Chapter 111

vaiśampāyana uvāca |
mṛta ityabhivijñāya jvaraṃ śatruniṣūdanaḥ |
kṛṣṇo bhujabalābhyāṃ taṃ cikṣepātha mahītale || 1 ||
[Analyze grammar]

muktamātrastu bāhubhyāṃ kṛṣṇadehaṃ viveśa saḥ |
amuktvā vigrahaṃ tasya kṛṣṇasyāpratimaujasaḥ || 2 ||
[Analyze grammar]

praviśya hṛdayaṃ tasya babādhe yadusattamam || 2 ||
[Analyze grammar]

sa hyāviṣṭastadā tena jvareṇāpratimaujasā |
kṛṣṇaḥ skhalanniva muhuḥ kṣitau samabhivartata || 3 ||
[Analyze grammar]

jṛmbhate ca tadā kṛṣṇaḥ punaśca skhalate bhṛśam |
romāñcotthitagātrastu nidrayā cābhibhūyate || 4 ||
[Analyze grammar]

tasya sthairyaṃ samālambya kṛṣṇaḥ parapuraṃjayaḥ || 4 ||
[Analyze grammar]

vikurvati mahāyogī jṛmbhamāṇaḥ punaḥ punaḥ || 4 ||
[Analyze grammar]

jvarābhimṛṣṭamātmānaṃ vijñāya puruṣottamaḥ |
so'sṛjajjvaramanyaṃ tu pūrvajvaravināśanam || 5 ||
[Analyze grammar]

sa vaiṣṇavajvaro gṛhya taṃ ca vai jvaramojasā || 5 ||
[Analyze grammar]

kṛṣṇāya na saṃprayacchaṃstaṃ jagrāha punarhariḥ || 5 ||
[Analyze grammar]

ghoraṃ vaiṣṇavamatyugraṃ sarvaprāṇibhayaṃkaraṃ || 5 ||
[Analyze grammar]

sṛṣṭavānatha tejasvī balavānbhīmavikramaḥ || 5 ||
[Analyze grammar]

jvaraḥ kṛṣṇavisṛṣṭastu gṛhītvā taṃ jvaraṃ balāt || 5 ||
[Analyze grammar]

kṛṣṇāya hṛṣṭaḥ prāyacchattaṃ jagrāha tato hariḥ || 5 ||
[Analyze grammar]

tatastaṃ paramakruddho vāsudevo mahābalaḥ || 5 ||
[Analyze grammar]

svagātrātsvajvareṇaiva niṣkrāmayata vīryavān || 5 ||
[Analyze grammar]

āvidhya bhūtale cainaṃ śatadhā kartumudyataḥ || 5 ||
[Analyze grammar]

vyāghoṣayajjvarastatra bhoḥ paritrātumarhasi || 5 ||
[Analyze grammar]

māheśvaro vaiṣṇavaśca yuyudhāte jvarāv ubhau || 5 ||
[Analyze grammar]

māheśvaraḥ samākrandanvaiṣṇavena balārditaḥ || 5 ||
[Analyze grammar]

kṛṣṇajvaro jvaraṃ pūrvaṃ gṛhītvā svena tejasā || 5 ||
[Analyze grammar]

nanāda sumahānādaṃ vaiṣṇavaḥ sa mahābalaḥ || 5 ||
[Analyze grammar]

caturbhujaścaturvaktraḥ sarvapraharaṇodyataḥ || 5 ||
[Analyze grammar]

tayostu tumulaṃ yuddhaṃ jvarayorbāhuśālinoḥ || 5 ||
[Analyze grammar]

tato devāḥ sagandharvā divisthā yuddhalālasāḥ || 5 ||
[Analyze grammar]

dadṛśuśca mahad yuddhaṃ bhūtāni ca samantataḥ || 5 ||
[Analyze grammar]

tato māheśvaro yuddhe tāḍayāmāsa vaiṣṇavam || 5 ||
[Analyze grammar]

bāhunā tāḍitastena nanāda bahuvistaram || 5 ||
[Analyze grammar]

sa gato vaiṣṇavaṃ rājan raudraṃ bhasmāyudhaṃ raṇe || 5 ||
[Analyze grammar]

dvābhyāmatha ca bāhubhyāṃ gṛhītvātāḍayadbalī || 5 ||
[Analyze grammar]

itarābhyāṃ samāhatya bāhubhyāṃ vaiṣṇavo jvaraḥ || 5 ||
[Analyze grammar]

