Chapter 374

śrīnārāyaṇa uvāca |
śṛṇu lakṣmi tathā śacyāḥ pātivratyaṃ dṛḍhaṃ yathā |
caturdaśasu cendreṣu hyāgateṣu gateṣu ca || 1 ||
[Analyze grammar]

teṣveva pātivratyaṃ vai tvindrāṇyā āsa sarvathā |
ekadā tu samāyāto bṛhaspatirhi saṃsadi || 2 ||
[Analyze grammar]

mahendrasya ca devānāmāśīrvādaparāyaṇaḥ |
indro darpāt sabhāyāṃ tu ratnasiṃhāsanadvarāt || 3 ||
[Analyze grammar]

nottasthau svaguruṃ dṛṣṭvā brahmiṣṭhaṃ vai bṛhaspatim |
anye sabhāsadāḥ sarve samuttasthurvavandire || 4 ||
[Analyze grammar]

tānāśiṣaḥ saṃprayujya mahendraṃ samupekṣya ca |
gururjagāmā'tiruṣṭaḥ svā'pamāne samatsaraḥ || 5 ||
[Analyze grammar]

na śaśāpa mahājñānī dhairyamālambya dhārmikaḥ |
vinā śāpenendragarvaścūrṇībhūto babhūva ha || 6 ||
[Analyze grammar]

sakilbiṣaṃ sāparādhaṃ na śapeccenmahājanaḥ |
aparādhastaṃ phalati dharmo hantyaparādhinam || 7 ||
[Analyze grammar]

yadi hiṃsraṃ sāparādhe śapet kopena dhārmikaḥ |
sāparādho vinaśyettu dhārmikaḥ krodhavān bhavet || 8 ||
[Analyze grammar]

krodhitasya kṛtaṃ sarvaṃ puṇyaṃ naśyati mūlataḥ |
tasmāt krodho na kartavyaḥ kutracicchreya icchatā || 9 ||
[Analyze grammar]

sāparādhe'pi vai jantau kṣamā rakṣyā supuṇyadā |
kṣamāśīlasya saddharmaḥ svayaṃ karoti rakṣaṇam || 10 ||
[Analyze grammar]

avamānād guroreva brāhmaṇasya tapasvinaḥ |
brahmahatyāsamaṃ pāpaṃ jāyate tvaparādhinaḥ || 11 ||
[Analyze grammar]

pratiṣṭhitasya hananaṃ tvapamānaṃ prakīrtyate |
tenā'dharmeṇa śakrasya brahmahatyā babhūva ha || 12 ||
[Analyze grammar]

sā tu pāpātmikā cendraṃ vavalge mastake tadā |
pramatta iva saṃjāta unmatta iva bhāntimān || 12 ||
[Analyze grammar]

bhītaścendrapadaṃ tyaktvā prayayau puṣkaraṃ saraḥ |
tatra vai kāmale sūtre cakre vāsaṃ nigūḍhavat || 14 ||
[Analyze grammar]

rājyaṃ riktaṃ tadā jñātvā devāśca munayo'khilāḥ |
nahuṣaṃ nāma rājarṣiṃ cakrustvindrapradhānakam || 15 ||
[Analyze grammar]

indrāsanasya pārśvastho nahuṣo nāma bhūpatiḥ |
indrasattāpratirūpāṃ sattāmāsādya cendravat || 16 ||
[Analyze grammar]

rājyaṃ saṃcālayatyeva caturdaśabhuvāṃ tadā |
kvacitkadācidindrasya tvardhāsane'pi tiṣṭhati || 17 ||
[Analyze grammar]

indrasya bhavane cāpi yāne vāṭyāṃ ca vāhane |
udyāne yāti nahuṣo viharapyapi garvataḥ || 18 ||
[Analyze grammar]

dṛṣṭvā śacīṃ varārohāmanapatyāṃ ca sundarīm |
navayauvanaśobhāḍhyāṃ bahurūpasamanvitām || 19 ||
[Analyze grammar]

sukomalāṃ ca sudatīmanindre śokavāsitām |
mahāsatīṃ mahārājñīṃ patiśūnyāṃ manoharām || 20 ||
[Analyze grammar]

mūrchā samprāpa nahuṣaḥ kāmena yauvanena ca |
uvāca tāṃ puraḥ sthitvā vinayena svakāmiva || 21 ||
[Analyze grammar]

dhāturgatirvicitrā'ho na bodhyā sā satāmapi |
pārameṣṭhyaṃ kṣaṇaṃ caindraṃ kṣaṇaṃ sarvatra buddhyate || 22 ||
[Analyze grammar]

