Chapter 168

śrīnārāyaṇa uvāca |
śrūyatāṃ ca mahālakṣmi nirbhīkaṃ maraṇe punaḥ |
dvayośca sainyayoryuddhaṃ prāvartatā'punarbhavam || 1 ||
[Analyze grammar]

brahmā jānāti śaṃbhuśca devyo jānanti kālakṛt |
vināśo daityakoṭīnāṃ samupasthita eva yat || 2 ||
[Analyze grammar]

śuṃbhājñayātha kambūnāṃ caturaśītikoṭayaḥ |
yuyudhire'straśastraiśca parvatairvanabhūruhaiḥ || 3 ||
[Analyze grammar]

śilāvarṣairagnivarṣaiḥ śarairyuyudhire'surāḥ |
devyo vārāhya evaitān pratiyuddhaṃ tadā vyadhuḥ || 4 ||
[Analyze grammar]

astraiḥ śastraiḥ śilāvarṣaiḥ parvatairdantabhūruhaiḥ |
agnivarṣaiḥ śaraiḥ kālakavalamantrayojitaiḥ || 5 ||
[Analyze grammar]

nārasiṃhstathā tāsāṃ sāhāyye yuyudhustadā |
nakhairdaṃṣṭrābhirugrābhiḥ pucchairhastaiḥ plavaistathā || 6 ||
[Analyze grammar]

mantritairmukhaphenaiśca śastrairyuyudhire muhuḥ |
śastrā'straprastaravukṣaśaraphenādilakṣitāḥ || 7 ||
[Analyze grammar]

kālamantrahatā daityā nottiṣṭhanti mṛtāḥ punaḥ |
athā'surāṇāṃ paṃcāśatkulakoṭyo yudhi sthitāḥ || 8 ||
[Analyze grammar]

dikpālinyastathendrāṇyaścārbudārbudakoṭayaḥ |
yodhayanti sma kālākhyamantrādhiṣṭhitahetibhiḥ || 9 ||
[Analyze grammar]

naṣṭā mṛtā āsurāste nottiṣṭhanti tadāhave |
athāgatāśca dhaumrāṇāṃ śatābjakulakoṭayaḥ || 10 ||
[Analyze grammar]

yuddhyanti sma mahāmārīdevībhiścaṇḍikādibhiḥ |
kālamantrābhisaṃsṛṣṭahetibhirye mṛtiṃ gatāḥ || 11 ||
[Analyze grammar]

punaste na śvasantyeva mṛtāste sarvathā gatāḥ |
kālakeyāḥ kālakāśca daityā koṭikulā'rbudāḥ || 12 ||
[Analyze grammar]

protthitāḥ sabalāstatra devīnāśanahetave |
kuṇḍalinyastriśūlinyaḥ koṭyo yuyudhire ca taiḥ || 13 ||
[Analyze grammar]

kālamantrā'bhibhūtāste jāgrati prāṇato na hi |
mauryāśca daurhratāścaiva saṃgrāmaṃ cakrire'tigāḥ || 14 ||
[Analyze grammar]

kulakoṭyastadā teṣāṃ lakṣasiṃhairvināśitāḥ |
utthitāścauṣadhaiste vai kumārībhiḥ punarhatāḥ || 15 ||
[Analyze grammar]

kālakavalamantrāktaśastranaṣṭāḥ śvasanti na |
athānye śaṃbarā daityā sāmudrā pārvatāstathā || 16 ||
[Analyze grammar]

pātālā bhūstarāścānye nāgā vārkṣā jarāvṛtāḥ |
devīrūpāṇi vīkṣyaiva mumuhuścakrire raṇam || 17 ||
[Analyze grammar]