nanāda sumahānādaṃ sarvalokasya paśyataḥ || 5 ||
[Analyze grammar]

tato raudro jvaro rājanmuṣṭinātha jaghāna tam || 5 ||
[Analyze grammar]

dadaṃśa dantairbahudhā jvaraṃ keśavamāhave || 5 ||
[Analyze grammar]

bāhubhyāmeva tau rājanyuyudhāte mahāgadau || 5 ||
[Analyze grammar]

anyonyaṃ tāḍayantau ca muṣṭibhirjvarasattamau || 5 ||
[Analyze grammar]

cakratuśca mahānādaṃ jvarau tau lokaviśrutau || 5 ||
[Analyze grammar]

vaiṣṇavo'tha jvaro rājan grahītuṃ raudrasaṃjñitam || 5 ||
[Analyze grammar]

yatate bahudhā tatra muṣṭinātha jaghāna tam || 5 ||
[Analyze grammar]

āhatya bāhunā bhūyo niṣpipeṣa punaḥ punaḥ || 5 ||
[Analyze grammar]

niṣpiṣṭahṛdayastūrṇaṃ śūlino jvarasattamaḥ || 5 ||
[Analyze grammar]

nanāda bahudhā nādaṃ bhūmau viparivartate || 5 ||
[Analyze grammar]

gṛhītvā tu balād raudramākṛṣya ca punaḥ punaḥ || 5 ||
[Analyze grammar]

kṛṣnāya hṛṣtaḥ prāyacchatkiṃ kariṣyāmyataḥ param || 5 ||
[Analyze grammar]

haniṣye devadeveśa bhakṣayiṣye'tha vā punaḥ || 5 ||
[Analyze grammar]

ityuktvā sumahānādaṃ cakāra raṇamūrdhani || 5 ||
[Analyze grammar]

utthāya ca hṛṣīkeśo jvaraṃ māheśvaraṃ raṇe || 5 ||
[Analyze grammar]

hantumaicchattadā loko nirjvaro'stviti keśavaḥ || 5 ||
[Analyze grammar]

vyāvidhyamāne tu tadā jvare tenāmitaujasā |
aśarīrā tato vāṇī tamuvācāntarikṣagā || 6 ||
[Analyze grammar]

kṛṣṇa kṛṣṇa mahābāho yadūnāṃ nandivardhana |
mā vadhīrjvarametaṃ vai rakṣaṇīyastvayānagha |
ityevamukte vacane taṃ mumoca hariḥ svayam || 7 ||
[Analyze grammar]

bhūtabhavyabhaviṣyasya jagataḥ paramo guruḥ || 7 ||
[Analyze grammar]

evamukto hṛṣīkeśaṃ jvaro vākyamathābravīt || 7 ||
[Analyze grammar]

kṛṣṇasya pādayormūrdhnā śaraṇaṃ so'gamajjvaraḥ || 7 ||
[Analyze grammar]

śṛṇuṣva mama govinda vijñāpyaṃ yadunandana || 7 ||
[Analyze grammar]

yo me manorathā deva taṃ tvaṃ kuru mahābhuja || 7 ||
[Analyze grammar]

tamuvāca jvaro bhūyaḥ sākṣādviṣṇuriva svayam || 7 ||
[Analyze grammar]

praṇamya śirasā devaṃ kṛtāñjalipuṭaḥ sthitaḥ || 7 ||
[Analyze grammar]

jvaraḥ |
namaḥ kṛṣṇāya haraye viṣṇave prabhaviṣṇave || 7 ||
[Analyze grammar]

ādidevāya devāya purāṇāya gadābhṛte || 7 ||
[Analyze grammar]

namaḥ sahasraśirase sahasracaraṇāya ca || 7 ||
[Analyze grammar]

sahasrākṣa namo nityaṃ lokānāmabhayaṃkara || 7 ||
[Analyze grammar]

udgīthāya namo deva yajñādhipataye namaḥ || 7 ||
[Analyze grammar]

namaste cakriṇe nityamasihastāya te namaḥ || 7 ||
[Analyze grammar]

anantāya virūpāya namaste madhusūdana || 7 ||
[Analyze grammar]

namaste devadeveśa tubhyaṃ deva kapardine || 7 ||
[Analyze grammar]

namaste rākṣasaghnāya namo rāghavarūpiṇe || 7 ||
[Analyze grammar]

jñānajñeyāya devāya nama ādyāya viṣṇave || 7 ||
[Analyze grammar]

namaste narasiṃhāya daityarājavihāriṇe || 7 ||
[Analyze grammar]

