Chapter 41

śrīkṛṣṇa uvāca |
śṛṇu tvaṃ rādhike tasya kṛṣṇanārāyaṇasya vai |
kathāṃ divyāṃ pāvanīṃ ca camatkāramayīṃ parām || 1 ||
[Analyze grammar]

āsīd rājā dhārmikaśca bhaktaṃ kanthādharā'bhidhaḥ |
saurāṣṭre vai naijarājye śāsanaṃ pracakāra ha || 2 ||
[Analyze grammar]

sa hi rājā śaṃbhubhakto'bhavat sthāṇuprapūjakaḥ |
siṃhāraṇye vasan koṭīnārādhipaḥ pratāpavān || 3 ||
[Analyze grammar]

śaṃbhuṃ prasādya tapasā kāladaṇḍamavāptavān |
daṇḍo yatra bhavettatra yāmyapāśo na vidyate || 4 ||
[Analyze grammar]

yamadūtastathā kālo daṇḍaṃ dṛṣṭvā nivartate |
nityaṃ sahasrakamalaiḥ pārthivaṃ śaṃkaraṃ nṛpaḥ || 5 ||
[Analyze grammar]

pūjayitvā prage caikapādena śatamālikāḥ |
oṃ namaḥ kālakālāya saṃkarṣaṇāya śaṃbhave || 6 ||
[Analyze grammar]

mṛtyave yāmyavārāya nirbhayaṃ padamarpaya |
evaṃ japati mantraṃ sa āvartayati nityaśaḥ || 7 ||
[Analyze grammar]

tata ekāvartanena juhotyaṣṭottaraṃ śatam |
parāhṇe tu phalaṃ śākaṃ pakvaṃ nirbījameva saḥ || 8 ||
[Analyze grammar]

gṛhṇāti dehayātrārthaṃ rātrau bhūśayanaḥ sadā |
satyapi yauvane bhāve nārīṃ vāñchati naiva saḥ || 9 ||
[Analyze grammar]

ityevaṃ vartamānasya pratāpinastu bhūbhṛtaḥ |
rājye cauryaṃ bhayaṃ vyādhiḥ pāradāryaṃ na cā'bhavat || 10 ||
[Analyze grammar]

madyamāṃsā'bhakṣyavarjyaṃ havyaṃ prajā'nusevate |
trayodaśyāṃ cobhayāyāṃ somatīrthasya sevanam || 11 ||
[Analyze grammar]

bhavanāthasya ca tathā darśanaṃ sevanaṃ śubham |
aśvapaṭṭasarasaśca snānaṃ lomaśadarśanam || 12 ||
[Analyze grammar]

yātrāṃ karoti cetyevaṃ tato gṛhaṃ prayāti saḥ |
tīrthayātrājalaṃ koṭīnārīyajanatāsu saḥ || 13 ||
[Analyze grammar]

prāpayatyaiva ca prajākalyāṇārthaṃ muhurmuhuḥ |
māse māse pūrṇimāyāṃ prajābhyo miṣṭabhojanam || 14 ||
[Analyze grammar]

dadātyābālavṛddhebhyaḥ paśupakṣibhya ityapi |
matsyakīṭapataṃgebhyo vṛkṣebhyaḥ salilaṃ tathā || 15 ||
[Analyze grammar]

evaṃ dharmaparasyā'sya rājyaprajā ca nirbhayā |
svayamanyatra tu gate bhayaṃ rājye na vidyate || 16 ||
[Analyze grammar]

akālamaraṇaṃ nāsti nāsti cetibhayaṃ tathā |
evaṃ kāle gate tvasya vāñcchā'bhūt puṣkaraṃ prati || 17 ||
[Analyze grammar]

tīrthaṃ kartuṃ yayau cāpi māsastatra gatastadā |
vasiṣṭhaṃ tatra rājā cā'prasādayat susevayā || 18 ||
[Analyze grammar]

cirañjīveti tenoktaṃ tathāstvityāha vai nṛpaḥ |
dīrghāyuṣṭvaṃ paraṃ labdhvā śreyo labdhvā'pyanantakam || 19 ||
[Analyze grammar]

tīrthadānāni sandatvā snātvā sampūjya vedhasam |
tataḥ sarasvatīṃ snātvā siddhān sampūjya bhūpatiḥ || 20 ||
[Analyze grammar]

aśvapaṭṭasaraḥ snātvā śīghraṃ svagṛhamāyayau |
svapne sa dṛṣṭavān mārge vipraputrastu nīyate || 21 ||
[Analyze grammar]

