Chapter 167

śrīnārāyaṇa uvāca |
tato lakṣmi svayaṃ śuṃbho yoddhakāmo hyavapasthitaḥ |
raktabījaṃ prāha daityaṃ mārayaitāḥ kharīsamāḥ || 1 ||
[Analyze grammar]

raktabījastadā triṃśatkoṭisainyasabhājitaḥ |
kātyāyanyā ca kauśikyā kālyā cāmuṇḍayā tathā || 2 ||
[Analyze grammar]

yoddhuṃ samāgato vīro raktabījo mahāsuraḥ |
yuddhavāditraśabdāśca dikṣu vyāptāstadā'bhavan || 3 ||
[Analyze grammar]

tadā catasrastā devyo mahānādān pracakrire |
tāsāṃ tu mukhabhāgebhyo brahmāṇyaḥ koṭiśo'bhavan || 4 ||
[Analyze grammar]

māheśvaryaśca trinetrāstriśūlinyastathā'bhavan |
mahā'hivalayā raudrāḥ kuṇḍalinyastathā'bhavan || 5 ||
[Analyze grammar]

barhipatrayutāstatra kaumāryaḥ koṭiśo'bhavan |
mayūravāhanāstatra śaktayaḥ koṭiśo'bhavan || 6 ||
[Analyze grammar]

bāhubhyāṃ garuḍārūḍhā vaiṣṇavyaḥ koṭiśo'bhavan |
vārāhyaḥ pṛṣṭhato jātāḥ śeṣayānā hi koṭiśaḥ || 7 ||
[Analyze grammar]

nakhinyo nārasiṃhyastu hṛdo jātā hi koṭiśaḥ |
etāsāṃ tu mahānādā brahmāṇḍadhvaṃsakārakāḥ || 8 ||
[Analyze grammar]

samabhavaṃśca tān śrutvā tvājagāma hi śaṃkaraḥ |
śivā'pi saha cāyātā dṛṣṭo daityakṛtodyamaḥ || 9 ||
[Analyze grammar]

śivā prāha tadā śaṃbhuṃ gaccha daityena śaṃkara |
brūhi śuṃbhaṃ niśuṃbhaṃ ca yadi jīvitumicchathaḥ || 10 ||
[Analyze grammar]

tadgacchataṃ svakānnītvā saptamaṃ hi rasātalam |
vāsavo labhatāṃ svargaṃ devāḥ santu gatavyathāḥ || 11 ||
[Analyze grammar]

devī tadā tu nāmnā'taḥ śivadūtītyajāyata |
te ca dūtavacaḥ śrutvā sarve garvasamanvitāḥ || 12 ||
[Analyze grammar]

yatra kātyāyanī kālī kauśikī tatra dudruvuḥ |
aṃkuśaiḥ śaktibhirbāṇaistomaraiśca bhūśuṇḍibhiḥ || 13 ||
[Analyze grammar]

paṭṭiśaiḥ parighaiḥ prāsaistriśūlaiśca paraśvadhaiḥ |
kātyāyanīṃ vavṛṣuste sāpi ciccheda vegataḥ || 14 ||
[Analyze grammar]

samagrāṇi tu śastrāṇi tīkṣṇadhārapatattritrabhiḥ |
jaghāna ca mahābāṇaiḥ raṇamattānmahāsurān || 15 ||
[Analyze grammar]

raṇacaṇḍī tu cāmuṇḍā jaghānā'yutadānavān |
kātyāyanī mahāmārī triśūlairnijaghāna tān || 16 ||
[Analyze grammar]

kauśikī cāpi ca brāhmī kumārī vaiṣṇavī tathā |
khaṭvāṃgairjalapāśaiśca śaktibhisstanayitnubhiḥ || 17 ||
[Analyze grammar]

nijaghnurvīrakarmasthānayutā'yutadānavān |
caṇḍī vajraiśca vārāhī tuṇḍaiścakrairjaghāna tān || 18 ||
[Analyze grammar]

