Chapter 147

śrīpuruṣottama uvāca |
ativṛṣṭiranāvṛṣṭirdurbhikṣādibhayaṃ matam |
anṛtau tu divā'nantā vṛṣṭirbodhyā bhayapradā || 1 ||
[Analyze grammar]

anabhre vaikṛtāścāpi vijñeyā rājamṛtyave |
śītoṣṇānāṃ viparyāse nṛpāṇāṃ ripujaṃ bhayam || 2 ||
[Analyze grammar]

śoṇitaṃ varṣate yatra tatra śastrabhayaṃ bhavet |
aṃgārapāṃsuvarṣāyāṃ nagarasya vināśanam || 3 ||
[Analyze grammar]

majjā'sthisnehamāṃsānāṃ janamārabhayaṃ mahat |
dhānyapuṣpaphalānneṣu tathā śatrubhayaṃ mahat || 4 ||
[Analyze grammar]

pāṃsuvarṣā phalānāṃ tu rogabhītikarī matā |
akāle cā'nnavarṣāyāṃ sasyānāṃ bhayamāpatet || 5 ||
[Analyze grammar]

virajaske ravau vyabhre yadā chāyā na dṛśyate |
dṛśyate cet pratīpā vai tadā deśabhayaṃ bhavet || 6 ||
[Analyze grammar]

akāle karakāvṛṣṭau duṣkālasya bhayaṃ bhavet |
nirabhre vā tathā rātrau śvetaṃ yāmyottareṇa tu || 7 ||
[Analyze grammar]

indradhanustathā colkāpāto gandharvapattanam |
digdāhaḥ pariveṣaśca diśāṃ malinatā'pi cet |
paracakrabhayaṃ syādvai svadeśopadravo'pi ca || 8 ||
[Analyze grammar]

tacchāntyarthaṃ sūryayajñaṃ candrayajñaṃ prakārayet |
parjanyayajñaṃ ca tathā marudyajñaṃ prakārayet || 9 ||
[Analyze grammar]

dhanaṃ dravyaṃ kāṃcanaṃ ca gā dadyāt tatra dakṣiṇāḥ |
utpātāste śāntimāpya phaladā na bhavanti vai || 10 ||
[Analyze grammar]

śṛṇu lakṣmi tathā cānyānutpātān duḥkhaśaṃsakān |
nagarādupasarpante samīpamupayānti vā || 11 ||
[Analyze grammar]

nadyo hradāḥ prasravāṇi virasāśca bhavanti vā |
vivarṇaṃ kaluṣaṃ taptaṃ phenavajjantusaṃkulam || 12 ||
[Analyze grammar]

snehaṃ kṣīraṃ surāṃ raktaṃ vahante vā kulodakāḥ |
ṣaṇmāsābhyantare tatra paracakrabhayaṃ bhavet || 13 ||
[Analyze grammar]

jalāśayā nadante vā prajvalanti yathā'nalaiḥ |
vimuñcanti tathā lakṣmi jvālādhūmarajāṃsi ca || 14 ||
[Analyze grammar]

yadvā teṣu jalotpattiḥ susattvā vā jalāśayāḥ |
saṃgītaśabdāḥ śrūyante janamārabhayaṃ bhavet || 15 ||
[Analyze grammar]

tacchāntyai madhutailājyairhavanaṃ tvācarennṛpaḥ |
japettu vāruṇānmantrān jāpayed viprakovidaiḥ || 16 ||
[Analyze grammar]

jale homo jale cāpyabhiṣecanaṃ ghṛtādibhiḥ |
madhvājyapāyasaṃ dadyād bhojane sādhuyoginām || 17 ||
[Analyze grammar]

śvetāmbarayutā gāśca dadyācchrīgurave tathā |
jalakuṃbhān pradadyādvai ratnamauktikamarpayet || 18 ||
[Analyze grammar]

