Chapter 70

saṃjaya uvāca |
praviṣṭayormahārāja pārthavārṣṇeyayostadā |
duryodhane prayāte ca pṛṣṭhataḥ puruṣarṣabhe || 1 ||
[Analyze grammar]

javenābhyadravandroṇaṃ mahatā nisvanena ca |
pāṇḍavāḥ somakaiḥ sārdhaṃ tato yuddhamavartata || 2 ||
[Analyze grammar]

tadyuddhamabhavadghoraṃ tumulaṃ lomaharṣaṇam |
pāñcālānāṃ kurūṇāṃ ca vyūhasya purato'dbhutam || 3 ||
[Analyze grammar]

rājankadācinnāsmābhirdṛṣṭaṃ tādṛṅna ca śrutam |
yādṛṅmadhyagate sūrye yuddhamāsīdviśāṃ pate || 4 ||
[Analyze grammar]

dhṛṣṭadyumnamukhāḥ pārthā vyūḍhānīkāḥ prahāriṇaḥ |
droṇasya sainyaṃ te sarve śaravarṣairavākiran || 5 ||
[Analyze grammar]

vayaṃ droṇaṃ puraskṛtya sarvaśastrabhṛtāṃ varam |
pārṣatapramukhānpārthānabhyavarṣāma sāyakaiḥ || 6 ||
[Analyze grammar]

mahāmeghāvivodīrṇau miśravātau himātyaye |
senāgre viprakāśete rucire rathabhūṣite || 7 ||
[Analyze grammar]

sametya tu mahāsene cakraturvegamuttamam |
jāhnavīyamune nadyau prāvṛṣīvolbaṇodake || 8 ||
[Analyze grammar]

nānāśastrapurovāto dvipāśvarathasaṃvṛtaḥ |
gadāvidyunmahāraudraḥ saṃgrāmajalado mahān || 9 ||
[Analyze grammar]

bhāradvājāniloddhūtaḥ śaradhārāsahasravān |
abhyavarṣanmahāraudraḥ pāṇḍusenāgnimuddhatam || 10 ||
[Analyze grammar]

samudramiva gharmānte vivānghoro mahānilaḥ |
vyakṣobhayadanīkāni pāṇḍavānāṃ dvijottamaḥ || 11 ||
[Analyze grammar]

te'pi sarvaprayatnena droṇameva samādravan |
bibhitsanto mahāsetuṃ vāryoghāḥ prabalā iva || 12 ||
[Analyze grammar]

vārayāmāsa tāndroṇo jalaughānacalo yathā |
pāṇḍavānsamare kruddhānpāñcālāṃśca sakekayān || 13 ||
[Analyze grammar]

athāpare'pi rājānaḥ parāvṛtya samantataḥ |
mahābalā raṇe śūrāḥ pāñcālānanvavārayan || 14 ||
[Analyze grammar]

tato raṇe naravyāghraḥ pārṣataḥ pāṇḍavaiḥ saha |
saṃjaghānāsakṛddroṇaṃ bibhitsurarivāhinīm || 15 ||
[Analyze grammar]

yathaiva śaravarṣāṇi droṇo varṣati pārṣate |
tathaiva śaravarṣāṇi dhṛṣṭadyumno'bhyavarṣata || 16 ||
[Analyze grammar]

sanistriṃśapurovātaḥ śaktiprāsarṣṭisaṃvṛtaḥ |
jyāvidyuccāpasaṃhrādo dhṛṣṭadyumnabalāhakaḥ || 17 ||
[Analyze grammar]

śaradhārāśmavarṣāṇi vyasṛjatsarvatodiśam |
nighnanrathavarāśvaughāṃśchādayāmāsa vāhinīm || 18 ||
[Analyze grammar]

yaṃ yamārchaccharairdroṇaḥ pāṇḍavānāṃ rathavrajam |
tatastataḥ śarairdroṇamapākarṣata pārṣataḥ || 19 ||
[Analyze grammar]

tathā tu yatamānasya droṇasya yudhi bhārata |
dhṛṣṭadyumnaṃ samāsādya tridhā sainyamabhidyata || 20 ||
[Analyze grammar]

bhojameke nyavartanta jalasaṃdhamathāpare |
pāṇḍavairhanyamānāśca droṇamevāpare'vrajan || 21 ||
[Analyze grammar]

sainyānyaghaṭayadyāni droṇastu rathināṃ varaḥ |
vyadhamaccāpi tānyasya dhṛṣṭadyumno mahārathaḥ || 22 ||
[Analyze grammar]

dhārtarāṣṭrāstridhābhūtā vadhyante pāṇḍusṛñjayaiḥ |
agopāḥ paśavo'raṇye bahubhiḥ śvāpadairiva || 23 ||
[Analyze grammar]

kālaḥ saṃgrasate yodhāndhṛṣṭadyumnena mohitān |
saṃgrāme tumule tasminniti saṃmenire janāḥ || 24 ||
[Analyze grammar]

kunṛpasya yathā rāṣṭraṃ durbhikṣavyādhitaskaraiḥ |
drāvyate tadvadāpannā pāṇḍavaistava vāhinī || 25 ||
[Analyze grammar]

arkaraśmiprabhinneṣu śastreṣu kavaceṣu ca |
cakṣūṃṣi pratihanyante sainyena rajasā tathā || 26 ||
[Analyze grammar]