yauvanaṃ ca kṣaṇaṃ rājñi bhaja māmindrasannibham |
tvādṛśīṃ strīṃ parityajya kathamindro maheśvaraḥ || 23 ||
[Analyze grammar]

narāṇāṃ yoṣiti gantā'halyāyāṃ ceṭikāstriyām |
īdṛśī sundarī yasya parabhāryāsu tanmanaḥ || 24 ||
[Analyze grammar]

naitadāścaryamatrā'sti kāmo vāñcchati nūtanām |
asyā agre tu kā raṃbhā korvaśī kā tilottamā || 25 ||
[Analyze grammar]

kā vā menā ghṛtācī vā ratnamālā kalāvatī |
etāścāpsarasaścānyā naitattulyā bhavanti vai || 26 ||
[Analyze grammar]

iti praśaṃsya nahuṣo māṃ bhajasvā''ha bhāvataḥ |
ahamindrapadaṃ prāptaḥ pūrvendro'dṛśyatāṃ gataḥ || 27 ||
[Analyze grammar]

tato bhava tvaṃ saubhāgyā me vakṣasi sukhālayā |
līlayā ca sahasrendrān jetuṃ śakto'hamīśvaraḥ || 28 ||
[Analyze grammar]

māṃ gṛhītvā kuru ratiṃ puṣpacandanacarcitam |
brahmaṇastu varairdevi jarāmṛtyuvivarjitam || 29 ||
[Analyze grammar]

māṃ kuruṣva patiṃ bhadre nityasusthirayauvanam |
na me spṛhā parastrīṣu tvāṃ dṛṣṭvā lolupaṃ manaḥ || 30 ||
[Analyze grammar]

tatrāpīndro bhavāmyadya tvaṃ ca patnī nisargataḥ |
bhāvinī me bhava cādya prārthitā na prasahya vai || 31 ||
[Analyze grammar]

ityevamuktvā nahuṣo jijñāsati taduttaram |
uvāca taṃ śacī sādhvī dāsaṃ nṛpaṃ tu mānavam || 32 ||
[Analyze grammar]

śṛṇu rājan nyāyayuktaṃ pātivratyaṃ sadā mama |
brahmaṇā nirmitā cāhaṃ yāvadindrāścaturdaśa || 33 ||
[Analyze grammar]

caturdaśānāmindrāṇāṃ patnī bhavāmi vai kramāt |
caturdaśasu madhye tvaṃ nā'si vai gaṇitaḥ khalu || 34 ||
[Analyze grammar]

tasmānna tvaṃ patitve me yogyaścāsi kathaṃcana |
mānavo'si mahārāja devyahaṃ ca tato'pi vai || 35 ||
[Analyze grammar]

nā'haṃ yogyā tava patnī na devī mānuṣaṃ bhajet |
śṛṇu tvanyanmahārāja mahendrapadameva yat || 36 ||
[Analyze grammar]

bhavate nā'rpitaṃ devaiḥ kāryamātraṃ samarpitam |
na tvindratvaṃ cārpitaṃ te bhṛtyatvaṃ te samarpitam || 37 ||
[Analyze grammar]

indrānupasthitau kāryamindrasya kuru tadyathā |
pradhānasattayā kāryamātraṃ tubhyaṃ samarpitam || 38 ||
[Analyze grammar]

nendrāṇī nā''sanaṃ naiva bhavanaṃ nendratā tathā |
munibhistvarpitā tubhyaṃ mā vṛthā garvamāvaha || 39 ||
[Analyze grammar]

śṛṇu tvanyanmahārāja prajāpālanadharmavān |
gaṇyate tu pitātulyastvaṃ yātaḥ pitṛtulyatām || 40 ||
[Analyze grammar]

devānāṃ pitṛtā tvindre rājatvena virājate |
tathā tvayi samāpannā pitṛtā mādṛśīṃ prati || 41 ||
[Analyze grammar]

nā'haṃ vivāhitā te'smi na tvadarthaṃ prakalpitā |
na hi tasmāt tava bhogyā vṛthā māṃ mā''grahaṃ kuru || 42 ||
[Analyze grammar]

kiṃ ca rājan śṛṇu tattvaṃ pūrvendre vigate sati |
pūrvaṃ dehaṃ satīrūpaṃ dagdhvā dadhāmi nūtanam || 43 ||
[Analyze grammar]

evaṃ trayodaśakṛtvaḥ karomi nūtanāṃ tanūm |
gṛhṇāmi tvaparaṃ cendraṃ tenā'smi saṃpativratā || 44 ||
[Analyze grammar]

