Chapter 159

śrīnārāyaṇīśrīruvāca |
tṛptā'haṃ bhavato vākyāmṛtaiḥ śāśvatamodinī |
vihartuṃ vai vimānena yāsyāmo yadi rocase || 1 ||
[Analyze grammar]

śrīpuruṣottama uvāca |
sarvabrahmapriyāścāpi haripriyāstathā'parāḥ |
sajjā bhavantu vai sarvā yāsyāmo himavadgirim || 2 ||
[Analyze grammar]

ityuktāstāḥ samastā vai sajjāstūrṇaṃ śriyā saha |
abhavan kṛtaśṛṃgārā āruruhurvimānakam || 3 ||
[Analyze grammar]

atyutsāhayutā nāryo kāntena hariṇā saha |
ākṣareṇa vimānena yayurdeśān vilokitum || 4 ||
[Analyze grammar]

catuṣṭilādriṃ saṃvīkṣyānartadeśān vilokya ca |
camatkārapuraṃ nārāyaṇīśrīgirimīkṣya ca || 5 ||
[Analyze grammar]

suvarṇadvīpamīkṣyā'pi samudraṃ pravilaṃghya ca |
nārāyaṇasaro vīkṣya kacchamullaṃghya sindhukīm || 6 ||
[Analyze grammar]

nadīṃ snātvā pāvayitvā vīkṣya śilavatparvatam |
indukuśaṃ pravīkṣyāmi kārukāraṃ pravīkṣya ca || 7 ||
[Analyze grammar]

śrīnagaraṃ kaśyapāraṃ vīkṣya himādrimāyayuḥ |
saptasindhuparvatāṃśca vīkṣya nandāsatīṃ yayuḥ || 8 ||
[Analyze grammar]

tayā sampūjitaḥ kṛṣṇaḥ kṛṣṇā brahmapriyādikāḥ |
prāpya pūjāṃ tayā dattāṃ tāmāśliṣya hṛdambujaiḥ || 9 ||
[Analyze grammar]

nandāṃ devīṃ pāvayitvā samaikṣanta vanāni tāḥ |
gaṃgāṃ suśobhitāṃ cāpi samaikṣanta sulambitām || 10 ||
[Analyze grammar]

gandharvādyaiḥ samākīrṇāṃ nityaṃ devādisevitām |
surebhamadasaṃsiktāṃ samantāddhastirājitām || 11 ||
[Analyze grammar]

tapasviśaraṇopetāṃ devabrāhmaṇasevitām |
sitahaṃsāvalicchannāṃ kāśacāmararājitām || 11 ||
[Analyze grammar]

puṇyāṃ suśītalāṃ hṛdyāṃ manasāṃ prītivardhinīm |
kṣayavṛddhiyutāṃ ramyāṃ dvijasaṃghaniṣevitām || 13 ||
[Analyze grammar]

amṛtasvādusalilāṃ tāpasairupaśobhitām |
svargārohaṇaniḥśreṇīṃ sarvakalmaṣanāśinīm || 14 ||
[Analyze grammar]

suśītaśīghrapānīyāṃ maharṣigaṇasevitām |
sarvalokasya cautsukyakāriṇīṃ cittahāriṇīm || 15 ||
[Analyze grammar]

puṇyadāṃ sarvalokānāṃ nākamārgapradāyinīm |
menāsārasasaṃghuṣṭāṃ jalajairupaśobhitām || 169 ||
[Analyze grammar]

āvartanābhigaṃbhīrāṃ dvīporujaghanasthalīm |
nīlanīrajanetrāḍhyāṃ protphullakamalānanām || 17 ||
[Analyze grammar]

himābhaphenavasanāṃ cakravākādharānvitām |
balākāpaṃktidarśanāṃ calanmatsyāvalibhruvam || 18 ||
[Analyze grammar]

jalamāṃtagakandhrastharamyakuṃbhapayodharām |
haṃsanūpurasaṃghuṣṭāṃ mṛṇālavalayāvalīm || 19 ||
[Analyze grammar]

svatīradrumavallījarajoyogasugandhinīm |
taraṃgavrātasaṃkrāntasūryamaṇḍaladurdṛśam || 20 ||
[Analyze grammar]

surebhajanitāghātavikūladvayamattinīm |
śakrebhagaṇḍasalilairdevastrīkucacandanaiḥ || 21 ||
[Analyze grammar]