śaktinyaḥ śivadūtinyo jaghnurmantritahetibhiḥ |
mṛtāḥ punarna vāyānti gatāścātyantajīvanāt || 18 ||
[Analyze grammar]

koṭyarbudānyasurāṇāṃ daityānāṃ kharvakoṭayaḥ |
padmāni dānavānāṃ ca śaṃkavaśca prakīrṇakāḥ || 19 ||
[Analyze grammar]

hatā gatā mṛtā naṣṭā nāmarūpābhivañcitāḥ |
raktaḥ samudrasteṣāṃ cā'sraksaridbhiḥ samudgataḥ || 20 ||
[Analyze grammar]

nādyāpi śuṣkatāṃ yāti vivarṇo na vibhāti ca |
vyomni caitanmahāyuddhaṃ paścimottaradigbhavam || 21 ||
[Analyze grammar]

khyāpayiṣyati raktābdhibhūśca raktapramedinī |
atha śuṃbhāsuraḥ śaile vindhyādrau vyomavardhite || 22 ||
[Analyze grammar]

rāhuketuspṛśiśṛṃge tiṣṭhan paśyati mardanam |
hatasainyairmahāpṛthvī vyāptā'bhūt sarvatodiśi || 23 ||
[Analyze grammar]

naitādṛśaṃ sārvabhaumaṃ punaryuddhaṃ bhaviṣyati |
devīnāṃ dānavānāṃ ca vyomamārgātiyodhinām || 24 ||
[Analyze grammar]

sa ca śuṃbho vindhyaśṛṃge lakṣayojanadṛṣṭimān |
kailāsaṃ badrikāśraṃ ca dagdhumaicchat tadastrataḥ || 25 ||
[Analyze grammar]

vindhyaśṛṃgādvaidyutāstraṃ kṣiptaṃ haraharopari |
yasmācca koṭiśo jātāścāgnayaḥ stanayitnavaḥ || 26 ||
[Analyze grammar]

meruṃ ca mandaraṃ caiva didhakṣanto bhuvaṃ gatāḥ |
kailāsaṃ badrikādhāma prājvalan vyomamārgataḥ || 27 ||
[Analyze grammar]

tadā tatra maheśānyā muktaṃ tāmrāstramātalam |
vidyutastatsamākṛṣyā'talaṃ lokaṃ samāviśat || 28 ||
[Analyze grammar]

tadā sainyāni devīnāṃ vindhyottare'ntarīkṣake |
kṣaṇaṃ virāmaṃ gṛhṇanti teṣvagnyastraṃ prayojitam || 29 ||
[Analyze grammar]

prājvālayad grahāndevānvāyvādhārānpiśācakān |
dyāvāpṛthvyoḥ rodasī dve dhekṣyatpapāta śāṃbhave || 30 ||
[Analyze grammar]

kailāse ca badaryāṃ cā'nalānprāvartayadbahūn |
devyā dṛṣṭvā ca vāruṇyā'nalāstradhvaṃsakṛttadā || 31 ||
[Analyze grammar]

prahitaṃ śītaśailāstraṃ śītavṛṣṭiśilāmayam |
himavṛṣṭiḥ śītavṛṣṭistena petuḥ śiloccayāḥ || 32 ||
[Analyze grammar]

śāntaṃ cā'gnyastramevāpi himaprastaravṛṣṭibhiḥ |
suvarṇādristadārabhya himādriḥ samabhūnmahān || 33 ||
[Analyze grammar]

athaitāsāṃ vināśāya nirodhāstraṃ mumoca saḥ |
vāyavyā ca tadā devyā śvāsarodhavināśakṛt || 34 ||
[Analyze grammar]

vāyvastraṃ prahitaṃ drākca nirodhāstraṃ nanāśa ha |
atha rākṣasamantraiśca homaṃ cakāra daityarāṭ || 35 ||
[Analyze grammar]

rākṣasāḥ parvataprāyāḥ samutpannāstu koṭiśaḥ |
devī sainyopari vyomnaḥ petuḥ śastrāstrapāṇayaḥ || 36 ||
[Analyze grammar]

varṣartāvabhrasaṃghātairivaibhirvyāma saṃstṛtam |
vanaṃ vṛṣṭibhirevaitad devīnāṃ sainyamarditam || 37 ||
[Analyze grammar]

dṛṣṭvā devyo naiṛtānyaḥ sasṛjurnirṛtāstrakam |
nairṛtāstata utpannā bhakṣayanti sma rākṣasān || 38 ||
[Analyze grammar]

yathā timīn timīṃgilā bhakṣayanti sma tāṃstathā |
atha śuṃbhaḥ sasarjā'nyat pretāstraṃ kṣudhitaṃ bahu || 39 ||
[Analyze grammar]

