Chapter 158

śrīpuruṣottama uvāca |
śṛṇu nārāyaṇīśri tvaṃ vacmi manuṃ caturdaśam |
indrasāvarṇināmānaṃ bhautyaṃ bhūte sutaṃ śubham || 1 ||
[Analyze grammar]

babhūvāṅgirasaḥ śiṣyo bhūtirnāmnā'tikopanaḥ |
caṇḍaḥ śāpapradaścālpepyarthe kaṭhoravāg ruṣā || 2 ||
[Analyze grammar]

evaṃvidhaṃ tu taṃ jñātvā bhītyā tasyā''śramāntike |
ke'pi naiva prayāntyeva devā api tu bibhyati || 3 ||
[Analyze grammar]

ata eva mātariśvā na vavāvatiniṣṭhuraḥ |
nātipāpaṃ raviścakre parjanyo nātikardamam || 4 ||
[Analyze grammar]

nātiśītaṃ ca śītāṃśurvahnirnātīva dahyati |
api vṛkṣāstato bhītā vallayaśca tṛṇādayaḥ || 5 ||
[Analyze grammar]

anṛtāvapi puṣpādi phalādismṛddhayo'niśam |
bhavantyeva ca vartante ṛtavo'pi tadāśrame || 6 ||
[Analyze grammar]

jalāni saritastasyāśramasamīpagāni vai |
kamaṇḍalugatāścāpi bhavanti tadbhayād rame || 7 ||
[Analyze grammar]

evaṃvidho hi bhūtiḥ so'napatyaḥ putrakāmyayā |
tapastepe bahukālaṃ śītavātā'nalāhataḥ || 8 ||
[Analyze grammar]

yatāhāraḥ kṛśo'bhūccā'navāpyā'pi yathepsitam |
nyavartata tapasaḥ so'bhavanmāṃ parameśvaram || 9 ||
[Analyze grammar]

tamekadā'grajo bhrātā suvarcākhyo nije makhe |
samājuhāva tenā'sau yiyāsurnijaśiṣyakam || 10 ||
[Analyze grammar]

śāntidharmābhidhaṃ cāha gacchāmi cāgrajā'dhvaram |
prati jāgaraṇaṃ vahnestvayā kāryaṃ mamāśrame || 11 ||
[Analyze grammar]

yathāgnirna śamaṃ yāyāttathāśramaṃ ca bhālaya |
itiśiṣyaṃ samājñāpya bhrāturyajñaṃ yayau hi saḥ || 12 ||
[Analyze grammar]

atha śāntiḥ samitpuṣpaphalādyarthaṃ vanaṃ yayau |
āgatya cāśramasevāṃ kurute mārjanādikam || 13 ||
[Analyze grammar]

yāvatsamitpradānārthaṃ vahniśālāṃ yayau hi saḥ |
tāvacchānto'nalastaṃ tu dṛṣṭvā cintāparo'bhavat || 14 ||
[Analyze grammar]

bhūterbhayāccātibhītaḥ śuśocā'tyantaduḥkhitaḥ |
kiṃ karomi mayā kiṃ ca pratipattavyamatra vai || 15 ||
[Analyze grammar]

praśāntāgnimimaṃ dhiṣṇyaṃ yadi paśyati me guruḥ |
tato māṃ viṣame tūrṇaṃ vyasane sa niyokṣyati || 16 ||
[Analyze grammar]

yadanyamagnimatrā'hamagnisthāne karomi cet |
guruḥ pratyakṣadṛg jñātvā māṃ bhasma prakariṣyati || 17 ||
[Analyze grammar]

so'haṃ jāto gurostasya nimittaṃ kopaśāpayoḥ |
dṛṣṭvā praśāntamanalaṃ nūnaṃ śapsyati māṃ guruḥ || 18 ||
[Analyze grammar]

athavā pāvakaḥ kruddho'vaśyaṃ dhakṣyati māṃ tadā |
astu jātaṃ tu tajjātaṃ nā'jātaṃ tad bhaviṣyati || 19 ||
[Analyze grammar]

upāyastatra kartavyo'parādhasya praśāntaye |
yasyā'parādhastasyaivā'bhyarthanā tu kṣamātmikā || 20 ||
[Analyze grammar]

kartavyā'tra mayā so'yaṃ dharmo'tra prathamo mama |
vicāryetthaṃ sa matimān vahristotraṃ jagau tadā || 21 ||
[Analyze grammar]