tridhābhūteṣu sainyeṣu vadhyamāneṣu pāṇḍavaiḥ |
amarṣitastato droṇaḥ pāñcālānvyadhamaccharaiḥ || 27 ||
[Analyze grammar]

mṛdnatastānyanīkāni nighnataścāpi sāyakaiḥ |
babhūva rūpaṃ droṇasya kālāgneriva dīpyataḥ || 28 ||
[Analyze grammar]

rathaṃ nāgaṃ hayaṃ cāpi pattinaśca viśāṃ pate |
ekaikeneṣuṇā saṃkhye nirbibheda mahārathaḥ || 29 ||
[Analyze grammar]

pāṇḍavānāṃ tu sainyeṣu nāsti kaścitsa bhārata |
dadhāra yo raṇe bāṇāndroṇacāpacyutāñśitān || 30 ||
[Analyze grammar]

tatpacyamānamarkeṇa droṇasāyakatāpitam |
babhrāma pārṣataṃ sainyaṃ tatra tatraiva bhārata || 31 ||
[Analyze grammar]

tathaiva pārṣatenāpi kālyamānaṃ balaṃ tava |
abhavatsarvato dīptaṃ śuṣkaṃ vanamivāgninā || 32 ||
[Analyze grammar]

vadhyamāneṣu sainyeṣu droṇapārṣatasāyakaiḥ |
tyaktvā prāṇānparaṃ śaktyā prāyudhyanta sma sainikāḥ || 33 ||
[Analyze grammar]

tāvakānāṃ pareṣāṃ ca yudhyatāṃ bharatarṣabha |
nāsītkaścinmahārāja yo'tyākṣītsaṃyugaṃ bhayāt || 34 ||
[Analyze grammar]

bhīmasenaṃ tu kaunteyaṃ sodaryāḥ paryavārayan |
viviṃśatiścitraseno vikarṇaśca mahārathaḥ || 35 ||
[Analyze grammar]

vindānuvindāvāvantyau kṣemadhūrtiśca vīryavān |
trayāṇāṃ tava putrāṇāṃ traya evānuyāyinaḥ || 36 ||
[Analyze grammar]

bāhlīkarājastejasvī kulaputro mahārathaḥ |
sahasenaḥ sahāmātyo draupadeyānavārayat || 37 ||
[Analyze grammar]

śaibyo govāsano rājā yodhairdaśaśatāvaraiḥ |
kāśyasyābhibhuvaḥ putraṃ parākrāntamavārayat || 38 ||
[Analyze grammar]

ajātaśatruṃ kaunteyaṃ jvalantamiva pāvakam |
madrāṇāmīśvaraḥ śalyo rājā rājānamāvṛṇot || 39 ||
[Analyze grammar]

duḥśāsanastvavasthāpya svamanīkamamarṣaṇaḥ |
sātyakiṃ prayayau kruddhaḥ śūro rathavaraṃ yudhi || 40 ||
[Analyze grammar]

svakenāhamanīkena saṃnaddhakavacāvṛtaḥ |
catuḥśatairmaheṣvāsaiścekitānamavārayam || 41 ||
[Analyze grammar]

śakunistu sahānīko mādrīputramavārayat |
gāndhārakaiḥ saptaśataiścāpaśaktiśarāsibhiḥ || 42 ||
[Analyze grammar]

vindānuvindāvāvantyau virāṭaṃ matsyamārchatām |
prāṇāṃstyaktvā maheṣvāsau mitrārthe'bhyudyatau yudhi || 43 ||
[Analyze grammar]

śikhaṇḍinaṃ yājñaseniṃ rundhānamaparājitam |
bāhlikaḥ pratisaṃyattaḥ parākrāntamavārayat || 44 ||
[Analyze grammar]

dhṛṣṭadyumnaṃ ca pāñcālyaṃ krūraiḥ sārdhaṃ prabhadrakaiḥ |
āvantyaḥ saha sauvīraiḥ kruddharūpamavārayat || 45 ||
[Analyze grammar]

ghaṭotkacaṃ tathā śūraṃ rākṣasaṃ krūrayodhinam |
alāyudho'dravattūrṇaṃ kruddhamāyāntamāhave || 46 ||
[Analyze grammar]

alambusaṃ rākṣasendraṃ kuntibhojo mahārathaḥ |
sainyena mahatā yuktaḥ kruddharūpamavārayat || 47 ||
[Analyze grammar]

saindhavaḥ pṛṣṭhatastvāsītsarvasainyasya bhārata |
rakṣitaḥ parameṣvāsaiḥ kṛpaprabhṛtibhī rathaiḥ || 48 ||
[Analyze grammar]

tasyāstāṃ cakrarakṣau dvau saindhavasya bṛhattamau |
drauṇirdakṣiṇato rājansūtaputraśca vāmataḥ || 49 ||
[Analyze grammar]

pṛṣṭhagopāstu tasyāsansaumadattipurogamāḥ |
kṛpaśca vṛṣasenaśca śalaḥ śalyaśca durjayaḥ || 50 ||
[Analyze grammar]

nītimanto maheṣvāsāḥ sarve yuddhaviśāradāḥ |
saindhavasya vidhāyaivaṃ rakṣāṃ yuyudhire tadā || 51 ||
[Analyze grammar]