koṭiśaḥ pretasainyāni samutpannāni tatkṣaṇe |
yāmyā devyaḥ sasṛjuśca yamāstraṃ yamadūtakṛt || 40 ||
[Analyze grammar]

vikarālā yamadūtāḥ pretānabhakṣayaṃstadā |
avīcyākhyaṃ sthalaṃ yāmyadūtānāṃ kalpitaṃ tataḥ || 41 ||
[Analyze grammar]

nārakāṃśca jvarān śuṃbho janayāmāsa koṭiśaḥ |
vaiṣṇavyā ca tadā devyā jvarāśca vaiṣṇavāḥ kṛtāḥ || 42 ||
[Analyze grammar]

vaiṣṇavainarikāstāpā hyavīciṃ drāvitā yayuḥ |
brahmāstraṃ prahitaṃ devīsainyeṣu dānavena yat || 43 ||
[Analyze grammar]

mahātejāṃsi ghoṣāśca śarā vajrāṇi niryayuḥ |
mahākālāgnayastasmādutpetuḥ sṛṣṭibhasmakāḥ || 44 ||
[Analyze grammar]

trilokāstrāsitāstebhyo devyo dagdhā vidudruvuḥ |
hāhākāro mahānāsīt tadā devyo vimūrchitāḥ || 45 ||
[Analyze grammar]

brahmāṇyā satvaraṃ tatra brāhmāstraṃ pratiyojitam |
dvayoryuddhaṃ mahāvyomni sūryamārge hyajāyata || 46 ||
[Analyze grammar]

cāndryā devyā candrakāntamahāmantreṇa kaumudī |
mūrchādūrakarī tāsu tadā saṃyojitā'mṛtā || 47 ||
[Analyze grammar]

atyuṣṇatākṛtā mūrchā vinaṣṭā'mṛtavṛṣṭibhiḥ |
tāvadvyomnaḥ samākṛṣṭe brahmāstre dve tu vedhasā || 48 ||
[Analyze grammar]

śuṃbho riktastadā jātaḥ śastrāstrairhīna eva saḥ |
tadā kālyā mahākālyā yamadaṇḍābhimantritaḥ || 49 ||
[Analyze grammar]

preṣitastadvināśāya śuṃbho māyāṃ cakāra vai |
naikakoṭigaṇāḥ śuṃbhāḥ prādurbhūvāstamo'ntare || 50 ||
[Analyze grammar]

gāḍhāndhakāre māyāyāḥ śuṃbho jagrāha caṇḍikām |
karavālastadā śuṃbhe caṇḍyā yāvannipātitaḥ || 51 ||
[Analyze grammar]

tāvacchuṃbho na caivāsti mithyāśuṃbhastu so'bhavat |
śastrāghāto vṛthā jātaḥ śuṃbho jagrāha kālikām || 52 ||
[Analyze grammar]

kālyā tadā mahākhaḍgo daityamūrdhni nipātitaḥ |
tadā daityo nacaivāsti khaḍgaghāto vṛthāgataḥ || 53 ||
[Analyze grammar]

yāvatsa kauśikī dhṛtvā surūpāṃ ca palāyitaḥ |
tāvaccāmuṇḍayā mūrdhni khaṭvāṃgena nipātitaḥ || 54 ||
[Analyze grammar]

kauśikī dṛśyate tatra śuṃbhaḥ patanna dṛśyate |
mithyārūpaiḥ sa devīnāṃ dharṣaṇaṃ prakaroti vai || 55 ||
[Analyze grammar]

kātyāyanīṃ ca kāmena dharṣaṇāya stane'spṛśat |
raudryā tīkṣṇaṃ triśūlaṃ tanmūrdhni kaṇṭhe prapātitam || 56 ||
[Analyze grammar]

tāvattatrāpi śuṃbho'yaṃ tirobhūd dūrataḥ sthitaḥ |
rudrāṇī prāha śarvāṇīṃ śivadūtīṃ vihasya ca || 57 ||
[Analyze grammar]