daṃṣṭrānakhairnārasiṃhī śivadūtī tu vahninā |
karavālaistathā kālī jaghānā''surasainikān || 19 ||
[Analyze grammar]

evaṃ devīkulaistatra hanyamānāśca dānavāḥ |
pātyamānāścāsurāste petuḥ prāṇān vihāya vai || 20 ||
[Analyze grammar]

anye bhayādraktabījaṃ jagmurvai śaraṇaṃ tadā |
raktabījastadopetya varāstrairmātṛmaṇḍalam || 21 ||
[Analyze grammar]

jaghāna bahudhā kopād viveśa madhyabhūmikām |
mātaraśca tadā sarvā nijaghnustīkṣṇahetibhiḥ || 22 ||
[Analyze grammar]

raktabījasya raktasya yāvanto bindavo bhuvi |
patanti samajāyante tāvanto raktabījakāḥ || 23 ||
[Analyze grammar]

raktabījaśarīrādvai tadā sainyāni cā'bhavan |
kātyāyanī tadā kālīṃ prāha khādaya dānavam || 24 ||
[Analyze grammar]

raktabījaṃ yena sainyotpattiḥ ruddhā bhaved drutam |
mahākālī mukhe drāk taṃ prākṣipad raktabījakam || 25 ||
[Analyze grammar]

carmamuṇḍā tadā śailasamā bhūtvā darīmukhe |
raktabījajasainyāni prākṣipat pracakhād ca || 296 ||
[Analyze grammar]

tadā tu dānavāścānye hā bhrātastāta cukruśuḥ |
chinnā'rdhadehā'vayavā niśuṃbhaṃ śaraṇaṃ yayuḥ || 27 ||
[Analyze grammar]

niśuṃbhaḥ sahasā khaḍgamādāya hantumicchati |
kintu devī svarūpe sa mohitaḥ staṃbhita kṣaṇam || 28 ||
[Analyze grammar]

devī prāha niśuṃbha tvaṃ mohena jetumicchasi |
gaccha jitā tvayā daitya mugdho māṃ na vijeṣyasi || 29 ||
[Analyze grammar]

prāha daityastadā devi sukumāraśarīriṇī |
kathaṃ mayā nihantavyā tasmāt hanmi na sundarīm || 30 ||
[Analyze grammar]

śastrapātaṃ vinā yuddhe jetuṃ śaknomi naiva ca |
śastrapāte tu te nāśo bhavet kāryaṃ na me bhavet || 31 ||
[Analyze grammar]

iti kiṃkartavyatayā mūḍhatvaṃ tu mayā dhṛtam |
śastrapāte na me lābhaḥ śastrā'pātepi naiva ca || 32 ||
[Analyze grammar]

tasmātte maraṇe ko'yaṃ lābho bhavati sundari |
nivartaya matiṃ yuddhād bhāryā me bhava bhogadā || 33 ||
[Analyze grammar]

śrutvā devī niśuṃbhaṃ tu vihasya prāha dānavam |
nā'jitā'haṃ raṇe vīra bhāryā bhavāmi kasyacit || 34 ||
[Analyze grammar]

yadi vā maraṇaṃ te syād yadvā me maraṇaṃ bhavet |
yuddhātpalāyanaṃ cāpi maraṇādatiricyate || 35 ||
[Analyze grammar]

tatrāpi nārīgarvād yo naro yuddhānnivartate |
sa nārībhirmūlyahīno gaṇyate tu napuṃsakaḥ || 36 ||
[Analyze grammar]

nārīṃ yuddhena jetuṃ vai samīhante narādhamāḥ |
na yuddhajayyāḥ nāryaḥ syuḥ patnyaḥ kvāpi śrutaṃ na tat || 37 ||
[Analyze grammar]