sugandhisalilāṃ lobhāt ṣaṭpadairatisevitām |
tapodhanānāṃ devānāmapsarasāṃ nṛyoṣitām || 22 ||
[Analyze grammar]

sukhaśāntipradāṃ pāpahāriṇīṃ ghoṣakāriṇīm |
muktaiścarṣigaṇairdevaiḥ pitṛbhirmānavaiḥ śritām || 23 ||
[Analyze grammar]

yakṣarākṣasagandharvairgaṇaiḥ siddhaiśca cāraṇaiḥ |
daivatairdevavṛkṣaiśca sevitāṃ samalokayat || 24 ||
[Analyze grammar]

sasnustasyāmavatīrya brahmapriyā haripriyāḥ |
anādiśrīkṛṣṇanārāyaṇaḥ koṭisvarūpavān || 25 ||
[Analyze grammar]

tābhiḥ saha jale sasnau tāsāṃ manāṃsyapūrayan |
ādhāya tāsāṃ saugandhyaṃ śṛṃgārasya dravāṃstathā || 26 ||
[Analyze grammar]

kṛtakṛtyā'bhavad gaṃgā prāksakhījanasaṃgatā |
śrīhareścāpi yogena śāśvatīṃ tṛptimāpa sā || 27 ||
[Analyze grammar]

atha veṣān pradhāryaitāḥ kṛtvā śṛṃgāramuttamam |
vimānaṃ tvadhiruhyaiva dadṛśire himālayam || 28 ||
[Analyze grammar]

samullikhadbhirbahubhirvṛtaṃ śṛṃgaistu pāṇḍuraiḥ |
pāṇḍurajaṭibhiścāpi tāpasaiścāpyadhiśritam || 29 ||
[Analyze grammar]

pāresahasranirjharasaridbhiḥ paṭṭapāṇḍuram |
pāresahasrahimavacchīkharaiḥ svargapāṇḍuram || 30 ||
[Analyze grammar]

devadāruvanairnīlaiḥ kṛtā'dhovasanaṃ tathā |
śvetameghakṛtoṣṇīṣaṃ nīlameghottarīyakam || 31 ||
[Analyze grammar]

kvaciccandrārkamukuṭaṃ kvaciddhātusamanvitam |
himānuliptamadhyāṃgaṃ pārśvayoścandanānvitam || 32 ||
[Analyze grammar]

sālaktakairapsarasā mudritaṃ caraṇaiḥ kvacit |
kvaciddivākaraspṛṣṭaṃ kvacicchāyātamaḥśritam || 33 ||
[Analyze grammar]

darīmukhaiḥ kvacidvāri prasravantaṃ hi pāvanam |
kvacidvidyādharagaṇaiḥ krīḍadbhirupaśobhitam || 34 ||
[Analyze grammar]

kinnarāṇāṃ gaṇairgītaṃ kvacit kiṃpuruṣairapi |
tapasviśaraṇaṃ siddhairvihṛtaṃ divyamānavaiḥ || 35 ||
[Analyze grammar]

niruddhapavanairdeśairnīlaśādvalamaṇḍitaiḥ |
kusumaiśca kvacid vyāptaṃ mahodyānamiva sthitam || 36 ||
[Analyze grammar]

mṛgaiḥ kvacittu caritaṃ dantibhinnamahādrumam |
siṃhaśārdūlanādaiśca nāditaṃ gahvarāyutam || 37 ||
[Analyze grammar]

himacchatramahāśṛṃgaṃ prapātaśatanirjharam |
vaṃśastambavanākāraiḥ pradeśairupaśobhitam || 38 ||
[Analyze grammar]

vṛddharṣipratimaṃ vṛddhasahasraśīrṣasadṛśam |
himasaṃruddhamārgaṃ ca rājatānukṛtisthitam || 39 ||
[Analyze grammar]

vilokya parvataṃ sarvā mudaṃ parāṃ hi lebhire |
araṇyāni vicitrāṇi dadṛśire'titadrasāḥ || 40 ||
[Analyze grammar]

