Chapter 112

vaiśaṃpāyana uvāca |
tataste sahitāḥ sarve trayastraya ivāgnayaḥ |
vainateyaṃ samāruhya yudhyamānā raṇe sthitāḥ || 1 ||
[Analyze grammar]

tataḥ sarvāṇyanīkāni bāṇavarṣairmahābalāḥ |
ardayanvainateyasthā nadanto'tibalā raṇe || 2 ||
[Analyze grammar]

cakralāṅgalapātaiśca bāṇavarṣaiśca pīḍitam |
saṃcukopa mahānīkaṃ dānavānāṃ mahātmanām || 3 ||
[Analyze grammar]

kakṣe'gniriva saṃvṛddhaḥ śuṣkendhanasamīritāḥ |
kṛṣṇabāṇāgnirudbhūto vivṛddhimupagacchati || 4 ||
[Analyze grammar]

sa dānavasahasrāṇi tasmin samaramūrdhani |
yugāntāgnirivārciṣmāndahamāno vyarājata || 5 ||
[Analyze grammar]

tatrāśītisahasrāṇi nāgānāṃ nihatāni ca || 5 ||
[Analyze grammar]

lakṣaṃ ca rathavṛndaṃ tu hataṃ keśavasāyakaiḥ || 5 ||
[Analyze grammar]

aśvānāṃ śatasāhasramayutaṃ pattināṃ tathā || 5 ||
[Analyze grammar]

niḥśeṣitātha sā senā palāyanaparābhavat || 5 ||
[Analyze grammar]

tāṃ dīryamāṇāṃ mahatīṃ nānāpraharaṇodyatām |
senāṃ bāṇaḥ samāsādya vārayanvākyamabravīt || 6 ||
[Analyze grammar]

lāghavaṃ samupāgamya kimevaṃ bhayaviklavāḥ |
daityavaṃśasamutpannāḥ palāyadhyvaṃ mahāmṛdhe || 7 ||
[Analyze grammar]

kavacāsigadāprāsān khaḍgacarmaparaśvadhān |
utsṛjyotsṛjya gacchanti kiṃ bhavanto'ntarikṣagāḥ || 8 ||
[Analyze grammar]

svajātiṃ caiva vāsaṃ ca harasaṃsargameva ca |
mānayadbhirna gantavyameṣo hyahamavasthitaḥ || 9 ||
[Analyze grammar]

evamuccāritāṃ vācaṃ śṛṇvantastāmacintya vai |
apakrāmanta te sarve dānavā bhayapīḍitāḥ || 10 ||
[Analyze grammar]

pramāthagaṇaśeṣaṃ tu tadanīkapuraḥsaram |
bhagnāvaśeṣaṃ yuddhāya manaścakre punastadā || 11 ||
[Analyze grammar]

kumbhāṇḍo nāma bāṇastha sakhāmātyaśca vīryavān |
balaṃ bhagnaṃ samālokya vacanaṃ cedamabravīt || 12 ||
[Analyze grammar]

eṣa bāṇaḥ sthito yuddhe śaṃkaro'yaṃ guhastathā |
kimarthaṃ yuddhamutsṛjya bhavanto bhayamohitāḥ || 13 ||
[Analyze grammar]

prāṇāṃstyaktvā ca yudhyadhvaṃ sarve dānavapuṃgavāḥ || 13 ||
[Analyze grammar]

evaṃ saṃstūyamānāste kumbhāṇḍena mahātmanā || 13 ||
[Analyze grammar]

naiva tastambhire daityāḥ palāyanta samantataḥ || 13 ||
[Analyze grammar]

evaṃ kumbhāṇḍavākyaṃ te śṛṇvanto bhayavihlavāḥ || 13 ||
[Analyze grammar]

cakrāgnibhayavitrastāḥ sarve yānti diśo daśa || 13 ||
[Analyze grammar]

bhagnaṃ balaṃ tato dṛṣṭvā kṛṣṇenāmitatejasā || 13 ||
[Analyze grammar]

saṃraktanayanaḥ sthāṇuryuddhāya paryavartata || 13 ||
[Analyze grammar]

bāṇasaṃrakṣaṇaṃ kartuṃ rathamāsthāya suprabham || 13 ||
[Analyze grammar]

devaḥ kumāraśca tathā rathenāgninibhena vai || 13 ||
[Analyze grammar]

vaiśaṃpāyanaḥ |
tataḥ kruddho haraḥ sākṣādnadī khaṅgī paraśvadhī || 13 ||
[Analyze grammar]

śūlī niṣaṅgī kavacī bāṇī kārmukavāñchivaḥ || 13 ||
[Analyze grammar]

nandīśvarasamāyuktaṃ rathamāsthāya vīryavān |
saṃdaṣṭauṣṭhapuṭo rudraḥ pradhāvati yato hariḥ || 14 ||
[Analyze grammar]

tasyānuyātā vetāḷāḥ piśācāścandramālinaḥ || 14 ||
[Analyze grammar]

pibantaḥ śoṇitaṃ bhūyaḥ karālā nirṇatodarāḥ || 14 ||
[Analyze grammar]

pibanniva tadākāśaṃ siṃhayukto mahāsvanaḥ |
ratho bhāti ghanonmuktaḥ paurṇamāsyāṃ yathā śaśī || 15 ||
[Analyze grammar]

tato gaṇasahasraistu nānārūpairbhayāvahaiḥ || 15 ||
[Analyze grammar]

nadadbhirvividhānnādān ratho devasya so'bhayāt || 15 ||
[Analyze grammar]

ke citsiṃhamukhāstatra tathā vyāghramukhāśca ha || 15 ||
[Analyze grammar]

nāgāśvoṣṭramukhāstatra prāvepannabhipīḍitāḥ || 15 ||
[Analyze grammar]

vyālayajñopavītāśca ke cittatra mahābalāḥ || 15 ||
[Analyze grammar]

kharoṣṭragajavaktrāśca aśvagrīvāśca saṃsthitāḥ || 15 ||
[Analyze grammar]

chāgamārjāravaktrāśca meṣavaktrāstathā pare || 15 ||
[Analyze grammar]

cīriṇaḥ śikhinaścānye jaṭilordhvaśiroruhāḥ || 15 ||
[Analyze grammar]

bhagnāḥ paripatanti sma śaṅkhaduṃdubhinisvanaiḥ || 15 ||
[Analyze grammar]

ke citsaumyamukhāstatra divyaiḥ śastrairalaṃkṛtāḥ || 15 ||
[Analyze grammar]

nānāpuṣpakṛtāpīḍā nānāpraharaṇāyudhāḥ || 15 ||
[Analyze grammar]

vāmanā vikaṭāścaiva siṃhavyāghraparicchadāḥ || 15 ||
[Analyze grammar]

rudhirārdramahādaṃṣṭrā mahāmāṃsabalipriyāḥ || 15 ||
[Analyze grammar]

devaṃ saṃparivāryātha mahāśatrupramardanam || 15 ||
[Analyze grammar]

līlāyamānāstiṣṭhanti saṃgrāmābhimukhonmukhāḥ || 15 ||
[Analyze grammar]

tato divyaṃ rathaṃ dṛṣṭvā rudrasyākliṣṭakarmaṇaḥ || 15 ||
[Analyze grammar]

kṛṣṇo garuḍamāsthāya yayau rudrāya saṃyuge || 15 ||
[Analyze grammar]

vainateyasthamasyantamāyāntamagraṇīrharaḥ |
tiṣṭha tiṣṭheti covāca kruddho'haṃkāragarvitaḥ || bhagavānapi govindaḥ smayanniva ca saṃsthitaḥ |
sthito'smi tava saṃgrāme yatheṣṭaṃ kriyatāmiti |
hariṃ vivyādha kupito nārācānāṃ śatena saḥ || 16 ||
[Analyze grammar]

sa śarairarditastena hareṇāmitraghātinā |
harirjagrāha kupito hyāstraṃ pārjanyamuttamam || 17 ||
[Analyze grammar]

pracacāla tato bhūmirviṣṇurudraprapīḍitā || 17 ||
[Analyze grammar]

nāgāścordhvamukhāstatra vicelurabhipīḍitāḥ || 17 ||
[Analyze grammar]

parvatāḥ prastutāstatra jaladhārābhirāplutāḥ || 17 ||
[Analyze grammar]

ke cinmumucire tatra śikharāṇi samantataḥ || 17 ||
[Analyze grammar]

diśaśca vidiśaścaiva bhūmirākāśameva ca || 17 ||
[Analyze grammar]

pradīptānīva dṛśyante sthāṇukṛṣṇasamāgame || 17 ||
[Analyze grammar]

samantataśca nirghātāḥ patanti dharaṇītale || 17 ||
[Analyze grammar]

