Kubjikamatatantra [sanskrit]
27,635 words | ISBN-10: 8186569421 | ISBN-13: 9788186569429
The Sanskrit edition of the Kubjikamatatantra: an ancient and authoritative text exposing the Goddess Kubjika and belonging to the Kaula tradition praised in Tantric Shaktism and Shaivism. The extant Kubjikamata-tantra contains roughly 3,000 shlokas (metrical verses), although traditionally the text is derived from a version containing 24,000 verses (or even more). It is known also by the names Kubjinimata or Anamamata
Chapter 6
śrīkubjikā uvāca |
japasya lakṣaṇaṃ deva pūrvaṃ hi kathitaṃ tvayā |
ekoccāraśataṃ jñeyaṃ sahasraṃ lakṣameva ca || 1 ||
[Analyze grammar]
koṭayastu tathā śambho pṛthaglakṣaṇalakṣitāḥ |
na me jñātaṃ pramāṇaṃ tu japasya suranāyaka || 2 ||
[Analyze grammar]
tadahaṃ śrotumicchāmi mandabuddhyālpacetasā || 3 ||
[Analyze grammar]
śrībhairava uvāca |
yā sā kuṇḍalinī śaktis cidrūpā ca parā kalā |
ādyā śaktirmaheśasya aṇumātrā hṛdi sthitā || 4 ||
[Analyze grammar]
sā aṇuḥ kathitā tantre dve aṇū truṭimāśritā |
truṭibhūtā tu sā devī japtavyā tu parāparā || 5 ||
[Analyze grammar]
varṇahīnā parā proktā aparā varṇarūpiṇī |
evaṃ jñātvā varārohe japaḥ kāryaḥ sadā budhaiḥ || 6 ||
[Analyze grammar]
truṭirūpā tu sā devī tadādhāre vyavasthitā |
kalate prāṇagā nityaṃ daśasthāne hyanukramāt || 7 ||
[Analyze grammar]
brahmā viṣṇustathā rudra īśvaro'tha sadāśivaḥ |
kuṇḍalī vyāpinī caiva praśāntā viṣuvattathā || 8 ||
[Analyze grammar]
śaktisthānaṃ tu deveśi ete sthānā daśa smṛtāḥ |
yeṣāṃ sañcarate devaḥ śivaḥ paramakāraṇaḥ || 9 ||
[Analyze grammar]
ūrdhve vā yadi vā tiryaksvasthāne vā sureśvari |
prasphureta kalairyuktā daśabhistu mahābalaiḥ || 10 ||
[Analyze grammar]
daśadhā kalanaṃ tena kathitaṃ tava śobhane |
prayatnena kṛtoccāraṃ yāvacchaktirlayaṃ gatā || 11 ||
[Analyze grammar]
tāvaddevi śataṃ proktaṃ varṇoccāre na saṃśayaḥ |
svābhāvikamanuccārya sūkṣmādhāro jagatpatiḥ || 12 ||
[Analyze grammar]
śatadhā kalanaṃ tasya truṭirūpasya yoginaḥ |
sahasraṃ tu samuddiṣṭaṃ daśadhā parameśvari || 13 ||
[Analyze grammar]
ubhayasya parityāgād kalādhāraḥ sadāśivaḥ |
dṛkkriyājñānanirmuktaḥ kalate ca sahasradhā || 14 ||
[Analyze grammar]
lakṣabhedaḥ samuddiṣṭa iti śāstre na saṃśayaḥ |
japo hyevaṃ samuddiṣṭo yogināṃ tattvavedinām || 15 ||
[Analyze grammar]
lakṣātīto manātīto nirmuktastattvabandhanaiḥ |
unmanatve sadā līno aṇurūpo nakiñcanaḥ || 16 ||
