Chapter 170

| śrīlakṣmīruvāca |
nanu vibhāvarī keyaṃ yā satī dakṣaputrikā |
jātā brahmātmikā devī saṃśayaṃ chindhi me hare || 1 ||
[Analyze grammar]

śrīnārāyaṇa uvāca |
śṛṇu lakṣmi satī vibhāvarī rātriryathā'bhavat |
goloke dhāmni bhagavān śrīmān kṛṣṇo virājate || 2 ||
[Analyze grammar]

parabrahmasvarūpaḥ sa golokādhipatiḥ prabhuḥ |
mahāmāyā ca yā mūlā prakṛtirbrahmavāmagā || 3 ||
[Analyze grammar]

kṛṣṇavāme sthitā kvāpi līnarūpā virājate |
naikākī ramate kṛṣṇaḥ sa tadaicchad dvitīyakam || 4 ||
[Analyze grammar]

tadā kṛṣṇasya vāmāṃgādāvirāsa sukanyakā |
dhāvitvā''nīya kusumaṃ rājacampakavṛkṣajam || 5 ||
[Analyze grammar]

kṛṣṇasya caraṇe nyasya svayaṃ rāse dadhāra ca |
tena rādhā tadā proktā kāryasiddhikarī tu sā || 6 ||
[Analyze grammar]

kāntaṃ kṛṣṇaṃ saha nītvā vṛkṣakuṃje viveśa sā |
ratyānandaṃ dadātyasmai so'pi ratipramūrchanām || 7 ||
[Analyze grammar]

avāpa cāpi ca nidrāṃ supravṛtte mahāsukhe |
rādhā prāha tadā kṛṣṇaṃ kiṃ na kṛṣṇaḥ praceṣṭase || 8 ||
[Analyze grammar]

kṛṣṇaḥ prāha priye nidrā samāyātā kṣaṇaṃ śramāt |
rādhā kruddhā tadā nidropari nidrāpi bālikā || 9 ||
[Analyze grammar]

bhūtvā pārśve sthitā namrā kṛṣṇanetre vihāya vai |
dṛṣṭvā prāha tadā rādhā re nidre ratikhaṇḍike || 10 ||
[Analyze grammar]

mā'stu golokavāsaste gaccha vairājapūruṣe |
sarvānandanāśayitrī tāmasī rudrasaṃgatā || 11 ||
[Analyze grammar]

bhava tāmasabhāvā tvaṃ devī saṃhāriṇī sadā |
abhāvapratyayādhārā vṛttirnidrā vināśinī || 12 ||
[Analyze grammar]

ghorā hyāsuranāśāya paryāptā bhava sarvadā |
daityasainyeṣu nityaṃ tvaṃ sannaddhā bhava tāmasī || 13 ||
[Analyze grammar]

sṛṣṭau sarvatra jīvānāmindriyeṣu virāmikā |
bhava sthitiṃ kṛtavatī rudrāṇī rudrasaṃgatā || 14 ||
[Analyze grammar]

rānārthasya hi bhānasya antrī rātrirbhaviṣyasi |
bhānaṃ ca vigataṃ yasmādvibhāvarī bhaviṣyasi || 15 ||
[Analyze grammar]

vairājaputrīṃ tvāṃ brahma svayaṃ sṛṣṭau grahīṣyati |
sa ca vibhāvarīṃ devīṃ dakṣāya putrikātmikām || 16 ||
[Analyze grammar]

dāsyati pravarāṃ kanyāṃ dakṣaḥ satīṃ tu śaṃbhave |
sā kālī caṇḍikā devī hyasurān nāśayiṣyati || 17 ||
[Analyze grammar]

sā tvaṃ kālī tathā rātrirvibhāvarī ca nidrikā |
rudrasahacarī bhūtvā vihariṣyasi tāmasī || 18 ||
[Analyze grammar]

ityādeśāddhareḥ kāmādbhāvikāryavaśāttathā |
vibhāvarī satī rātrirdakṣakanyā babhūva sā || 19 ||
[Analyze grammar]