yā nārī yasya vai patnīṃ bhavituṃ naiva cecchati |
saiva yuddhaṃ tena puṃsā samicchati vināśakṛt || 38 ||
[Analyze grammar]

yuddhe tvekasya nāśo'sti nā'balā hastagā bhavet |
prasahya hastagā syāccet naraṃ nāśayati dhruvam || 39 ||
[Analyze grammar]

nā'syā mitraṃ cā'manaḥstho manaḥsthaḥ śatrureva na |
me manaḥstho yathā syāstvaṃ viśā'talaṃ drutaṃ kuru || 40 ||
[Analyze grammar]

bhavānicchati bhāryāṃ māṃ tato māṃ jaya saṃyuge |
napuṃsakasya mugdhasya bhāryā naiva bhavāmyaham || 41 ||
[Analyze grammar]

ityukto roṣatāmrākṣaḥ khaḍgamudbhrāmya dānavaḥ |
pracikṣepa mahāvegāt sā cicchedā'sinā tu tat || 42 ||
[Analyze grammar]

gadāṃ cikṣepa daityaśca yāvat tāvattu kālikā |
kṣurapreṇa karau tasya cicchedāṃsata eva yat || 43 ||
[Analyze grammar]

aśākhastambavaddaityaḥ śirasā'pi pṛthakkṛtaḥ |
niśuṃbhanāśe caṇḍādyāścakruḥ kilakilādhvanim || 44 ||
[Analyze grammar]

jaya devi surāḥ procurmumucuḥ puṣpavarṣaṇam |
vāditrāṇāṃ ninādaśca vijayakhyāpako'bhavat || 45 ||
[Analyze grammar]

athā'paśakunānyasya bhrātuḥ śuṃbhasya cā'bhavan |
śivā praviśya śivire rauti sā kusvaraṃ niśi || 46 ||
[Analyze grammar]

tiṣṭhanti śibire kākā divārātraṃ virāviṇaḥ |
sarpāḥ sarpanti vāseṣu kṛṣṇā raudrā bhayaṃkarāḥ || 47 ||
[Analyze grammar]

kākā gṛdhrā bakā bhrāntā bhramanti śibiropari |
jātāśca vimukhā garbhāḥ strīṣu goṣu mṛgīṣu ca || 48 ||
[Analyze grammar]

ghṛtaṃ dugdheṣu naivāsti tile tailaṃ na vidyate |
janāḥ svaśibire tatra yodhayanti parasparam || 49 ||
[Analyze grammar]

kṛṣṇavarṇā vivadanta dīrghakeśā'ndhalocanā |
ajñātā rudatī yāti dānaveśasthalaṃ prati || 50 ||
[Analyze grammar]

kopayuktastadā kaścittapasvī bhasmaguṇṭhitaḥ |
maunī nagno yatiḥ kaścit śibire dṛśyate bhraman || 51 ||
[Analyze grammar]

ḍamarūṃ vādayitvā hūṃkāraṃ nagnaḥ karoti ca |
akālā'bbhraṃ jalaṃ muñcad vidyuddhoṣaṃ karoti ca || 52 ||
[Analyze grammar]

karakāḥ patitā meghādgarjanā jāyate muhuḥ |
samajāyata bhūkampo digdāhaścā'pyajāyata || 53 ||
[Analyze grammar]

ūrdhvāsyāḥ śvagaṇā rātrau rudanti pramukhe sthitāḥ |
divā ghūkāḥ śabdayanti diviṃ ketūdayo'bhavat || 54 ||
[Analyze grammar]

ādityamaṇḍalaṃ tatra sacakraṃ dṛśyate vṛtam |
kabandhā vyomni dṛśyante candramā na prakāśate || 25 ||
[Analyze grammar]

nakṣatrāṇi divā svarge dṛśyante dānavaistadā |
dānavīṣu tadā garbhā dṛśyante bhūtajātayaḥ || 56 ||
[Analyze grammar]

hreṣante'śvāḥ sadbhayāśca kariṇaḥ pṛṣṭhapātinaḥ |
mantriṇo nirmanaskāśca dṛśyante śibire tadā || 57 ||
[Analyze grammar]

agnirjvalati cullyāṃ na vātaścaṇḍaḥ pravāti ca |
dhvajā jvalanti sainyeṣu nabho bhavati dhūsaram || 58 ||
[Analyze grammar]

