Chapter 69

saṃjaya uvāca |
tataḥ praviṣṭe kaunteye sindhurājajighāṃsayā |
droṇānīkaṃ vinirbhidya bhojānīkaṃ ca dustaram || 1 ||
[Analyze grammar]

kāmbojasya ca dāyāde hate rājansudakṣiṇe |
śrutāyudhe ca vikrānte nihate savyasācinā || 2 ||
[Analyze grammar]

vipradruteṣvanīkeṣu vidhvasteṣu samantataḥ |
prabhagnaṃ svabalaṃ dṛṣṭvā putraste droṇamabhyayāt || 3 ||
[Analyze grammar]

tvarannekarathenaiva sametya droṇamabravīt |
gataḥ sa puruṣavyāghraḥ pramathyemāṃ mahācamūm || 4 ||
[Analyze grammar]

atra buddhyā samīkṣasva kiṃ nu kāryamanantaram |
arjunasya vighātāya dāruṇe'smiñjanakṣaye || 5 ||
[Analyze grammar]

yathā sa puruṣavyāghro na hanyeta jayadrathaḥ |
tathā vidhatsva bhadraṃ te tvaṃ hi naḥ paramā gatiḥ || 6 ||
[Analyze grammar]

asau dhanaṃjayāgnirhi kopamārutacoditaḥ |
senākakṣaṃ dahati me vahniḥ kakṣamivotthitaḥ || 7 ||
[Analyze grammar]

atikrānte hi kaunteye bhittvā sainyaṃ paraṃtapa |
jayadrathasya goptāraḥ saṃśayaṃ paramaṃ gatāḥ || 8 ||
[Analyze grammar]

sthirā buddhirnarendrāṇāmāsīdbrahmavidāṃ vara |
nātikramiṣyati droṇaṃ jātu jīvandhanaṃjayaḥ || 9 ||
[Analyze grammar]

so'sau pārtho vyatikrānto miṣataste mahādyute |
sarvaṃ hyadyāturaṃ manye naitadasti balaṃ mama || 10 ||
[Analyze grammar]

jānāmi tvāṃ mahābhāga pāṇḍavānāṃ hite ratam |
tathā muhyāmi ca brahmankāryavattāṃ vicintayan || 11 ||
[Analyze grammar]

yathāśakti ca te brahmanvartaye vṛttimuttamām |
prīṇāmi ca yathāśakti tacca tvaṃ nāvabudhyase || 12 ||
[Analyze grammar]

asmānna tvaṃ sadā bhaktānicchasyamitavikrama |
pāṇḍavānsatataṃ prīṇāsyasmākaṃ vipriye ratān || 13 ||
[Analyze grammar]

asmānevopajīvaṃstvamasmākaṃ vipriye rataḥ |
na hyahaṃ tvāṃ vijānāmi madhudigdhamiva kṣuram || 14 ||
[Analyze grammar]

nādāsyaccedvaraṃ mahyaṃ bhavānpāṇḍavanigrahe |
nāvārayiṣyaṃ gacchantamahaṃ sindhupatiṃ gṛhān || 15 ||
[Analyze grammar]

mayā tvāśaṃsamānena tvattastrāṇamabuddhinā |
āśvāsitaḥ sindhupatirmohāddattaśca mṛtyave || 16 ||
[Analyze grammar]

yamadaṃṣṭrāntaraṃ prāpto mucyetāpi hi mānavaḥ |
nārjunasya vaśaṃ prāpto mucyetājau jayadrathaḥ || 17 ||
[Analyze grammar]

sa tathā kuru śoṇāśva yathā rakṣyeta saindhavaḥ |
mama cārtapralāpānāṃ mā krudhaḥ pāhi saindhavam || 18 ||
[Analyze grammar]

droṇa uvāca |
nābhyasūyāmi te vācamaśvatthāmnāsi me samaḥ |
satyaṃ tu te pravakṣyāmi tajjuṣasva viśāṃ pate || 19 ||
[Analyze grammar]