kenacit kṛṣṇavarṇena rakṣayāmīti bhūpatiḥ |
vicārya yāvat tvarayā dhāvatyenaṃ prarakṣitum || 22 ||
[Analyze grammar]

tāvannidrā vilīnā ca kiñcinnāstītyalokayat |
śaṃkitaḥ sa śīghrameva rājyaṃ prati samāyayau || 23 ||
[Analyze grammar]

grāmasīmā''gate sarvaṃ svapnaṃ satyaṃ vyajāyata |
yato'sya rājye viprasya grāmapurohitasya tu || 24 ||
[Analyze grammar]

putro mṛtyuṃgataścāyuṣo'nte pitari jīvati |
yāmyadūtairdhṛto nīto yāmyalokaṃ kṣaṇāntare || 25 ||
[Analyze grammar]

tāvad rājā tvāyayau vai yātrāṃ kṛtvā'tra tatkṣaṇam |
rodanaṃ śocanaṃ jñātvā rājā duḥkhamavāpa ha || 26 ||
[Analyze grammar]

udantaṃ samparijñāya jñātvā mṛtyumṛtaṃ tataḥ |
daṇḍaṃ ca śaṃkaraṃ nītvā samāśvāsya ca taṃ dvijam || 27 ||
[Analyze grammar]

yayau pṛṣṭhe mṛtaṃ putraṃ vipraṃ cānetumiṣṭakṛt |
daṇḍaṃ nītvā yatra yāti tatra mārgo'sya vidyate || 28 ||
[Analyze grammar]

pṛthvyāṃ jale'nale vāyau cāmbare tamasi grahe |
caturdaśasu lokeṣu sadaṇḍasya gatiryataḥ || 29 ||
[Analyze grammar]

vinā daṇḍaṃ tu naivā'sya gatiḥ syādbhūtalaṃ vinā |
śivadaṇḍena rājā'sau yayau vyomnā yamālayam || 30 ||
[Analyze grammar]

niruddho mānavadeho yamadūtena vai yadā |
daṇḍena rājñā saṃspṛṣṭo yāmyo dūraṃ papāta ha || 31 ||
[Analyze grammar]

vinipatya samutthāya bhayavyāpto yamānugaḥ |
dadhāva yamarājānaṃ jagāda svaparābhavam || 32 ||
[Analyze grammar]

āyāto'sti yamapūryāṃ kaścinmānavadehavān |
sadaṇḍo vartate deva mayā ruddho'tivegataḥ || 33 ||
[Analyze grammar]

tathāpi naivaruddho'bhūt sa māṃ pasparśa daṇḍataḥ |
tāvatparājitaścāhaṃ yathā vajrahato'bhavam || 34 ||
[Analyze grammar]

pṛthvyāṃ nipatya cotthāya tvāyāmyatra yameśvara |
nivedayituṃ tadvṛttaṃ ko'yaṃ kasmāddhi cāyayau || 35 ||
[Analyze grammar]

na jānāmi mahārāja yatheṣṭaṃ tatra cintaya |
ityukto yamadūtena dharmarājastadā'nugam || 36 ||
[Analyze grammar]

mṛtyunāmānamāhūya vivāsayituṃ cādiśat |
mṛtyurgatvā kareṇainaṃ nṛpaṃ dadhāra vegataḥ || 37 ||
[Analyze grammar]

yāhītyuvāca rājānaṃ na cenmṛtyustavā'tra vai |
śrutvaivaṃ nṛpatirdaṇḍaṃ yojayāmāsa mṛtyave || 38 ||
[Analyze grammar]

mṛtyuḥ papāta bhūbhāge samutplutya yayau drutam |
balaṃ nivedayāmāsa yamarājāya mānavam || 39 ||
[Analyze grammar]

tato yamo mahākālaṃ preṣayāmāsa tatkṣaṇam |
ko'yaṃ kasmāt samāyāto mamāntikaṃ samānaya || 40 ||
[Analyze grammar]

ityuktaśca svayaṃ kālastasyā'ntikaṃ samāyayau |
natvovāca bhavān ko'tra dharmarājo jijñāsati || 41 ||
[Analyze grammar]

nṛpaḥ prāha ca saurāṣṭre koṭīnārasya bhūpatiḥ |
asmyahaṃ tu samāyāto viprabālaṃ pravīkṣitum || 42 ||
[Analyze grammar]