śuṃbhasya hṛdyaṃ svapne sakampaṃ samajāyata |
kabandhānmastakaṃ svasya pṛthak dṛṣṭaṃ raṇāṃgaṇe || 59 ||
[Analyze grammar]

meṣayāne niṣadyā'yaṃ diśaṃ yāti ca dakṣiṇām |
nagnā ca dānavī kācit karoti tailamardanam || 60 ||
[Analyze grammar]

raktāmbaraṃ dhṛtavatyāśleṣṭuṃ prayatate ca sā |
madyaṃ pāne dadātyeva dadāti cūmbanaṃ tathā || 61 ||
[Analyze grammar]

muṇḍaṃ kṛtvā tataḥ paścād rauti yāti ca dakṣiṇām |
śibiraṃ patitaṃ dṛṣṭaṃ vyāghraiścaiva vināśitam || 62 ||
[Analyze grammar]

nagnābhiḥ kūrcitaṃ dṛṣṭaṃ marditaṃ svasya varṣma yat |
svasya raktasya pānaṃ ca śuṃbhenā''svāditaṃ tathā || 63 ||
[Analyze grammar]

śuṃbhapatnyā citāyāṃ svadehaḥ kṣipto vilokitaḥ |
ityevaṃ śuṃbhadaityasya svapne jāgrati sarvathā || 64 ||
[Analyze grammar]

dṛśyante nāśacihnāni tena glānimagāt sa hi |
tāvanniśuṃbhamaraṇaṃ śrutavān sainyamardanam || 65 ||
[Analyze grammar]

ruroda bahudhā tatra mumoha ca punaḥ punaḥ |
athāpi tāmasādbhāvādrāgācca kāmamūlakāt || 66 ||
[Analyze grammar]

punaḥ smṛtiṃ samālebhe vairaniryātanāya ca |
mahāgajaṃ samāruhya prāsapāṇiḥ samabhyagāt || 67 ||
[Analyze grammar]

yāvadabhyāgataḥ krodhādraṇe hantuṃ ca kauśikīm |
raṇabheryo ḍiṇḍimāni hyavādyanta muhurmuhuḥ || 68 ||
[Analyze grammar]

sainyāni caturaśītiḥ kambūnāṃ niryayustataḥ |
asurāṇāṃ ca paṃcāśatkulāni niryayustadā || 69 ||
[Analyze grammar]

śataṃ kulāni dhūmrāṇāṃ niryayuśca tadā'pare |
kālakānāṃ daurhṛtānāṃ mauryāṇāṃ kulakoṭayaḥ || 70 ||
[Analyze grammar]

karisthaṃ śuṃbhamālokyā''gataṃ vai raṇamaṇḍale |
aṣṭabhujaṃ mahāhetiṃ devā śaṃkhamavādayat || 71 ||
[Analyze grammar]

dhanuṣṭaṃkārayāmāsa vādayāmāsa ghaṇṭakam |
pūrayāmāsa kakubho raṇaśabdaistadā'mbikā || 72 ||
[Analyze grammar]

siṃhastu garjanāṃ cakre tyājitebhamahāmadām |
siṃhāḥ sahasraśastatra garjanābhirdivastalam || 73 ||
[Analyze grammar]

pūrayāmāsuratyugrapratidhvaninināditam |
devyaḥ sahasraśastatra samājagmuḥ raṇāṃgaṇe || 74 ||
[Analyze grammar]