śaraṇaṃ pāvakaṃ gatvā tvekacittaḥ stavaṃ vyadhāt |
oṃ namo'nantaśaktyugraśaktyātmane hareḥ prabhoḥ || 22 ||
[Analyze grammar]

oṃ namaḥ sarvalokānāṃ makhasādhanamūrtaye |
ekadvipañcadhiṣṭyāya rājasūye ṣaḍātmane || 23 ||
[Analyze grammar]

pratyakṣadevarūpāya namaste devavṛttaye |
sarvavarṣmavatāṃ śukrarūpāya baline namaḥ || 24 ||
[Analyze grammar]

tvaṃ mukhaṃ sarvadevānāmīśvarāṇāṃ harerapi |
tvaṃ pākaḥ sarvabhūtānāmannānāṃ rasināṃ tathā || 25 ||
[Analyze grammar]

hutaṃ havirbhakṣayaṃstvaṃ meghatvāya karoṣi vai |
vṛṣṭirūpaṃ tu tad bhūtvauṣadhivrātān prapuṣyati || 26 ||
[Analyze grammar]

tatphalādyairbhūtavāsāḥ sukhaṃ jīvanti jantavaḥ |
tatsamidbhirjanā yajñān prakurvanti surā api || 27 ||
[Analyze grammar]

daityāśca rākṣasāścāpi tvadādhārā vibhāvaso |
jarāyūjāścāṇḍajāśca svedajā bhūmijā api || 28 ||
[Analyze grammar]

āpyāyante tvayā sarve saṃvṛdhyante tvayā'nala |
saṃrakṣyante tvayā sarve tathā māṃ parirakṣaya || 29 ||
[Analyze grammar]

deveṣu taijasatvaṃ vai kānti siddheṣu vai bhavān |
viṣaṃ nāgeṣu cāsse tvaṃ vāyubhāgaḥ patatriṣu || 30 ||
[Analyze grammar]

manujeṣu paśupakṣigaṇe krodho bhavānapi |
avaṣṭaṃbhaśca taruṣu kāṭhinyaṃ tvaṃ kṣitāvapi || 31 ||
[Analyze grammar]

jale dravo bhavāneva javo bhavān hi vāyuṣu |
vyāpakastvaṃ nabhasyeva sarvaṃbhūtāntarasthitaḥ || 32 ||
[Analyze grammar]

tvamekastrividhaścāpyaṣṭadhā sahasradhāpi ca |
svāhāsvadhādibhirbhoktā havyakavyasya vai bhavān || 33 ||
[Analyze grammar]

hetiṣvāpi bhavāneva dhārāsu saṃvirājate |
jātavedo namastubhyaṃ piṃgākṣa te namo'stu ca || 34 ||
[Analyze grammar]

hutāśana namaste'stu namaste havyavāhana |
pāvakā'dya namaste'stu namaste viśvapāvaka || 35 ||
[Analyze grammar]

pākakartarnamaste'stu poṣṭaste ca namo namaḥ |
tvaṃ jyotistvaṃ mahādityo vibhāvaso namo'stu te || 36 ||
[Analyze grammar]

hiraṇyaretā vahnistvaṃ saptajihva namo'stu te |
kālī karālī ca manojavā ca lohitā tathā || 37 ||
[Analyze grammar]

dhūmrā sphullaṃginī viśvā saptajihvāḥ śubhāstava |
kālaniṣṭhākarī cādyā dvitīyā pralayaṃkarī || 38 ||
[Analyze grammar]

tṛtīyā laghimākāryā caturthī kāmakāriṇī |
pañcamī rogadā ṣaṣṭhī sarvapudgalakāriṇī || 39 ||
[Analyze grammar]

saptamī śarmadā jvālā tābhyaḥ pāhi mahābhayāt |
piṃgākṣa lohitagrīva kṛṣṇavarṇaṃ hutāśana || 40 ||
[Analyze grammar]

trāhi māṃ bhayato vahne kṛśāno havyavāhana |
sāmudravāḍavākhyastvaṃ jāṭharastvaṃ tu pācanaḥ || 41 ||
[Analyze grammar]

vaiśvānaraḥ somapastvaṃ havirbhuk pāhi māṃ bhayāt |
tavā'rcibhiḥ spṛṣṭametad dravyaṃ śuci prajāyate || 42 ||
[Analyze grammar]

bhasmanā te śuci sarvaṃ māṃ śuciṃ tva vidhāpaya |
pitā putra tathā māṃ tvaṃ rakṣa prāptabhayādiha || 43 ||
[Analyze grammar]

prakāśaṃ svayamāyāhi bhaktasyātra kṛte'nala |
yathā māṃ na gururbhūtirdahecchāpena rakṣaya || 44 ||
[Analyze grammar]

evaṃ stuto'nalastasya śānteragre sumūrtimān |
prītaścāgatyāha śāntiṃ bhayaṃ mā te gurormama || 45 ||
[Analyze grammar]