[Analyze grammar]
sattāmātrasthito dehī guṇānāṃ pratibodhakaḥ |
viṣayabhāvanirmuktaḥ kalate lakṣadhā priye || 17 ||
[Analyze grammar]
koṭistu bhavate hyevaṃ jñātavyaṃ mantravādibhiḥ |
soccāropāṃśubhūtastu mānaso manavarjitaḥ || 18 ||
[Analyze grammar]
japaḥ pūrvaṃ samākhyātaḥ śāstre śāstre surārcite |
saśabdoccārayogena śuddhyarthe kathitaṃ sphuṭam || 19 ||
[Analyze grammar]
siddhyarthe'pāṃśuruddiṣṭaḥ svapravṛtto hṛdi sthitaḥ |
mānaso yogahetvarthe ubhayatra vivarjitaḥ || 20 ||
[Analyze grammar]
manātīto bhaveddevi mokṣadastu na saṃśayaḥ |
evaṃ devi samākhyāto japaḥ prāṇasamastava || 21 ||
[Analyze grammar]
japaḥ prāṇasamaḥ kāryo dṛṣṭādṛṣṭaphalārthinām |
avarṇā varṇasaṃyogā mayā te samudāhṛtā || 22 ||
[Analyze grammar]
nirālambe mahāśūnye yattejamupajāyate |
tadgarbhe abhyasennityaṃ bhāgyahīno'pi sidhyati || 23 ||
[Analyze grammar]
yogamūlī viśuddhī ca sārṇave sā ca ekatā |
ekatra saṃsthitānandaṃ kularatnaṃ tridhā priye || 24 ||
[Analyze grammar]
śrīkubjikā uvāca |
mudrā tu sūcitā nātha na me jñātā mahāprabho |
tanmamācakṣva deveśi yena bhrāntirvinaśyati || 25 ||
[Analyze grammar]
śrībhairava uvāca |
pātālordhvagataṃ yacca śṛṅgāṭapuramadhyagam |
golākāraṃ tato devi randhrasyordhvagataṃ priye || 26 ||
[Analyze grammar]
cakradvayamidaṃ proktaṃ prādhānyena vyavasthitam |
vedhaghaṭṭanirodhaṃ ca uccārākṛṣṭikārakam || 27 ||
[Analyze grammar]
stobhastambhanamāveśo gamaṃ caivātra suvrate |
etadvirahito mantrī hāsyatāṃ yāti niścitam || 28 ||
[Analyze grammar]
anena jñātamātreṇa pratyayān kurute bahūn |
vṛttirājā varārohe niveśya cakramadhyataḥ || 29 ||
[Analyze grammar]
vṛttihīnastatastatra kāvyakartā na saṃśayaḥ |
cakramadhye ca sañcintya suśuklāṃ ca parāparām || 30 ||
[Analyze grammar]
pustakavyagrahastāṃ ca jñānamudrādharāṃ tathā |
sphāṭikenākṣasūtreṇa sarvābharaṇabhūṣitām || 31 ||
[Analyze grammar]
sragdāmalambitagalāṃ prabhāmaṇḍalamaṇḍitām |
dvibāhu-r-ekavadanāṃ candrakoṭisamaprabhām || 32 ||
[Analyze grammar]
udgirantīṃ mahaughena śāstrakoṭīranekaśaḥ |
evaṃ dhyānasamāviṣṭaḥ sākṣādvāgīśvaro bhavet || 33 ||
[Analyze grammar]
saṃskṛtaṃ prākṛtaṃ caiva vedasiddhāntagahvaram |
granthataścārthataścaiva udgirennātra saṃśayaḥ || 34 ||
[Analyze grammar]
pīṭhamadhyagatābhyāsātpīṭhadvāre'thavā priye |
sampradāyamidaṃ kaulaṃ śāktaṃ śaktipadānugam || 35 ||
[Analyze grammar]
mātrāyogena deveśi mudrābandhaṃ tu kārayet |