śṛṇu lakṣmi tathā cā'nyannārīṣu vikṛtiṃ yathā |
akālaprasavā nāryaḥ kālātītaprajāstathā || 19 ||
[Analyze grammar]

vikṛtaprasavāścāpi yugmatriprasavāśca vā |
amānuṣā hyatuṇḍāśca sañjātavyasanāḥ striyaḥ || 20 ||
[Analyze grammar]

hīnāṃgā adhikāṃgāśca prasūyante vasanti ca |
paśavaḥ pakṣiṇaścāpi jantavaśca sarīsṛpāḥ || 21 ||
[Analyze grammar]

yatra deśe'thavā grāme kule vā tādṛśā yadi |
vināśastasya deśasya grāmasya vā kulasya vā || 22 ||
[Analyze grammar]

nṛpastādṛśahīnāṃgānnarānnārīrvivāsayet |
svarāṣṭre sūyamānāśca strījātīḥ śāntayeddhavaiḥ || 23 ||
[Analyze grammar]

nārīyajñaṃ prakuryādvai havanaṃ bhojanādikam |
nārīṇāṃ bālikānāṃ ca vastrālaṃkārakārpaṇam || 24 ||
[Analyze grammar]

mātṝṇāṃ devatānāṃ ca devīnāṃ pūjanaṃ tathā |
yoginīnāṃ satīnāṃ ca sādhvīnāṃ pūjanaṃ tathā || 25 ||
[Analyze grammar]

rādhālakṣmīprabhāpāravatīnāṃ pūjanaṃ caret |
māṇikyāduḥkhahālakṣmīmahālakṣmīprapūjanam || 26 ||
[Analyze grammar]

lalitāyamunāgaṃgāratibhaktiprapūjanam |
kuladevīprapūjāṃ ca kuryāttathaiva kārayet || 27 ||
[Analyze grammar]

kasyecchakaiḥ prakuryācca vipratarpaṇamityapi |
tataḥ śāntirbhavellakṣmi hyapapadravo na jāyate || 28 ||
[Analyze grammar]

śṛṇu nārāyaṇīśri tvaṃ yānopadravasūcanām |
yānti yānānyayuktāni yuktānyapi na yānti ca || 29 ||
[Analyze grammar]

nodyamānānyapi pṛṣṭhe yānti tatra mahadbhayam |
vāhyamānā na vāhyante vāhyante nātyanāhatāḥ || 30 ||
[Analyze grammar]

acalāśca calantyeva na calanti calāni ca |
ākāśe tūryanādāśca gītagāndharvaniḥsvanāḥ || 31 ||
[Analyze grammar]

kāṣṭhadarvīkuṭhārādi vikāraṃ kurute yadi |
gāvo lāṅgūlahananaiḥ striyaḥ strīśca pratāḍayet || 32 ||
[Analyze grammar]

upaskarādivikṛtau ghoraṃ śastrabhayaṃ bhavet |
tacchāntyarthaṃ vāyupūjāṃ kārayed viprapūjanam || 33 ||
[Analyze grammar]

saktūn dadyādambarādi miṣṭānnāni tu vāyave |
pavamānamahāmantrān mārutāṃśca manūn japet || 34 ||
[Analyze grammar]

paramānnaṃ bhojayecca havanaṃ pāyasādibhiḥ |
dakṣiṇā bhūyasīrdadyāttena śāntirbhaved rame || 35 ||
[Analyze grammar]

śṛṇu śrīśivarājñīśri tathā'nyat paśusūcanam |
praviśanti yadā grāmamāraṇyā vanapakṣiṇaḥ || 36 ||
[Analyze grammar]

araṇyaṃ yānti vā grāmyāḥ sthalaṃ yānti jalaukasaḥ |
sthalaukaso jalaṃ yānti ghoraṃ vāśanti nirbhayāḥ || 37 ||
[Analyze grammar]

rājadvāre puradvāre śivā ghūkāḥ śvajātayaḥ |
dine rātriṃcarā yadvā rātrau dinacarāstathā || 38 ||
[Analyze grammar]

grāmyāstyajanti vai grāmaṃ śūnyatā tatra vai phalam |
dīptā vāśanti sandhyāsu maṇḍalāni ca kurvate || 39 ||
[Analyze grammar]

vāśanti visvaraṃ yatra tatrāpi śūnyatā phalam |
kākā ghūkā mastakasyordhe vāśanti divā yadi || 40 ||
[Analyze grammar]

tasyā''patkāla āgacched vahnirvā''kasmiko bhavet |
maraṇaṃ cāpyakīrtiśca sthānatyāgo bhavecca vā || 41 ||
[Analyze grammar]

