakālamamanyata || 28 ||
[Analyze grammar]

sarvaśastrātigau senāṃ praviṣṭau rathasattamau |
dṛṣṭvā kāṃ vai dhṛtiṃ yuddhe pratyapadyanta māmakāḥ || 29 ||
[Analyze grammar]

dṛṣṭvā kṛṣṇaṃ tu dāśārhamarjunārthe vyavasthitam |
śinīnāmṛṣabhaṃ caiva manye śocanti putrakāḥ || 30 ||
[Analyze grammar]

dṛṣṭvā senāṃ vyatikrāntāṃ sātvatenārjunena ca |
palāyamānāṃśca kurūnmanye śocanti putrakāḥ || 31 ||
[Analyze grammar]

vidrutānrathino dṛṣṭvā nirutsāhāndviṣajjaye |
palāyane kṛtotsāhānmanye śocanti putrakāḥ || 32 ||
[Analyze grammar]

śūnyānkṛtānrathopasthānsātvatenārjunena ca |
hatāṃśca yodhānsaṃdṛśya manye śocanti putrakāḥ || 33 ||
[Analyze grammar]

vyaśvanāgarathāndṛṣṭvā tatra vīrānsahasraśaḥ |
dhāvamānānraṇe vyagrānmanye śocanti putrakāḥ || 34 ||
[Analyze grammar]

vivīrāṃśca kṛtānaśvānvirathāṃśca kṛtānnarān |
tatra sātyakipārthābhyāṃ manye śocanti putrakāḥ || 35 ||
[Analyze grammar]

pattisaṃghānraṇe dṛṣṭvā dhāvamānāṃśca sarvaśaḥ |
nirāśā vijaye sarve manye śocanti putrakāḥ || 36 ||
[Analyze grammar]

droṇasya samatikrāntāvanīkamaparājitau |
kṣaṇena dṛṣṭvā tau vīrau manye śocanti putrakāḥ || 37 ||
[Analyze grammar]

saṃmūḍho'smi bhṛśaṃ tāta śrutvā kṛṣṇadhanaṃjayau |
praviṣṭau māmakaṃ sainyaṃ sātvatena sahācyutau || 38 ||
[Analyze grammar]

tasminpraviṣṭe pṛtanāṃ śinīnāṃ pravare rathe |
bhojānīkaṃ vyatikrānte kathamāsanhi kauravāḥ || 39 ||
[Analyze grammar]

tathā droṇena samare nigṛhīteṣu pāṇḍuṣu |
kathaṃ yuddhamabhūttatra tanmamācakṣva saṃjaya || 40 ||
[Analyze grammar]

droṇo hi balavāñśūraḥ kṛtāstro dṛḍhavikramaḥ |
pāñcālāstaṃ maheṣvāsaṃ pratyayudhyankathaṃ raṇe || 41 ||
[Analyze grammar]

baddhavairāstathā droṇe dharmarājajayaiṣiṇaḥ |
bhāradvājastathā teṣu kṛtavairo mahārathaḥ || 42 ||
[Analyze grammar]

arjunaścāpi yaccakre sindhurājavadhaṃ prati |
tanme sarvaṃ samācakṣva kuśalo hyasi saṃjaya || 43 ||
[Analyze grammar]