śrīlakṣmīruvāca |
nanu śaṃbhuryadotpanno vairājātpuruṣāttadā |
sahaiva śāṃbhavī śaktiḥ protpannā śrūyate tu yā || 20 ||
[Analyze grammar]

tasyāḥ śivāyā asyāśca rātryā bhedo'sti vā na vā |
śivā tu sarvadā patnī rātrirjāyā'parā'sti kim || 21 ||
[Analyze grammar]

śrīnārāyaṇa uvāca |
yogyaṃ pṛṣṭaṃ tvayā devi gahanaṃ mama ceṣṭitam |
nānyaistu jñāyate caitatkadā kiṃkimabhūditi || 22 ||
[Analyze grammar]

śṛṇu pūrvaṃ yathāvṛttaṃ jñātavyaṃ bhavatīti yat |
kathayāmi kathāśeṣaṃ śivasyā'nādibhāvanam || 23 ||
[Analyze grammar]

nārāyaṇaḥ sarvapatiḥ sarvakāraṇakāraṇam |
akṣare ca pare dhāmni rājate muktasevitaḥ || 24 ||
[Analyze grammar]

yathecchati yadā sṛṣṭiṃ tadā tāṃ sṛjjati dhruvam |
tadā tena kṛtaṃ kīdṛk prasaṃgātkathayāmi te || 25 ||
[Analyze grammar]

parabrahmaṇa evāṃgād rādhā yadopajāyata |
tadarthaṃ dhāma golokaṃ kṛṣṇaṃ rūpaṃ cakāra ca || 26 ||
[Analyze grammar]

sā ca kṛṣṇasya patnyāsītprāṇebhyo'pi garīyasī |
devī ṣoḍaśavarṣīyā prodbhinnanavayauvanā || 27 ||
[Analyze grammar]

vahniśuddhāṃśukādhānā komalāṃgī samujjvalā |
puṣṭanitambabhārārtā sundarī sumanoharā || 28 ||
[Analyze grammar]

raktamṛdusundarauṣṭhā pīnaśroṇipayodharā |
muktāpaṃktisamacaṃcaddantapaktimanoharā || 29 ||
[Analyze grammar]

koṭipārvaṇacandrātiriktatejobharānanā |
padmapatrāyatanetrā keśaveśādimaṇḍitā || 30 ||
[Analyze grammar]

tilapuṣpaśukacañcusamanāsā'tisundarā |
svarṇavarṇasamagaṇḍayugmakāntibahūjjvalā || 31 ||
[Analyze grammar]

dhṛtasvarṇamaṇiratnabhūṣākarṇasuśobhanā |
candanā'gurukastūrīsindūrakuṃkumādibhiḥ || 32 ||
[Analyze grammar]

kapālayoḥ kṛtapatrā puṣpagrathitadhammilā |
kṛtasṛtisasindūrarekhākabarīmastakā || 33 ||
[Analyze grammar]

sthalapadmadalakāntilasaccaraṇasacalā |
haṃsahastigatidyotadvakṣaḥpiṇḍobhamantharā || 34 ||
[Analyze grammar]

ratnahārānmaṇihārān vanamālāṃ manoharām |
hārān hīrakanirmāṇān ratnakeyūrakaṃkaṇam || 35 ||
[Analyze grammar]

sadratnasāranirmāṇavalayān ratnavaṃgadāḥ |
svarṇakiṃkiṇikāguṃjadraśanāṃ dadhatī satī || 36 ||
[Analyze grammar]

amūlyaratnanirmāṇakvaṇanmaṃjīraraṃjitā |
nānāprakāraratnāḍhyapadmakaṃ paribibhratī || 37 ||
[Analyze grammar]

alaktaspṛśakarapattalanakhauṣṭhamaṃjulā |
uvāsa sasmitā bhartuḥ ratnasiṃhāsanā'rdhake || 38 ||
[Analyze grammar]