tvaṃ rājaṃścet samartho'si tyaja dehaṃ hi mānuṣam |
gṛhāṇa nūtanaṃ daivaṃ tataścaindrapadaṃ punaḥ || 45 ||
[Analyze grammar]

caturdaśasu gaṇanāṃ labha devarṣisaṃsadi |
paścād brahmādibhirdattā syāṃ bhavāmi tava priyā || 46 ||
[Analyze grammar]

nānyathā bhāminī te'smi nā'smi bhogyā kathaṃcana |
yāvadindraḥ sāsurasti proṣitaḥ puṣkare'bjake || 47 ||
[Analyze grammar]

tvaṃ cāsi karmabhūmervai rājā na tu divaḥ punaḥ |
bhayatrātā bhaved rājā sarvoṣāṃ pālakaḥ pitā || 48 ||
[Analyze grammar]

bhraṣṭaśrīśca mahendro'dya guroḥ kopād bhuvaṃ gataḥ |
tvaṃ tu kārye yojito'si prajānāṃ hi pitā yathā || 49 ||
[Analyze grammar]

kāryabhāre yojito'si nendrāṇī yojitā tvayi |
pūrvarājñaḥ pṛthivyāṃ vai yo'nyaḥ rājā'bhiṣicyate || 50 ||
[Analyze grammar]

sa tatputrastasya śiṣya iti pṛthvyāṃ prasiddhyati |
pūrvabhūpasya yā patnī rājamātā hi gaṇyate || 51 ||
[Analyze grammar]

nūtanasya tu rājñaśca patnī rājñīti gaṇyate |
iti rītyā mahārāja rājamātā bhavāmi te || 52 ||
[Analyze grammar]

na rājñī te bhavāmyevaṃ jñātvā mā lālasāṃ kuru |
gurupatnī rājapatnī devapatnī tathā vadhūḥ || 53 ||
[Analyze grammar]

pitroḥ svasā śiṣyapatnī bhṛtyapatnī ca mātulī |
pitṛpatnī bhrātṛpatnī śvaśrūśca bhaginī sutā || 54 ||
[Analyze grammar]

garbhadhātrīṣṭadevī ca puṃsaḥ ṣoḍaśamātaraḥ |
tvaṃ naro devabhāryā'haṃ mātā te sarvathā'smi vai || 55 ||
[Analyze grammar]

gaccha vatsā'ditiṃ rantuṃ yadi cecchasi mātaram |
sarvoṣāṃ niṣkṛtistvasti na vatsa mātṛgāminām || 56 ||
[Analyze grammar]

kuṃbhīpāke prapacyante yāvatte brahmaṇo vayaḥ |
tato bhavanti kṛmayaḥ kalpāḥ sapta tataḥ param || 57 ||
[Analyze grammar]

kuṣṭhimlecchāḥ saptajanau tataḥ pāpa praṇaśyati |
kiṃ rājaṃste mano yāti mātṛyonau vadā'tra me || 58 ||
[Analyze grammar]

santyehā'psaraso bahvyo yadi devīḥ pravāñchasi |
kledeṣu ca malāḍhyeṣu durgandhinilayeṣu ca || 59 ||
[Analyze grammar]

subahuṣvanubhūteṣu tathāpi hṛdi vāsanā |
sadṛśeṣu kathaṃ te'sti strībhageṣvatra māṃ vada || 60 ||
[Analyze grammar]

kulapradīpe svargeśe tvayi jāte sudharmiṇi |
kathamicchasi rājendra mūtragūhyaṃ parastriyāḥ || 61 ||
[Analyze grammar]

svargaṃ prāptaṃ tathā'pyatra tṛṣṇā kiṃ na nivartate |
sādhūnāṃ kiṃ sukhaṃ sādho strīṇāṃ yoniṣu māṃ vad || 62 ||
[Analyze grammar]

vrataṃ pativratānāṃ ca patyuḥ sevāparaṃ tapaḥ |
yathā putraḥ parapatireṣa dharmaśca yoṣitām || 63 ||
[Analyze grammar]

pālayanti yathā bhūpāḥ prajāḥ putrānivaurasān |
prajāstriyaṃ ca paśyanti rājāno mātaraṃ yathā || 64 ||
[Analyze grammar]

yajñaṃ kurvanti rājāno devabrāhmaṇarakṣakāḥ |
nivāraṇaṃ ca duṣṭānāṃ śiṣṭānāṃ paripālanam || 65 ||
[Analyze grammar]

satīnāṃ rakṣaṇaṃ cāpi kurvanti bhūbhṛtaḥ khalu |
viparītaṃ kathaṃ rājan gṛhṇāsi vartanaṃ tviha || 66 ||
[Analyze grammar]

ityuktvā tu mahendrāṇī virarāma pativratā |
uvāca nahuṣo rājā śacīṃ garviṣṭhavākyavān || 67 ||
[Analyze grammar]