śivāścaivāśivānnādānnadante bhīmadarśanāḥ || 17 ||
[Analyze grammar]

vāsavaścānadadghoraṃ rudhiraṃ cāpyavarṣata || 17 ||
[Analyze grammar]

ulkā ca bāṇasainyasya mukhānyāvṛtya tiṣṭhati || 17 ||
[Analyze grammar]

na vavau mārutaścāpi jyotīṃṣyākulatāmiyuḥ || 17 ||
[Analyze grammar]

prabhāhīnāśca oṣadhyo na carantyantarikṣagāḥ || 17 ||
[Analyze grammar]

etasminnantare brahmā sarvairdevagaṇairvṛtaḥ || 17 ||
[Analyze grammar]

tripurāntakamudyantaṃ jñātvā rudramupāgamat || 17 ||
[Analyze grammar]

gandharvāpsarasaścaiva yakṣā vidyādharāstathā || 17 ||
[Analyze grammar]

siddhacāraṇasaṃghāśca paśyanto'tha divi sthitāḥ || 17 ||
[Analyze grammar]

tataḥ pārjanyamastraṃ tatkṣiptaṃ rudrāya viṣṇunā || 17 ||
[Analyze grammar]

yayau jvalannatha tadā yato rudro rathe sthitaḥ || 17 ||
[Analyze grammar]

tataḥ śatasahasrāṇi śarāṇāṃ nataparvaṇām |
niṣpetuḥ sarvato digbhyo yato haratanustataḥ || 18 ||
[Analyze grammar]

athāgneyaṃ mahāraudramastramastravidāṃ varaḥ |
mumoca ruṣito rudrastadadbhutamivābhavat || 19 ||
[Analyze grammar]

tato viśīrṇadehāste catvāro'pi samantataḥ || 19 ||
[Analyze grammar]

tato viśīrṇadehāste catvāro'pi samantataḥ |
nādṛśyanta śaraiśchannā dahyamānāśca vahninā || 20 ||
[Analyze grammar]

tato bhūtāni vitresurdevāśca bhayaviklavāḥ || 20 ||
[Analyze grammar]

siṃhanādaṃ tataścakruḥ sarva evāsurottamāḥ |
hato'yamiti vijñāya āgneyāntarhite harau || 21 ||
[Analyze grammar]

tatastadviṣahitvājau hyastramastravidāṃ varaḥ |
tataḥ kruddho hṛṣīkeśaḥ pratiṣidhyāgnisaṃcayaṃ |
jagrāha vāruṇaṃ so'straṃ vāsudevaḥ pratāpavān || 22 ||
[Analyze grammar]

udyate vāruṇāstre tu vāsudevena dhīmatā |
prayukte vāsudevena vāruṇāstre'titejasi |
āgneyaṃ praśamaṃ yātamastraṃ vāruṇatejasā || 23 ||
[Analyze grammar]

tasminpratihate hyastre vāsudevena saṃyuge || 23 ||
[Analyze grammar]

paiśācaṃ rākṣasaṃ caiva raudramāṅgirasaṃ bhavaḥ |
mumocāstrāṇi catvāri yugāntāgninibhāni saḥ || 24 ||
[Analyze grammar]

vāsudevo'pi cāstrāṇi dṛṣṭvā viprahitāni vai || 24 ||
[Analyze grammar]

vāyavyamatha sāvitraṃ vāsavaṃ mohanaṃ tathā |
atrāṇāṃ vāruṇārthāya vāsudevo mumoca ha || 25 ||
[Analyze grammar]

astraiścaturbhiścatvāri vārayitvā ca keśavaḥ |
jagrāha vaiṣṇavaṃ so'straṃ vyāditāsyāntakopamam || 26 ||
[Analyze grammar]

vaiṣṇavāstre vimukte tu sarva evāsurottamāḥ |
bhūtayakṣagaṇāścaiva bāṇānīkaṃ ca sarvaśaḥ |
diśaḥ pradudruvuḥ sarve bhayamohitalocanāḥ || 27 ||
[Analyze grammar]

vaiśaṃpāyana uvāca |
pramāthagaṇabhūyiṣṭhe sainye dīrṇe mahāsuraḥ || 27 ||
[Analyze grammar]

nirjagāma tato bāṇo yuddhāyabhimukhastvaran || 27 ||
[Analyze grammar]

bhīmapraharaṇairghorairdaityendraiḥ sumahābalaiḥ || 27 ||
[Analyze grammar]

vṛto mahārathairvīrairvajrīva surasattamaiḥ || 27 ||
[Analyze grammar]

japyaiśca mantraiśca tathoṣadhībhir || 27 ||
[Analyze grammar]

mahātmanaḥ svastyayanaṃ pracakruḥ || 27 ||
[Analyze grammar]

sa tatra vastrāṇi śubhāśca gāvaḥ || 27 ||
[Analyze grammar]

phalāni puṣpāṇi tathaiva niṣkān || 27 ||
[Analyze grammar]

baleḥ suto brāhmaṇasattamebhyo || 27 ||
[Analyze grammar]

dadau dhanānyāśu yathā dhaneśaḥ || 27 ||
[Analyze grammar]

sahasrasūryo bahukiṃkiṇīkaḥ || 27 ||
[Analyze grammar]

parārdhyajāmbunadahemcitraḥ || 27 ||
[Analyze grammar]

sahasracandrāyutatārakaśca || 27 ||
[Analyze grammar]

ratho mahānagnirivāvabhāti || 27 ||
[Analyze grammar]

tamāsthito dānavasaṃgṛhītaṃ || 27 ||
[Analyze grammar]

mahādhvajaḥ kārmukadhṛksa bāṇaḥ || 27 ||
[Analyze grammar]

udvartayiṣyanyadupuṃgavānām || 27 ||
[Analyze grammar]

atīva raudraṃ sa bibharti rūpaṃ || 27 ||
[Analyze grammar]

sa vegavānvīrarathaughasaṃkulo || 27 ||
[Analyze grammar]

viniryayau tānprati daityasāgaraḥ || 27 ||
[Analyze grammar]

mahārṇavodbhūtataraṃgasaṃkulo || 27 ||
[Analyze grammar]

yathārṇavo lokavināśanāya || 27 ||
[Analyze grammar]

bhīmāni saṃtrāsakarairvapurbhis || 27 ||
[Analyze grammar]

tānyagrato bhānti balāni tasya || 27 ||
[Analyze grammar]

mahārathānyucchritakārmukāṇi || 27 ||
[Analyze grammar]

saparvatānīva vanāni rājan || 27 ||
[Analyze grammar]

viniḥsṛtaḥ sāgaratoyavāsād || 27 ||
[Analyze grammar]

atyadbhutaṃ cāhavaṃ draṣṭukāmaḥ || 27 ||
[Analyze grammar]

andhakārīkṛte loke pradīpte tryambake tadā |
na nandī nāpi ca ratho na rudraḥ pratyadṛśyata || 28 ||
[Analyze grammar]