mahādevyājñayā sarvā rājñyo'pi raṇacaṇḍikāḥ |
yā devyo brahmaṇo dāsyo yāścendrabaladāsikāḥ || 76 ||
[Analyze grammar]

varuṇasya tathā dāsyo yamadāsyaśca koṭiśaḥ |
kuberadāsadāsyaśca īśānadāsadāsikāḥ || 76 ||
[Analyze grammar]

agnidāsyo'yutā'yutā nairṛtadāsikāstathā |
vāyośca dāsikākoṭirdikpālānāṃ ca dāsikāḥ || 77 ||
[Analyze grammar]

lokapālasamastāgryadāsyaḥ sainyakṛtaśramāḥ |
yuddhaśastrāstrakuśalā arbudā'rbudakoṭayaḥ || 78 ||
[Analyze grammar]

anantaśastrayānādidivyavāhanaśobhanāḥ |
caturdaśasu lokeṣu ratnabhūtāśca suśrutāḥ || 79 ||
[Analyze grammar]

yuddhasaṃgrāmavedinyaḥ sainyanāryaḥ samāgatāḥ |
asurāṇāṃ samastānāṃ nāśo'vaśyamapekṣyate || 80 ||
[Analyze grammar]

anyathā surakoṭīnāṃ sukhaṃ kvāpi na saṃbhavet |
śirasāṃ vinipātena paṇena sukhamāpyate || 81 ||
[Analyze grammar]

sakavacaśirastrāṇāḥ sainyaveśasuśobhanāḥ |
sayauvanapūrabalā abalā balavartanāḥ || 82 ||
[Analyze grammar]

susajjasarvayuddhāṃgā raṇāgaṇamupasthitāḥ |
sarvābhyaḥ pāyitaṃ mahendreṇā'mṛtaṃ raṇāṃgaṇe || 83 ||
[Analyze grammar]

sandhinī jīvanī caiva viśalyakaraṇī tathā |
virāmadāyinī mūrchāhāriṇī raktarodhinī || 84 ||
[Analyze grammar]

vividhauṣadhayo'śvinīkumāreṇāhṛtāstadā |
dvedhā bhinnaśarīrāṇāṃ khaṇḍānāṃ sandhikārakāḥ || 85 ||
[Analyze grammar]

drāgeva prāṇasañcārā rasāstatrā''hṛtāstadā |
amṛtāni bhojanāni pānānyamṛtakāni ca || 86 ||
[Analyze grammar]

rakṣitāstatra saṃgrāme śibireṣu surādibhiḥ |
nārīsainyaprarakṣārthaṃ devaiḥ sampāditaṃ navam || 87 ||
[Analyze grammar]

jaye yuddhe dhruvaṃ syācca syānna romṇo'pi nāśanam |
devīpakṣasya kasyāpi mṛtiḥ kṣatirna vai bhavet || 88 ||
[Analyze grammar]

ityevaṃ sañcitaṃ sarvaṃ kuśalaiḥ kāryavedibhiḥ |
śuṃbhenāpi yathā rakṣā bhavet klṛptaṃ tadantike || 89 ||
[Analyze grammar]

atha yuddhasamāraṃbhasūcakaḥ sumahān dhvaniḥ |
raṇaśṛṃgasya bheryāśca vyomamārge kṛtosuraiḥ || 90 ||
[Analyze grammar]

tato yuddhamatīvāsī''d devyāḥ śuṃbhasya sainyayoḥ |
devyastadā'rbudārbudasaṃkhyākā jaghnurāsurān || 91 ||
[Analyze grammar]

koṭyarbudābjā asurā jaghnurdevīmayaṃ vanam |
bheryaścā'surakoṭīnāmūcuḥ śṛṇvantu bho'surāḥ || 92 ||
[Analyze grammar]

daityadānavavaṃśānāṃ nāśārthaṃ cā'balājanaḥ |
samāgato'sti saṃgrāme yuddhaṃ kuruta jīvahṛt || 93 ||
[Analyze grammar]