śṛṇu śaci nyāyayuktaṃ grāhyaṃ te yadi rocate |
bhūmau śubhā'śubhaṃ karma kṛtvā tvādāya tatphalam || 68 ||
[Analyze grammar]

anyatra mānavo bhuṃkte svargādau vedabodhitam |
bhūmau kṛtvā mahatpuṇyaṃ svargaṃ gacchati puṇyavān || 69 ||
[Analyze grammar]

gṛhītvā sarvakanyāśca ciraṃ svarge pramodate |
svargamāyāti manujo vihāya mānavīṃ tanum || 70 ||
[Analyze grammar]

svaśarīreṇā''gāto'haṃ matpuṇyaṃ paśya sundari |
anekajanmapuṇyena tvāgataḥ svargamīpsitam || 71 ||
[Analyze grammar]

tato'pyadhikapuṇyena mahendrapadamāptavān |
tadidaṃ me mahatpuṇyaṃ darśanaṃ me tvayā saha || 72 ||
[Analyze grammar]

nahi karmasthalaṃ cedaṃ svarbhogasthalameva yat |
bhogasthale bhogyavastu nahi tyaktuṃ praśakyate || 73 ||
[Analyze grammar]

tvaṃ tu bhogyā mahendrasya sthito'smyahaṃ tadāsane |
asvāmikā'dhunā tvaṃ ca mama bhogyā prajāyase || 74 ||
[Analyze grammar]

nirmitā tvaṃ mama bhogye yenā'hamaindramāsthitaḥ |
tava bhāgye likhito'haṃ yataścaindrapade sthitaḥ || 75 ||
[Analyze grammar]

tvaṃ ca kānte mama yogyā yāvadindro bhavāmyaham |
tyakte tvindrapade tvāṃ na lokayiṣyāmi vai punaḥ || 76 ||
[Analyze grammar]

ehi kānte bhavanā'ntargṛhe raṃsye tvayā saha |
tyaja dvaidhaṃ tu manaso modasva mānave sure || 77 ||
[Analyze grammar]

ityuktvā virarāmā'sau śacī śrutvā śuśoca ha |
acetanasya mūḍhasya kāryā'kāryamajānataḥ || 78 ||
[Analyze grammar]

śroṣyāmyadya kathāṃ katividhāṃ kāmāturasya ca |
vāyumattaḥ surāmattaḥ kāmamatto vicetanaḥ || 79 ||
[Analyze grammar]

mṛtyuṃ na gaṇayet kāmī kāmena hṛtamānasaḥ |
prāha vai nahuṣaṃ tatra nyāyyaṃ pratyuttaraṃ punaḥ || 80 ||
[Analyze grammar]

svargaṃ bhogasthalaṃ tvasti karmaphalaṃ hi bhujyate |
tvayā nāsti kṛtaṃ tādṛg bhogyā bhavāmi yena te || 81 ||
[Analyze grammar]

pṛccha vai dharmarājāya pṛcchā'nyagurave tathā |
tiṣṭhantīndrāsane rikte makṣikā jantavo'pi ca || 82 ||
[Analyze grammar]

na te bhavanti cendrā vai bhogyā teṣāṃ bhavāmi na |
indra eva patirme'sti makṣikā jantavo nahi || 83 ||
[Analyze grammar]

tvaṃ tu rājaṃstathābhūto mā''grahaṃ kuru vai mṛṣā |
śṛṇu rājaṃstathā gopyaṃ yadasmyadya rajasvalā || 84 ||
[Analyze grammar]

ṛtoḥ prathamo divaso hyadya me vartate nṛpa |
prathame divase nārī cāṇḍālīvat tvaśuddhigā || 85 ||
[Analyze grammar]

dvitīye divase mlecchāsamā'to rajakīsamā |
tṛtīye'tha caturthe sā śuddhā bhartrarthameva vai || 86 ||
[Analyze grammar]

tataḥ sā daivapaitryādikāryayogyā bhavatyapi |
ādye rajasvalāgantā brahmahatyāṃśapāpavān || 87 ||
[Analyze grammar]

dvitīye divase bhoktā gohatyāpāpako bhavet |
tṛtīye divase bhoktā bhrūṇahatyāghavān bhavet || 88 ||
[Analyze grammar]

caturthe patiyogyā sā snātvā saṃjāyate satī |
ṛtudānaṃ patirdadyād vidhirvedairnirūpitaḥ || 89 ||
[Analyze grammar]

ayugalāsu rātriṣu dāne kanyā prajāyate |
yugalāsu tu rātriṣu dāne putraḥ prajāyate || 90 ||
[Analyze grammar]