athā'syā lomakūpebhyaḥ sadyo gopāṃganāgaṇaḥ |
veśarūpākṛtibhistatsamaḥ susthirayauvanaḥ || 39 ||
[Analyze grammar]

lakṣakoṭipramātaśca goloke gopikāgaṇaḥ |
prāvirbabhūva vai śaśvatkṛṣṇadāsīsamāhvayaḥ || 40 ||
[Analyze grammar]

kṛṣṇasya lomakūpebhyaḥ sadyo gopagaṇo'pyatha |
āvirbabhūva vai śaśvadrūpaveśādibhiḥ samaḥ || 41 ||
[Analyze grammar]

triṃśatkoṭipramātaśca kṛṣṇadāsagaṇaḥ sa hi |
kṛṣṇasya lomakūpebhyaḥ sadyaścāvirbabhūva ca || 42 ||
[Analyze grammar]

bahuvarṇo gogaṇaśca śaśvatsusthirayauvanaḥ |
surabhyaśca balīvardā vatsataryaśca vatsakāḥ || 43 ||
[Analyze grammar]

śobhanā maṃgalakarā hyāsan prādustadā śubhāḥ |
teṣāmekaṃ balīvardaṃ koṭisiṃhasamaṃ bale || 44 ||
[Analyze grammar]

śaṃbhuvāhanalābhārthaṃ kṛṣṇo'rakṣanmanoharam |
kṛṣṇāṃghrinakharandhrebhyo haṃsapaktiḥ supāṇḍurā || 45 ||
[Analyze grammar]

āvirbabhūva śaśvatstrīpuṃlakṣmātisundarā |
teṣāmekaṃ rājahaṃsaṃ vedhovāhanalabdhaye || 46 ||
[Analyze grammar]

kṛṣṇo'rakṣatsudhavalaṃ mahābalaparākramam |
kṛṣṇasya vāmakarṇasya vivarātsumanoharaḥ || 47 ||
[Analyze grammar]

gaṇaḥ śvetaturaṃgāṇāmāvirbabhūva nityakaḥ |
teṣāṃ śvetatamaṃ tvekaṃ dharmavāhanalabdhaye || 48 ||
[Analyze grammar]

kṛṣṇo'rakṣaddadau cānyānsurebhyo bhagavān svayam |
kṛṣṇasya dakṣakarṇasya vivarācchobhanākṛtiḥ || 49 ||
[Analyze grammar]

prāvirbhūtā sihapaṃktirmahābalaparākramā |
teṣāmekaṃ dadau kṛṣṇo vibhāvaryai mahābalam || 50 ||
[Analyze grammar]

bhogyaṃ yadyat tadā'pekṣya kṛtaṃ kṛṣṇena yoginā |
tathā sarvagataṃ divyaṃ cakāra rathapaṃcakam || 51 ||
[Analyze grammar]

vividharatnakhacitaṃ manoyāyi mahattaram |
lakṣayojanāyataṃ ca śatayojanamūrdhvagam || 52 ||
[Analyze grammar]

lakṣacakraṃ vāyuraṃho lakṣakrīḍāgṛhānvitam |
bhogyaśṛṃgāratalpādivihārodyānarājitam || 53 ||
[Analyze grammar]

ratnapradīpalakṣāṇāṃ prakāśāśca gṛhe gṛhe |
divyatoraṇakalaśadhvajacitrādibṛṃhitam || 54 ||
[Analyze grammar]

ratnadarpaṇacāmarachatramuktāgavākṣakam |
maṇīndramuktāmāṇikyahīrahārasuśobhitam || 55 ||
[Analyze grammar]

nīlaraktapiśaṃgapāṇḍurapaṃkajaśobhanam |
ekasteṣu pradatto vaikuṇṭhavāsisvarūpiṇe || 56 ||
[Analyze grammar]

aparo'vyākṛtavāsibhūmne'rpitaḥ svarūpiṇe |
tṛtīyastu mahāviṣṇusvarūpāya svarūpiṇe || 57 ||
[Analyze grammar]

