Chapter 127

| śrīpuruṣottama uvāca |
śṛṇu nārāyaṇīśri tvaṃ mahādānamathā'param |
kalpapādapadānākhyaṃ sarvapātakanāśanam || 1 ||
[Analyze grammar]

pavitradivasaṃ prāpya tulāpuruṣadānavat |
kārayenmaṇḍapaṃ ramyaṃ ghaṭādibhiḥ suśobhitam || 2 ||
[Analyze grammar]

śṛṃgāritaṃ puṣpavastraiḥ kadalīstambhatoraṇaiḥ |
kuṇḍavedīyutaṃ ramyaṃ viprāsanavirājitam || 3 ||
[Analyze grammar]

sarvopakaraṇādyaiśca tīrthajalaghaṭairyutam |
pūjāvidhānasāmagryādibhiḥ pūrṇaṃ ca sadhvajam || 4 ||
[Analyze grammar]

dvāradeśān toraṇasthān devān dikpāladevatāḥ |
śākhasthān devadevāṃścā''vatārān parameśvaram || 5 ||
[Analyze grammar]

mahālakṣmīprabhṛtiśrīdevīśca yāvatīstathā |
āvāhayed yathāsthānaṃ puṇyāhaghoṣapūrvakam || 6 ||
[Analyze grammar]

kāṃcanasya śubhaṃ vṛkṣaṃ patrapuṣpaphalānvitam |
pakṣivrātakṛtaśobham mañjaryaṃkurarājitam || 7 ||
[Analyze grammar]

vastrabhūṣāchādanāditantuvallīsamanvitam |
śaktitastripalādūrdhvamāsahasrapalātmakam || 8 ||
[Analyze grammar]

evaṃ tatkalpavṛkṣasya guḍaprasthe suropaṇam |
kṛtvā sitāmbarayugmaṃ dadyācchākhāsu cottamam || 9 ||
[Analyze grammar]

brahmaviṣṇumaheśādyairdevaiḥ suśobhite drumam |
pañcaśākhaṃ copaśākhaṃ bhāsuraṃ śvetaraktakam || 10 ||
[Analyze grammar]

haridvarṇadalāḍhyaṃ ca raktāṃkurasamanvitam |
śvetamūlaṃ piśaṃgādistambabhāgasamanvitam || 11 ||
[Analyze grammar]

śṛṃgārayitvā'dhastācca mahāsvarṇāsane śubhe |
anādiśrīkṛṣṇanārāyaṇaṃ saṃkalpapūrakam || 12 ||
[Analyze grammar]

sthāpeyanmāṃ kamaleśaṃ sakalatraṃ suvarṇajam |
mamā'vatārān sarvāṃśca pitaraṃ mātaraṃ mama || 13 ||
[Analyze grammar]

sarvā lakṣmīḥ sthāpayecca kāmadevaṃ sabhāryakam |
aṣṭasiddhīḥ sthāpayecca kalpavallīḥ prakalpayet || 14 ||
[Analyze grammar]

kalpastabakān paritaḥ kalpayettu navāṃkurān |
śṛṃgārayet samastāṃstān kuṃkumābīracandanaiḥ || 15 ||
[Analyze grammar]

mahāvṛkṣasya putrākhyān vṛkṣān svalpān suśobhitān |
santānarūpān paritasturīyāṃśena kalpayet || 16 ||
[Analyze grammar]

ghṛtapiṇḍamupanyasya ghṛtapātraṃ ca vā pṛthu |
pūrvabhāge hyupanyasya svalpakalpadrumaṃ śubham || 17 ||
[Analyze grammar]

nyasyed ghṛtopariṣṭhādvai kalpavallīṣu śobhitam |
mandāraṃ dakṣiṇe pārśve śriyā sārdhaṃ nyasedapi || 18 ||
[Analyze grammar]

godhūmānāṃ samudāye kalpastambādiśobhite |
atha paścimabhāge'pi pārijātadrumaṃ śubham || 19 ||
[Analyze grammar]

sauvarṇaṃ kalpapuṣpāḍhyavallīyuktaṃ nyasecchubhe |
taṇḍulānāṃ samudāye tṛṇāṃkurādiśobhite || 20 ||
[Analyze grammar]

sāvitryā jīrakapuñjasthitayā saha sannyaset |
athottare sugandhāḍhyaṃ tilapuñje suśobhitam || 21 ||
[Analyze grammar]