sa tu kvā''ste kathaṃ cātrā''nīto'sti yamacāriṇā |
iti jijñāsituṃ tvatra samāyāto'smi mānada || 43 ||
[Analyze grammar]

kālaḥ prāha samāgaccha yamarājaṃ nivedaya |
sa te dāsyati pratyuktiṃ nā'haṃ yogyo'smi tatra vai || 44 ||
[Analyze grammar]

ityuktvā saha nītvā ca yamarājaṃ prati nṛpam |
kāla āvedayāmāsa yamarājo'pyamānayat || 45 ||
[Analyze grammar]

papraccha svāgataṃ kṛtvā kimāgamanakāraṇam |
rājā nanāma dharmaṃ ca provāca viprabālakam || 46 ||
[Analyze grammar]

mārgayituṃ samāyātaḥ kvāste sa dvijabālakaḥ |
pitā tasyā'tikaruṇaṃ rauti putrasya kāraṇāt || 47 ||
[Analyze grammar]

eka evā'sya putro'sti mṛtyustasyā'bhavattathā |
tacchokaṃ tvapanetuṃ ca mayoktaṃ bhūsurāya vai || 48 ||
[Analyze grammar]

tasya bālaṃ punarnītvā dātumicchāmi dharmarāṭ |
tacchavaṃ rakṣitaṃ cāste yāvaccāhaṃ na yāmi tam || 49 ||
[Analyze grammar]

tasmād dehi dvijaputraṃ yāñcāṃ me pratipālaya |
yamaḥ prāha ca tatrasthaṃ dūtaṃ yamaṃ ca satvaram || 50 ||
[Analyze grammar]

citraguptaṃ salekhaṃ ca brāhmaṇārthe samāhvaya |
ākāritaścitraguptaḥ salekhastatra cāyayau || 51 ||
[Analyze grammar]

paśyā'sya viprabālasya kiyadāyurbhavediti |
citraguptaḥ pūrṇamāyuḥ samāptaṃ sa mṛto yataḥ || 52 ||
[Analyze grammar]

vipradehe'sya nāstyeva bhogāyurvai manāgapi |
yamarājastu tacchrutvā rājānaṃ cābhyavedayat || 53 ||
[Analyze grammar]

nāstyāyustasya taddehe sthātuṃ bhoktuṃ tato nṛpa |
mṛto'yaṃ lapsyase naiva karmanyāyo'tra vidyate || 54 ||
[Analyze grammar]

yatkṛtaṃ yena vai yādṛk yaṃ yasmai yasya vai yataḥ |
yatra yadarthaṃ tatsarvaṃ tathaiva syānna cānyathā || 55 ||
[Analyze grammar]

rājā prāhā'sya bālasya kiṃ karma pāpakṛddhyabhūt |
yenā'sya prāṇavāhaśca yamadūto hyajāyata || 56 ||
[Analyze grammar]

citraguptastadā prāha yamarājānudeśataḥ |
vipraścāyaṃ pūjakaśca devasyā''sīnnirantaram || 57 ||
[Analyze grammar]

mandire vāsudevasya śaitye snānaṃ vinā hyayam |
devamutthāpayāmāsa tena pāpena cāsya vai || 58 ||
[Analyze grammar]

yamaloko niścito'sti daṇḍaṃ vinā na śuddhyati |
puṇyaṃ nāsti mānavārthe āyurnāsti tathottaram || 59 ||
[Analyze grammar]

kathaṃ neṣyasi rājendra vinā karma dvijārbhakam |
rājā prāha dadāmyasya tvāyurme nūtanaṃ mayā || 60 ||
[Analyze grammar]

vasiṣṭhasyā''śiṣā labdhā puṣkare cirajīvitā |
tanmadhyato'yutavarṣaṃ dadāmyasya tu mānavam || 61 ||
[Analyze grammar]

ityuktvā salilaṃ hastāddvisṛjya jīvitaṃ dadau |
citragupto lilekhā'sya varṣā'yutaṃ sujīvanam || 62 ||
[Analyze grammar]

dharmarājau dadau bālaṃ cāyutābdaprajīvanam |
tataḥ papraccha rājānaṃ balaṃ labdhaṃ kutastvayā || 63 ||
[Analyze grammar]

yadatra naradehena samāyāto vihāyasā |
yamo mṛtyustathā kālo'pradhṛṣyo dharṣitastvayā || 64 ||
[Analyze grammar]

vada kena pratāpena prāptamaiśvaryamuttamam |
śrutvā rājā tadā prāha śaṃkarasya pratāpataḥ || 65 ||
[Analyze grammar]