sā mātrā gīyate cātra uccāravaśavartinī || 36 ||
[Analyze grammar]
uccaraṃ sahajaṃ devi dehamadhye vyavasthitam |
śatasaṅkhyāpramāṇena yāvaduccarate parām || 37 ||
[Analyze grammar]
tāvadāviṣṭadehastu śāstrārthaṃ vadate sudhīḥ |
nityārūpeṇa saivātra dhyāyed raktasamaprabhām || 38 ||
[Analyze grammar]
lākṣālaktakasaṅkāśāṃ caturvaktrāṃ caturbhujām |
mūrtitrayasamopetāṃ tribhirbhedairvyavasthitām || 39 ||
[Analyze grammar]
tristhāṃ trimārgagāṃ devīṃ trināḍīsamatāṃ gatām |
nityaklinnāṃ ca deveśi tathā caiva madadravām || 40 ||
[Analyze grammar]
devyārūpadharāṃ sarvāmekavaktrāṃ dvibāhukām |
pāśāṅkuśadharāṃ sarvāṃ madavibhrāntalocanām || 41 ||
[Analyze grammar]
yauvanasthāṃ madonmattāṃ madirānandananditām |
smareddevyāḥ svarūpaṃ tu tatprayogavyavasthayā || 42 ||
[Analyze grammar]
taḍitsahasrabandhūkadāḍimīkusumadyutim |
pañcaśṛṅgāṭakādhārāṃ sā parā pararūpiṇī || 43 ||
[Analyze grammar]
mahāyogavilāsā tu śivādyavanigocaram |
vyāpayitvā sthitā devī ravinakṣatramaṇḍalam || 44 ||
[Analyze grammar]
śṛṅgāṭakaṃ cordhvamukhaṃ tiryagrekhāgramūlagam |
śikhordhvakuṇḍalākāraṃ kāmaśakti-r-adhisthitam || 45 ||
[Analyze grammar]
pañcaśṛṅgāṭakāsīnaṃ sthitaṃ tatra varānane |
devyārūpadharaṃ cakraṃ dhyāyedevaṃ na saṃśayaḥ || 46 ||
[Analyze grammar]
eṣa bandhastu mudrāyāḥ kathitaste kuleśvari |
tritattvena tu mantreṇa vakṣyamānena kārayet || 47 ||
[Analyze grammar]
drāvaṇaṃ kṣobhaṇaṃ caiva ākarṣavaśameva ca |
pūjāvidhānaṃ deveśi devyāyā vīravandite || 48 ||
[Analyze grammar]
śrīkubjikā uvāca |
triśikhā padmamudrā ca yonimudrā viśeṣataḥ |
tāsāṃ lakṣaṇamākhyāhi yathāvatsphuṭato vada || 49 ||
[Analyze grammar]
śrībhairava uvāca |
mudrāṇāṃ lakṣaṇaṃ devi kathayāmi samāsataḥ |
hastābhyāṃ kārayedādau sampuṭaṃ cordhvadiṅmukham || 50 ||
[Analyze grammar]
aṅgulyā grathayetsarvāḥ saṃśliṣṭamubhayeṣvapi |
tarjanyānāmikau kuñcya saṃśliṣṭau madhyasaṃsthitau || 51 ||
[Analyze grammar]
tābhyāṃ mūle mukhaṃ kāryaṃ tarjanyāyā varānane |
saṃśliṣṭau sammukhau dvau tu madhyamau ūrdhvadiṅmukhau || 52 ||
[Analyze grammar]
saṃyogena varārohe aṅguṣṭhau ca kaniṣṭhakau |
tādṛśīva hi kartavyā triśikhā tu vidhīyate || 53 ||
[Analyze grammar]
karābhyāṃ sampuṭaṃ kāryaṃ maṇibandhau tu saṃhatau |
agrāṅgulyā prasāryeta aṅguṣṭhau madhyasaṃsthitau || 54 ||
[Analyze grammar]
padmamudrā samākhyātā yonimudrāmataḥ śṛṇu |
hastābhyāṃ sampuṭaṃ kāryaṃ kaniṣṭhā madhya yojayet || 55 ||