kundastabakayuktaṃ ca haricandanamuttamam |
vrīhipuñjopaśobhaṃ ca pūjāsāmagrikānvitam || 22 ||
[Analyze grammar]

sthāpayet koṇabhāgeṣu bakulaṃ caiśadigbhavam |
agnau tu campakaṃ ramyaṃ nairṛte nārikelajam || 23 ||
[Analyze grammar]

vāyavye pūgikāvṛkṣaṃ nāgavallīsamanvitam |
elādistambayuktaṃ ca kṛtvodyānaṃ suśobhanam || 24 ||
[Analyze grammar]

ikṣudaṇḍān ropayecca phalamālyāmbarānvitān |
kauśeyavastramūlāṃśca kṛtvaivaṃ vāṭikāṃ śubhām || 25 ||
[Analyze grammar]

āmradruprāntabhāgāṃ vai mayūrakokilāśritām |
gogopavṛṣayuktāṃ ca jalavāpīsamanvitām || 26 ||
[Analyze grammar]

saṃśobhayitvā tatrā'ṣṭau nyasyet pūrṇaghaṭān śubhān |
ratnapallavavastrāḍhyān phalavārisamanvitān || 27 ||
[Analyze grammar]

pāduke cāmare chatraṃ vetraṃ vitānakaṃ ratham |
vimānaṃ vāhanaṃ cāpi sthāpayet tatra sannidhau || 28 ||
[Analyze grammar]

pātraṃ naivedyadānārthaṃ sthālī cāśanabhājanam |
jalapānārthakalaśaṃ sthāpayet pādapāntike || 29 ||
[Analyze grammar]

dīpaṃ dhūpaṃ prakuryācca phalaṃ miṣṭaṃ rasānnyaset |
tathā samastadhānyāni cāṣṭādaśavidhāni vai || 30 ||
[Analyze grammar]

yathāśakti nyasettatra maṇḍape pādapāntike |
godhūmān taṇḍulān kaṅgūḥ jvārikā barjarāṃstathā || 31 ||
[Analyze grammar]

baṇṭikā śīṇikā mudgān caṇakān rājamāṣakān |
kulatthikā vaṭāṇāṃśca māṣāṃśca kodravāṃstathā || 32 ||
[Analyze grammar]

yavān tuvarīrdhānyāni ṣoḍaśopanyaset puraḥ |
nivārān rājagurukān śṛṃgāṭakāṃśca cirbhaṭān || 33 ||
[Analyze grammar]

āmrānikṣūn nārikelānamṛtān bilvakāṃstathā |
panasān jāmbukāṃścāpi licikāṃśca kaliṃgarān || 3 ||
[Analyze grammar]

śarkarāḥ kharbūcakāṃśca karkaṭīḥ ṣoḍaśa nyaset |
atha homāṃśca kuṇḍāgnāvaṣṭottaraśataṃ caret || 35 ||
[Analyze grammar]

pāyasānnaiḥ phalaiścāpi vividhaiḥ rasasaṃbhṛtaiḥ |
suvarṇasya gaṇeśaṃ ca sapatnīkaṃ prapūjayet || 36 ||
[Analyze grammar]

kuryānmūrterharerme'dhivāsanaṃ sadrumasya ca |
vṛkṣaṃ saṃsnāpayenmāṃ ca kuryāt triḥsampradakṣiṇam || 37 ||
[Analyze grammar]

namaskuryāt stavanaṃ cācaret samprārthayettataḥ |
namaste parameśāya kalpadrumātmakāya ca || 38 ||
[Analyze grammar]

kalpavallyadhināthāya cintitārthapradāyine |
sarvarasagandharūpavibhūtimūrtaye namaḥ || 39 ||
[Analyze grammar]

viśvambharāya devāya namaste pūrtimūrtaye |
sarvānnapūrṇadevāya sarvāmṛtāya te namaḥ || 40 ||
[Analyze grammar]

sarvasudhānivāsāya pīyūṣarūpiṇe namaḥ |
tvameva parameśo'si nārāyaṇo'si mādhavaḥ || 41 ||
[Analyze grammar]

saṃkarṣaṇo'niruddhastvaṃ pradyumnastvaṃ vibhāsi ca |
sūryaścandro'gnirindrastvaṃ jāṭharastvaṃ sanātanaḥ || 42 ||
[Analyze grammar]

brahmaṇo mānasodyāneśvarastvaṃ ca vanaspatiḥ |
mūrtarūpo'pyamūrto'si bījavṛkṣātmako'si ca || 43 ||
[Analyze grammar]