āpatkālo bhavettasya prajākuṭumbibhiḥ kṛtaḥ |
pradoṣe kukkuṭo vāśeddhemante yatra kokilaḥ || 42 ||
[Analyze grammar]

arkodaye tvabhimukhī śivā rauti bhayaṃ diśet |
gṛhaṃ kapotaḥ praviśet kravyādo mūrdhni līyate || 43 ||
[Analyze grammar]

makṣikāśca madhu kuryurmṛtyurgṛhapaterbhavet |
prākāradvārageheṣu toraṇāpaṇavīthiṣu || 44 ||
[Analyze grammar]

ketucchatrā''yudhādyeṣu kravyādaḥ prapatet yadi |
jāyante vā'tha valmīkā madhu vā syandate yadi || 45 ||
[Analyze grammar]

sa deśau nāśamāyāti rājā ca mriyate tathā |
mūṣakāḥ śalabhāścāpi śukāḥ kṣudrāstṛṇādanāḥ || 46 ||
[Analyze grammar]

dṛśyante'saṃkhyakā yatra kṣunmārabhayamāpatet |
kāṣṭholmukāsthiśṛṃgāḍhyāḥ śvāno markaṭavedanāḥ || 47 ||
[Analyze grammar]

viṣaśvānaścābhito'pi bhramanti yatra pattane |
kākā dhānyakhale dhānyamukhāḥ patanti vā pure || 48 ||
[Analyze grammar]

durbhikṣavedanā tatra bodhyā dehikṣayaṃkarī |
raṇasenābhayaṃ syācca prajānāṃ ca vā tatra ca || 49 ||
[Analyze grammar]

kāko maithunasakto vai divase yadi dṛśyate |
rājā vā mriyate tatra sa ca deśo vinaśyati || 50 ||
[Analyze grammar]

uḍḍīyante niśi kākā gṛhabhaṃgo bhavet khalu |
ulūko dṛśyate yatra nṛpadvāre tathā gṛhe || 51 ||
[Analyze grammar]

jñeyo gṛhapatermṛtyurdhananāśastathaiva ca |
mṛgapakṣivikāreṣu kuryāddhomaṃ sadakṣiṇam || 52 ||
[Analyze grammar]

devāḥ kapotā rakṣantu grāmaṃ gṛhaṃ kuṭumbinaḥ |
rudramantrānindramantrān japeyuḥ pañcaṣā dvijāḥ || 53 ||
[Analyze grammar]

gāvo deyā hyavanānte grahaśāntiṃ makhaṃ caret |
viṣṇuyajñaṃ prakuryācca rudrayajñaṃ ca vā caret || 54 ||
[Analyze grammar]

bhautikīṃ śāntimevā'pi kārayeddvijapuṃgavaiḥ |
śṛṇu lakṣmi tathā cā'nyadbhautikaṃ sūcanādikam || 55 ||
[Analyze grammar]

prāsādatoraṇā'ṭṭāladvāraprākāraveśmanām |
nirnimittantu patanaṃ dṛḍhānāṃ rājamṛtyukṛt || 56 ||
[Analyze grammar]

rajasā vā'tha dhūmena diśo yatra samākulāḥ |
ādityacandratārāśca vivarṇā bhayavṛddhidāḥ || 57 ||
[Analyze grammar]

rākṣasā yatra dṛśyante brāhmaṇāśca vidharmiṇaḥ |
ṛtavaśca viphalā vai hyapūjyaḥ pūjyate janaiḥ || 58 ||
[Analyze grammar]

nakṣatrāṇi viyogīni mahadbhayapradāni vai |
ketūdayoparāgau ca chidraṃ vā śaśisūryayoḥ || 59 ||
[Analyze grammar]

graharkṣavikṛtiryatra tatra deśe mahadbhayam |
striyastu kalahāyante bālā nighnanti bālakān || 60 ||
[Analyze grammar]

kriyāṇāmucitānāṃ ca vicchittiryatra jāyate |
hūyamānastu yajñā'gnirdīpyate naiva śāntiṣu || 61 ||
[Analyze grammar]