[Analyze grammar]
puṭākārau karau kṛtvā aṅguṣṭhau madhyasaṃsthitau |
niḥsṛtā vāmahastasya aṅgulyā tu kanīyasī || 56 ||
[Analyze grammar]
yonimudrā smṛtā bhadre sarveṣāṃ kṣobhakārikā |
etā mudrāḥ samākhyātā dhyānapūjāvisarjane || 57 ||
[Analyze grammar]
sāmprataṃ khecarīṇāṃ tu yathā mudrā khagādhipe |
kathayāmi samāsena tvatprītyā khagagāminī || 58 ||
[Analyze grammar]
anāmā karṇike yojyā ṣoḍaśāraṃ tu pīḍayet |
pīḍanādṛjutāṃ yāti khagamārge tu bhāvini || 59 ||
[Analyze grammar]
phādināntagate lakṣe khagatiśca na saṃśayaḥ |
ṣaṭpattraṃ mūrdhnitaḥ kṛtvā tarjanyāgre tu yojayet || 60 ||
[Analyze grammar]
śūnye śūnyamano bhūtvā sampīḍyeta parasparam |
ṣaṭpattraṃ tu vikāśyeta udānapreritena tu || 61 ||
[Analyze grammar]
bhāvayennādiphāntaṃ tu khagatīti na saṃśayaḥ |
dvādaśārordhvanālena lambikānte niveśayet || 62 ||
[Analyze grammar]
bhedanaṃ kuñcitenaiva cārgalaṃ kūrmasaṃyutam |
bhāvayennādiphāntaṃ tu khagatiṃ vīravandite || 63 ||
[Analyze grammar]
padmamudrā tridhā proktā yonimudrāmataḥ śṛṇu |
yoniṃ yonau samākramya mudgareṇa tu bhedanam || 64 ||
[Analyze grammar]
visargadvayasaṃyogātkhagagāmī bhaveddhruvam |
amṛtākhyā parā yonirbhāvayenmastakopari || 65 ||
[Analyze grammar]
ākramya gandhamārgaṃ tu yojanā nādiphāntagā |
khagatirbhavate-d-evaṃ yonimārge vicakṣaṇaḥ || 66 ||
[Analyze grammar]
uccārya vāmaśaktiṃ tu sandhayedgranthimadhyataḥ |
vikṣepamūrdhvataḥ kṛtvā pare yonau tu bhāvanā || 67 ||
[Analyze grammar]
anena khagagāmitvaṃ bhavate tu na saṃśayaḥ |
yonimudrā samākhyātā tribhedā parikīrtitā || 68 ||
[Analyze grammar]
triśikhālakṣaṇaṃ devi kathyamānaṃ nibodhata |
karābhyāṃ caiva tarjanyāṃ pīḍayettatprayatnataḥ || 69 ||
[Analyze grammar]
brahmanāḍyā dvirabhyāsādāsanaṃ mandarasya tu |
triśikhā nāma mudreyamarpaṇaṃ khagamārgayoḥ || 70 ||
[Analyze grammar]
golakaṃ śūnyamārgasthaṃ pathatrayagataṃ priye |
kṣepaṇaṃ bindukoṭyūrdhvamavanīṃ kramya pādayoḥ || 71 ||
[Analyze grammar]
guhye niveśya mantrajñastriśikhaṃ khecaraṃ priye |
anena khagagāmī'sau bhavate sādhakottamaḥ || 72 ||
[Analyze grammar]
karaṇaṃ cordhvamūlaṃ syādbandhayetkhagamaṇḍalam |
ākramya pañcamaṃ tatra karābhyāṃ caiva śūlini || 73 ||
[Analyze grammar]
jānukau kurpare yojya vikṣepo guhyamadhyataḥ |
vedhanaṃ brahmarandhrasya kathitaṃ tu tapodhane || 74 ||
[Analyze grammar]
khagamārgagatistvevaṃ bhavate tu sulocane |
eṣā mudrā samākhyātā navabhedairvyavasthitā || 75 ||