namastubhyaṃ varāhāya daṃṣṭroddhṛtavasuṃdhara || 7 ||
[Analyze grammar]

trivikrama namastubhyaṃ baliyajñavināśana || 7 ||
[Analyze grammar]

vāsudevāya devāya namaḥ kaṃsavināśana || 7 ||
[Analyze grammar]

namaḥ sarvātmane deva sarvakartre namo namaḥ || 7 ||
[Analyze grammar]

prasīda devadeveśa bhītānāmabhayaṃkara || 7 ||
[Analyze grammar]

namāmi devadeveśaṃ vareṇyamabhayapradam || 7 ||
[Analyze grammar]

viṣṇo tvāṃ sakaleśeśa tvāṃ gadādharamavyayam || 7 ||
[Analyze grammar]

namaste devadeveśa bhīto'haṃ bhavanāśana || 7 ||
[Analyze grammar]

iti stutvā jagannāthaṃ nṛtyanniva tadā jvaraḥ || 7 ||
[Analyze grammar]

papāta pādayorviṣṇorniḥśvasanbhītabhītavat || 7 ||
[Analyze grammar]

prasīda viṣṇo deveśa pīḍito'smi janārdana || 7 ||
[Analyze grammar]

tamuvāca jvaro bhūyastvahameko jvaro bhuvi |
ahameko jvarastāta nānyo loke jvaro bhavet |
tava prasādānnānyaḥ syājjvaraḥ samitiśobhana || 8 ||
[Analyze grammar]

deva uvāca |
evaṃ bhavatu bhadraṃ te yathā tvaṃ jvara kāṅkṣase || 8 ||
[Analyze grammar]

varārthināṃ varo deyo bhavāṃśca śaraṇaṃ gataḥ || 8 ||
[Analyze grammar]

bhagavānuvāca |
eka eva jvaro loke bhavānastu yathāsukham |
tatastuṣṭo hṛṣīkeśaḥ stotreṇānena keśavaḥ |
prītimāṃścābhavatkṛṣṇo raudrajvaramuvāca ha |
antakāle manuṣyāṇāṃ bhūyādbhogāya māmakaḥ |
yo'yaṃ mayā jvaro sṛṣṭo mayyevaiṣa pralīyatām || 9 ||
[Analyze grammar]

vaiśaṃpāyana uvāca |
evamukte tu vacane jvaraṃ prati mahāyaśāḥ || 9 ||
[Analyze grammar]

kṛṣṇaḥ praharatāṃ śreṣṭhaḥ punarvākyamuvāca ha || 9 ||
[Analyze grammar]

śṛṇuṣva jvara saṃdeśaṃ yathā loke cariṣyasi || 9 ||
[Analyze grammar]

sarvajātiṣu vinyastastathā sthāvarajaṅgame || 9 ||
[Analyze grammar]

tridhā vibhajya cātmānaṃ matpriyaṃ yadi kāṅkṣase || 9 ||
[Analyze grammar]

catuṣpādānbhajaikena dvitīyena ca sthāvarān || 9 ||
[Analyze grammar]

tṛtīyo yaśca te bhāgo mānuṣeṣūpapatsyate || 9 ||
[Analyze grammar]

tridhābhūtaṃ vapuḥ kṛtvā pakṣiṣu tvaṃ bhava jvara || 9 ||
[Analyze grammar]

caturdhā yastṛtīyasya bhaviṣyati ca te dhruvam || 9 ||
[Analyze grammar]

ekāntaraścaturbhāgaḥ khorakaśca caturthakaḥ || 9 ||
[Analyze grammar]

mānuṣeṣvatha bhedane vasa tvaṃ pravibhajya vai || 9 ||
[Analyze grammar]

jātiṣvathāvaśeṣāsu nivasa tvaṃ śṛṇuṣva me || 9 ||
[Analyze grammar]

vṛkṣeṣu kīṭarūpeṇa tathā saṃkocapatrakaḥ || 9 ||
[Analyze grammar]

pāṇḍupatraśca vikhyātaḥ phaleṣvāturyameva ca || 9 ||
[Analyze grammar]

apāṃ tu nīlikāṃ vidyācchikhodbhedaśca barhiṇām || 9 ||
[Analyze grammar]

padminīṣu himo bhūtvā pṛthivyāmapi coṣaraḥ || 9 ||
[Analyze grammar]

gaurikaḥ parvateṣveva matprasādādbhaviṣyasi || 9 ||
[Analyze grammar]

goṣvapasmārako bhūtvā khorakaśca bhaviṣyasi || 9 ||
[Analyze grammar]

evaṃ vividharūpeṇa bhaviṣyasi mahītale || 9 ||
[Analyze grammar]

darśanātsparśanāccāpi prāṇināṃ vadhameṣyasi || 9 ||
[Analyze grammar]