sārathiḥ pravaraḥ kṛṣṇaḥ śīghrāścāsya hayottamāḥ |
alpaṃ ca vivaraṃ kṛtvā tūrṇaṃ yāti dhanaṃjayaḥ || 20 ||
[Analyze grammar]

kiṃ nu paśyasi bāṇaughānkrośamātre kirīṭinaḥ |
paścādrathasya patitānkṣiptāñśīghraṃ hi gacchataḥ || 21 ||
[Analyze grammar]

na cāhaṃ śīghrayāne'dya samartho vayasānvitaḥ |
senāmukhe ca pārthānāmetadbalamupasthitam || 22 ||
[Analyze grammar]

yudhiṣṭhiraśca me grāhyo miṣatāṃ sarvadhanvinām |
evaṃ mayā pratijñātaṃ kṣatramadhye mahābhuja || 23 ||
[Analyze grammar]

dhanaṃjayena cotsṛṣṭo vartate pramukhe mama |
tasmādvyūhamukhaṃ hitvā nāhaṃ yāsyāmi phalgunam || 24 ||
[Analyze grammar]

tulyābhijanakarmāṇaṃ śatrumekaṃ sahāyavān |
gatvā yodhaya mā bhaistvaṃ tvaṃ hyasya jagataḥ patiḥ || 25 ||
[Analyze grammar]

rājā śūraḥ kṛtī dakṣo vairamutpādya pāṇḍavaiḥ |
vīra svayaṃ prayāhyāśu yatra yāto dhanaṃjayaḥ || 26 ||
[Analyze grammar]

duryodhana uvāca |
kathaṃ tvāmapyatikrāntaḥ sarvaśastrabhṛtāṃ varaḥ |
dhanaṃjayo mayā śakya ācārya pratibādhitum || 27 ||
[Analyze grammar]

api śakyo raṇe jetuṃ vajrahastaḥ puraṃdaraḥ |
nārjunaḥ samare śakyo jetuṃ parapuraṃjayaḥ || 28 ||
[Analyze grammar]

yena bhojaśca hārdikyo bhavāṃśca tridaśopamaḥ |
astrapratāpena jitau śrutāyuśca nibarhitaḥ || 29 ||
[Analyze grammar]

sudakṣiṇaśca nihataḥ sa ca rājā śrutāyudhaḥ |
śrutāyuścācyutāyuśca mlecchāśca śataśo hatāḥ || 30 ||
[Analyze grammar]

taṃ kathaṃ pāṇḍavaṃ yuddhe dahantamahitānbahūn |
pratiyotsyāmi durdharṣaṃ tanme śaṃsāstrakovida || 31 ||
[Analyze grammar]

kṣamaṃ cenmanyase yuddhaṃ mama tenādya śādhi mām |
paravānasmi bhavati preṣyakṛdrakṣa me yaśaḥ || 32 ||
[Analyze grammar]

droṇa uvāca |
satyaṃ vadasi kauravya durādharṣo dhanaṃjayaḥ |
ahaṃ tu tatkariṣyāmi yathainaṃ prasahiṣyasi || 33 ||
[Analyze grammar]

adbhutaṃ cādya paśyantu loke sarvadhanurdharāḥ |
viṣaktaṃ tvayi kaunteyaṃ vāsudevasya paśyataḥ || 34 ||
[Analyze grammar]

eṣa te kavacaṃ rājaṃstathā badhnāmi kāñcanam |
yathā na bāṇā nāstrāṇi viṣahiṣyanti te raṇe || 35 ||
[Analyze grammar]

yadi tvāṃ sāsurasurāḥ sayakṣoragarākṣasāḥ |
yodhayanti trayo lokāḥ sanarā nāsti te bhayam || 36 ||
[Analyze grammar]

na kṛṣṇo na ca kaunteyo na cānyaḥ śastrabhṛdraṇe |
śarānarpayituṃ kaścitkavace tava śakṣyati || 37 ||
[Analyze grammar]

sa tvaṃ kavacamāsthāya kruddhamadya raṇe'rjunam |
tvaramāṇaḥ svayaṃ yāhi na cāsau tvāṃ sahiṣyate || 38 ||
[Analyze grammar]