caturtho rādhikāyai ca paṃcamaḥ svāya rakṣitaḥ |
āvirbabhūvuḥ kṛṣṇasya guhyadeśāttu guhyakāḥ || 58 ||
[Analyze grammar]

kubero guhyakeśaśca sundarī guhyakī tathā |
atha kṛṣṇasya mukhato hyāvirbhūtāśca pārṣadāḥ || 59 ||
[Analyze grammar]

pītavastrā vanamālādharāḥ śyāmāścaturbhujāḥ |
śaṃkhacakragadāpadmakirīṭaratnakuṇḍalāḥ || 60 ||
[Analyze grammar]

nārāyaṇāya vaikuṇṭhe dadau caturbhujān bahūn |
dvibhujāḥ śyāmalā kṛṣṇasadṛśāḥ pārṣadāḥ kṛtāḥ || 61 ||
[Analyze grammar]

vaiṣṇavā dāsyadāsāśca kṛtāḥ kṛṣṇaparāyaṇāḥ |
rakṣitāḥ svīyasevāyāṃ dhyāyantaścaraṇāmbujam || 62 ||
[Analyze grammar]

āvirbabhūva kṛṣṇasya vāmanetrāt triśūladhṛk |
śvetavarṇastāmasaśca trinetro bhālacandrakaḥ || 63 ||
[Analyze grammar]

vyāghracarmadharo haste ḍamaruṃ dhārayan jaṭī |
sa īśāno mahābhāgo dikpālānāmadhīśvaraḥ || 64 ||
[Analyze grammar]

tathā triśūlapaṭṭīśadharāśca candraśekharāḥ |
trinetrāśca mahākāyā gaṇāścānye babhūvire || 65 ||
[Analyze grammar]

surāstrikoṭisaṃkhyātāḥ kṛṣṇamūrteḥ pratisthalāt |
prādurbabhūvuḥ sarve te yathāsthānamavasthitāḥ || 66 ||
[Analyze grammar]

ratirmūrtiśca sāvitrī manoramā sarasvatī |
mahālakṣmīḥ satī lakṣmīrbabhūvurhṛdayāmbujāt || 67 ||
[Analyze grammar]

nārāyaṇāya pradadau mahālakṣmīṃ sarasvatīm |
sāvitrīṃ brahmaṇe prādāt mūrtiṃ dharmāya sādaram || 68 ||
[Analyze grammar]

ratiṃ kāmāya rūpāḍhyāṃ kuberāya manoramām |
lakṣmīṃ ca viṣṇave prādāt satīṃ śivāya cārpayat || 69 ||
[Analyze grammar]

śivaḥ prāha tadā yogī praṇataḥ kṛṣṇamacyutam |
adhunā'haṃ na gṛhṇāmi prakṛtiṃ prākṛto yathā || 70 ||
[Analyze grammar]

yogajñānabrahmacaryadāsyabhaktivirodhinīm |
muktīcchābandhakartrī ca sakāmāṃ kāmavardhinīm || 71 ||
[Analyze grammar]

tapasyānāśinīṃ cittasantoṣabhakṣikāṃ kṣudhām |
bhavakārāgrahe ghore dṛḍhanigaḍarūpiṇīm || 72 ||
[Analyze grammar]

śaśvadvibuddhijananīṃ sadbuddhicchedakāriṇīm |
sadā bhogārthasārāṃ ca viṣayecchāvivardhinīm || 73 ||
[Analyze grammar]

malamūtramayīṃ vallīṃ dehataruprabandhanām |
ratikāryā'dhikakākṣepiṇīṃ svārthatanmayīm || 74 ||
[Analyze grammar]

svātantryanāśinīṃ śokamohasthānamayīṃ dṛḍhām |
dhāraṇādhyānaguptāṃgāṃ brahmadhyānavirodhinīm || 75 ||
[Analyze grammar]

