Chapter 91

saṃjaya uvāca |
śṛṇuṣvaikamanā rājanyanmāṃ tvaṃ paripṛcchasi |
drāvyamāṇe bale tasminhārdikyena mahātmanā || 1 ||
[Analyze grammar]

lajjayāvanate cāpi prahṛṣṭaiścaiva tāvakaiḥ |
dvīpo ya āsītpāṇḍūnāmagādhe gādhamicchatām || 2 ||
[Analyze grammar]

śrutvā tu ninadaṃ bhīmaṃ tāvakānāṃ mahāhave |
śaineyastvarito rājankṛtavarmāṇamabhyayāt || 3 ||
[Analyze grammar]

kṛtavarmā tu hārdikyaḥ śaineyaṃ niśitaiḥ śaraiḥ |
avākiratsusaṃkruddhastato'krudhyata sātyakiḥ || 4 ||
[Analyze grammar]

tataḥ suniśitaṃ bhallaṃ śaineyaḥ kṛtavarmaṇe |
preṣayāmāsa samare śarāṃśca caturo'parān || 5 ||
[Analyze grammar]

te tasya jaghnire vāhānbhallenāsyācchinaddhanuḥ |
pṛṣṭharakṣaṃ tathā sūtamavidhyanniśitaiḥ śaraiḥ || 6 ||
[Analyze grammar]

tatastaṃ virathaṃ kṛtvā sātyakiḥ satyavikramaḥ |
senāmasyārdayāmāsa śaraiḥ saṃnataparvabhiḥ || 7 ||
[Analyze grammar]

sābhajyatātha pṛtanā śaineyaśarapīḍitā |
tataḥ prāyādvai tvaritaḥ sātyakiḥ satyavikramaḥ || 8 ||
[Analyze grammar]

śṛṇu rājanyadakarottava sainyeṣu vīryavān |
atītya sa mahārāja droṇānīkamahārṇavam || 9 ||
[Analyze grammar]

parājitya ca saṃhṛṣṭaḥ kṛtavarmāṇamāhave |
yantāramabravīcchūraḥ śanairyāhītyasaṃbhramam || 10 ||
[Analyze grammar]

dṛṣṭvā tu tava tatsainyaṃ rathāśvadvipasaṃkulam |
padātijanasaṃpūrṇamabravītsārathiṃ punaḥ || 11 ||
[Analyze grammar]

yadetanmeghasaṃkāśaṃ droṇānīkasya savyataḥ |
sumahatkuñjarānīkaṃ yasya rukmaratho mukham || 12 ||
[Analyze grammar]

ete hi bahavaḥ sūta durnivāryāśca saṃyuge |
duryodhanasamādiṣṭā madarthe tyaktajīvitāḥ |
rājaputrā maheṣvāsāḥ sarve vikrāntayodhinaḥ || 13 ||
[Analyze grammar]

trigartānāṃ rathodārāḥ suvarṇavikṛtadhvajāḥ |
māmevābhimukhā vīrā yotsyamānā vyavasthitāḥ || 14 ||
[Analyze grammar]

atra māṃ prāpaya kṣipramaśvāṃścodaya sārathe |
trigartaiḥ saha yotsyāmi bhāradvājasya paśyataḥ || 15 ||
[Analyze grammar]

tataḥ prāyācchanaiḥ sūtaḥ sātvatasya mate sthitaḥ |
rathenādityavarṇena bhāsvareṇa patākinā || 16 ||
[Analyze grammar]

tamūhuḥ sārathervaśyā valgamānā hayottamāḥ |
vāyuvegasamāḥ saṃkhye kundendurajataprabhāḥ || 17 ||
[Analyze grammar]

āpatantaṃ rathaṃ taṃ tu śaṅkhavarṇairhayottamaiḥ |
parivavrustataḥ śūrā gajānīkena sarvataḥ |
kiranto vividhāṃstīkṣṇānsāyakāṃllaghuvedhinaḥ || 18 ||
[Analyze grammar]

sātvato'pi śitairbāṇairgajānīkamayodhayat |
parvatāniva varṣeṇa tapānte jalado mahān || 19 ||
[Analyze grammar]

vajrāśanisamasparśairvadhyamānāḥ śarairgajāḥ |
prādravanraṇamutsṛjya śinivīryasamīritaiḥ || 20 ||
[Analyze grammar]

śīrṇadantā virudhirā bhinnamastakapiṇḍakāḥ |
viśīrṇakarṇāsyakarā viniyantṛpatākinaḥ || 21 ||
[Analyze grammar]

saṃbhinnavarmaghaṇṭāśca saṃnikṛttamahādhvajāḥ |
hatārohā diśo rājanbhejire bhraṣṭakambalāḥ || 22 ||
[Analyze grammar]

ruvanto vividhānrāvāñjaladopamanisvanāḥ |
nārācairvatsadantaiśca sātvatena vidāritāḥ || 23 ||
[Analyze grammar]

tasmindrute gajānīke jalasaṃdho mahārathaḥ |
yattaḥ saṃprāpayannāgaṃ rajatāśvarathaṃ prati || 24 ||
[Analyze grammar]

rukmavarṇakaraḥ śūrastapanīyāṅgadaḥ śuciḥ |
kuṇḍalī mukuṭī śaṅkhī raktacandanarūṣitaḥ || 25 ||
[Analyze grammar]