dviguṇaṃ dīptadehastu roṣeṇa ca balena ca |
astraṃ nārāyaṇaṃ nāma nārāyaṇajighāṃsayā |
jagrāha śūlī bhūtātmā devānāmatha paśyatām || mumoca ca yathāśakti rudro brahmātmasaṃbhavaḥ |
vimuktaṃ tena taccāstraṃ jagāma ca samīpataḥ || śaṃkarasya tadastraṃ tu prahasan keśavastadā |
jagrāha līlayā viṣṇustūṇau tacca vyanikṣipat || kupito rudrarūpeṇa rudraḥ saṃhāramūrtimān || tataḥ śūlaṃ samādāya sarvaśatruvidāraṇam |
devadānavagandharva yakṣapannagarakṣasām |
bhayaṃkaraṃ mumocātha kṛṣṇamuddiśya śaṃkaraḥ || tacca śūlaṃ harirdṛṣṭvā nijaśaktyā nyavārayat || tatastrilocanaḥ kruddhaḥ kālāntakayamopamaḥ |
astraṃ pāśupataṃ yattu loke khyātaṃ svavīryavat |
jagrāhātmasamaṃ sākṣāddhantuṃ keśavamojasā || vijñāyātha tadā viṣṇustadevāstraṃ samādade || dve hyastre praśamaṃ yāte dvābhyāṃ saṃdhārite tadā |
tripurāntakaraṃ bāṇaṃ jagrāha ca caturmukhaḥ || 29 ||
[Analyze grammar]

agnimārutasomānāṃ viṣṇostejaḥ samutthitam || 29 ||
[Analyze grammar]

anenāhaṃ haniṣyāmi sabandhuṃ sasutaṃ raṇe || 29 ||
[Analyze grammar]

iti matvā virūpākṣo dakṣayajñavināśanaḥ || 29 ||
[Analyze grammar]

saṃdadhatkārmuke caiva kṣeptukāmastrilocanaḥ |
vijñāto vāsudevena cittajñena mahātmanā || 30 ||
[Analyze grammar]

bāṇenānena bhūteśo māṃ hantuṃ kila niścitaḥ || 30 ||
[Analyze grammar]

iti matvā tadā kṛṣṇaḥ pratikāraṃ samārabhat || 30 ||
[Analyze grammar]

jṛmbhaṇaṃ nāṃ so'pyastraṃ jagrāha puruṣottamaḥ |
tenāstreṇa tadā kṛṣṇo mantrapūtena keśavaḥ |
haraṃ saṃjṛmbhayāmāsa kṣiprakārī mahābalaḥ || 31 ||
[Analyze grammar]

vijṛmbhaṇaṃ nāma tataḥ so'straṃ jagrāha keśavaḥ || 31 ||
[Analyze grammar]

vijṛmbhayāmāsa haraṃ tenāstreṇa mahābalaḥ || 31 ||
[Analyze grammar]

saśaraḥ sadhanuścaiva harastenāśu jṛmbhitaḥ || 31 ||
[Analyze grammar]

saṃjñāṃ na lebhe bhagavānvijetāsurarakṣasām || 31 ||
[Analyze grammar]

saśaraṃ sadhanuṣkaṃ ca dṛṣtvātmānaṃ vijṛmbhitam || 31 ||
[Analyze grammar]

balonmatto'tha bāṇo'sau śarvaṃ codayate'sakṛt || 31 ||
[Analyze grammar]

sṛṣṭimanyāṃ sṛjasveti tadā darpavivṛddhaye || 31 ||
[Analyze grammar]

śaktimanyāṃ sṛjanneva tadā darpavivṛddhaye || 31 ||
[Analyze grammar]

tato nanāda bhūtātmā snigdhagambhīranisvanaḥ || 31 ||
[Analyze grammar]

pradhmāpayāmāsa tadā kṛṣṇaḥ śaṅkhaṃ mahābalaḥ || 31 ||
[Analyze grammar]

jṛmbhite ca hare tasmiñchaṅkhaṃ dadhmau sa keśavaḥ || 31 ||
[Analyze grammar]

śārṅgaṃ ca kūjayāmāsa siṃhanādaṃ vyanīnadat || 31 ||
[Analyze grammar]

pāravaśyaṃ samāyātaḥ śūlī jṛmbhaṇatejasā || 31 ||
[Analyze grammar]

pāñcajanyasya ghoṣeṇa śārṅgavisphūrjitena ca |
devaṃ vijṛmbhitaṃ dṛṣṭvā sarvabhūtāni tatrasuḥ || 32 ||
[Analyze grammar]

dānavāśca tathā yānti diśo'tha vidiśo'pi ca || 32 ||
[Analyze grammar]

bāṇaścāpi tadā rājanbhītabhītaḥ samāśvasat || 32 ||
[Analyze grammar]

tato hāhākṛtaṃ sainyaṃ paśyataḥ śūlinastadā || 32 ||
[Analyze grammar]

kiṃ kurmaḥ kva gamiṣyāma iti dānavasattamāḥ || 32 ||
[Analyze grammar]

sthitāśca vimukhā rājan kartavye mūḍhacetasaḥ || 32 ||
[Analyze grammar]

atha rudro'pi sahasā jṛmbhaṇāstreṇa mohitaḥ || 32 ||
[Analyze grammar]

kṛtyākṛtyavimūḍhātmā na kiṃ cidpratyapadyata || 32 ||
[Analyze grammar]

dhyāthātho manasā tātaṃ bhaktigrāhyamatīndriyam || 32 ||
[Analyze grammar]

parātparataraṃ viṣṇuṃ sarvalokeśvareśvaram || 32 ||
[Analyze grammar]

nārāyaṇaṃ prabhuṃ kṛṣṇamanantaṃ puruṣottamam || 32 ||
[Analyze grammar]

yadi dharmo bhavejjyāyānyuktaṃ madapasarpaṇam || 32 ||
[Analyze grammar]

iti dhyātvā haraḥ śīghraṃ tasmāddeśādapākramat || 32 ||
[Analyze grammar]

janamejaya uvāca |
apayāte tato deve kṛṣṇe caiva mahātmani || 32 ||
[Analyze grammar]

punaścāsītkathaṃ yuddhaṃ pareṣāṃ lomaharṣaṇam || 32 ||
[Analyze grammar]

kumbhāṇḍasaṃgṛhītāśve rathe tiṣṭhan guhastadā |
abhidudrāva kṛṣṇaṃ ca balaṃ pradyumnameva ca || 33 ||
[Analyze grammar]

tataḥ śaraśatairugraistānvivyādha raṇe guhaḥ || 33 ||
[Analyze grammar]

amarṣaroṣasaṃkruddhaḥ kumārapravaro nadan || 33 ||
[Analyze grammar]

śarāṇāṃ śatasāhasrairvivyādha samare guhaḥ || 33 ||
[Analyze grammar]

vāsudevaṃ sahasreṇa śatena balameva ca || 33 ||
[Analyze grammar]

pradyumnaṃ bāṇasāhasrairjaghāna samare guhaḥ || 33 ||
[Analyze grammar]

śaraughācitagātrāste trayastraya ivāgnayaḥ |
śoṇitaughaplutairgātraiḥ pratyayudhyan guhaṃ tadā || 34 ||
[Analyze grammar]

tataste yuddhamārgajñāstrayastribhiranuttamaiḥ |
vāyavyāgneyapārjanyairbibhidurdīptatejasaḥ || 35 ||
[Analyze grammar]

tānastrāṃstribhirevāstrairvinivārya sa pāvakiḥ || 35 ||
[Analyze grammar]