prāptaṃ balaṃ dharmarāja yenā'haṃ cā'tra vīkṣitaḥ |
bālo'pi ca mayā prāpto mahatāṃ kṛpayā nvidam || 66 ||
[Analyze grammar]

dharmarājastadā prāha yaṣṭiṃ me dehi bhūpate |
rājā prāhā'tra vai yaṣṭyāṃ sarvaṃ tattvaṃ mamā'sti hi || 67 ||
[Analyze grammar]

yaṣṭilope na me cāsti gatirvaihāyasī vṛṣa |
tasmād yaṣṭiṃ na dāsyāmi yaṣṭiḥ sāṃkarṣiṇī nviyam || 68 ||
[Analyze grammar]

kālasaṃhāriṇī tvāste tadā'nyasya tu kā kathā |
tvayi ced yojaye yaṣṭiṃ tava nāśo bhaved dhruvam || 69 ||
[Analyze grammar]

ityuktvā dharmarāje tāṃ yaṣṭiṃ yojayituṃ nṛpaḥ |
hastaṃ svaṃ lambayāmāsa tāvat kṣobhaṃ yayau vṛṣaḥ || 70 ||
[Analyze grammar]

kṣubdhaṃ tasyāsanaṃ cāpi dharmo nanāma taṃ nṛpam |
balaṃ devabalaṃ dīrghaṃ sattābalaṃ na vai balam || 71 ||
[Analyze grammar]

mene tadā dharmarājastatastvasāntvayat nṛpam |
mā maivaṃ kuru rājendra mānyo'si devadarśitaḥ || 72 ||
[Analyze grammar]

kālakālasya kṛpayā sarvaṃ te vartate kare |
tasmād dadāmi rājendra kanyāṃ me hṛḍḍakāyinīm || 73 ||
[Analyze grammar]

yauvanodbhinnasarvāṃgāṃ ramaṇīṃ dehasundarīm |
tvāṃ dṛṣṭvā cecchamānāṃ saṃgṛhāṇaināṃ tava priyām || 74 ||
[Analyze grammar]

ityuktvā ca balaṃ jñātvā pradadau hṛḍḍakāyinīm |
kanyāṃ patnīsvarūpāṃ tāṃ tathā viprārbhakaṃ nṛpaḥ || 71 ||
[Analyze grammar]

nītvā vaihāyasā dharmā'rpitena vāhanena vai |
samāyayau sa saurāṣṭe koṭīnārākhyapattanam || 76 ||
[Analyze grammar]

vimānamambarāttasya dvijasyaiva gṛhāntikam |
avātārayacchanakaiḥ sūryatulyaṃ samṛddhimat || 77 ||
[Analyze grammar]

divyanārīyutaṃ divyopaskaraṇasuśobhitam |
anekaiśvaryasiddhyādivāsitaṃ yamanirbhayam || 78 ||
[Analyze grammar]

dṛṣṭvā lokāḥ satīṃ patnīṃ tathā viprasya bālakam |
nṛpaṃ prati harṣanādān jayanādān vyadhurmudā || 79 ||
[Analyze grammar]

rājā putraṃ dadau tasmai viprāya praṇanāma ca |
sa vai nāmnā'bhavattatra vṛṣaparvā ṛṣistadā || 80 ||
[Analyze grammar]

vṛṣaparvā samuttasthau mṛte dehe viveśa ha |
vipraḥ prajāḥ prasannāścā'bhavaṃstasyā''śiṣo daduḥ || 81 ||
[Analyze grammar]

vipraputraḥ samattasthau neme vṛddhān punaḥ punaḥ |
pitarau nṛpatiṃ cāpi rājā yajñaṃ cakāra ha || 82 ||
[Analyze grammar]

yamaputrīṃ nijarājñīṃ kṛtvā'gre hṛḍḍakāyinīm |
homaṃ dānaṃ dakṣiṇāṃ ca bhojanāni dadau nṛpaḥ || 83 ||
[Analyze grammar]

yadyad dattaṃ ca tad dṛṣṭvā prajajvālā''ntare nṛpī |
tāmasī garvamanyā ca svārthamātraparāyaṇā || 84 ||
[Analyze grammar]

svavarcasvā'tilubdhā paropakāravirodhinī |
dāne prabhojane home rājānaṃ hṛḍḍakāyinī || 82 ||
[Analyze grammar]