āṣoḍaśarātryantaṃ śaktirgarbhadhṛterbhavet |
taduttaraṃ praśāntistu garbhadhṛtirna vai bhavet || 91 ||
[Analyze grammar]

tatra patnī na gantavyā bījahatyā'bhidūṣaṇāta |
evaṃ dharmaḥ racito'sti tvaṃ tu dharmaṃ vihāya vai || 95 ||
[Analyze grammar]

kāmāturo bhavatyadya gaccha rājñīṃ nijāṃ bhuvi |
śāntiṃ labha mahārāja vrataṃ dīrghaṃ carāmyaham || 93 ||
[Analyze grammar]

śacyāstadvacanaṃ śrutvā prahasya nahuṣastadā |
uvāca dharmavidhuraṃ kalpitaṃ bhogakāṃkṣayā || 94 ||
[Analyze grammar]

devapatnī sadā śuddhā rājasvalyaṃ na vidyate |
rajasvalākṛtaṃ pāpaṃ bhūloke nātra vai divi || 95 ||
[Analyze grammar]

candravaṃśyo bhavāmyatra mahendro devapaṃktigaḥ |
rājasvalyena me nāsti bādhastvāyāhi sundari || 96 ||
[Analyze grammar]

ṛtupāpaṃ mayi syāccet tava kiṃ rama śobhane |
ramaṇārthaṃ kuru śayyāṃ bhavatvadya samāgamaḥ || 97 ||
[Analyze grammar]

ityuktvā virarāmā'sau rājā kurvan pratīkṣaṇam |
śacī prāha śṛṇu rājan buddhiste vilayaṃ gatā || 98 ||
[Analyze grammar]

pātivratyamapradhṛṣyaṃ dhṛṣye dhṛṣṭurvināśakam |
itijñātvā vada cāgre pravṛtto'bhūrvicārya vai || 99 ||
[Analyze grammar]

tvāṃ śapāmi cet tvatra rakṣakaḥ ko'pi nāsti te |
pātivratyaṃ mahān dharmo nārāyaṇasvarūpavān || 100 ||
[Analyze grammar]

nārāyaṇo haro brahmā viṣṇurvairāja īśvarāḥ |
bibhyatyeva parāddharmāt pātivratyāddhi kaṃpitāḥ || 101 ||
[Analyze grammar]

sūryaścandro varuṇaśca yamo mṛtyurjarādayaḥ |
kālaḥ saṃkarṣaṇo rudro bibhyatyeva pativratāt || 102 ||
[Analyze grammar]

meghaḥ śaniścaro rāhurdānavā rākṣasā api |
daityā devā vahnayaśca vārdhayaḥ parvatāstathā || 103 ||
[Analyze grammar]

kampante pātivratyād vai vicāraṃ kuru mānase |
pativratā subhāryā vai patiṃ jīvayati mṛtam || 104 ||
[Analyze grammar]

jalānāṃ pralayaṃ saiva śamayatyeva sādhvikā |
agnīnāmuṣṇatāṃ śītāṃ karotyeva pativratā || 105 ||
[Analyze grammar]

mahākālaṃ parāvṛtya jīvatyeva pativratā |
sūryacandragatirodhau karotyeva pativratā || 106 ||
[Analyze grammar]

vṛkṣapuṣpaphalasmṛddhiṃ karotyeva pativratā |
viṣṇoḥ sudarśanaṃ śastraṃ brahmāstraṃ lokanāśakam |
śamayatyeva saṃkalpād drāgeva tu pativratā || 107 ||
[Analyze grammar]

sāparādhasya puṇyānāṃ nāśaṃ karoti sādhvikā |
brahmāṇḍapralayaṃ cāpi kartuṃ śaktā pativratā || 108 ||
[Analyze grammar]

jale sthalaṃ sthale vāri vyomni bhūmiṃ bhuvo'mbaram |
nārīṃ naraṃ naraṃ nārīṃ kartuṃ śaktā pativratā || 109 ||
[Analyze grammar]

kiṃ na jānāsi rājendra kā te buddhirūpasthitā |
yamapāśān suvicchetuṃ śaktā nārī pativratā || 110 ||
[Analyze grammar]

tasmād rājan bhuvaṃ yāhi mā manaḥ kaluṣaṃ kuru |
iti jāte vivāde'tra vṛhaspatirupāgataḥ || 111 ||
[Analyze grammar]