naranārīsvarūpo'si mahālakṣmīyuto'si ca |
sanātanasvarūpo'si sṛṣṭirakṣaṇanāśakṛt || 44 ||
[Analyze grammar]

santānavallikāvṛkṣairyuto'smān pāhi sarvataḥ |
svargaṃ dehi vibhūtīśca pradehi sampadaḥ śubhāḥ || 45 ||
[Analyze grammar]

siddhīrdehi vimānāni vaṃśoddhāraṃ tathā kuru |
pitṝṇāṃ mokṣadastvaṃ vai teṣāṃ tṛptiṃ vidhehi ca || 46 ||
[Analyze grammar]

ante śrīkṛṣṇakṛṣṇasya padaṃ dehi mahāsukham |
evamabhyarthya taṃ dadyād gurave kalpapādapam || 47 ||
[Analyze grammar]

caturbhyaścātha ṛtvigbhyaḥ santānādīn samarpayet |
anyadānāni sarvāṇi sādhubhyaśca dvijātaye || 48 ||
[Analyze grammar]

dadyāt prabhojanaṃ ramyaṃ kārayed bhikṣuyoginām |
na vittaśāṭhyaṃ kurvīta dadyāddhanaṃ yathocitam || 49 ||
[Analyze grammar]

phalamūlāni dhānyāni dadyād yogyebhya eva tu |
namaskuryāt prasādyaiva visarjayettataḥ svayam || 50 ||
[Analyze grammar]

prasādabhojanaṃ kuryādevaṃ dānapradaḥ pumān |
sarvapāpavinirmuktaścāśvamedhā'yutodbhavam || 91 ||
[Analyze grammar]

puṇyaṃ labhate dharmātmā sapatnīkaḥ sabāndhavaḥ |
sakuṭumbo mahārājyaṃ bhuktvā'trā'tha divaṃ vrajet || 52 ||
[Analyze grammar]

mahatsvargaṃ ca vai bhuktvā satyalokaṃ vrajettataḥ |
vairājaṃ ca padaṃ bhuktvā yāyād vaikuṇṭhameva ca || 53 ||
[Analyze grammar]

bhūtān bhāvyān śatagotrān tārayenmānavān sa hi |
stūyamānān divaḥ pṛṣṭhe pitāputraprapautrakān || 54 ||
[Analyze grammar]

vimānairarkatulyaiśca viṣṇulokaṃ parātparam |
preṣayatyeva tatpuṇyairdhāmā'kṣaraṃ tataḥ param || 55 ||
[Analyze grammar]

nārāyaṇabalopeto nārāyaṇaparāyaṇaḥ |
nārāyaṇakathāsakto nārāyaṇaprasevakaḥ || 56 ||
[Analyze grammar]

yajamāno'nādikṛṣṇanārāyaṇapadaṃ vrajet |
śrotā vaktā'sya ca smartā mahendro jāyate dhruvam || 57 ||
[Analyze grammar]

śṛṇu tvaṃ śivarājñīśri mahādānaṃ tathā'param |
gosahasramahādānaṃ sarvapuṇyapradāyakam || 58 ||
[Analyze grammar]

puṇyāṃ tithiṃ samāsādya yugamanvantarādikīm |
jayantīṃ devadevīnāṃ nārāyaṇasya me tathā || 59 ||
[Analyze grammar]

maṇḍapaṃ ramaṇīyaṃ vai kṛtvā kuṇḍaṃ śubhaṃ tataḥ |
homavastūni saṃgṛhya devānāvāhayettataḥ || 60 ||
[Analyze grammar]

samarcayeddhariṃ māṃ cāvatārānīśvarīstathā |
sarvā lakṣmīḥ pūjayecca gomūrtiṃ svarṇakāritām || 61 ||
[Analyze grammar]

pūjayed yajamānastāṃ payovratī tryahaṃ ca vā |
ekāhaṃ vā tato vipraiḥ puṇyādaṃ vācayedatha || 62 ||
[Analyze grammar]

agnau ca havanaṃ kuryād ghṛtavrīhiphalādibhiḥ |
sahasravāraṃ havanaṃ kṛtvā gavāṃ sahasrakam || 63 ||
[Analyze grammar]

bahiḥsthitaṃ pūjayecca praṇamecca pradakṣiṇam |
vastramālyāmbarabhūṣāśṛṃgakhurasudohanaiḥ || 64 ||
[Analyze grammar]