mā vai pṛṣṭhaṃ nirīkṣantāṃ mā kurvantu dyāṃ raṇe |
nārīyamiti matvā tāṃ mā tyajantu raṇāṃgaṇe || 94 ||
[Analyze grammar]

adya bhūrāsurī syādvā syādvā devamayī dhruvam |
dvayorekasamastitvaṃ jāyatāṃ nobhapakṣakam || 95 ||
[Analyze grammar]

surā jīvantu yadvā cā'surā jīvantu kevalam |
mā surā'suramiśraṃ vai sarjanaṃ ceṣyate'dhunā || 96 ||
[Analyze grammar]

vidhurāḥ santu devā vā dānavyo vidhavāśca vā |
yadbhavatu bhavatyeva mā kuruta palāyanam || 97 ||
[Analyze grammar]

mārayantu nāśayantu ghātayantu ca caṇḍikā |
dharṣayantu mardayantu cūrṇayantu ca caṃcalāḥ || 98 ||
[Analyze grammar]

iti dānavabheryaśca bodhayanti raṇāṃgaṇe |
śaṃkhastadā tu devīnāṃ ghoṣayanti raṇāṃgaṇe || 99 ||
[Analyze grammar]

bhakṣayantu jakṣayantu dhvaṃsayantu ca dānavān |
dārayantu pārayantu mārayantu ca mohakān || 100 ||
[Analyze grammar]

asurāḥ sarvathā devān trāsayanti kṣaṇe kṣaṇe |
trāsayantu hrāsayantu grāsayantu mamāgrataḥ || 101 ||
[Analyze grammar]

bhavatīnāṃ sahāyārthaṃ devāḥ sarve upasthitāḥ |
mā paścapādaṃ kurvantu naśyantu nāśayantu ca || 102 ||
[Analyze grammar]

ityevaṃ tu tadā jātā bodhadā vyomagarjanāḥ |
bherīśaṃkhakṛtāḥ śabdāḥ śrūyante kālanoditāḥ || 103 ||
[Analyze grammar]

yuddhe mṛtānāṃ svargaṃ ca jīvitānāṃ kṣitīśatā |
nivṛttānāṃ na vai kiñcittasmāt martavyamatra hi || 104 ||
[Analyze grammar]

ityevaṃ raṇaśṛṃgāṇi bodhayanti bhaṭān bhaṭoḥ |
tāvatpravartitā ghātāḥ śastrāṇāṃ pātanāni ca || 105 ||
[Analyze grammar]

niśitaiśca śarairbāṇairnārācairjaghnuragrimān |
kṣuraprairardhacandraiśca śūlairjaghnuḥ parasparam || 106 ||
[Analyze grammar]

kātyāyanyā ca kauśikyā kālyā cāmuṇḍayā tathā |
bāṇairācchāditaṃ sainyaṃ dānavānāṃ nabhastale || 107 ||
[Analyze grammar]

kambukaiḥ kālakairdhaumraiḥ kālakeyaiśca daurhṛtaiḥ |
bāṇairācchāditaṃ sainyaṃ devīnāṃ ca nabhastale || 108 ||
[Analyze grammar]

cicchidurbāṇasaṃghātān bāṇairjaghnustathā'paraiḥ |
akṣayyasāyakāstatra tuṇīrāḥ kṣīṇatāṃ yayuḥ || 109 ||
[Analyze grammar]

vinaṣṭā jvalitā bhagnāḥ khaṇḍitāḥ sāyakā yadā |
dhanuṣo daityadevīnāṃ babhaṃjuḥ śūlaghātanaiḥ || 110 ||
[Analyze grammar]

hatāśca lakṣaśo daityāḥ pothayanti bhuvastale |
chinnapādo chinnahastāśchinnakaṃdharavakṣasaḥ || 111 ||
[Analyze grammar]