rājātvindrasvarūpatvāt satkāraṃ susamācarat |
śacī yayau salajjā svabhavanāntarameva yat || 112 ||
[Analyze grammar]

nahuṣāt satkṛtiṃ labdhvā dattvā''śīrvādamityatha |
yayau śacīgṛhaṃ tatra śacyā datte śubhāsane || 113 ||
[Analyze grammar]

niṣasāda guruḥ śacyā vivādārtho niveditaḥ |
prārthito'pi guruḥ samyak śacyā tu dīnayā tadā || 114 ||
[Analyze grammar]

rakṣa rakṣa mahābhāga nimagnāṃ śokasāgare |
dūrīkṛto mama patistvayā śiṣyaḥ svarājyataḥ || 115 ||
[Analyze grammar]

sampacchūnyamāśramaṃ me nahuṣaścendratāṃ vahan |
svapatnīṃ māṃ vidhātuṃ sa karotyāgrahamulbaṇam || 116 ||
[Analyze grammar]

ahaṃ pativratā nārī necchāmyanyaṃ patiṃ guro |
pātivratyaṃ paraṃ dharmamutsraṣṭuṃ notsahe guro || 117 ||
[Analyze grammar]

rājā tathā guruścobhau mānyau pūjyau sadā matau |
sāmnā yāvadvirodhasya śāntiḥ syāttāvadeva tu || 118 ||
[Analyze grammar]

sādhvyā śāpo na vai deyaḥ sarvathā'pi samarthayā |
iti vicārya ca mayā śapto na nahuṣo nṛpaḥ || 119 ||
[Analyze grammar]

patyurviprakarastvaṃ ca śapto nā'si tu gauravāt |
yadi coktaṃ mayā samyaṅ na bhaviṣyati vai guro || 120 ||
[Analyze grammar]

śapāmi tvāṃ ca nahuṣaṃ sarvanāśo bhaviṣyati |
tathāpi mahatāṃ nāśe māstu me mānase tvarā || 121 ||
[Analyze grammar]

iti kṛtvā''vedayāmi śāntiṃ kuru guro sukham |
yathā patirmahendro me samāyāt svagṛhaṃ prati || 122 ||
[Analyze grammar]

nahuṣastu bhaved bhraṣṭastathā kāryaṃ vidhīyatām |
datvā caraṇareṇūṃ staṃ mahendraṃ dehi cāśiṣaḥ || 123 ||
[Analyze grammar]

sarveṣāṃ tu gurūṇāṃ ca janmadātā paro guruḥ |
pituḥ śataguṇā mātā pūjyā vandyā garīyasī || 124 ||
[Analyze grammar]

vidyādātā mantradātā jñānado haribhaktidaḥ |
pūjyo vandyaśca sevyaśca mātuḥ śataguṇo guruḥ || 125 ||
[Analyze grammar]

ajñānatimirāndhasya jñānāṃ'janaśalākayā |
cakṣurunmīlitaṃ yena tasmai śrīguruve namaḥ || 126 ||
[Analyze grammar]

janmadātā'nnadātā ca tathā'nye guruvo matāḥ |
āropitāśca guravaḥ prasahya guruvastathā || 127 ||
[Analyze grammar]

tathopaguravaḥ santi śikṣakā guruvo'pi ca |
pāraṃ kartuṃ na śaktāste ghorasaṃsārasāgare || 128 ||
[Analyze grammar]

vidyāmantrajñātadātā nipuṇaḥ pārakarmaṇi |
sa śaktaḥ śiṣyamuddhartumīśvaraśceśvareśvaraḥ || 129 ||
[Analyze grammar]

gururviṣṇurgururbrahmā gururdevo maheśvaraḥ |
gururdharmo guruḥ śeṣaḥ sarvātmā keśavo guruḥ || 130 ||
[Analyze grammar]

sarvatīrthādhivāsaśca sarvadevādhivāsitaḥ |
sarvadevātmako divyo gururūpī hariḥ svayam || 131 ||
[Analyze grammar]

abhīṣṭadeve vai ruṣṭe guruḥ śakto hi rakṣitum |
gurau ruṣṭe'bhīṣṭadevo na vai śaktaśca rakṣitum || 132 ||
[Analyze grammar]

gurau ruṣṭe grahā ruṣṭā ruṣṭā devāśca sarvathā |
bhāgyānyapi ca ruṣṭāni guruṃ ruṣṭaṃ na kārayet || 133 ||
[Analyze grammar]

na guroradhikaścātmā priyaḥ putraḥ priyo'pi na |
dhanaṃ patnī tapo dharmaḥ puṇyaṃ satyaṃ na vai priyam || 134 ||
[Analyze grammar]