mṛṣārūpo hyajitvā māṃ kātyāyanīṃ stane'spṛśat |
tasmādadharmanaṣṭo'yaṃ nāśametvacirād dhruvam || 568 ||
[Analyze grammar]

evaṃ śāpe pradatte tatsāmarthyaṃ līnatāṃgatam |
napuṃsaka iva tatra patito dharaṇitale || 19 ||
[Analyze grammar]

tāvatkoṭisvarūpā ye mṛṣā yuddhe pravartitāḥ |
mṛṣā śuṃbhā nipetuste pṛthvyāṃ napuṃsakā iva || 60 ||
[Analyze grammar]

vicittaṃ mūrchitaṃ śrāntaṃ tavā'smīti ca vādinam |
pibantaṃ mehayantaṃ cā'śastraṃ yuddhe na ghātayet || 61 ||
[Analyze grammar]

ato na ghātitaḥ śuṃbho devyā prāpte kṣaṇe'pi ca |
mithyāśuṃbhāstato līnā līnaṃ māyātamo'pi tat || 62 ||
[Analyze grammar]

mūrchitaśca tadā śuṃbho dṛśyate patito bhuvi |
kātyāyanyā tadā sarvāḥ svasṛṣṭā devya eva tāḥ || 63 ||
[Analyze grammar]

svastane līnatāṃ nītā devapatnīrvinā'marīḥ |
tāvatsaṃjñāmavāpyā'yaṃ śuṃbho jagarja tāṃ prati || 64 ||
[Analyze grammar]

punarmāyāmayīṃ vātavṛṣṭirātriṃ cakāra saḥ |
kātyāyanīṃ mahādevīṃ pradharṣayitumāyayau || 65 ||
[Analyze grammar]

saḥ sparśaṃ kṛtavān daityo hṛdaye stanamaṇḍale |
tāvattaṃ cāpi sā devī talenorasyatāḍayat || 66 ||
[Analyze grammar]

kruddhaścotpatya saṃgṛhya devīṃ gaganamāśritaḥ |
hastinaṃ svakamāruhya palāyanaparo'bhavat || 67 ||
[Analyze grammar]

tāvaccotplutya gagane devyā keśeṣu saṃdhṛtaḥ |
unnīya bhrāmayāmāsa cikṣepainaṃ tu sā kṣitau || 68 ||
[Analyze grammar]

papātopari sā devī śūlamādāya tatkṣaṇam |
tadvakṣo dārayāmāsa bhedayāmāsa tadgalam || 69 ||
[Analyze grammar]

muhuścikṣepa daityendraḥ karapādau tadā bhuvi |
pavartaprāyarūpo'bhūt kampayan sakalāṃ mahīm || 70 ||
[Analyze grammar]

uttānaḥ patitaścorvyāṃ karapādau prasārya ca |
vikṣipya bahudhā dhūlyāṃ virarāma mamāra ca || 71 ||
[Analyze grammar]

gaganaṃ nirmalaṃ jātaṃ vātavṛṣṭiḥ śamaṃ yayau |
devā devyastadā kātyāyanīṃ harṣitamānasāḥ || 72 ||
[Analyze grammar]

jayāśīrbhimudā saṃvardhayāmāsurathā'rhaṇām |
cakrurnaikopadābhiśca gandharvā lalitaṃ jaguḥ || 73 ||
[Analyze grammar]

nanṛtuścāpsarogaṇā vāditrāṇi hyavādayan |
vātā vavuśca sukhadāḥ sūryastepe prabhānvitaḥ || 74 ||
[Analyze grammar]

agnayo jajvaluḥ śāntāstrailokyaṃ sukhabhāgabhūt |
rājyabhāgāstadā'jena yathāyogyaṃ samarpitāḥ || 75 ||
[Analyze grammar]

yāvadbhyastatra devebhyaścopadā arpitāstadā |
devībhyo yuddhakartrībhyo brahmaṇā viṣṇunā tathā || 76 ||
[Analyze grammar]