[Analyze grammar]
mudrā śaktiriti khyātā mudritaṃ drāvayiṣyati |
tena mudrā samākhyātā kathitā parameśvari || 76 ||
[Analyze grammar]
mudritaṃ gopitaṃ proktaṃ cicchaktyā yā parāparā |
na jñāyate varārohe sā tu mudrā udāhṛtā || 77 ||
[Analyze grammar]
ajñānamalarūpeṇa yāvadbaddhaḥ sa pudgalaḥ |
na jānāti parātmānaṃ tāvanmāyā pravartate || 78 ||
[Analyze grammar]
bhinne tamasi caikatvaṃ yadā paśyati mānavaḥ |
tadā sā tu parā proktā bandhamokṣakarī priye || 79 ||
[Analyze grammar]
ekā sā paramā śaktiḥ saṃsthitā tu śivecchayā |
mocayanti grahādibhyaḥ pāśaughāndrāvayanti ca || 80 ||
[Analyze grammar]
mocanāddrāvaṇād yasmānmudrākhyāḥ śaktayaḥ smṛtāḥ |
khagatirhyūrdhvabhāvena khagamārgeṇa nityaśaḥ || 81 ||
[Analyze grammar]
carate sarvajantūnāṃ khecarī tena sā smṛtā |
paratv' ekā tu sā jñeyā punaścaiva tridhā smṛtā || 82 ||
[Analyze grammar]
icchā jñānī kriyā sā tu varṇarūpamupāgatā |
pañcāśabhedabhinnā sā ekā eva-m-udāhṛtā || 83 ||
[Analyze grammar]
aṅgāvayavasampūrṇā mālayitvā jagatsthitā |
nādiphāntasvarūpeṇa tena sā mālinī smṛtā || 84 ||
[Analyze grammar]
sapta koṭyastu mantrāṇāmaprameyāstu yāḥ smṛtāḥ |
svatantrasthāstu tāḥ sarvā mudritāḥ parameśvari || 85 ||
[Analyze grammar]
tena mudrā samākhyātā sadyaḥpratyayakārikā |
avayave mātṛrūpā tu svaiḥ svairaṃśairvyavasthitā || 86 ||
[Analyze grammar]
brahmāṃśā caiva rudrāṃśā kaumāryāṃśā varānane |
vaiṣṇavyā caiva yāmyāṃśā aindryāṃśā ca tathānaghe || 87 ||
[Analyze grammar]
yogeśvaryā ca yogāṃśā yogayogīśanāyikā |
ete hyaṃśāḥ smṛtāḥ sapta punaḥ saptasu saptasu || 88 ||
[Analyze grammar]
brahmāṇyāḥ sapta-m-uddiṣṭāḥ sapta māheśvarī punaḥ |
kaumāryāḥ sapta-m-uddiṣṭā vaiṣṇavyāḥ sapta eva ca || 89 ||
[Analyze grammar]
vārāhī sapta-m-uddiṣṭā aindrāṇyāḥ sapta eva tu |
cāmuṇḍā sapta-m-uddiṣṭā evaṃ vai sapta saptasu || 90 ||
[Analyze grammar]
pañcāśaikona vai devyā bhuvanāvalisaṃsthitāḥ |
atra bhedairanekaiśca saṃsthitā bhuvanāvaliḥ || 91 ||
[Analyze grammar]
tasya dehagatā romāḥ koṭyastrīṇi prakīrtitāḥ |
lakṣāṇi caiva pañcāśad romāṇāṃ tu tadudbhavā || 92 ||
[Analyze grammar]
ekaikaromakūpeṣu yoginyaḥ koṭisaṃsthitāḥ |
trikoṭikoṭikoṭīnāṃ koṭayastu anekadhā || 93 ||
[Analyze grammar]
yathā cāmbaraparyantā pṛthivyādiṣu sambhavāḥ |
aṇavastvapramāṇāstu tattve tattve tvanekadhā || 94 ||
[Analyze grammar]
sūkṣmarūpāstathā rudrā eṣāṃ saṅkhyā na vidyate |
vyāpitaṃ tu samastaṃ hi rudraiḥ sūkṣmataraiḥ priye || 95 ||