tuṣṭo'smi tava bhaktyā'haṃ stotreṇāpi varaṃ vṛṇu |
śāntiḥ prāha bhayahīno bhavāmi tava darśanāt || 46 ||
[Analyze grammar]

gururbhūtiḥ samāgatya tvāṃ paśyatu dhiṣṇyagam |
aputrasya guroḥ putro viśiṣṭaśca bhavatvapi || 47 ||
[Analyze grammar]

ityukto'naladevaśca prāha prasannatānvitaḥ |
gurvarthaṃ varadānaṃ te nātmārthaṃ ca tvayārthitam || 48 ||
[Analyze grammar]

tato'dhikaṃ prasanno'smi tathā'stviti dadāmyaham |
manvantarādhipaḥ putro bhautyo nāma gurostava || 49 ||
[Analyze grammar]

caturdaśo mahendrādisthāpyaḥ prājño bhaviṣyati |
guruḥ śāntipriyaścāpi bhaviṣyati na saṃśayaḥ || 50 ||
[Analyze grammar]

ahaṃ kuṇḍe bhavāmyeva jvālāyuktaḥ samitsu ca |
etatstotreṇa me stotā niṣpāpo yajñapuṇyabhāg || 51 ||
[Analyze grammar]

upadravavihīnaśca bhaviṣyati na saṃśayaḥ |
ityuktvā bhagavānagniḥ kuṇḍe tatrā'vasaddhasan || 52 ||
[Analyze grammar]

athā''jagāma bhūtiśca sauhārdapūrito'bhavat |
papraccha śiṣyaṃ hetuṃ ca sauhārdasya śamasya ca || 53 ||
[Analyze grammar]

śāntiḥ sarvaṃ ca vṛttāntaṃ yathāvat prāha bhūtaye |
prasannaḥ sa gururbhūtvā vedān śiṣyāya vai dadau || 54 ||
[Analyze grammar]

bhautyo nāma manuḥ putro bhūtestatrāpyajāyata |
śucirindrastathā devā bhautyaṃ manuṃ ca jagṛhuḥ || 55 ||
[Analyze grammar]

indrasāvarṇināmānaṃ manvantaraṃ ca devatāḥ |
pupūjuḥ sarvathā tatra puṣpākṣatasucandanaiḥ || 56 ||
[Analyze grammar]

evaṃ lakṣmi bhavitā'yamindrasāvarṇināmakaḥ |
sāyaṃ tato manuḥ so'yaṃ kathitaste caturdaśaḥ || 57 ||
[Analyze grammar]

manūn śrutvā śivarājñīlakṣmi santatimuttamām |
sarvakāmān dhanaṃ jñānaṃ buddhiṃ bhāryāṃ surūpiṇīm || 58 ||
[Analyze grammar]

ārogyaṃ ca balaṃ pautraṃ putraṃ māhātmyamuttamam |
śubhaṃ matiṃ jayaṃ jñātiśraiṣṭhyaṃ ca labhate bahu || 59 ||
[Analyze grammar]

arināśaṃ surāṇāṃ ca prasannatāṃ pravindati |
pāpebhyaścāpi sarvebhyo mucyate śravaṇādapi || 60 ||
[Analyze grammar]

śrutaṃ dharmaṃ ca sammānaṃ sveṣṭaṃ labhate sampadaḥ |
gāḥ pṛthivīṃ nṛpatitvaṃ pradhānatvaṃ ca vindati || 61 ||
[Analyze grammar]

āyuṣyamudayaṃ cāpi vairāgyaṃ labhate tataḥ |
ādhyātmikyunnatiṃ svargaṃ śrīmattvaṃ labhate tathā || 62 ||
[Analyze grammar]

manavastu madaṃśāste mayā nivāsitā rame |
tatpūjā mama pūjaiva tatkathā matkathā matā || 63 ||
[Analyze grammar]

tatra tejo mayā kṣiptaṃ cakravartitvadāyakam |
ārādhanena me te vai bhaktā me manavo'bhavan || 64 ||
[Analyze grammar]

bhaviṣyantyapare cāpi kalpāntareṣu te'pi ca |
babhūvuścāpi ye te'pi madaṃśā manavo matāḥ || 65 ||
[Analyze grammar]

manvādyatithayaḥ sarvāvratātmikāḥ supuṇyadāḥ |
pavitrā dānakartṝṇāṃ svargadā bhūpatitvadāḥ || 66 ||
[Analyze grammar]

iti lakṣmi mayā prokto manūnāmudbhavastava |
brūhi kiṃ śrotumicchā te vartate tad vadāmi hi || 67 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne caturdaśasya manorākhyānamitinirūpaṇanāmā aṣṭapañcāśadadhikaśatatamo'dhyāyaḥ || 158 ||
[Analyze grammar]