śaṃbhunā cārpitā hārā lalantikāśca mudritāḥ |
vijayākhyavibhūṣāśca tantikāśca sumudrikāḥ || 77 ||
[Analyze grammar]

mukuṭakaṭakajhaṃjhrīvaṃgadāraśanāstathā |
kalgyaḥ śekharaścairiṇyaḥ karṇapūrāśca kaṃcukīḥ || 78 ||
[Analyze grammar]

ghargharīśāṭikāsvarṇamayī ratnamayībṛsīḥ |
ratnahīrakasauvarṇavijayākhyaprapatrikāḥ || 79 ||
[Analyze grammar]

bhojanāni ca pānāni yānāni vāhanāni ca |
daityagṛhasthitānyanyaratnāni vividhāni ca || 80 ||
[Analyze grammar]

upadāyāṃ pāritoṣikākhyaṃ hārdaṃ dhanaṃ bahu |
yathāyogyaṃ yathākāryaṃ pradattaṃ tatra parṣati || 81 ||
[Analyze grammar]

devyo mauktikahārāḍhyāḥ sakalgimukuṭāvahāḥ |
prasannāśca tadā prāhurdevān yaddhṛdayaṃgamam || 82 ||
[Analyze grammar]

devā vā mānuṣā vātha tiryañco'tha surā'surāḥ |
gṛhadevīrgṛhapatnīḥ svasṝḥ putrīḥ snuṣāstathā || 83 ||
[Analyze grammar]

mātṝśca pramadā dāsīṃnayiṣyanti bhāvataḥ |
tadiṣṭaiḥ sukhayiṣyanti pūyiṣyanti vastubhiḥ || 84 ||
[Analyze grammar]

khānapānāmbarabhūṣāśṛṃgāradravyasānaiḥ |
hārdikasnehavṛttyā prasannayiṣyanti sarvadā || 85 ||
[Analyze grammar]

teṣāṃ gṛhe vayaṃ devyo nivatsyāma'balāsu vai |
sukhayiṣyāma aiśvaryairdhanaputramṛddhibhiḥ || 86 ||
[Analyze grammar]

rakṣiṣyāmaśca tānsarvān devāniva janānsvakān |
bhogyabhogāvihārādīn dāpayiṣyāma eva tān || 87 ||
[Analyze grammar]

sukhinaḥ santu te sarve yatra nārījanaḥ sukhī |
asukhāḥ santu te sarve yatra nārījano'sukhaḥ || 88 ||
[Analyze grammar]

evaṃ sarvāgryadevībhirdevaiścāśīḥ prayuṃjitaḥ |
kātyānī mahādevī pūjitā bahudhā tata || 89 ||
[Analyze grammar]

atha devāḥ stutiṃ cakre samāje vijaye tat |
kātyāyani namastubhyaṃ kauśiki te namonamaḥ || 90 ||
[Analyze grammar]

kālike kāli te'jasraṃ cāmuṇḍe te namonamaḥ |
mahāmāri namastubhyaṃ te brahmāṇi namonamaḥ || 91 ||
[Analyze grammar]

cāndri ca vāruṇi kuṇḍalini tubhyaṃ namonamaḥ |
triśūlini namastubhyaṃ kaumāri śaktini namaḥ || 92 ||
[Analyze grammar]

nārasiṃhi śivadūti vaiṣṇavi te namonamaḥ |
vārāhi caṇḍike caṇḍe carmamuṇḍe ca te namaḥ || 93 ||
[Analyze grammar]

raudri siṃhi yamadāsi yāmye devi ca te namaḥ |
īśāni dikprapāle te nairṛtāni ca te namaḥ || 94 ||
[Analyze grammar]

aindri ca vāyavi bhadre bhagavatyastu te namaḥ |
namo'stvanantarūpe te namaste rājyadāyini || 95 ||
[Analyze grammar]

namaste daityadarpaghni namo'ṣṭādaśabāhavi |
namo nārāyaṇi brāhmi cakradhāriṇi te namaḥ || 96 ||
[Analyze grammar]

namo vajradhare hastidhvaje te'stu namonamaḥ |
mayūravāhini te'stu namaste haṃsavāhini || 97 ||
[Analyze grammar]

muṇḍamāle namaste'stu sukeśini namo'stu te |
trinetre varade devi namaste'stu prasīda ca || 98 ||
[Analyze grammar]