[Analyze grammar]
evaṃ mudrā samākhyātā vyāpayitvāprameyataḥ |
ekā eva parā mudrā yasyedaṃ tiṣṭhate jagat || 96 ||
[Analyze grammar]
yaṃ yaṃ spṛśati sā hyaṅgaṃ sā sā mudrā vidhīyate |
nṛtyaṃ valgaṃ tathā hāsyaṃ rodanaṃ sphoṭameva ca || 97 ||
[Analyze grammar]
yadvikāraṃ prakurvanti tatsarvaṃ mudrasaṃjñakam |
aṅgulyā aṅganā proktā aṅge carati nityaśaḥ || 98 ||
[Analyze grammar]
aṅgulyā tena coddiṣṭā mudrābandhe varānane |
kaṃ śarīramiti khyātaṃ nyastā tasminpravartate || 99 ||
[Analyze grammar]
helāgamanamārgeṇa tena nāmā kanīyasī |
anāmā nāmarahitā koṭibhedairvyavasthitā || 100 ||
[Analyze grammar]
nāmaṃ na śakyate vaktumanāmā tena gīyate |
madhye pravartate nit yamāśrayā pudgalasya tu || 101 ||
[Analyze grammar]
tatrādhārādvrajedūrdhvaṃ punarāgamanaṃ priye |
madhyamā nāma tenātra kathitā mantravādinām || 102 ||
[Analyze grammar]
tarjanaṃ kurute nityaṃ saṃyojanaviyojanam |
tarjayantī mahāmohaṃ pāśajālamanantakam || 103 ||
[Analyze grammar]
tarjanī tena sā proktā mudrā sarveṣu cottamā |
aṅguṣṭhaścaughabhūtā tu pravāhe satataṃ priye || 104 ||
[Analyze grammar]
uccāreṇa pravarteta aṅguṣṭhastena sa smṛtaḥ |
aha-m-ūrdhvagatiḥ proktaḥ stau ti rātrī nigadyate || 105 ||
[Analyze grammar]
hastau tena samākhyātau vāmadakṣiṇa ucyate |
vāme sṛṣṭiriti proktā saṃhāraṃ dakṣiṇe viduḥ || 106 ||
[Analyze grammar]
savyāsavyagatau tena kathitau vīranāyike |
vāmāvyāptaṃ jagatkṛtsnaṃ saṃhārāntaṃ tadā priye || 107 ||
[Analyze grammar]
saṃyogena varārohe ātmā kuṇḍalinī smṛtā |
iyaṃ sā paramā yoniryonīnāmuttamā priye || 108 ||
[Analyze grammar]
yo jānāti varārohe śaktirādyā manonmanī |
tena jñātaṃ jagatsarvaṃ varṇāvarṇavivarjitam || 109 ||
[Analyze grammar]
sā mudrā tu samākhyātā viśvavyāptikarī parā |
dvau bindū cūlike dve tu visargaśaktisampuṭam || 110 ||
[Analyze grammar]
tadūrdhvamiha nādāntaṃ vibhvī śūnyamudāhṛtam |
janmasthānātsamudyantī yāvattadbhavamaṇḍalam || 111 ||
[Analyze grammar]
sṛṣṭisaṃhārayogena meḍhram-ādhāramadhyagam |
evaṃ mudrā samākhyātā vāṅmanaḥkāyakarmabhiḥ || 112 ||
[Analyze grammar]
kimanyatpṛcchase devi tatsarvaṃ kathayāmyaham || 113 ||
[Analyze grammar]
Other editions:
Also see the following editions of the Sanskrit text or (alternative) English translations of the Kubjikamatatantra Chapter 6
A Journey in the World of the Tantras
by Mark S.G. Dyczkowski (2004)
[Indica Books, Varanasi]
Buy now!