devyaśca lakṣaśastatra mūrchayanti raṇāṃgaṇe |
vāhanāni vinaṣṭāni bhagnā mṛtā gajādayaḥ || 112 ||
[Analyze grammar]

siṃhāśca mahiṣāstatra mayūroṣṭrā mṛtā raṇe |
devairdaityaiḥ prāṇarasairmantraiśca jīvitāḥ punaḥ || 113 ||
[Analyze grammar]

atha śastraiśca bhallaiśca triśūlaiśca bhūśuṇḍibhiḥ |
parīghaiśca gadābhiśca prāsaiśca tomaraistathā || 114 ||
[Analyze grammar]

khaḍgaiśca śaktibhistīkṣṇakaravālaiḥ paraśvadhaiḥ |
yuddhaṃ cānyonyamabhavannikandanakaraṃ tadā || 115 ||
[Analyze grammar]

chidyante dehatastatra bhidyante vakṣasastathā |
kaṭitaśca viyujyante khaṇḍyante hastatastathā || 116 ||
[Analyze grammar]

mriyante kaṇṭhatastatra pātyante śakthitastathā |
ākṛṣyākṛṣya hanyante śliṣṭvā''śliṣyā'rdayanti ca || 117 ||
[Analyze grammar]

pādaṃ pādaṃ samagṛhya pāṭayanti dvidhā raṇe |
hāhākāro mahānāsīt ko'yaṃ keyaṃ na budhyate || 118 ||
[Analyze grammar]

yadago cāgataṃ varṣma dvedhā bhavati tatkṣaṇe |
ityevamandhavego vai saṃgrāmo mūrchanābharaḥ || 119 ||
[Analyze grammar]

jātaḥ koṭyabjakoṭyaśca naṣṭāḥ sainyabhaṭāstadā |
pṛthivī raktavarṇāḍhyā devīdaityaśavānvitā || 120 ||
[Analyze grammar]

raktanadīśatairvyāptā dehāraṇyā''gatisṛtiḥ |
śailābhadantidehāḍhyā kharoṣṭrādiśavānvitā || 121 ||
[Analyze grammar]

mṛtāsaṃkhyaśavavyāptā prāleyakāladṛśyadā |
ye patitāścārdhahatāḥ pānaṃ pānaṃ vadanti ca || 122 ||
[Analyze grammar]

kabandhāstatra nirvastrāścotthāyotthāya bhūtale |
vidravanti saśastrāśca punaḥ patanti bhūtale || 123 ||
[Analyze grammar]

na kaścit kasyacittatra tadā sāhāyyado'bhavat |
komalāḥ koṭiśo devyo daityāśca navayauvanāḥ || 124 ||
[Analyze grammar]

saṃgrāme svarṇarūpāste mṛtā dīvyanti candravat |
raṇe vipothitā naṣṭā mahākālakṛtaṃ hi tat || 125 ||
[Analyze grammar]

darśakānāṃ hṛdayānāṃ hṛtsu trāso'pyabhūnmahān |
tato vai brahmaṇā tatra vibhāvaryai niveditam || 126 ||
[Analyze grammar]

nidrāstraṃ yojaya tvaṃ ca kāle tad yujyate priye |
vibhāvaryā tadā nidrāmantrādhikṛtadaivatam || 127 ||
[Analyze grammar]

astraṃ śarāgre saṃyujya vimuktaṃ sainyayostadā |
devīdānavasainyāni nidrābhibhavavanti ca || 128 ||
[Analyze grammar]

jātānyeva suṣuptau ca viśrāmyanti tu sarvathā |
atha daityaistadā devīsainyopari pravarṣaṇam || 129 ||
[Analyze grammar]

amṛtasya kṛtaṃ caivauṣadhīnāṃ jīvadāyinām |
devyaḥ siṃhā vāhanāni cetanāni ca yāni vai || 130 ||
[Analyze grammar]