śirasā dhārayandīptāṃ tapanīyamayīṃ srajam |
urasā dhārayanniṣkaṃ kaṇṭhasūtraṃ ca bhāsvaram || 26 ||
[Analyze grammar]

cāpaṃ ca rukmavikṛtaṃ vidhunvangajamūrdhani |
aśobhata mahārāja savidyudiva toyadaḥ || 27 ||
[Analyze grammar]

tamāpatantaṃ sahasā māgadhasya gajottamam |
sātyakirvārayāmāsa velevodvṛttamarṇavam || 28 ||
[Analyze grammar]

nāgaṃ nivāritaṃ dṛṣṭvā śaineyasya śarottamaiḥ |
akrudhyata raṇe rājañjalasaṃdho mahābalaḥ || 29 ||
[Analyze grammar]

tataḥ kruddho maheṣvāso mārgaṇairbhārasādhanaiḥ |
avidhyata śineḥ pautraṃ jalasaṃdho mahorasi || 30 ||
[Analyze grammar]

tato'pareṇa bhallena pītena niśitena ca |
asyato vṛṣṇivīrasya nicakarta śarāsanam || 31 ||
[Analyze grammar]

sātyakiṃ chinnadhanvānaṃ prahasanniva bhārata |
avidhyanmāgadho vīraḥ pañcabhirniśitaiḥ śaraiḥ || 32 ||
[Analyze grammar]

sa viddho bahubhirbāṇairjalasaṃdhena vīryavān |
nākampata mahābāhustadadbhutamivābhavat || 33 ||
[Analyze grammar]

acintayanvai sa śarānnātyarthaṃ saṃbhramādbalī |
dhanuranyatsamādāya tiṣṭha tiṣṭhetyuvāca ha || 34 ||
[Analyze grammar]

etāvaduktvā śaineyo jalasaṃdhaṃ mahorasi |
vivyādha ṣaṣṭyā subhṛśaṃ śarāṇāṃ prahasanniva || 35 ||
[Analyze grammar]

kṣurapreṇa ca pītena muṣṭideśe mahaddhanuḥ |
jalasaṃdhasya ciccheda vivyādha ca tribhiḥ śaraiḥ || 36 ||
[Analyze grammar]

jalasaṃdhastu tattyaktvā saśaraṃ vai śarāsanam |
tomaraṃ vyasṛjattūrṇaṃ sātyakiṃ prati māriṣa || 37 ||
[Analyze grammar]

sa nirbhidya bhujaṃ savyaṃ mādhavasya mahāraṇe |
abhyagāddharaṇīṃ ghoraḥ śvasanniva mahoragaḥ || 38 ||
[Analyze grammar]

nirbhinne tu bhuje savye sātyakiḥ satyavikramaḥ |
triṃśadbhirviśikhaistīkṣṇairjalasaṃdhamatāḍayat || 39 ||
[Analyze grammar]

pragṛhya tu tataḥ khaḍgaṃ jalasaṃdho mahābalaḥ |
ārṣabhaṃ carma ca mahacchatacandramalaṃkṛtam |
tata āvidhya taṃ khaḍgaṃ sātvatāyotsasarja ha || 40 ||
[Analyze grammar]

śaineyasya dhanuśchittvā sa khaḍgo nyapatanmahīm |
alātacakravaccaiva vyarocata mahīṃ gataḥ || 41 ||
[Analyze grammar]

athānyaddhanurādāya sarvakāyāvadāraṇam |
śālaskandhapratīkāśamindrāśanisamasvanam |
visphārya vivyadhe kruddho jalasaṃdhaṃ śareṇa ha || 42 ||
[Analyze grammar]

tataḥ sābharaṇau bāhū kṣurābhyāṃ mādhavottamaḥ |
sāṅgadau jalasaṃdhasya ciccheda prahasanniva || 43 ||
[Analyze grammar]

tau bāhū parighaprakhyau petaturgajasattamāt |
vasuṃdharādharādbhraṣṭau pañcaśīrṣāvivoragau || 44 ||
[Analyze grammar]

tataḥ sudaṃṣṭraṃ suhanu cārukuṇḍalamunnasam |
kṣureṇāsya tṛtīyena śiraściccheda sātyakiḥ || 45 ||
[Analyze grammar]

tatpātitaśirobāhukabandhaṃ bhīmadarśanam |
dviradaṃ jalasaṃdhasya rudhireṇābhyaṣiñcata || 46 ||
[Analyze grammar]

jalasaṃdhaṃ nihatyājau tvaramāṇastu sātvataḥ |
naiṣādiṃ pātayāmāsa gajaskandhādviśāṃ pate || 47 ||
[Analyze grammar]

rudhireṇāvasiktāṅgo jalasaṃdhasya kuñjaraḥ |
vilambamānamavahatsaṃśliṣṭaṃ paramāsanam || 48 ||
[Analyze grammar]

śarārditaḥ sātvatena mardamānaḥ svavāhinīm |
ghoramārtasvaraṃ kṛtvā vidudrāva mahāgajaḥ || 49 ||
[Analyze grammar]

hāhākāro mahānāsīttava sainyasya māriṣa |
jalasaṃdhaṃ hataṃ dṛṣṭvā vṛṣṇīnāmṛṣabheṇa ha || 50 ||
[Analyze grammar]

vimukhāścābhyadhāvanta tava yodhāḥ samantataḥ |
palāyane kṛtotsāhā nirutsāhā dviṣajjaye || 51 ||
[Analyze grammar]

etasminnantare rājandroṇaḥ śastrabhṛtāṃ varaḥ |
abhyayājjavanairaśvairyuyudhānaṃ mahāratham || 52 ||
[Analyze grammar]

tamudīrṇaṃ tathā dṛṣṭvā śaineyaṃ kurupuṃgavāḥ |
droṇenaiva saha kruddhāḥ sātyakiṃ paryavārayan || 53 ||
[Analyze grammar]

tataḥ pravavṛte yuddhaṃ kurūṇāṃ sātvatasya ca |
droṇasya ca raṇe rājanghoraṃ devāsuropamam || 54 ||
[Analyze grammar]