śailavāruṇasāvitraistān sa vivyādha sāyakaiḥ || 35 ||
[Analyze grammar]

tasya dīptaśaraughasya dīptacāpadharasya ca |
śaraughānastramāyābhirgrasanti sma mahātmanaḥ || 36 ||
[Analyze grammar]

bāṇaughe vivṛte tasminparamakrodhadīpitaḥ || 36 ||
[Analyze grammar]

yadā tadā guhaḥ kruddhaḥ prajvalanniva tejasā || 36 ||
[Analyze grammar]

astraṃ brahmaśiro nāma kālakalpaṃ durāsadam |
saṃdaṣṭauṣṭhapuṭaḥ saṃkhye jagrāha sa guhastadā || 37 ||
[Analyze grammar]

prayukte brahmaśirasi sahasrāṃśusamaprabhe |
ugre paramadurdharṣe lokakṣayakare tadā || 38 ||
[Analyze grammar]

pradhāvan sarvabhūtāni dahyamānāni sarvataḥ || 38 ||
[Analyze grammar]

mahābhūteṣu sarveṣu pradhāvatsu tatastataḥ |
astratejaḥpramūḍhe tu viṣaṇṇe jagati prabhuḥ |
keśavaḥ keśimathanaścakraṃ jagrāha vīryavān || 39 ||
[Analyze grammar]

sarveṣāmastravīryāṇāṃ vāraṇe ghātane tathā |
cakramapraticakrasya loke khyātaṃ mahātmanaḥ || 40 ||
[Analyze grammar]

astraṃ brahmaśirastena niṣprabhaṃ kṛtamojasā |
meghairivātapāpāye saviturmaṇḍalaṃ mahat || 41 ||
[Analyze grammar]

tato niṣprabhatāṃ yāte naṣṭavīrye mahaujasi |
tasminbrahmaśirasyastre śaktiṃ jagrāha kāñcanīm || 42 ||
[Analyze grammar]

krodhasaṃraktalocanaḥ || 42c ||
[Analyze grammar]

guhaḥ prajajvāla raṇe haviṣevāgnirulbaṇaḥ || 42c ||
[Analyze grammar]

śatrughīṃ jvalitāṃ divyāṃ || 42c ||
[Analyze grammar]

amoghāṃ dayitāṃ ghorāṃ sarvalokabhayāvahām || 42 ||
[Analyze grammar]

maholkāmiva tāṃ dīptāṃ yugāntāgnisamaprabhām |
ghaṇṭāmālākulāṃ śaktiṃ cikṣepa ruṣito guhaḥ || 43 ||
[Analyze grammar]

nanāda balavaccāpi nādaṃ śatrubhayaṃkaram || 43 ||
[Analyze grammar]

sā ca kṣiptā tadā tena brahmaṇyena mahātmanā || 43 ||
[Analyze grammar]

jṛmbhamāṇeva gagane saṃpradīptamukhī tataḥ |
āghāvantī mahāśaktiḥ kṛṣṇasya vadhakāṅkṣiṇī || 44 ||
[Analyze grammar]

tato vidyādharāḥ sarve gandharvā ṛṣayastathā || 44 ||
[Analyze grammar]

bhṛśaṃ viṣaṇṇāḥ sendrāśca sarvāmarapurogamāḥ |
śaktiṃ prajvalitāṃ dṛṣṭvā dagdhaḥ kṛṣṇa iti bruvan || 45 ||
[Analyze grammar]

abhyāśamāgatāṃ tāṃ tu mahāśaktiṃ mahāmṛdhe |
huṃkāreṇaiva nirbhartsya pātayāmāsa bhūtale || 46 ||
[Analyze grammar]

pātitāyāṃ mahāśaktyāṃ sādhu sādhviti sarvaśaḥ |
siṃhanādaṃ tataścakruḥ sarve devāḥ savāsavāḥ || 47 ||
[Analyze grammar]

tato deveṣu nardatsu vāsudevaḥ pratāpavān |
punaścakraṃ sa jagrāha bhūtāntakaraṇaṃ tadā || 48 ||
[Analyze grammar]

musalaṃ lāṅgalaṃ caiva jagrāha ruṣito balaḥ || 48 ||
[Analyze grammar]

tato bhīmo guho devaḥ kartavye vismṛto'bhavat || 48 ||
[Analyze grammar]

vyāvidhyamāne cakre tu kṛṣṇenāmitatejasā |
kumārarakṣaṇārthāya vibhajya svatanuṃ tadā |
taṃ dṛṣṭvā pramukhe tasya vyatiṣṭhita ca kauṭavī |
digvāsā devavacanātprātiṣṭhattatra kauṭavī |
lambā nāma mahābhāgā bhāgo devyāstathāṣṭamaḥ |
citrā kanakaśaktistu sā ca nagnā sthitāntare || athāntarā kumārasya devīṃ dṛṣṭvā mahābhujaḥ |
parāṅmukhastato vākyamuvāca madhusūdanaḥ |
digvāsā vikaṭā dhūmrā karāḷā nirṇatodarī |
bāhū prasārya sahasā grasantīvāmbaraṃ mahat |
apagacchāpagaccha tvaṃ dhigdhigityeva so'bravīt || 49 ||
[Analyze grammar]

kimevaṃ kuruṣe vighnaṃ niścitasya vadhaṃ prati || 49 ||
[Analyze grammar]

vaiśaṃpāyana uvāca |
śrutvaiva vacanaṃ tasya kauṭavī tu tadā vibho || 49 ||
[Analyze grammar]

naiva vāsaḥ samādhatte kumāraparirakṣaṇāt || 49 ||
[Analyze grammar]

bhagavānuvāca |
apavāhya guhaṃ śīghramapayāhi raṇājirāt || 49 ||
[Analyze grammar]

svasti hyevaṃ bhavedadya mokṣyase yotsyatā mayā || 49 ||
[Analyze grammar]

tāṃ ca dṛṣṭvā sthitāṃ devo hariḥ saṃgrāmamūrdhani || 49 ||
[Analyze grammar]

saṃjahāra tataścakraṃ bhagavānvāsavānujaḥ || 49 ||
[Analyze grammar]

evamukte tu vacane devadevena dhīmatā || 49 ||
[Analyze grammar]

apavāhya guhaṃ devī harasāṃnidhyamāgatā || 49 ||
[Analyze grammar]

etasminnantare caiva vartamāne mahābhaye || 49 ||
[Analyze grammar]

kumāre rakṣite devyā bāṇastaṃ deśamāyayau || 49 ||
[Analyze grammar]

apayātaṃ guhaṃ dṛṣṭvā muktaṃ kṛṣṇena saṃyugāt || 49 ||
[Analyze grammar]

bāṇas cintayate tatra svayaṃ yotsyāmi mādhavam || 49 ||
[Analyze grammar]

tasmādvaktrākṣi gacha tvaṃ yataḥ skandopagachati || 49 ||
[Analyze grammar]

etadeva paraṃ tasya bhaviṣyati na saṃśayaḥ || 49 ||
[Analyze grammar]

vaiśaṃpāyana uvāca |
bhūtakṣayagaṇāstatra bāṇānīkaṃ ca sarvaśaḥ || 49 ||
[Analyze grammar]

diśaḥ pradudruvuḥ sarve bhayamohitalocanāḥ || 49 ||
[Analyze grammar]

pramāthagaṇabhūyiṣṭhe sainye dīrṇe mahāsuraḥ || 49 ||
[Analyze grammar]

nirjagāma tato bāṇo yuddhāyābhimukhastvaran || 49 ||
[Analyze grammar]

bhīmapraharaṇairghorairdaityendraiḥ sumahārathaiḥ || 49 ||
[Analyze grammar]

mahābalairmahāvīrairvajrīva surasattamaiḥ || 49 ||
[Analyze grammar]

purohitāḥ śatruvadhaṃ vadantas || 49 ||
[Analyze grammar]

tathaiva cānye śrutaśīlavṛddhāḥ || 49 ||
[Analyze grammar]

japaiśca mantraiśca tathauṣadhībhir || 49 ||
[Analyze grammar]

mahātmanaḥ svastyayanaṃ pracakruḥ || 49 ||
[Analyze grammar]