prapannā''rtihare devi mātaḥ prasīda pāhi ca |
mahīrūpe sadādhāre jalarūpe ca tṛptide || 99 ||
[Analyze grammar]

bījarūpe moharūpe muktirūpe namo'stu te |
vidyārūpe samastastrīsvarūpe te namonamaḥ || 100 ||
[Analyze grammar]

svargamokṣaprade devi nārāyaṇi namo'stu te |
kālarūpe tattvarūpe kāryakāraṇarūpiṇi || 101 ||
[Analyze grammar]

triguṇe nirguṇe devi mahāmāye hṛdisthite |
sarvā'ntaryāmiṇi devi nārāyaṇi namo'stu te || 102 ||
[Analyze grammar]

brahmāṇi haṃsayānasthe śivāni vṛṣabhasthite |
vaiṣṇavi garuḍasthe te nārāyaṇi namo'stu te || 103 ||
[Analyze grammar]

mātṛrūpe stanyayukte patnīrūpe sagarbhike |
ratirūpe jīvaśānte nārāyaṇi namo'stu te || 104 ||
[Analyze grammar]

yuge yuge mahāsuropadravanāśanaṃ kuru |
devānāṃ rakṣaṇaṃ caiva nārāyaṇi namo'stu te || 105 ||
[Analyze grammar]

śaraṇyānāṃ sadā bādhāghātanaṃ kuru sarvathā |
triśūlaṃ sarvadā bhīteḥ pātu devi namo'stu te || 106 ||
[Analyze grammar]

ghaṇṭā pātu ca pāpebhya khaḍgaḥ sukhaṃ karotu ca |
pāśādyāste sadā pāntu naśca devi namo'stu te || 107 ||
[Analyze grammar]

sṛṣṭau sadā tvayā kāryamevameva tu rakṣaṇam |
rakṣaṇāya sadā devi prasannā'stu namo'stu te || 108 ||
[Analyze grammar]

iti stutvā tato devaiḥ kusumāṃjalirarpitaḥ |
namaskṛtā prasannā ca prāha devān vihasya sā || 109 ||
[Analyze grammar]

bhavatāṃ vai prasādāttu prāpto'yaṃ vijayo mayā |
punarbhavatprasādācca haniṣyāmyeva dānavān || 110 ||
[Analyze grammar]

gṛdhrāsuraṃ tathā garjāsuraṃ harjāsuraṃ tathā |
jaṭhrāsuraṃ tathā magnāsuraṃ ca suravairiṇaḥ || 111 ||
[Analyze grammar]

vaipracitān haniṣyāmi raktadantikarūpayā |
śatākṣī ca bhaviṣyāmi punaḥ śākaṃbharī tataḥ || 112 ||
[Analyze grammar]

śtavārṣikadurbhikṣe dāsye śākaṃ janāṃstadā |
śatairnetrairnirīkṣye'haṃ śatākṣī kīrtyate tadā || 113 ||
[Analyze grammar]

bhīmarūpeṇa bhīmā'haṃ rakṣobhyo munipuṃgavān |
himādrau rakṣayiṣye ca bhīmā devī bhavāmyaham || 114 ||
[Analyze grammar]

aruṇākṣavināśāya bhrāmaraṃ rūpamāsthitā |
bhrāmarīti bhaviṣyāmi rakṣayiṣye janāṃstadā || 115 ||
[Analyze grammar]

yadā yadā ca madyogyaṃ kāryaṃ copasthitaṃ tadā |
bhaviṣyāmi tathārūpā nānto me nāmarūpayoḥ || 116 ||
[Analyze grammar]

kālasya ca tathā sṛṣṭernānto'sti mama karmaṇām |
āsurāṇāṃ ca nānto'sti mamāpyanto na vidyate || 117 ||
[Analyze grammar]

matstotrairmāṃ pratyahaṃ yaḥ stoṣyati śraddhayā'nvitaḥ |
tasya pīḍāṃ nāśayiṣye trividhāṃ nātra saṃśayaḥ || 118 ||
[Analyze grammar]

madhukaiṭabhamahiṣaśuṃbhaniśuṃbhanāśanam |
śroṣyanti caritaṃ me ye gāsyanti ca samāhitāḥ || 119 ||
[Analyze grammar]

aṣṭamyāṃ ca caturdaśyāṃ navamyāṃ caika cetasaḥ |
dāridryāpattiduṣkarmā'niṣṭaśastrabhayādikam || 120 ||
[Analyze grammar]