guroḥ paro na vai śāstā rājā bandhurna vai paraḥ |
mantro vidyāgururdevaḥ pūrvalabdhaḥ patistathā || 135 ||
[Analyze grammar]

parātparaḥ sa vijñeyaḥ sarveṣāmupari sthitaḥ |
mātā vandyā pitā vandyo vandyaśca tvādṛśo guruḥ || 136 ||
[Analyze grammar]

viprāṇāṃ tvaṃ variṣṭho'si gariṣṭhaśca tapasvinām |
brahmiṣṭho'si brahmavitsu dharmiṣṭhaḥ sarvadharmiṇām || 137 ||
[Analyze grammar]

devānāṃ sarvathā pūjya iti jānāmi sarvadā |
tataḥ kṣamāṃ yayāce'haṃ śapāmi naiva madgurum || 138 ||
[Analyze grammar]

tuṣṭo bhava muniśreṣṭha śakramānaya mā ciram |
nahuṣaṃ tvindrabhavanācchīghraṃ prakṣipa bhūtale || 139 ||
[Analyze grammar]

ityuktvā tvāntare tṛptā bahiḥ saumyā śacī tadā |
maunamālambya dhairyeṇa phalaṃ ceyeṣa sattvaram || 140 ||
[Analyze grammar]

vṛhaspatistadā prāha dhanyā'si tvaṃ pativrate |
śaptuṃ tvaṃ vai samarthā'si rakṣito'haṃ nṛpo'pi ca || 141 ||
[Analyze grammar]

nāryo bhavantu tādṛśyo yathā rakṣākarī śacī |
ityuktvā prāha cendrāṇyai sarvaṃ bhadraṃ bhaviṣyati || 142 ||
[Analyze grammar]

sadyaḥ prāpsyasi bhartāraṃ mahendraṃ tvaṃ mamāśiṣā |
yathā kacasya patnī me tathā tvamapi śobhane || 143 ||
[Analyze grammar]

yathā putrastathā śiṣyā na bhedaḥ putraśiṣyayoḥ |
tarpaṇe piṇḍadāne ca pālane paritoṣaṇe || 144 ||
[Analyze grammar]

yathā'gnidātā putraśca tathā śiṣyo'pi niścitaḥ |
pitā mātā gururbhāryā śiśuśca'nāthabāndhavāḥ || 145 ||
[Analyze grammar]

ete puṃsāṃ nityapoṣyā eṣa dharmaḥ sanātanaḥ |
kurute mānavīṃ buddhiṃ mātāpitrostathā gurau || 146 ||
[Analyze grammar]

ayaśastasya sarvatra vighna eva pade pade |
karoti sampanmatto yaḥ svagurostu parābhavam || 147 ||
[Analyze grammar]

acirātsarvanāśo'sya bhavet svasyāpi niścitam |
māṃ tu dṛṣṭvā sabhāmadhye nottasthau pākaśāsanaḥ || 148 ||
[Analyze grammar]

bhunakti tatphalaṃ tvindraḥ paśya sādhvi tu sāmpratam |
ahaṃ karomi mokṣaṃ ca samartho'smi pativrate || 149 ||
[Analyze grammar]

pātivratyabalātte ca nahuṣo'pi vinaṃkṣyati |
indrastvāyāsyati śīghraṃ sarvaṃ yuktaṃ bhaviṣyati || 150 ||
[Analyze grammar]

bhaviṣyati prabhāvaste durgāyāśca samaḥ sati |
lakṣmīsamā pratiṣṭhā ca yaśastadyaśasā samam || 151 ||
[Analyze grammar]

saubhāgyaṃ rādhikātulyaṃ tatsamaṃ prema bhartari |
tattulyaṃ gauravaṃ mānyaṃ prītiprādhānyamucyate || 152 ||
[Analyze grammar]

rohiṇyāstu samā hṛdyā pūjyā sarasvatīsamā |
śuddhā bhaviṣyasi śaśvatsāvitrīsadṛśī sadā || 153 ||
[Analyze grammar]

ityuktvā tāṃ gurustatra śikṣayāmāsa rakṣaṇam |
vad sādhvi nahuṣaṃ taṃ śacīṃ ced bhoktumicchati || 154 ||
[Analyze grammar]

apūrvaṃ yānamāruhya niśāyāmāgamiṣyasi |
saptarṣīṇāṃ yadi skandhe dattvā svaśibikāṃ śubhām || 155 ||
[Analyze grammar]

tāmāruhya samāyāhi śacīṃ bhoktuṃ tadā'rhasi |
śacyāvākyāni tānyevā''veditāni tu bhūbhṛte || 156 ||
[Analyze grammar]