śaśāpa caināṃ ruṣito yaśca māṃ bhaktisaṃyutaḥ || 49 ||
[Analyze grammar]

dvādaśābdaṃ namas kuryāttenābhūd yatphalaṃ mahat || 49 ||
[Analyze grammar]

tadā saṃdarśanāttasya tatphalaṃ naśyatāṃ mahat || 49 ||
[Analyze grammar]

sadā digambarā bhūyastiṣṭha vā tvaṃ yatheṣṭataḥ || 49 ||
[Analyze grammar]

ityuktvā devadevo'pi vihāya guhamacyutaḥ || 49 ||
[Analyze grammar]

parāvṛtya sthitastūrṇaṃ sabalaḥ sasutastadā || 49 ||
[Analyze grammar]

tadāprabhṛti rājendra digvāsāḥ sābhavattadā || 49 ||
[Analyze grammar]

apākrāmadguho yuddhād yuddhāyaiva ca keśavaḥ || 49 ||
[Analyze grammar]

rāmapradyumnasaṃyukto garuḍe garuḍadhvajaḥ || 49 ||
[Analyze grammar]

vaiśaṃpāyanaḥ |
nirjite ca jvare tasmin hare caiva guhe tadā || 49 ||
[Analyze grammar]

tatastūryapraṇādaiśca bherīṇāṃ ca mahāsvanaiḥ |
siṃhanādaiśca daityānāṃ bāṇaḥ kṛṣṇamabhidravat || 50 ||
[Analyze grammar]

śaktīścaiva gadāścaiva cāpāni vividhāni ca || 50 ||
[Analyze grammar]

parighāṃśca mahāghorāṃścakrāṇi ca bahūni ca || 50 ||
[Analyze grammar]

bāṇānāṃ dhārayāmāsa sahasramamitaujasām || 50 ||
[Analyze grammar]

dṛṣṭvā bāṇaṃ tu niryātaṃ yuddhāyaiva vyavasthitam || 50 ||
[Analyze grammar]

āruhya garuḍaṃ kṛṣṇo bāṇāyābhimukho yayau || 50 ||
[Analyze grammar]

āyāntamatha taṃ dṛṣṭvā yadūnāmṛṣabhaṃ raṇe |
gatvātha kiṃ ciddṛṣṭvaiva svabalaṃ keśavaṃ tadā |
vainateyasamārūḍhaṃ kṛṣṇamapratimaujasam || 51 ||
[Analyze grammar]

atha nāṇastu taṃ dṛṣṭvā pramukhe pratyupasthitam || 51 ||
[Analyze grammar]

uvāca vacanaṃ kruddho vāsudevaṃ tarasvinam || 51 ||
[Analyze grammar]

bāṇa uvāca |
tiṣṭha tiṣṭha na me'dya tvaṃ jīvanpratigamiṣyasi |
dvārakāṃ dvārakāsthānvā suhṛdo drakṣyase na ca || 52 ||
[Analyze grammar]

suvarṇavarṇānvṛkṣāgrānadya drakṣyasi mādhava |
tvamadyāṣṭabhujaḥ saṃkhye kathaṃ bāhusahasriṇā |
mayābhibhūtaḥ samare muhūrṣuḥ kālacoditaḥ || 53 ||
[Analyze grammar]

adya bāhusahasreṇa kathamaṣṭabhujo raṇe |
mayā saha samāgamya yotsyase garuḍadhvaja || 54 ||
[Analyze grammar]

adya hi tvaṃ mayā yuddhe nirjitaḥ saha bāndhavaiḥ |
dvārakāṃ śoṇitapure nihataḥ saṃsmariṣyasi || 55 ||
[Analyze grammar]

nānāpraharaṇopetaṃ nānāṅgadavibhūṣitam |
adya bāhusahasraṃ me koṭibhūtaṃ niśāmaya || 56 ||
[Analyze grammar]

nāhaṃ guho na ca haro na jvaro nāpi cāgnayaḥ || 56 ||
[Analyze grammar]

baliputraṃ tu māṃ viddhi bāṇamapratimaṃ raṇe || 56 ||
[Analyze grammar]

garjatastasya vākyaughāḥ samudrādiva sindhavaḥ |
parākramarasopetā mattebhādiva śīkarāḥ |
niścaranti mahāghorā vātoddhūtā ivormayaḥ || 57 ||
[Analyze grammar]

roṣaparyākule caiva netre tasya babhūvatuḥ |
jagaddidhakṣanniva khe mahāsūrya ivoditau || 58 ||
[Analyze grammar]

apibanmṛtyunāviṣṭaḥ kṛṣṇo bāṇamabhidravat || 58 ||
[Analyze grammar]

kṣobhavisphūrjite tasya raktanetre babhūvatuḥ || 58 ||
[Analyze grammar]

jagaddidhakṣū yugapanmahāsūryāvivoditau || 58 ||
[Analyze grammar]

bhagavānuvāca |
bāṇa kiṃ garjase śūrā na garjanti raṇe sthitāḥ |
ehyehi yudhyasva raṇe kiṃ mithyāgarjitena te || 59 ||
[Analyze grammar]

yadi yuddhāni vacanaiḥ sidhyanti ditinandana |
bhavāneva jayennityaṃ bahvabaddhaṃ prabhāṣase || 60 ||
[Analyze grammar]

ehyehi jaya māṃ bāṇa jito vā vasudhātale |
cirāyāvāṅmukho dīnaḥ patitaḥ śeṣyase'sura || 61 ||
[Analyze grammar]

kākagṛdhrabaḷaiścaiva sarvataḥ pāṭito'tha vā || 61 ||
[Analyze grammar]

ityevamuktvā vacanaṃ marmabhedibhirāśugaiḥ |
nirbibheda raṇe kṛṣṇastvamoghairdīptatejasaiḥ || 62 ||
[Analyze grammar]

vinirbhinnastu kṛṣṇena mārgaṇairmarmabhedibhiḥ || 62 ||
[Analyze grammar]

smayanbāṇastataḥ kṛṣṇaṃ śaravarṣairavākirat |
jvaladbhiriva saṃsaktaistasminyuddhe sudāruṇe || 63 ||
[Analyze grammar]

tau tataḥ śaranistriṃśairgadāparighatomaraiḥ |
tataḥ parighanistriṃśairgadātomaraśaktibhiḥ |
vinindamānau saṃyattau yuddhe ceraturojasā || 64 ||
[Analyze grammar]

musalaiḥ paṭṭisaiścāpi chādayāmāsa keśavam || 65 ||
[Analyze grammar]

aṣṭabāhuḥ sahasreṇa bāhūnāṃ samayudhyata |
yodhayāmāsa samare dvibāhumatha līlayā |
tatastu samare hantuṃ hiraṇyakaśiporyathā |
sahasrabāhunā sārdhamaṣṭabāhurayudhyata |
bāṇena saha saṃgamya śaṅkhacakragadādharaḥ || 66 ||
[Analyze grammar]

lāghavaṃ vīkṣya kṛṣṇasya balisūnū ruṣānvitaḥ || 66 ||
[Analyze grammar]

mumocāstraṃ tadā yuddhe kṛṣṇo bāṇaḥ pratāpavān || 66 ||
[Analyze grammar]

yadastraṃ paramaṃ divyaṃ tapasā nirmitaṃ mahat |
tadapratihitaṃ yuddhe sarvaśatrunibarhaṇam |
brahmaṇā vihitaṃ pūrvaṃ tanmumoca baleḥ sutaḥ || 67 ||
[Analyze grammar]

tasminmukte diśaḥ sarvāstamopahatamaṇḍalāḥ |
prādurāsaṃstato raudrā na prājñāyata kiṃ cana || 68 ||
[Analyze grammar]