saṃjaya uvāca |
evamuktvā tvarandroṇaḥ spṛṣṭvāmbho varma bhāsvaram |
ābabandhādbhutatamaṃ japanmantraṃ yathāvidhi || 39 ||
[Analyze grammar]

raṇe tasminsumahati vijayāya sutasya te |
visismāpayiṣurlokaṃ vidyayā brahmavittamaḥ || 40 ||
[Analyze grammar]

droṇa uvāca |
karotu svasti te brahmā svasti cāpi dvijātayaḥ |
sarīsṛpāśca ye śreṣṭhāstebhyaste svasti bhārata || 41 ||
[Analyze grammar]

yayātirnahuṣaścaiva dhundhumāro bhagīrathaḥ |
tubhyaṃ rājarṣayaḥ sarve svasti kurvantu sarvaśaḥ || 42 ||
[Analyze grammar]

svasti te'stvekapādebhyo bahupādebhya eva ca |
svastyastvapādakebhyaśca nityaṃ tava mahāraṇe || 43 ||
[Analyze grammar]

svāhā svadhā śacī caiva svasti kurvantu te sadā |
lakṣmīrarundhatī caiva kurutāṃ svasti te'nagha || 44 ||
[Analyze grammar]

asito devalaścaiva viśvāmitrastathāṅgirāḥ |
vasiṣṭhaḥ kaśyapaścaiva svasti kurvantu te nṛpa || 45 ||
[Analyze grammar]

dhātā vidhātā lokeśo diśaśca sadigīśvarāḥ |
svasti te'dya prayacchantu kārttikeyaśca ṣaṇmukhaḥ || 46 ||
[Analyze grammar]

vivasvānbhagavānsvasti karotu tava sarvaśaḥ |
diggajāścaiva catvāraḥ kṣitiḥ khaṃ gaganaṃ grahāḥ || 47 ||
[Analyze grammar]

adhastāddharaṇīṃ yo'sau sadā dhārayate nṛpa |
sa śeṣaḥ pannagaśreṣṭhaḥ svasti tubhyaṃ prayacchatu || 48 ||
[Analyze grammar]

gāndhāre yudhi vikramya nirjitāḥ surasattamāḥ |
purā vṛtreṇa daityena bhinnadehāḥ sahasraśaḥ || 49 ||
[Analyze grammar]

hṛtatejobalāḥ sarve tadā sendrā divaukasaḥ |
brahmāṇaṃ śaraṇaṃ jagmurvṛtrādbhītā mahāsurāt || 50 ||
[Analyze grammar]

devā ūcuḥ |
pramarditānāṃ vṛtreṇa devānāṃ devasattama |
gatirbhava suraśreṣṭha trāhi no mahato bhayāt || 51 ||
[Analyze grammar]

droṇa uvāca |
atha pārśve sthitaṃ viṣṇuṃ śakrādīṃśca surottamān |
prāha tathyamidaṃ vākyaṃ viṣaṇṇānsurasattamān || 52 ||
[Analyze grammar]

rakṣyā me satataṃ devāḥ sahendrāḥ sadvijātayaḥ |
tvaṣṭuḥ sudurdharaṃ tejo yena vṛtro vinirmitaḥ || 53 ||
[Analyze grammar]

tvaṣṭrā purā tapastaptvā varṣāyutaśataṃ tadā |
vṛtro vinirmito devāḥ prāpyānujñāṃ maheśvarāt || 54 ||
[Analyze grammar]

sa tasyaiva prasādādvai hanyādeva ripurbalī |
nāgatvā śaṃkarasthānaṃ bhagavāndṛśyate haraḥ || 55 ||
[Analyze grammar]

dṛṣṭvā haniṣyatha ripuṃ kṣipraṃ gacchata mandaram |
yatrāste tapasāṃ yonirdakṣayajñavināśanaḥ |
pinākī sarvabhūteśo bhaganetranipātanaḥ || 56 ||
[Analyze grammar]