necchāmi gṛhiṇīṃ nātha varaṃ dehi madīpsitam |
tvadbhaktau dāsabhāve ca prema saṃvardhate'niśam || 76 ||
[Analyze grammar]

tvannāmajapane pādasevane'rcanakarmaṇi |
śravaṇe kīrtane stotre smaraṇe mitrabhāvane || 77 ||
[Analyze grammar]

sarvadā jāgrati svapne tvayyeva prabhramāmyaham |
tṛptirjāyeta naiva tvaddhyāne yoge tapassu ca || 78 ||
[Analyze grammar]

tavā''vāhanāsanācāmanābhisnānasevane |
gandhapuṣpadhūpavastradīpacandanacarcane || 79 ||
[Analyze grammar]

naivedyajalatāmbūlā''rārtrikastutivandane |
namaskārapradakṣiṇā'laṃkṛtisatphalārpaṇe || 80 ||
[Analyze grammar]

samarpaṇe cātmanaśca nityaprasādabhojane |
tṛptiryathā na jāyeta tathā dehi dayānidhe || 81 ||
[Analyze grammar]

sārṣṭisālokyasārūpyasāmīpyasāmyalīnatāḥ |
tava bhaktisukhāṃśasya kalāṃ nārhanti ṣoḍaśīm || 82 ||
[Analyze grammar]

aṇimā laghimā prāptiḥ prākāmyaṃ mahimā tathā |
īśitvaṃ ca vaśitvaṃ ca sarvakāmāvasāyitā || 83 ||
[Analyze grammar]

sārvajñyaṃ dūradarśitvaṃ dūrasaṃśravaṇaṃ tathā |
parakāyapraveśaśca vāksiddhiḥ kalpavallitā || 84 ||
[Analyze grammar]

janināśamahāśaktiḥ tathā'maratvamityapi |
siddhayaḥ ṣoḍaśa bhakteḥ kalāṃ nārhanti ṣoḍaśīm || 85 ||
[Analyze grammar]

yogāstapāṃsi dānāni vratānyanaśanāni ca |
yaśaḥ kīrtirvacaḥsatyaṃ dharmastīrthaṃ surārcanam || 86 ||
[Analyze grammar]

devārcādarśanaṃ sarvabhūmimaṇḍalaprakramam |
sarvasvargasukhā''bhogaḥ sarvā'bdhisnānamityapi || 87 ||
[Analyze grammar]

avabhṛthāni sarvāṇi brahmaviṣṇumaheśatā |
vairājatā cāpi tato'nyavidhāḥ smṛddhayaśca yāḥ || 88 ||
[Analyze grammar]

tava bhaktikalāṃśasya kalāṃ nā'rhanti ṣoḍaśīm |
tasmād bhaktiṃ vinā cānyannaiva prārthyaṃ mayā vibho || 89 ||
[Analyze grammar]

na satī na śaṭhī me cāpekṣyate prakṛtī hyubhe |
viraktau yādṛśaṃ saukhyaṃ sānurāge na tādṛśam || 90 ||
[Analyze grammar]

śrutvaivaṃ śāṃkaraṃ vākyaṃ bhagavānprāha sasmitam |
yadīdānīṃ tvayā śaṃbho neṣyate prakṛtiḥ satī || 91 ||
[Analyze grammar]

sā vasatu mama netre yoganidrāmayī śivā |
yadā''vaśyakatā te syāttadā dāsye vibhāvarīm || 92 ||
[Analyze grammar]

tāvatkālaṃ mama sevāṃ netrayoḥ saṃkariṣyati |
ityabhidhāya bhagavān jagrāha netrayoḥ śivām || 93 ||
[Analyze grammar]