sughorāṇi ca sarvaśaḥ || 68c ||
[Analyze grammar]

tamasā saṃvṛte loke || 68c ||
[Analyze grammar]

sādhu sādhviti bāṇaṃ tu pūjayanti sma dānavāḥ |
aho dhigiti devānāṃ carate vāgudīritā || 69 ||
[Analyze grammar]

tato'strabalavegena sārciṣmatyaḥ sudāruṇāḥ |
ghorarūpā mahāvegā niṣpeturbāṇavṛṣṭayaḥ || 70 ||
[Analyze grammar]

nākampata tadā vāyurna meghāḥ saṃcaranti ca |
astre vimukte bāṇena dahyamāne ca keśave || 71 ||
[Analyze grammar]

tato'straṃ sumahāvegaṃ jagrāha madhusūdanaḥ |
pārjanyaṃ nāma bhagavānyamāntakanibhaṃ raṇe || 72 ||
[Analyze grammar]

tato vitimire loke sa cāgniḥ praśamaṃ gataḥ || 72 ||
[Analyze grammar]

dānavā moghasaṃkalpāḥ sarve'bhuvaṃstadā bhṛśam || 72 ||
[Analyze grammar]

dānavāstraṃ praśāntaṃ tu parjanyāstre'bhimantrite |
tato devagaṇāḥ sarve praṇedurjahṛṣustadā || 73 ||
[Analyze grammar]

hate śastre mahārāja daiteyaḥ krodhamūrchitaḥ |
bhūyaḥ saṃchādayāmāsa keśavaṃ garuḍe sthitam |
musalaiḥ paṭṭisaiścaiva śūlamudgarakasmaraiḥ || 74 ||
[Analyze grammar]

tasya tāṃ tarasā sarvāṃ bāṇavṛṣṭiṃ samudyatām |
punaḥ saṃvārayāmāsa keśavaḥ śatrusūdanaḥ || 75 ||
[Analyze grammar]

keśavasya tu bāṇena vartamāne mahāhave || 75 ||
[Analyze grammar]

tasya śārṅgavinirmuktaiḥ śarairaśanisaṃnibhaiḥ || 75 ||
[Analyze grammar]

tilaśastad rathaṃ cakre sāśvadhvajapatākinam || 75 ||
[Analyze grammar]

ciccheda kavacaṃ kāyānmukuṭaṃ ca mahāprabham || 75 ||
[Analyze grammar]

kārmukaṃ ca mahātejā hastāccāpaṃ ca keśavaḥ || 75 ||
[Analyze grammar]

vivyādha cainamurasi nārācena smayanniva || 75 ||
[Analyze grammar]

sa marmābhihataḥ saṃkhye pramumohālpacetanaḥ || 75 ||
[Analyze grammar]

taṃ dṛṣṭvā mūrchitaṃ bāṇaṃ prahāraparipīḍitam || 75 ||
[Analyze grammar]

prāsādavaraśṛṅgastho nārado munipuṃgavaḥ || 75 ||
[Analyze grammar]

utthāyāpaśyata tadā kakṣāsphoṭanatatparaḥ || 75 ||
[Analyze grammar]

vādayāno nakhāṃścaiva diṣṭyā diṣṭyeti cābravīt || 75 ||
[Analyze grammar]

aho me saphalaṃ janma jīvitaṃ ca sujīvitam || 75 ||
[Analyze grammar]

dṛṣṭaṃ me yadidaṃ citraṃ dāmodaraparākramam || 75 ||
[Analyze grammar]

jaya bāṇaṃ mahābāho daiteyaṃ devapūjita || 75 ||
[Analyze grammar]

yadarthamavatīrṇo'si tatkarma saphalaṃ kuru || 75 ||
[Analyze grammar]

evaṃ stutvā tadā devaṃ bāṇaiḥ khaṃ dyotayañchitaiḥ || 75 ||
[Analyze grammar]

itastataḥ saṃpatadbhirnārado vyacarad raṇe || 75 ||
[Analyze grammar]

prāyudhyetāṃ dhvajau tatra tāvanyonyamabhidrutau || 75 ||
[Analyze grammar]

yuddhaṃ cābhūdvāhanayorubhayordevadaityayoḥ |
garuḍasya ca saṃgrāme mayūrasya ca yudhyataḥ || 76 ||
[Analyze grammar]

pakṣatuṇḍaprahāraistau caraṇāgranakhaistathā |
anyonyaṃ jaghnatuḥ krodhānmayūrgaruḍāv ubhau || 77 ||
[Analyze grammar]

vainateyastataḥ kruddho mayūraṃ dīptatejasam |
jagrāha śirasi kruddhastuṇḍenābhyahanattadā || 78 ||
[Analyze grammar]

dakṣiṇena ca pakṣeṇa nijaghāna mahābalaḥ |
padbhyāṃ pārśvābhighātāṃśca dattvā ghorānanekaśaḥ || 79 ||
[Analyze grammar]

ākṛṣya cainaṃ tarasā vikṛṣya ca mahābalaḥ |
niḥsaṃjñaṃ pātayāmāsa gaganādiva parvatam || 80 ||
[Analyze grammar]

mayūre pātite tasmin garuḍenātha pakṣiṇā |
papāta tasmātsahasā vegena mahatā balī |
bāṇaḥ paramasaṃvignaścintayan kāryamātmanaḥ || 81 ||
[Analyze grammar]

mayātibalamattena na kṛtaṃ suhṛdāṃ vacaḥ || 81 ||
[Analyze grammar]

paśyatāṃ devadaityānāṃ prāpto'smyāpadamuttamām || 81 ||
[Analyze grammar]

taṃ dīnamanasaṃ jñātvā raṇe bāṇaṃ suviklavam |
cintayadbhagavān rudro bāṇarakṣaṇamāturaḥ || 82 ||
[Analyze grammar]

tato nandiṃ mahādevaḥ prāha gambhīrayā girā |
nandikeśvara saṃyāhi yato bāṇastato ratham || 83 ||
[Analyze grammar]

rathenānena divyena siṃhayuktena bhāsvatā || 83 ||
[Analyze grammar]

bāṇaṃ saṃyojayāśu tvamalaṃ yuddhāya cānagha || 83 ||
[Analyze grammar]

pramāthagaṇapārśve hi na hi me sthāsyate manaḥ |
yāhi prabhavase tāta bāṇaṃ saṃrakṣa gamyatām || 84 ||
[Analyze grammar]

tathetyuktvā punarnandī rathena rathināṃ varaḥ |
yato bāṇastato gatvā bāṇamāha śanairidam || 85 ||
[Analyze grammar]

daityemaṃ rathamātiṣṭha śīghramehi mahābala |
mayā sārathinā vīra ehi yudhyasva māciram |
sa nandinā tathoktaḥ sanbāṇaḥ parabalārdanaḥ |
tato yudhyasva kṛṣṇaṃ vai dānavāntakaraṃ raṇe |
ārūḍhaḥ sa tathetyuktvā mahādevasya taṃ ratham || 86 ||
[Analyze grammar]

tathetyuktvā bhavarathamāruroha sa dānavaḥ || 86cd ||
[Analyze grammar]

āruḍhasya tu bāṇasya taṃ rathaṃ brahmanirmitam || 86 ||
[Analyze grammar]