śṛṃkhalākuṃkumapṛṣṭhācchādanaiḥ pūjayettataḥ |
suvarṇaśṛṃgābharaṇā raupyapādasamanvitā || 65 ||
[Analyze grammar]

suvarṇaghaṇṭikāyuktāḥ kāṃsyadohanakānvitāḥ |
suvarṇatilakopetā hemapaṭṭādyalaṃkṛtāḥ || 66 ||
[Analyze grammar]

kauśeyavastrasaṃvītā mālyagandhādikārcitāḥ |
ghāsagrāsayutā daṇḍaiścāmarairupaśobhitāḥ || 67 ||
[Analyze grammar]

upānatpādukāchatrabhājanāsanasaṃyutāḥ |
nandikeśvarayuktāśca vatsavatsatarīyutāḥ || 68 ||
[Analyze grammar]

yadvā sauvarṇagomadhye nandiko'pi suvarṇajaḥ |
daśagomadhyago vastrābharaṇādivibhūṣitaḥ || 69 ||
[Analyze grammar]

lavaṇadroṇaśikhare mālyekṣuphalasaṃyutaḥ |
palaśatordhvasauvarṇaḥ śatatrayamito'thavā || 70 ||
[Analyze grammar]

śaktitaḥ palasāhasratritayodbhāvito'thavā |
sthāpanīyaḥ pūjanīyastathā godaśakaṃ śubham || 71 ||
[Analyze grammar]

sauvarṇaṃ pūjanīyaṃ vai daśāṃśaṃ pūjayecca vā |
gītamaṃgalanādaiśca snāpayitvā'mṛtodakaiḥ || 72 ||
[Analyze grammar]

pradakṣiṇaṃ ca triḥkṛtvā gṛhītakusumāñjaliḥ |
pūjayitvā gavāṃ vṛndaṃ namaskṛtyā'rthayettataḥ || 73 ||
[Analyze grammar]

namo'stu brahmamūrtibhyo viśvamātṛbhya ānamaḥ |
lokādhivāsinībhyaśca rohiṇībhyo namo namaḥ || 74 ||
[Analyze grammar]

gavāmaṃgeṣu tiṣṭhanti sṛṣṭayastisra eva ca |
caturdaśabhavanāni vedhasaḥ sṛṣṭirityapi || 75 ||
[Analyze grammar]

viṣṇoḥ sadāśivasyā'pi cā'ṣṭāviṃśatibhūstarāḥ |
ṣaṭpañcāśacca māyāyā lokāstiṣṭhanti goṣu tu || 76 ||
[Analyze grammar]

rohiṇyo drogdhrya īśvaryo mātaraḥ pāntu māṃ sadā |
gāvo mamā'grataḥ santu gāvaḥ santu ca pṛṣṭhataḥ || 77 ||
[Analyze grammar]

gāvaḥ śirasi me nityaṃ gavāṃ madhye vasāmyaham |
vṛṣo'yaṃ dharmarūpaśca bhavatyapi sanātanaḥ || 78 ||
[Analyze grammar]

harermūrtau vasanpātu māṃ sadā sakuṭumbakam |
svargaṃ satyaṃ ca vairājaṃ bhaumaṃ vaikuṇṭhamuttamam || 79 ||
[Analyze grammar]

śrīpuraṃ cāmṛtaṃ cāvyākṛtaṃ golokamakṣaram |
brahmadhāma vṛṣo gāvo dadatveva ca me śubham || 80 ||
[Analyze grammar]

iti samprārthya sauvarṇīṃ dhenuṃ śrīgurave'rpayet |
nandīśvaraṃ pradadyācca dharmamūrtiṃ sate tathā || 81 ||
[Analyze grammar]

ṛtvigbhyo dhenumekaikāṃ dadyāt śṛṃgāritāṃ śubhām |
anyagāvaḥ pradadyācca viprebhyo'pi yathocitam || 82 ||
[Analyze grammar]

naikā bahubhyo dātavyā kleśadā syāttataḥ khalu |
bahvyastvekasya dātavyā dhīmatā''rogyavṛddhaye || 83 ||
[Analyze grammar]

sarvābhūṣaṇayuktāśca dātavyā gurave śubhāḥ |
bahvyaḥ śrīgurave deyā yadi bādho na vartate || 84 ||
[Analyze grammar]