punaḥ punaḥ samuvāca mā vidhehi vyayaṃ nṛpa |
tvaṃ brahma paramaṃ cāste tvaṃ vai nārāyaṇaḥ svayam || 86 ||
[Analyze grammar]

tvaṃ viṣṇu्stvaṃ śivo brahmā tvaṃ prajāpatirasyapi |
tvaṃ bhoktā tvaṃ vidhātā ca tvamagnistvaṃ divaspatiḥ || 87 ||
[Analyze grammar]

tvaṃ pātraṃ tvaṃ paraḥ śāstā tvaṃ yajñastvaṃ parāyaṇam |
tvaṃ svāheśaḥ svadheśaśca tvaṃ vaṣaṭkārabhūmikā || 88 ||
[Analyze grammar]

tvaṃ hotā tvaṃ yajamānaḥ ko'nyo devastvaduttamaḥ |
tasmātsarvaṃ paraṃ tattvaṃ tvameva vidyase prabho || 89 ||
[Analyze grammar]

prabhuṃ pratyakṣamevā'tra tvādṛśaṃ ca vimānagam |
yamarājasya ca putryāḥ patimaiśvaryavardhitam || 90 ||
[Analyze grammar]

parityajya ca ko loke yajanīyo maheśvaraḥ |
tasmāttvaṃ tvāṃ paraṃ tattvaṃ vijānīhi makheśvaram || 91 ||
[Analyze grammar]

kālaṃ hantuṃ tathā hantuṃ mṛtyuṃ tvaṃ śaktimānasi |
mṛtaṃ jīvayituṃ tvaṃ ca samartho vidyase prabhuḥ || 92 ||
[Analyze grammar]

nendro varuṇaḥ pavanaḥ kubero'gniśca nirṛtiḥ |
dikpālā lokapālā vā tvādṛśāḥ kānta santi na || 93 ||
[Analyze grammar]

sarvaṃ te saṃvaśe loke copāsse cetare tu kam |
tyaja yajñaṃ tathā dānaṃ tyajā''sthāṃ pāralaukikīm || 94 ||
[Analyze grammar]

bhaja svaṃ ca sukhaṃ viddhi mayā dattaṃ hi sevayā |
puṇyaṃ nijātmasevā ca pāpaṃ nijātmapauḍanam || 95 ||
[Analyze grammar]

miṣṭaṃ svakāntāvacanaṃ viddhyanyat kaṭu nāśakṛt |
evaṃ jñātvā paraṃ rājyaṃ kuru svamānasaṃbhṛtam || 96 ||
[Analyze grammar]

evaṃ nityaṃ rādhike sā vakti taṃ hṛḍḍakāyinī |
so'pi tasyāḥ saṅgadoṣācchanairnāstikatāṃ gataḥ || 97 ||
[Analyze grammar]

śayane bhojane yāne sparśe śvāsagrahe tathā |
vilokane ca karaṇe pārśvaste kramate guṇaḥ || 98 ||
[Analyze grammar]

sahavāse ca vārtāyāmadhyayane ca cūmbane |
śiṣṭabhakṣye manuṣyāṇāṃ pāpaṃ saṃkramate jane || 99 ||
[Analyze grammar]

upari vāyugrahaṇe dhṛtavastrasya dhāraṇe |
pradattajalapāne ca vrajet tadguṇitāṃ matiḥ || 100 ||
[Analyze grammar]

kṣudhāyogāt krūratāṃ ca śatruyogād vināśitām |
kāntāyogād bhogyatāṃ ca yāyād buddhirvivartinī || 101 ||
[Analyze grammar]

sādhuyogāt sattvabhāvaṃ śāstṛyogāttu dīnatām |
bhṛtyayogāt svāmibhāvaṃ vrajatyeva matiḥ sadā || 102 ||
[Analyze grammar]

evaṃ vai rādhike rājño matiḥ samaparyavartata |
svārthamātraparā jātā yathā''ha hṛṅkukāyinī || 103 ||
[Analyze grammar]

itiśrīlakṣmīnārāyāgīyasaṃhitātā dvitīye tretāsattāne kaṃthādharanṛpateḥ śaṃkarabhaktyā kālayaṣṭiprāptiḥ tataḥ puṣkare sevayā vaśiṣṭhāśīrvādena cirajīvitā vipraputrasya yamapuragatasyā''nayanam svāyurdānam yamarājaputryā hṛṅkukāyinyā vivāhaḥ tatprasaṃgena nāstikatā cetinirūpaṇanāmaikacatvā |
riṃśo'dhyāyaḥ || 41 ||
[Analyze grammar]