ṛte devamanuṣyebhyo nānyastvāṃ visahiṣyati || 9 ||
[Analyze grammar]

vaiśaṃpāyana uvāca |
kṛṣṇasya vacanaṃ śrutvā jvaro hṛṣṭamanā hyabhūt || 9 ||
[Analyze grammar]

provāca vacanaṃ kiṃcitpraṇamitvā kṛtāñjaliḥ || 9 ||
[Analyze grammar]

sarvajātiprabhutvena kṛto dhanyo'smi mādhava || 9 ||
[Analyze grammar]

bhūyaśca te vacaḥ kartumicchāmi puruṣarṣabha || 9 ||
[Analyze grammar]

tadājñāpaya govinda kiṃ karomi mahābhuja || 9 ||
[Analyze grammar]

deva uvāca |
evaṃ bhavatu bhadraṃ te yathā tvaṃ jvara kākṣase || 9 ||
[Analyze grammar]

ahamasurakulapramāthinā || 9 ||
[Analyze grammar]

tripurahareṇa hareṇa nirmitaḥ || 9 ||
[Analyze grammar]

raṇaśirasi vinirjitastvayā || 9 ||
[Analyze grammar]

prabhurasi me'dya tavāsmi kiṃkaraḥ || 9 ||
[Analyze grammar]

vaiśaṃpāyana uvāca |
jvarasya vacanaṃ śrutvā vāsudevo'bravīdvacaḥ || 9 ||
[Analyze grammar]

abhisaṃdhiṃ śṛṇuṣvādya yattvā vakṣyāmi niścayāt || 9 ||
[Analyze grammar]

yuvāṃ jvarau ca bhavatāṃ pīḍāyāṃ maraṇe tathā || 9 ||
[Analyze grammar]

pīḍāyāṃ ca bhavān svāmī maraṇe māmakastathā || 9 ||
[Analyze grammar]

ihaiva līyatāṃ tāvajjvaro māmaka eva hi || 9 ||
[Analyze grammar]

jvara uvāca |
dhanyo'smyanugṛhīto'smi yattvayā matpriyaṃ krṭaṃ |
ājñāpaya priaṃ kiṃ te cakrāyudha karomyaham || 10 ||
[Analyze grammar]

stuvanmāṃ bhaktiyuktena stotreṇānena mānavaḥ || 10 ||
[Analyze grammar]

jvaradevāvayoḥ samyakcintayanyuddhamadbhutam || 10 ||
[Analyze grammar]

na tasya jvarasaṃjātā pīḍā bhuvi bhaviṣyati || 10 ||
[Analyze grammar]

bhagavānuvāca |
mahāmṛdhe tava mama ca dvayorimaṃ parākramaṃ bhujabalakevalāstrayoḥ |
praṇamya māmekamanāḥ paṭhettu yaḥ sa vai bhavejjvara vigatajvaro naraḥ || 11 ||
[Analyze grammar]

tripādbhasmapraharaṇastriśirā raktalocanaḥ || 11 ||
[Analyze grammar]

sa me prītaḥ sukhaṃ dadyātsarvāmayapatirjvaraḥ || 11 ||
[Analyze grammar]

ādyantavantaḥ kavayaḥ purāṇāḥ || 11 ||
[Analyze grammar]

sūkṣmā bṛhanto'pyanuśāsitāraḥ || 11 ||
[Analyze grammar]

sarvāñjvarān ghnantu mamāniruddha || 11 ||
[Analyze grammar]

pradyumnasaṃkarṣaṇavāsudevāḥ || 11 ||
[Analyze grammar]

evamuktastu kṛṣṇena jvaraḥ sākṣānmahātmanā |
provāca yaduśārdūlamevametadbhaviṣyati || varaṃ labdhvā jvaro hṛṣṭaḥ kṛṣṇācca samayaṃ punaḥ |
evamastviti govindaṃ babhāṣe keśavaṃ tadā |
praṇamya śirasā kṛṣṇamapakrāntastato raṇāt || 12 ||
[Analyze grammar]

bhaktānāmabhayaṃkaram || 12c ||
[Analyze grammar]

vāsudevaṃ mahātmānaṃ || 12c ||
[Analyze grammar]