śuśubhe rūpamatyarthamādityasyeva cāmbare || 86 ||
[Analyze grammar]

rūpamāsītpurā yadvattripuraṃ vai didhakṣataḥ || 86 ||
[Analyze grammar]

taṃ syandanamadhiṣṭhāya bhavasyāmitatejasaḥ |
prāduścakre tadā raudramastramastravidāṃ varaḥ |
dīptaṃ brahmaśiro nāma bāṇaḥ kruddho'tivīryavān || 87 ||
[Analyze grammar]

pradīpte brahmaśirasi lokaḥ kṣobhamupāgamat |
lokasaṃrakṣaṇārthaṃ hi tatsṛṣṭaṃ padmayoninā || 88 ||
[Analyze grammar]

taccakreṇa nihatyāstraṃ prāha kṛṣṇaḥ pratāpavān |
loke prakhyātayaśasaṃ bāṇamapratimaṃ raṇe || 89 ||
[Analyze grammar]

katthitāni kva te bāṇa tāni kiṃ na vikatthase |
ayamasmi sthito yuddhe yudhyasva puruṣo bhava || 90 ||
[Analyze grammar]

kārtavīryārjuno nāma pūrvamāsīnmahābalaḥ |
sahasrabāhū rāmeṇa dvibāhuḥ samare kṛtaḥ || 91 ||
[Analyze grammar]

pūrvaṃ bāhusahasravān || 91bc ||
[Analyze grammar]

mahābalaḥ sa rāmeṇa || 91bc ||
[Analyze grammar]

tathā tavāpi darpo'yaṃ bāhūnāṃ vīryasaṃbhavaḥ |
cakraṃ te darpaśamanaṃ karoti raṇamūrdhani || 92 ||
[Analyze grammar]

darpasaṃjananānyāvannāśayiṣyāmi te bhujān |
yāvatte darpaśamanaṃ karomyadya svabāhunā |
tiṣṭhedānīṃ na me'dya tvaṃ mokṣyase raṇamūrdhani || 93 ||
[Analyze grammar]

atha taddurlabhaṃ dṛṣṭvā yuddhaṃ paramadāruṇam || 93 ||
[Analyze grammar]

tathā devāsurasamaṃ harṣānnṛtyati nāradaḥ || 93 ||
[Analyze grammar]

nirjitāśca gaṇāḥ sarve pradyumnena mahātmanā || 93 ||
[Analyze grammar]

nikṣiptavādā yudhyasva devadevaṃ gatāḥ punaḥ || 93 ||
[Analyze grammar]

tataścakraṃ sahasrāraṃ nadanmegha ivoṣṇage |
jagrāha puruṣavyāghro bāṇabāhupraśāntaye || 94 ||
[Analyze grammar]

jyotiṣmataḥ pataṃgasya śaśinaścaiva yattathā |
tejo yajjyotiṣāṃ caiva tejo vajrāśanestathā |
prājāpatyaṃ ca yattejastaccakre paryavasthitam || 95 ||
[Analyze grammar]

tretāgneścaiva yattejo yaccāgnerbrahmacāriṇaḥ || 95 ||
[Analyze grammar]

ṛṣīṇāṃ ca tapo jñānaṃ taccakre paryavasthitam || 95 ||
[Analyze grammar]

pativratānāṃ yattejaḥ prāṇaṃ ca mṛgapakṣiṇām || 95 ||
[Analyze grammar]

yacca cakradhareṣvasti taccakre saṃniveśitam || 95 ||
[Analyze grammar]

nāgarākṣasayakṣāṇāṃ gandharvāpsarasāmapi || 95 ||
[Analyze grammar]

trailokyasya ca yattejaḥ sarvaṃ cakre vyavasthitam || 95 ||
[Analyze grammar]

yacca tejastathā śaṃbhoryamasya varuṇasya ca || 95 ||
[Analyze grammar]

tejasā tena saṃyuktaṃ bhāsvatā prajvalabhṛśam |
vapuṣā teja ādatte bāṇasya pramukhe sthitam || 96 ||
[Analyze grammar]

jñātvātitejasaṃ cakraṃ kṛṣṇenābhyudyataṃ raṇe || 96 ||
[Analyze grammar]

aprameyaṃ hyavihitaṃ rudrāṇīmabravīcchivaḥ || 96 ||
[Analyze grammar]

ajeyametattrailokye cakraṃ kṛṣṇena dhāryate || 96 ||
[Analyze grammar]

bāṇaṃ trāyasva devi tvaṃ yāvaccakraṃ na muñcati || 96 ||
[Analyze grammar]

tatastryakṣavacaḥ śrutvā devī lambāmathābravīt || 96 ||
[Analyze grammar]

gachaihi lambe tvaṃ śīghraṃ bāṇasaṃrakṣaṇaṃ prati || 96 ||
[Analyze grammar]

tato yogaṃ samādhāya adṛśyā himavatsutā || 96 ||
[Analyze grammar]

kṛṣṇasyaikasya tad rūpaṃ darśayantyāgatāntikam || 96 ||
[Analyze grammar]

cakrodyatakaraṃ dṛṣṭvā bhagavantaṃ raṇājire |
pramukhe vāsudevasya digvāsāḥ koṭavī sthitā || 97 ||
[Analyze grammar]

tāṃ dṛṣṭvātha punaḥ prāptāṃ devīṃ rudrasya saṃgatām || 97 ||
[Analyze grammar]

lambādvitīyāṃ tiṣṭhantīṃ kṛṣṇo vacanamabravīt || 97 ||
[Analyze grammar]

antarghānamupāgamya tyaktvā sā vāsasī punaḥ |
paritrāṇāya bāṇasya vijayādhiṣṭhitā tataḥ |
bhūyaḥ sāmarṣatāmrākṣī vivastrāvasthitā raṇe || 98 ||
[Analyze grammar]

bāṇasaṃrakṣaṇaparā vākyametaduvāca ha |
hanmi bāṇaṃ na saṃśayaḥ |
evamuktā tu bāṇena |
bāṇasaṃrakṣaṇārthinī |
girā madhurayā devī |
jāne tvāṃ sarvabhūtānāṃ sraṣṭāraṃ puruṣottamam |
mahābhāgaṃ mahādevamanantaṃ nīlamavyayam |
padmanābhaṃ hṛṣīkeśa lokānāmādisaṃbhavam |
devadeva jagannātha viṣṇo jiṣṇo jagatpate |
nārhase deva hantuṃ vai bāṇamapratimaṃ raṇe || 99 ||
[Analyze grammar]

prayaccha hyabhayaṃ bāṇe jīvaputrītvameva ca || 99 ||
[Analyze grammar]

mayā dattavaro hyeṣa bhūyaśca parirakṣyate || 99 ||
[Analyze grammar]

na me mithyā samudyogaṃ kartumarhasi mādhava || 99 ||
[Analyze grammar]

evamukte tu vacane kṛṣṇaḥ parapuraṃjayaḥ || 99 ||
[Analyze grammar]

kruddhaḥ prabhāṣate vākyaṃ śṛṇu satyaṃ tu bhāminī || 99 ||
[Analyze grammar]

bāṇo bāhusahasreṇa nardate darpamāśritaḥ || 99 ||
[Analyze grammar]

eteṣāṃ chedanaṃ tvadya kartavyaṃ nātra saṃśayaḥ || 99 ||
[Analyze grammar]

dvibāhunā ca bāṇena jīvaputrī bhaviṣyasi || 99 ||
[Analyze grammar]

saṃtyajya cāsuraṃ darpaṃ na ca māṃ saṃśrayiṣyati || 99 ||
[Analyze grammar]

evamukte tu vacane kṛṣṇenākliṣṭakarmaṇā || 99 ||
[Analyze grammar]

provāca devī bāṇo'yaṃ devadevo bhavediti || 99 ||
[Analyze grammar]

atha tāṃ kārttikeyasya mātaraṃ so'bhibhāṣya vai || 99 ||
[Analyze grammar]

dhigdhigityabravīttāṃ tu duṣṭe dhvaṃseti keśavaḥ || 99 ||
[Analyze grammar]

tataḥ kruddho mahābāhuḥ kṛṣṇaḥ praharatāṃ varaḥ |
provāca bāṇaṃ samare bhrāmayaṃścakramuttamam || 100 ||
[Analyze grammar]

tataḥ provāca vacanaṃ bāṇaṃ kaṃsārisūdanaḥ || 100 ||
[Analyze grammar]