śālaistālaistamālaiśca karṇikāraiḥ saśāmalaiḥ |
nyagrodhaiśca mahāśvatthaiḥ śirīṣaiḥ śiṃśapādrumaiḥ || 41 ||
[Analyze grammar]

mahānimbaiśca yuktāni nirguṇḍībhirharidrumaiḥ |
kāleyakairdevadārudrumairnimbaiśca padmakaiḥ || 42 ||
[Analyze grammar]

kapitthaiścandanairbilvaiḥ raktacandanapādapaiḥ |
vātāmrai riṣṭakaiścākṣoṭakairarjunapādapaiḥ || 43 ||
[Analyze grammar]

abjakairhastikarṇaiḥ sumanasaiḥ panasaistathā |
prācīnāmalakaiḥ kovidāraiśca dhanakaistathā || 44 ||
[Analyze grammar]

samarāṭaiḥ kharjūrakairnārikelaiśca khārikaiḥ |
priyālubhiśceṅgudaiśca tantumālairdhavaistathā || 45 ||
[Analyze grammar]

kāśmīrīparṇibhiścāmrātakaiścūtaiśca sarjakaiḥ |
jātīphalaiḥ pūgaphalaiḥ pippalīplakṣakhādiraiḥ || 46 ||
[Analyze grammar]

kaṭphalaiśca lavaṃgādyairelābhiḥ kusumāṃ'śukaiḥ |
kiṃśukaiḥ khadirairmandārakaiśca kovidārakaiḥ || 47 ||
[Analyze grammar]

yavāsaiḥ śamībhiścāpi vetasairambuvetasaiḥ |
raktātiraṃganāraṃgaiḥ karavīraiśca ciñcubhiḥ || 48 ||
[Analyze grammar]

hiṃgubhirjambīrakaiśca licikābhiḥ priyaṅgubhiḥ |
jāmbūbhiḥ rāvaṇaiścāpi kaṭaguṃdaiḥ khalīlakaiḥ || 49 ||
[Analyze grammar]

raktāśokairaśokaiśca kallaiḥ śrīpādapaistathā |
āmalakaiḥ śobhitāni codumbaraiśca campakaiḥ || 50 ||
[Analyze grammar]

śvetacampaiḥ rājacampairmucakundaiśca kundakaiḥ |
parūṣakaiḥ kadambaiśca pārijātairgalāṭakaiḥ || 51 ||
[Analyze grammar]

kirātaiḥ ketakaiścāpi saubhāñjanairnikoṭakaiḥ |
vallakapādapairbadrīdrumairakṣoṭakaistathā || 52 ||
[Analyze grammar]

kañjarībhiḥ sarjakaiśca sālaistālaistamālakaiḥ |
sahakāraiścāraḍūsairbarburaiḥ rāmaphālakaiḥ || 53 ||
[Analyze grammar]

sītāphalairyāmaphalaiścāmṛtai rāyaṇādibhiḥ |
tumburupādapaiścāpi thūrakairhastadhūrakaiḥ || 54 ||
[Analyze grammar]

ceriṭaiścārjunaiścāpi tilakai raktakesaraiḥ |
madhukaistulasībhiśca vṛndābhistigmagandhakaiḥ || 55 ||
[Analyze grammar]

bakulaiśca karmadaiśca punnāgaiḥ ketakaistathā |
yūthikābhirjātiphalairlocaistilaiḥ kuśeśayaiḥ || 56 ||
[Analyze grammar]

pāribhadrairharidraiśca kadambakuṭajādibhiḥ |
mustakaiḥ kuṃkumaiḥ kaṃbhairnīpaiḥ pālīvanaistathā || 57 ||
[Analyze grammar]

raktapuṣpaiḥ sūryamukhaiḥ sāraghavaiḥ phalīdrumaiḥ |
dāḍimairbandhūkakaiśca kuṃjalairmallikādibhiḥ || 58 ||
[Analyze grammar]

kurabakairbījapūraiḥ karpūraiścāgurudrumaiḥ |
guggulaiścekṣubhiścāpi hintālaiścakramardanaiḥ || 59 ||
[Analyze grammar]

pīlubhirdhātakībhiśca cirabilvaiśca lodhrakaiḥ |
kṣīrikābhiraśmakaiśca navaraṃgaistrikhaṭvakaiḥ || 60 ||
[Analyze grammar]

bhallātakairindrayavairguñjābhiḥ karamardakaiḥ |
aviṣṭakaiśca sadrākṣairdrākṣābhiḥ putrajīvakaiḥ || 61 ||
[Analyze grammar]

kaṃkolaiśca lavaṃgaiśca pratānairnāgavallibhiḥ |
marīcairmallikābhiśca muktakaistrapusaistathā || 62 ||
[Analyze grammar]

kuṣmāṇḍakaiścirbhaṭaiśca paṭolaiḥ kāravellakaiḥ |
karkoṭakaiśca vārtākairmūlakaiḥ svādukaṇṭakaiḥ || 63 ||
[Analyze grammar]