prahasya nahuṣaścāpi kiṃkaraṃ prāha satvaram |
gaccha gaccha tvaran gaccha saptarṣīn śīghramānaya || 157 ||
[Analyze grammar]

ityuktaḥ prayayau dūtaḥ saptarṣīṃstvānayad drutam |
rājā dṛṣṭvā tu tānsarvānnanāmovāca sādaram || 158 ||
[Analyze grammar]

yūyaṃ tu brahmaṇaḥ putrāḥ paropakaraṇe ratāḥ |
mohamātsaryahīnāśca darpā'haṃkāravarjitāḥ || 159 ||
[Analyze grammar]

nārāyaṇasamāḥ sarve jvalanto brahmatejasā |
mama kāryakaraṇārthaṃ kṛpāvanto bhavantu vai || 160 ||
[Analyze grammar]

prāhustaṃ munayaḥ śrutvā vṛṇīṣva manasi sthitam |
sarve dātuṃ vayaṃ śaktāstvadarthaṃ mā ciraṃ kuru || 161 ||
[Analyze grammar]

nahuṣaḥ prāha tāṃstatra yūyaṃ vai bhaktavatsalāḥ |
adhunā datta me tūrṇaṃ śacīdānamabhīpsitam || 162 ||
[Analyze grammar]

saptarṣivāhanaṃ kāntaṃ śacīcchati mahāsatī |
enameva varaṃ me'dya niṣpannaṃ kurutā'ciram || 163 ||
[Analyze grammar]

iti śrutvā tu munayo jahasurmohitaṃ nṛpam |
cakruḥ skandhe'sya śibikāṃ yayau rājā śacīṃ prati || 164 ||
[Analyze grammar]

jarjaritāstu munayaḥ śanairyānti tadā nṛpaḥ |
śīghraṃ sarpantu munayaḥ samāḥ prāha munīn muhuḥ || 165 ||
[Analyze grammar]

śrutvā krodhaṃ samāpanno durvāsāstvagrago'vadat |
sarpantviti pravaktā tvaṃ sarpastvajagaro bhava || 166 ||
[Analyze grammar]

evamukto drutaṃ rājā mahānajagaro'bhavat |
patitaḥ śibikātaśca stutiṃ cakre tapasvinām || 167 ||
[Analyze grammar]

ṛṣayastu nṛpaṃ prāhurdharmaputrasya darśanāt |
mokṣo bhaviṣyati sarpād vaikuṇṭhaṃ ca gamiṣyasi || 168 ||
[Analyze grammar]

ityuktvā prayayuḥ satyaṃ ṛṣayastu dayālavaḥ |
śacī jagāma tacchratvā guruṃ namāma cādarāt || 169 ||
[Analyze grammar]

yayau brahaspatiḥ śīghraṃ puṣkare padmatantuṣu |
yatra vai rājate tvindraścājuhāva sureśvaram || 170 ||
[Analyze grammar]

ayi vatsa tvamāgaccha guruste'haṃ bṛhaspatiḥ |
śrutvā gurusvaraṃ saukṣmyaṃ hitvā tvindraḥ samāyayau || 171 ||
[Analyze grammar]

papāta daṇḍavat taṃ ca mudorasi cakāra saḥ |
nītvā yajñaṃ kārayitvā somaṃ taṃ tvamarāvatīm || 172 ||
[Analyze grammar]

pradadau paramaiśvaryaṃ pūrvasmāttu caturguṇam |
śacī samprāpa bhartāraṃ pātivratyaprabhāvataḥ || 173 ||
[Analyze grammar]

ityevaṃ kathitaṃ lakṣmi śacyāḥ satītvamatra te |
brahmahatyāpraśamanaṃ somayāgaphalapradam || 174 ||
[Analyze grammar]

varṣaṃ somalatāpānaṃ yajamānaścakāra san |
varṣamekaṃ phalāhāraṃ jalapānaṃ tu vatsaram || 175 ||
[Analyze grammar]

traivārṣikaṃ vrataṃ cendraścakārā''sa punaḥ prabhuḥ |
sarvasādhyo na yajño'yaṃ bahvanno bahudakṣiṇaḥ || 176 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye bṛhaspatyavamānena bhraṣṭendrasyapuṣkaranālavāse nahuṣeṇendrapratinidhinā'rthitāyāṃ śacyāṃ saptarṣiyānamāruhya gacchatā sarpatā prāptetyādigarbhakapātivratyabalakathananāmā catuḥsaptatyadhikatriśatatamo'dhyāyaḥ || 374 ||
[Analyze grammar]