tāni sarvāṇyamṛtasya vṛṣṭyā saṃjīvitāni hi |
daityāścāpi tadā mantrairdaityān prājīvayaṃstadā || 131 ||
[Analyze grammar]

saṃjīvanyā ca sandhinyā viśalyayā virāmayā |
mūrchānāśikayā raktarodhinyā prāṇadaiḥ rasaiḥ || 132 ||
[Analyze grammar]

yathā cikitsitaṃ sainyaṃ jīvitaṃ nīrujīkṛtam |
sarvaṃ svasthaṃ tadā jātaṃ svāpāt yathotthitaṃ bhavet || 133 ||
[Analyze grammar]

tathā devīmahāsainyaṃ punaḥ sajjaṃ babhūva ha |
daityānāmapi tādṛgvai punaḥ sajjaṃ babhūva ha || 134 ||
[Analyze grammar]

brahmaṇā ca tadā''jñaptā svake sainye vibhāvarī |
nidrāstraṃ cā''hṛtavatī sukhaṃ sainyobhaye'bhavat || 135 ||
[Analyze grammar]

brahmā prāha tadā śaṃbhuṃ dānavānāṃ vināśanam |
astraireva prakartavyaṃ yuddhyantāṃ caṇḍikādikāḥ || 136 ||
[Analyze grammar]

śastraṃ phutkṛtya roṣeṇa śatrūn dhyātvā prayojayet |
kālakavalamantro'yaṃ devībhyo dīyatāṃ tvayā || 137 ||
[Analyze grammar]

o mṛtermṛtyormahāmṛtyo mṛtyā saha sthiro bhava |
o mṛtimṛtyo mahāmṛtyau svamṛtyā santiro bhava || 138 ||
[Analyze grammar]

iti phutkārapūrvaṃ vai śastraṃ śarādikaṃ ca yat |
saṃprakṣipecchatrudehe mṛtvā punarna jīvati || 139 ||
[Analyze grammar]

bahubhirauṣadhibhiśca mantraiścikitsanairapi |
na punarjīvati mṛtyormahākālaprabhāvataḥ || 140 ||
[Analyze grammar]

mahākālākhyarudreṇa brahmaṇaścājñayā tadā |
upadiṣṭaśca devībhyaḥ kālakavalamantrakaḥ || 141 ||
[Analyze grammar]

kṣaṇamātreṇa siddho'yaṃ mahākālapratāpataḥ |
brahmaṇo vāṃchayā caiva mūrtimāṃstatra saṃsthitaḥ || 142 ||
[Analyze grammar]

vikarālaḥ kālakālaḥ saśastrā'surabhakṣakaḥ |
jīvanāni bhakṣayansa dṛṣṭo devībhirutthitaḥ || 143 ||
[Analyze grammar]

kṣaṇādanantarūpaścā'bhavaddevīṣu tatkṣaṇe |
susthitaścā'bhavattāsāṃ jihvāsu kāryasammukhaḥ || 144 ||
[Analyze grammar]

daityairetanna vijñātaṃ brahmarudraviceṣṭitam |
utthitāḥ svā'mṛtatvaṃ sammanvānā yuddhamācaran || 145 ||
[Analyze grammar]

itiśrīlakṣmīnārāyaṇīyasaṃhitāyā prathame kṛtayugasantāne raktabījadaityayuddhe'nantadevīraktabījotpattiḥ mūlaraktabījanāśo niśuṃbhanāśaḥ śuṃbhā'paśakunāni dānavasamārohaḥ caturdaśabhuvanīyadevīsainyāgamaḥ saṃjīvanyādyupasthitiḥ savāditraśastrāditumulayuddhakṛnmahāvināśe vibhāvarīmuktanidrāstraṃ sainyajīvanaṃ devīnāṃ |
kālakavalamantraprāptiścetyādinirūpaṇanāmā saptaṣaṣṭyadhikaśatatamo'dhyāyaḥ || 167 ||
[Analyze grammar]