śṛṃgāṭakaiśca kalhāraiḥ sarṣapaiḥ śobhitāni ca |
somavallīsaṃdhinīvallikāsañjīvanītṛṇaiḥ |
kākālībhiḥ kāsamarddibhiśca śakandalaistathā || 64 ||
[Analyze grammar]

śimbivanaiḥ sasyavanairveṇubhiḥ kīcakaistathā |
śaragulmaiśca kārpāsaiḥ svarṇadrumaiśca bhūtṛṇaiḥ || 65 ||
[Analyze grammar]

śṛṃgaverājamodābhiḥ kuberakaiḥ priyālakaiḥ |
kumudaiścotpalaiścāpi sthalapadmaiḥ kaserukaiḥ || 66 ||
[Analyze grammar]

mṛṇālaiśca godhūmakai rājikābhirnīvārakaiḥ |
śobhitāni hyaraṇyāni samaikṣanta hareḥ priyāḥ || 67 ||
[Analyze grammar]

dadṛśire tathā tatra nānārūpān patatriṇaḥ |
mayūrān śatapatrāṃśca kalaviṃkāṃśca kokilān || 68 ||
[Analyze grammar]

kādambakāṃśca haṃsāṃśca koyaṣṭīn khañjarīṭakān |
kurarān kālakūṭāṃśca khaṭvāṃgān lubdhakāṃstathā || 69 ||
[Analyze grammar]

gokṣveḍakāṃstathā kuṃbhān dhārtarāṣṭrān śukān bakān |
dhātukāṃścakravākāṃśca kaṭukān ṭiṭṭibhān bhaṭān || 70 ||
[Analyze grammar]

pārāvatāṃśca kamalān sārikā hallarāṃstathā |
lāvān prabhadrakāṃścāpi garuḍān tāmracūḍakān || 71 ||
[Analyze grammar]

kukkuṭān kṛṣṇacaṭakān tittirān kalahaṃsakān |
kāṣṭhakuṭṭān kalaviṃkān kapiñjalāṃśca ḍiṇḍamān || 72 ||
[Analyze grammar]

bhūliṃgān sīrapādāṃśca bhṛṃgarājān vyalokayan |
dātyūhān caṭakān kāraṇḍavān caṣāṃśca cātakān || 73 ||
[Analyze grammar]

śukānmayūrakān bhāradvājān haṃsān vyalokayan |
anekajātijātāṃśca pakṣisaṃghān vyalokayan || 74 ||
[Analyze grammar]

śvāpadān vividhākārān mṛgāṃścāpi vyalokayan |
vyāghrān kesariṇaḥ siṃhān dvīpinaḥ śarabhān vṛkān || 75 ||
[Analyze grammar]

ṛkṣāṃstarakṣūṃśca kapīn golāṅgulān prageṇḍakān |
vānarān śaśakān mārjārakān vṛkāṃśca bhallukān || 76 ||
[Analyze grammar]

mātaṃgān mahiṣāṃścāpi gavayān camarān vṛṣān |
gaurakharāṃśca sṛmarān meṣān sāraṃgakānapi || 77 ||
[Analyze grammar]

kukurānnīlakāṃścāpi karālān śambarāṃstathā |
rāmaśarabhān toraṇān kālapucchān varāhakān || 78 ||
[Analyze grammar]

turagān gardabhāṃścāpi reṇḍīyarāṃśca citrakān |
vyalokayan striyaḥ sarovarānnadīḥ sitodakān || 79 ||
[Analyze grammar]

praṇālikāni coṣṇāni śītalāni ca bhāgaśaḥ |
kandarāṇi ca śailasya vyalokayan haripriyāḥ || 80 ||
[Analyze grammar]

athā'gre saṃvyapaśyaṃśca ṛṣeratreḥ śubhāśramam |
naisargikaprabhāyuktaṃ hiṃsādoṣādivarjitam || 81 ||
[Analyze grammar]