vividhāni dhanānyeva dhānyāmbarāṇi yāni ca |
svarṇarajatarūpyāṇi deyāni bhikṣukādiṣu || 85 ||
[Analyze grammar]

payovratī brahmacārī haribhaktiparāyaṇaḥ |
śrāvayecchṛṇuyāddhenukathāṃ kuryājjapaṃ hareḥ || 86 ||
[Analyze grammar]

vipulāṃ śriyamāpnoti pāpahīno bhavettathā |
bahupuṇyo vimānena sūryasahasraśobhinā || 87 ||
[Analyze grammar]

dehānte nākapṛṣṭhaṃ ca gatvā satyaṃ tataḥ param |
lokapālaiḥ pūjitaśca vaṃśavistāraśobhitaḥ || 88 ||
[Analyze grammar]

bhuktvā bhogān divyasaṃjñān vairājalokasaṃsthitān |
vaiṣṇavaṃ yogamāsthāya tato yātyakṣaraṃ padam || 89 ||
[Analyze grammar]

śatamekottaraṃ so'yaṃ pitṝṇāṃ tārayed budhaḥ |
mātāmahānāṃ tadvacca tārayecchatavaṃśajān || 90 ||
[Analyze grammar]

pitaraścābhinandanti gosahasrapradaṃ sutam |
api syāt sa kule'smākaṃ putro dauhitra eva vā || 91 ||
[Analyze grammar]

gosahasraprado bhūtvā narakāduddhariṣyati |
tasya karmakaro vā syādapi draṣṭā'numodakaḥ || 92 ||
[Analyze grammar]

saṃsārasāgarādasmāt so'pi nastārayiṣyati |
mṛtasyā'gre yānti gāvo yāmyalokasṛtāvapi || 93 ||
[Analyze grammar]

vaitaraṇyāṃ tārayanti dharmarājagṛhe'pi ca |
svarge vā satyaloke vā maheśvaranivāsane || 94 ||
[Analyze grammar]

viṣṇorvāse tatheśānīvāse śrīpurake'pi ca |
mahālakṣmyā nivāse cāvatārāṇāṃ nivāsane || 95 ||
[Analyze grammar]

sarvatra yānti gāvaśca tārikāḥ poṣikāḥ śubhāḥ |
yatra gaustatra vai devā īśvarāḥ pārṣadā mama || 96 ||
[Analyze grammar]

sarvā lakṣmyo brahmapatnyo yatra gāvo vasanti vai |
yatra brahmākṣaraṃ cāpi goloko yatra vartate || 97 ||
[Analyze grammar]

gavāṃ yogena golokaḥ me kṛṣṇasya vyajāyata |
yatra gāvastatra cāhaṃ lakṣmīḥ rādhā ca māṇikī || 98 ||
[Analyze grammar]

prajñā padmāvatī śrīśca mahālakṣmīḥ pareśvarī |
tatrā'mṛtā purī divyā śrīpurī dhāminī śubhā || 019 ||
[Analyze grammar]

nityā sarvaprabhogāḍhyā divyopakaraṇānvitā |
divyaśaktigaṇākīrṇā divyavaibhavaśobhanā || 100 ||
[Analyze grammar]

śāśvatānandasandohā divyabhojyasupānikā |
divyavāsodyānavāṭīśayyāvihārasaṃbhṛtā || 101 ||
[Analyze grammar]

evaṃvidhāṃ śrīpurīṃ vai labhate gosahasradaḥ |
golokaṃ labhate cāpi labhate cā'kṣaraṃ padam || 102 ||
[Analyze grammar]

labhate sa mamaiśvaryaṃ śivārājñi samastakam |
labhate sa rasān sarvān nārāyaṇi na saṃśayaḥ || 103 ||
[Analyze grammar]

labhate vividhāḥ śaktirduḥkhahe sukhasaṃbhṛtāḥ |
aśnute sarvakāmāṃśca brahmaṇā saha dhāmani || 104 ||
[Analyze grammar]

paṭhanācchravaṇādasya smaraṇādupadeśanāt |
preraṇād bhuktimuktī sa labhate yajamānakaḥ || 105 ||
[Analyze grammar]

naro nārī satī sādhvī sādhurdevo guruḥ prabhuḥ |
godānasya prado yāti śāśvataṃ brahma matpadam || 106 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne kalpavṛkṣamahādānagosahasramahādānavidhinirūpaṇanāmā saptaviṃśatyadhikaśatatamo'dhyāyaḥ || 127 ||
[Analyze grammar]