te gatvā sahitā devā brahmaṇā saha mandaram |
apaśyaṃstejasāṃ rāśiṃ sūryakoṭisamaprabham || 57 ||
[Analyze grammar]

so'bravītsvāgataṃ devā brūta kiṃ karavāṇyaham |
amoghaṃ darśanaṃ mahyaṃ kāmaprāptirato'stu vaḥ || 58 ||
[Analyze grammar]

evamuktāstu te sarve pratyūcustaṃ divaukasaḥ |
tejo hṛtaṃ no vṛtreṇa gatirbhava divaukasām || 59 ||
[Analyze grammar]

mūrtīrīkṣaṣva no deva prahārairjarjarīkṛtāḥ |
śaraṇaṃ tvāṃ prapannāḥ sma gatirbhava maheśvara || 60 ||
[Analyze grammar]

maheśvara uvāca |
viditaṃ me yathā devāḥ kṛtyeyaṃ sumahābalā |
tvaṣṭustejobhavā ghorā durnivāryākṛtātmabhiḥ || 61 ||
[Analyze grammar]

avaśyaṃ tu mayā kāryaṃ sāhyaṃ sarvadivaukasām |
mamedaṃ gātrajaṃ śakra kavacaṃ gṛhya bhāsvaram |
badhānānena mantreṇa mānasena sureśvara || 62 ||
[Analyze grammar]

droṇa uvāca |
ityuktvā varadaḥ prādādvarma tanmantrameva ca |
sa tena varmaṇā guptaḥ prāyādvṛtracamūṃ prati || 63 ||
[Analyze grammar]

nānāvidhaiśca śastraughaiḥ pātyamānairmahāraṇe |
na saṃdhiḥ śakyate bhettuṃ varmabandhasya tasya tu || 64 ||
[Analyze grammar]

tato jaghāna samare vṛtraṃ devapatiḥ svayam |
taṃ ca matramayaṃ bandhaṃ varma cāṅgirase dadau || 65 ||
[Analyze grammar]

aṅgirāḥ prāha putrasya mantrajñasya bṛhaspateḥ |
bṛhaspatirathovāca agniveśyāya dhīmate || 66 ||
[Analyze grammar]

agniveśyo mama prādāttena badhnāmi varma te |
tavādya deharakṣārthaṃ mantreṇa nṛpasattama || 67 ||
[Analyze grammar]

saṃjaya uvāca |
evamuktvā tato droṇastava putraṃ mahādyutiḥ |
punareva vacaḥ prāha śanairācāryapuṃgavaḥ || 68 ||
[Analyze grammar]

brahmasūtreṇa badhnāmi kavacaṃ tava pārthiva |
hiraṇyagarbheṇa yathā baddhaṃ viṣṇoḥ purā raṇe || 69 ||
[Analyze grammar]

yathā ca brahmaṇā baddhaṃ saṃgrāme tārakāmaye |
śakrasya kavacaṃ divyaṃ tathā badhnāmyahaṃ tava || 70 ||
[Analyze grammar]

baddhvā tu kavacaṃ tasya mantreṇa vidhipūrvakam |
preṣayāmāsa rājānaṃ yuddhāya mahate dvijaḥ || 71 ||
[Analyze grammar]

sa saṃnaddho mahābāhurācāryeṇa mahātmanā |
rathānāṃ ca sahasreṇa trigartānāṃ prahāriṇām || 72 ||
[Analyze grammar]

tathā dantisahasreṇa mattānāṃ vīryaśālinām |
aśvānāmayutenaiva tathānyaiśca mahārathaiḥ || 73 ||
[Analyze grammar]

vṛtaḥ prāyānmahābāhurarjunasya rathaṃ prati |
nānāvāditraghoṣeṇa yathā vairocanistathā || 74 ||
[Analyze grammar]

tataḥ śabdo mahānāsītsainyānāṃ tava bhārata |
agādhaṃ prasthitaṃ dṛṣṭvā samudramiva kauravam || 75 ||
[Analyze grammar]