himapāto na tatrāsti samantātpañcayojanam |
atriṇā pūjitaḥ kṛṣṇaḥ kṛṣṇāśca purato yayuḥ || 82 ||
[Analyze grammar]

tatsannidhau ramaṇīyaṃ śikharaṃ pāṇḍuraṃ mahat |
himapātaṃ ghanā yatra kurvanti sahitāḥ khalu || 83 ||
[Analyze grammar]

athāgre śikharaṃ tvanyad vartate cocchritaṃ param |
nityamevābhivarṣanti toyaṃ himaṃ ghanā muhuḥ || 84 ||
[Analyze grammar]

dvayoḥ śikharayormadhye śṛṃgamatyantamucchritam |
tasya kaṭyāṃ vṛkṣagaṇā vartante paścime śubhāḥ || 85 ||
[Analyze grammar]

tamovyāptā nibiḍāśca phalapuṣpādiṛddhayaḥ |
na tatra sūryastapati rājate nahi candramāḥ || 86 ||
[Analyze grammar]

tathāpi divasābho vai prakāśastatra vidyate |
badaryastatra vidyante maharṣayo vasanti ca || 87 ||
[Analyze grammar]

vimānaṃ tvambarāttatra koṭisūryasamaprabham |
avātarad viśālāyāṃ pradyotat sarvatodiśaḥ || 88 ||
[Analyze grammar]

naro nārāyaṇaścāpi bhaktidharmau maharṣayaḥ |
tūrṇamāścaryamāpannā vimānaṃ prati cāyayuḥ || 89 ||
[Analyze grammar]

dṛṣṭvā nārāyaṇakṛṣṇaśrīpatiṃvallabham prabhum |
anādiśrīkṛṣṇanārāyaṇabrahmaparaprabhum || 90 ||
[Analyze grammar]

pupūjuḥ sahasā sarve jalacandanasatphalaiḥ |
naranārāyaṇau cāpi pūjitau ca parātmanāṃ || 91 ||
[Analyze grammar]

nārāyaṇībhiḥ sarvābhiḥ pūjito bhrātarāvubhau |
maharṣayaḥ pūjitāśca vanditāśca kṣamāpitāḥ || 92 ||
[Analyze grammar]

tato dānāni dattvaiva sevitvā hṛdayodbhavaiḥ |
bhāvaistān sādhuvaryāṃśca natvā bhaktiṃ vṛṣaṃ harim || 93 ||
[Analyze grammar]

vimānamadhiruhyā'tha tadagre prayayustataḥ |
himācalaḥ svayaṃ rājeśvaro bhūtvā samenakaḥ || 94 ||
[Analyze grammar]

pūjārthamāyayau kṛṣṇavimānaṃ prati sotsukaḥ |
natvā pūjāṃ vidhāyā'pi prārthayad bhavanaṃ prati || 95 ||
[Analyze grammar]

samāgantuṃ hariṃ so'pi tadicchayā''layaṃ yayau |
samantātparvatānāṃ vai prākārāḥ śvetahīmajāḥ || 96 ||
[Analyze grammar]

madhye droṇī viśālā ca sarovarādiśobhitāḥ |
udyānādiyutā tatra prāsādo nagarānvitaḥ || 97 ||
[Analyze grammar]

himālayasya subhago vidyate sumanoharaḥ |
avātarad vimānaṃ vai tatra prākārabhūsthale || 98 ||
[Analyze grammar]

himālayagṛhe'nādikṛṣṇanārāyaṇasya vai |
menā himālayaścāpi svāgataṃ pūjanaṃ tathā || 99 ||
[Analyze grammar]

harerharipriyādīnāṃ cakraturvai yathocitam |
ānandaṃ parvato lebhe nārāyaṇasya darśanāt || 100 ||
[Analyze grammar]

nyavāsayanmahāsaudhe parameśaṃ priyāyutam |
amṛtāni subhojyāni kārayāmāsa satvaram || 101 ||
[Analyze grammar]

bhojayāmāsa śīghraṃ cārārtrikaṃ ca vyadhāt tataḥ |
śrīhariśca viśaśrāma priyābhiḥ sevito mudā || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne brahmapriyādibhiḥ sahito vimānena śrīkṛṣṇanārāyaṇo pṛthivīṃ paśyan himālayagṛhaṃ yayāvityādinirūpaṇanāmā navapañcāśadadhikaśatatamo'dhyāyaḥ || 159 ||
[Analyze grammar]