pipīlikāśca kravyādā yānti cottaratastathā |
pūrṇakuṃbhāḥ sravante ca havirvā vipralupyate || 62 ||
[Analyze grammar]

maṃgalyāśca giro yatra na śrūyante samantataḥ |
kṣavathurbādhate yatra hasanti puttalāni ca || 63 ||
[Analyze grammar]

bādhante bhojyajātāni sravante pātrataḥ payaḥ |
deveṣu satsu vipreṣu daivataṃ dṛśyate na ca || 64 ||
[Analyze grammar]

devasādhubrāhmaṇeṣu bhāvanārahitāḥ prajāḥ |
mandaghoṣāṇi vādyāni vādyante visvarāṇi ca || 65 ||
[Analyze grammar]

gurumitradviṣo yatra śatrupūjāratā janāḥ |
pūjyānmānyān śreṣṭhajanān jano yatrā'vamanyate || 66 ||
[Analyze grammar]

śāntimaṃgalahomeṣu nāstikyaṃ yatra jāyate |
rājā vā mriyate tatra deśo vā sa vinaśyati || 67 ||
[Analyze grammar]

rājño yatra tu durbhāgyaṃ tatra cihnāni vai śṛṇu |
prajā nijāḥ nṛpo dveṣṭi prajājanairviruddhyate || 68 ||
[Analyze grammar]

prajāsvaṃ balato dhatte prajājanān jighāṃsati |
kṛtaghnatāṃ darśayati yācitaśca prakupyati || 69 ||
[Analyze grammar]

karoti nindanaṃ satāṃ praśaṃsāṃ nābhimanyate |
asahyaṃ tu karaṃ lobhād balāt pātayate jane || 70 ||
[Analyze grammar]

evaṃ vai vikṛte bhāve śakrayāga samācaret |
sapatnīkaṃ sureśaṃ ca tathā devān pratarpayet || 71 ||
[Analyze grammar]

bhojanāni dvijātibhyaḥ surebhyo balayastathā |
sadbhyaḥ pūjā satībhyaśca śṛṃgārādipradāpanam || 72 ||
[Analyze grammar]

bālikābhyo bhojanāni bālebhyo'pi śubhāni ca |
godānaṃ bhūkāñcanādidānaṃ vastrārpaṇādikam || 73 ||
[Analyze grammar]

kartavyaṃ havanaṃ śreṣṭhaṃ tena śāntirbhavet khalu |
yatra deśe'thavā grāme randhitānnaṃ tu māṃsavat || 74 ||
[Analyze grammar]

dṛśyate dadhi raktābhaṃ naśyed grāmaḥ pradeśakaḥ |
grāmādhyakṣasya vai dhiṣṇyaṃ patettu kāraṇaṃ vinā || 75 ||
[Analyze grammar]

bhagnaṃ bhaved gṛhaṃ vāpi nṛpanāśo bhavettadā |
raktapāṣāṇavarṣā cet śvarodanaṃ samantataḥ || 76 ||
[Analyze grammar]

deśagrāmavināśaḥ syād viṣṇuyāgaṃ tataścaret |
bhūkampo garjanāyukto durbhikṣasya prasūcakaḥ || 77 ||
[Analyze grammar]

dakṣiṇāduttaraṃ yāti sāmrājyasya bhayaṃ mahat |
pūrvāttu paścimaṃ yāti nṛpaghāto bhaved dhruvam || 78 ||
[Analyze grammar]

pūrva tu paścimād yāti yuddhaṃ nṛpeṣu jāyate |
uttarād dakṣiṇaṃ yāti subhikṣaṃ jāyate tadā || 79 ||
[Analyze grammar]