śaṃbhuṃ ca dāsyasevāyāmarakṣadvaiṣṇavaṃ sutam |
prāha kṛṣṇastadā śaṃbhuṃ matsevāṃ kuru sarvathā || 94 ||
[Analyze grammar]

yāvat te'vaśyakāryaṃ ca sṛṣṭau naivopatiṣṭhate |
tapasvisiddhayogijñasuravaiṣṇavapūjitaḥ || 95 ||
[Analyze grammar]

vasā'trā'marabhāvaṃ ca labha mṛtyuṃjayo bhava |
vedaśāstrādisārvaśyasiddhiṃ prāpnuhi madvarāt || 96 ||
[Analyze grammar]

asaṃkhyabrahmaṇāṃ nāśaṃ līlayā'traiva paśya vai |
jñānena tejasā śaktyā vayasā yaśasā śriyā || 97 ||
[Analyze grammar]

parākrameṇa tapasā mahasā matsamo bhava |
mama prāṇādadhikastvaṃ preyān bhaktottamaḥ śiva || 98 ||
[Analyze grammar]

mamoktaṃ vacanaṃ sārthaṃ kāle kartuṃ tvamarhasi |
tava vākyaṃ pālayāmi putra tvaṃ madgṛhe vasa || 99 ||
[Analyze grammar]

madvākyaṃ ca svavākyaṃ ca pālanīyaṃ kariṣyasi |
kāle gṛhītvā prakṛtiṃ śṛṃgāraṃ ca kariṣyasi || 100 ||
[Analyze grammar]

na kevalaṃ tapasvī tvaṃ ceśvaro matsamo mahān |
kāle gṛhī tathā kāle tapasvī bhava vāñchayā || 101 ||
[Analyze grammar]

duḥkhaṃ tu dārasaṃyoge yat tvayā kathitaṃ śṛṇu |
kustrī dadāti duḥkhaṃ ca svāmine na pativratā || 102 ||
[Analyze grammar]

mahatkulaprasūtā yā satkulā kulamāninī |
karoti sukhinaṃ kāntaṃ sevayā''tmārpaṇāhvayā || 103 ||
[Analyze grammar]

patirbandhuḥ patirbhartā patiḥ paramadaivatam |
patireva paraṃbrahma patiḥ svaṃ kulayoṣitām || 104 ||
[Analyze grammar]

patito'patito vāpi kṛpaṇaśceśvaro dṛḍhaḥ |
śithilo vāpi sarvasvaṃ patirvai kulayoṣitām || 105 ||
[Analyze grammar]

asatkulaprasūtā yā pitrorduḥśīlamiśritā |
dhruvaṃ sā parabhogyā syāt patinindā parā sadā || 106 ||
[Analyze grammar]

patiḥ kṛṣṇaḥ patirviṣṇuḥ patiḥ śaṃbhuḥ sadā mama |
patideve sarvadevā dṛśyante kulayoṣitām || 107 ||
[Analyze grammar]

etādṛśī tu te sādhvī śivā'sti mahatī satī |
bhavitā sā śivā śaivī prakṛtirvaiṣṇavī śiva || 108 ||
[Analyze grammar]

goloke vasa deveśa yāvatsṛṣṭau na te kṛtiḥ |
matsamādhau sadā magno mama sevāparaśca vā || 109 ||
[Analyze grammar]

ityabhidhāya kṛṣṇastaṃ svasevāyāmarakṣayat |
golokasyaikadivase vairājānāṃ sahasrakam || 110 ||
[Analyze grammar]

naśyati tatra kā saṃkhyā kṣudrabrahmāṇḍavedhasām |
yadā vairājadehācca brahmā viṣṇurbhaviṣyataḥ || 111 ||
[Analyze grammar]

tadā tejaḥpravāhe vai bhaviṣyati sadāśivaḥ |
tejo liṃgaṃ śivo mūrtirloke khyātiṃ gamiṣyati || 112 ||
[Analyze grammar]