śatrudasyunṛpadaṃṣṭritoyā'nalabhayādikam |
nāśayiṣye kariṣye ca teṣāṃ svastyayanaṃ dhruvam || 121 ||
[Analyze grammar]

upasargamahāmārīrogotpātārtibandhanam |
nāśayiṣye kariṣye ca saubhāgyapuṣṭivardhanam || 122 ||
[Analyze grammar]

madgṛhe balinaivedye pūjāyāṃ havanotsave |
navarātre caritraṃ me pāṭhyaṃ śrāvyaṃ ca bhāvataḥ || 123 ||
[Analyze grammar]

dāsye parākramaṃ tasmai kalyāṇaṃ bhītiśūnyatām |
dhanadhānyasuvarṇādistrīputrapautrasampadaḥ || 124 ||
[Analyze grammar]

śāntikarmaṇi duḥsvapne grahaduḥkhe'rbhakagrahe |
gṛhakleśe mitrakalau durvṛtte bhūtapīḍane || 125 ||
[Analyze grammar]

roge daityādije duḥkhe yuddhe vairiṇi prāntare |
dāvānale tathā'raṇye deśabhaṃge'rinigrahe || 126 ||
[Analyze grammar]

stenā''vṛtaṃ gajavyāghrasiṃhāvṛte vanabhrame |
bandhane vātavege ca pote mahājale raṇe || 127 ||
[Analyze grammar]

nigaḍe śastrasampāte vedanāyāṃ hṛdantare |
dasyuvairisamākrānte paṭhedvā śṛṇuyāttathā || 128 ||
[Analyze grammar]

śrāvayeccāpi me bhaktyā caritaṃ vividhaṃ mama |
mahāpūjā kārayecca bhojayedbhūsurānbahūn || 129 ||
[Analyze grammar]

tatra tatra sthale kāle bādhāyāṃ karmaṇi sthitau |
rakṣayiṣye janaṃ bhaktaṃ sarvavidhaprasaṃkaṭāt || 130 ||
[Analyze grammar]

ityāśīrbhirvardhayitvā sabhājayitvā tānsurān |
teṣāṃ ca paśyatāṃ kātyāyanī tvantaradhīyata || 131 ||
[Analyze grammar]

devāḥ svarga yayū rājye nirātaṃkā vyavasthitāḥ |
asurāḥ śeṣabhāvāśca jagmuḥ pātālameva te || 132 ||
[Analyze grammar]

śṛṇu lakṣmi saiva tuṣṭā lakṣmīvṛddhikaro gṛhe |
ruṣṭā yadā tadā saivā'lakṣmīrvināśakāriṇī || 133 ||
[Analyze grammar]

saiva stutā'rcitā dadyāddhanadhānyasutādikam |
śrutā ca kīrtitā dadyātsukhasampadgṛhādikam || 134 ||
[Analyze grammar]

dhyātā ca saṃśritā dadyādaiśvaryā''tmabalādikam |
ārādhitā ca sā dadyāt jñānamuktipadādikam || 135 ||
[Analyze grammar]

prasāditā ca sā dadyāt svāṃ ca nārāyaṇādikam |
tasyai cidacidvyāptāyai nārāyaṇyai namonamaḥ || 136 ||
[Analyze grammar]

iti te kathitaṃ devīsāmarthyaṃ daityanāśakam |
kathayiṣye prasaṃge'nyat kiṃ bhūyaḥ śrotumicchasi || 137 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne'nekavidhadevīnāmanekavidhāsurāṇāṃ ca sainyayoḥ kālakavalamantritaśastrāstrādibhirbhūvyomayuddhaṃ brahmāstraprayogaḥ śuṃbhasya mṛṣamāyā śuṃbhanāśaḥ devīstutyupadāstotraphalādinirūpaṇanāmā'ṣṭaṣaṣṭyadhikaśatatamo'dhyāyaḥ || 168 ||
[Analyze grammar]