ādyaprahare rogaḥ syād dvitīye dhananāśakṛt |
tṛtīye dhānyadhanakṛccaturthe madhyamapradaḥ || 80 ||
[Analyze grammar]

sandhyāyāṃ bhūkmpane tu sarvasvanāśasūcanam |
prayāṇe kaṇṭake vṛkṣe kleśadaṃ kākabhāṣaṇam || 81 ||
[Analyze grammar]

prayāṇe sanmukhaṃ kākaścāyāti vāhane sthitaḥ |
yadvā'mbare tadā mṛtyuḥ pravāsaṃ naiva kārayet || 82 ||
[Analyze grammar]

dakṣapārśve pakṣakṣepe gantavyaṃ naiva taddiśi |
gataḥ punarna vyāyāti maraṇaṃ syāddhruvaṃ rame || 83 ||
[Analyze grammar]

vāmād dakṣaṃ prayāte tu kāke vadhaśca bandhanam |
uttaraṃ tārākṣaraṇaṃ durbhikṣakṛnmahad bhavet || 84 ||
[Analyze grammar]

mahāmārīrogajanma prajānāṃ kadanaṃ mahat |
tārakayordvayoścābhimukhye kṣaraṇaṃ yuddhakṛt || 85 ||
[Analyze grammar]

saśikhasyodaye chatrabhaṃgo bālādināśanam |
sapucchasyodaye nāśo paśūnāṃ vai samāpatet || 86 ||
[Analyze grammar]

khagrāse grahaṇe yuddhaṃ durbhikṣaṃ vā bhaved bhuvi |
prayāṇe sauṣadho dehī kṛṣṇadhānyaṃ kapāsakam || 87 ||
[Analyze grammar]

śuṣkatṛṇāni ca karīṣāṇi śuṣkaṃ ca kāṣṭhakam |
bhasma tailaṃ guḍaṃ bhāgyahīno janaḥ satailakaḥ || 88 ||
[Analyze grammar]

nagno vikīrṇakeśā strī rugṇaḥ kāṣāmbarastathā |
vicitto jīrṇakanthādi śvapaco malapātrakam || 89 ||
[Analyze grammar]

mṛtapakṣī lohavastu vidhavā kardamastathā |
carma carmakaraścāpi takraṃ śavaṃ ca garbhiṇī || 90 ||
[Analyze grammar]

kārāgārī kṛṣṇavṛṣaḥ sarpo maṇḍūka ityapi |
kṛkalāso vanagodhā śaśastuṣāśca sūkaraḥ || 91 ||
[Analyze grammar]

tṛṇānyasthi raktapuṣpaṃ mārjāro hiṃsrakaḥ paśuḥ |
lohakāro yantrapiṣṭā muṇḍī ca durjano'pi vā || 92 ||
[Analyze grammar]

jaṭī khañjaśca mahiṣo vyaṃgaśca gardabhastathā |
rodanaṃ ca yatiścāpi śatruśca bandhito janaḥ || 93 ||
[Analyze grammar]

śvayuddhaṃ ca lutājālaṃ mahatpipīlikādayaḥ |
pipīlikāpravāsaśca pāṣāṇo lavaṇaṃ tathā || 94 ||
[Analyze grammar]

kṣuvanaṃ gokṣuvanaṃ ca vandhyā rajakaścā'priyam |
abhimiled yadi mārge na gacchettatra vai kvacit || 95 ||
[Analyze grammar]

maraṇaṃ vā mahāduḥkhaṃ kāryā'siddhirviḍambanā |
vāmāṃgāni puruṣasya nāryā dakṣāṃgakāni tu || 96 ||
[Analyze grammar]

sphureyuryadi vidyādvai mahāpattiṃ vināśanam |
gamane yaṣṭikāpātaḥ śastrapāto'thavā bhavet || 97 ||
[Analyze grammar]

mukuṭādeḥ prapāto vā patanasyaiva sūcakaḥ |
patanaṃ svasya harmyāgre sopānādau ca vā yadi || 98 ||
[Analyze grammar]

parājayo bhavettūrṇaṃ maraṇaṃ duḥkhamityapi |
evaṃ jāteṣu tatkālaṃ śāntikarmāṇi cācaret || 99 ||
[Analyze grammar]

viṣṇuyāgaṃ rudrayāgaṃ devapūjāṃ grahārcanam |
japadānavratādyaṃ ca kuryācchāntirbhaveddhruvā || 100 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne bahuvidhotpātānāṃ śāntikarmādikathananāmā saptacatvāriṃśadadhikaśatatamo'dhyāyaḥ || 147 ||
[Analyze grammar]