śivapārśvagatā sādhvī śivā saha bhaviṣyati |
tataḥ kālāntare dakṣaputrī satī bhaviṣyati || 113 ||
[Analyze grammar]

bhagavāṃśca tataḥ prāha śivāṃ netrādhivāsinīm |
adhunā tiṣṭha vatse tvaṃ goloke mama netrayoḥ || 114 ||
[Analyze grammar]

kāle bhajiṣyasi śaṃbhuṃ virāṭputraṃ śivāyanam |
tejaḥsu sarvadevānāmāvirbhūya tataḥ punaḥ || 115 ||
[Analyze grammar]

saṃhṛtya daityānsarvāṃśca bhavitā vindhyavāsinī |
bhavitā dakṣakanyā ca suśīlā śaṃbhugehinī || 116 ||
[Analyze grammar]

tataḥ śarīraṃ santyajya yajñe bhartustu nindayā |
menāyāṃ śailabhāryāyāṃ bhavitā pārvatīti ca || 117 ||
[Analyze grammar]

bahukāryakarī krūrā caṇḍikā tvaṃ bhaviṣyasi |
bahunāmnī bahurūpā tāmasī tvaṃ bhaviṣyasi || 118 ||
[Analyze grammar]

paṃcāyatanadeveṣu śivā śivaśca tatsutaḥ |
mukhyāḥ sarveṣu viśveṣu bhaviṣyantyeva madvarāt || 119 ||
[Analyze grammar]

grāmeṣu nagareṣveva pūjitā grāmadevatā |
bhavatī bhavitā tatra bhinnanāmādidhāriṇī || 120 ||
[Analyze grammar]

bhaviṣyanti mahāntaśca tatra te paricārakāḥ |
dharmārthakāmamokṣāṇāṃ siddhārthaphalalipsavaḥ || 121 ||
[Analyze grammar]

ye tvāṃ tatra bhajiṣyante pṛthvyāṃ puṇye sutīrthake |
teṣāṃ yaśaśca kīrtiścaiśvaryaṃ vardhiṣyate bahu || 122 ||
[Analyze grammar]

ityāśīrbhiḥ śivāṃ śarvaṃ toṣayāmāsa mādhavaḥ |
śarvaṃ rarakṣa sevāyāṃ śivāṃ rarakṣa netrayoḥ || 122 ||
[Analyze grammar]

netrasthatvācchivā jātā nidrā sukhakarī sadā |
nidrā vibhāvarī rātriścaikaiva nā'parā tu sā || 124 ||
[Analyze grammar]

sā kṛṣṇahṛdayājjātā śivā netradvaye sthitā |
rādhikāvacanāt nidrā gatā vairājanetrayoḥ || 125 ||
[Analyze grammar]

sārdhaṃ ca śaṃbhunā tatra śivā nityā'bhivyaṃjitā |
saiva nārāyaṇasyendriyeṣu dugdhābdhike sthitā || 126 ||
[Analyze grammar]

saiva sarvā'gryadevānāmindriyavrātasaṃsthitā |
saiva śeṣaśayānaśrīnārāyāṇendriyāditaḥ || 127 ||
[Analyze grammar]

śivā śaktiryoganidrā rātrirvibhāvarī satī |
kātyāyanī kauśikī caṇḍikā kālī ca pārvatī || 128 ||
[Analyze grammar]

kramayogādyathāpekṣaṃ yathākāryaṃ prakāśitā |
iti te kathitaṃ lakṣmi satīrūpaṃ sadātmakam || 129 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne satīcaritre goloke rādhāratau kṛṣṇanetranidrāyai śāpaḥ śrīkṛṣṇāṃgebhyo rādhāgopagopīgogaṇahaṃsaśvetaturagasiṃharathapaṃcakaśivaśivāmahālakṣmīsarasvatīratimūrtisāvitryādyāvirbhāvaḥ satyāḥ śivārpaṇe śivavairāgyaṃ kṛṣṇanetrasthaśivāyā vairājaputrītvaṃ tato devendriyajakātyāyanītvaṃ dakṣaputrīsatītvaṃ himālayaputrīpārvatītvaṃ cetyādinirūpaṇanāmā saptatyadhikaśatatamo' |
dhyāyaḥ || 170 ||
[Analyze grammar]