yudhyatāṃ yudhyatāṃ saṃkhye bhavatāṃ koṭavī sthitā |
aśaktānāmiva raṇe dhigbāṇa tava pauruṣam || 101 ||
[Analyze grammar]

evamuktvā tataḥ kṛṣṇastaccakraṃ paramāstravit |
nimīlitākṣo vyasṛjadbāṇaṃ prati mahābalaḥ || 102 ||
[Analyze grammar]

kṣepaṇād yasya muhyanti lokāḥ sasthāṇujaṅgamāḥ || 102 ||
[Analyze grammar]

kravyādāni ca bhūtāni tṛptiṃ yānti mahāmṛdhe || 102 ||
[Analyze grammar]

tamapratimakarmāṇaṃ samānaṃ sūryavarcasā || 102 ||
[Analyze grammar]

cakramudyamya samare kopadīpto gadādharaḥ || 102 ||
[Analyze grammar]

sa muṣṇandānavaṃ tejaḥ samare svena tejasā || 102 ||
[Analyze grammar]

ciccheda bāhūṃścakreṇa śrīdharaḥ paramaujasā || 102 ||
[Analyze grammar]

alātacakravattūrṇaṃ bhramamāṇaṃ raṇājire |
kṣiptaṃ tu vāsudevena bāṇasya raṇamūrdhani |
bāṇasya rathamārge ca dvitīya iva bhāskaraḥ |
viṣṇorastraṃ sunābhaṃ vai śaighryayogānna dṛśyate || 103 ||
[Analyze grammar]

tasya bāhusahasrasya paryāyeṇa punaḥ punaḥ |
bāṇasya chedanaṃ cakre taccakraṃ raṇamūrdhani || 104 ||
[Analyze grammar]

kṛtvā dvibāhuṃ taṃ bāṇaṃ chinnaśākhamiva drumam || 104 ||
[Analyze grammar]

punaḥ karāgraṃ kṛṣṇasya cakraṃ prāptaṃ sudarśanam || 104 ||
[Analyze grammar]

vaiśaṃpāyana uvāca |
kṛtakṛte tu saṃprāpte cakre daitye vipātite || 104 ||
[Analyze grammar]

śarīreṇa prasravatā rudhiraughapariplutaḥ |
abhavatparvatākāraśchinnabāhurmahāsuraḥ || 105 ||
[Analyze grammar]

chinnaśākho yathā vṛkṣaśchinnapakṣo yathā khagaḥ || 105 ||
[Analyze grammar]

chittvā bāhusahasraṃ tu bāṇasya ca sudarśanam || 105 ||
[Analyze grammar]

jagāma devadevasya pārśvaṃ ripunighātinaḥ || 105 ||
[Analyze grammar]

provāca vadatāṃ śreṣṭhaṃ cakro medaḥsamākulaḥ || 105 ||
[Analyze grammar]

ājñāpaya jagannātha śiraśchettuṃ durātmanaḥ || 105 ||
[Analyze grammar]

tataḥ kṛṣṇo hṛṣīkeśastadādatte sudarśanam || 105 ||
[Analyze grammar]

asṛṅmattaśca vividhānnādānmuñcanyathā ghanaḥ || 105 ||
[Analyze grammar]

tasya nādena mahatā keśavo ripusūdanaḥ || 105 ||
[Analyze grammar]

vyāvidhya sahasā kṛṣṇaḥ śiraśchettuṃ samārabhat || 105 ||
[Analyze grammar]

cakraṃ bhūyaḥ kṣeptukāmaṃ bāṇanāśārthamacyutam |
cakraṃ bhūyaḥ kṣeptukāmo nāṇanāśārthamacyutaḥ |
tamupetya mahādevaḥ kumārasahito'bravīt || 106 ||
[Analyze grammar]

sahomayā haro devo jvareṇa ca samanvitaḥ || 106 ||
[Analyze grammar]

kṛṣṇa kṛṣṇa mahādeva jāne tvāṃ puruṣottamam |
na hyenaṃ vadhakāmastvaṃ yadicchetpārvatīhitam || kṛṣṇa uvāca hiraṇyakaśipoḥ putrāścatvāro lokaviśrutāḥ |
hrādaḥ prahrādaḥ saṃhrādaḥ anuhrādaścaturthakaḥ || prahrādāya varo dattaścaiṣāṃ madhye varāthine |
avyadhyastava vaṃśo'stu daityaughāḥ satataṃ mayā || iti pratiśrutaṃ pūrvamaparāghaparāya ca |
madhukaiṭabhahantāraṃ devadevaṃ sanātanam || 107 ||
[Analyze grammar]

ādidevamajaṃ viṣṇuṃ surādhyakṣaṃ purātanam || 107 ||
[Analyze grammar]

lokānāṃ tvaṃ gatirdeva tvatprasūtamidaṃ jagat |
ajeyastvaṃ tribhirlokaiḥ sadevāsuramānuṣaiḥ || 108 ||
[Analyze grammar]

tava prasādajo brahmā tathāhaṃ krodhasaṃbhavaḥ || 108 ||
[Analyze grammar]

vande'haṃ tvāṃ jagannāthaṃ jagatāmīśvaraṃ harim || 107 ||
[Analyze grammar]

namāmi nirguṇaṃ viṣṇo tvāmādyamakhilaṃ raṇe || 107 ||
[Analyze grammar]

niṣkalaṃ tvāṃ hare devaṃ namāmi puruṣottamam || 107 ||
[Analyze grammar]

trayīmūrte purāṇātmannnamāmi tvāṃ janārdanam || 107 ||
[Analyze grammar]

ajeyo'si sadā viṣṇo yāce tvāṃ nityamavyayam || 107 ||
[Analyze grammar]

tasmātsaṃhara divyaṃ tvamidaṃ cakraṃ samudyatam |
anivāryamasaṃhāryaṃ raṇe śatrubhayaṃkaram || 109 ||
[Analyze grammar]

ye tvā deva prapadyante na te suvyaktimānavāḥ || 109 ||
[Analyze grammar]

bhaye mahati magnānāṃ trātā nityaṃ janārdanaḥ || 109 ||
[Analyze grammar]

ye cāpyasmatkṛtaṃ stotramabhidhāsyanti bhaktitaḥ || 109 ||
[Analyze grammar]

te sarvabhayanirmuktā bhaviṣyanti nirāmayāḥ || 109 ||
[Analyze grammar]

nāthastvaṃ sarvalokānāṃ viśeṣeṇa mama prabho || 109 ||
[Analyze grammar]

kṣamyatāṃ deva bāṇasya matkṛte puruṣottama || 109 ||
[Analyze grammar]

bāṇasyāsyābhayaṃ dattaṃ mayā keśiniṣūdana |
tanme na syānmṛṣā vākyamatastvāṃ kṣamayāmyaham || 110 ||
[Analyze grammar]

na hyenaṃ vadhakāmasya yadīcchetpārvatīhitam || 110 ||
[Analyze grammar]

kṣantavyaṃ bhavatā bhūyo yatkṛtaṃ bhaktavatsala || 110 ||
[Analyze grammar]

bhagavānuvāca |
jīvatāṃ deva bāṇo'yametaccakraṃ nivartitam |
mānyastvaṃ deva devānāmasurāṇāṃ ca sarvaśaḥ || 111 ||
[Analyze grammar]

anyathā chedanaṃ kuryāṃ bāṇasyāsya durātmanaḥ || 11 ||
[Analyze grammar]

yasmānmānyaḥ sadā deva tasmājjīvatu bāṇakaḥ || 11 ||
[Analyze grammar]

namaste'stu gamiṣyāmi yatkāryaṃ tanmaheśvara |
na tāvatkriyate tasmānmāmanujñātumarhasi || 112 ||
[Analyze grammar]

evamuktvā mahādevaṃ kṛṣṇastūrṇaṃ garutmatā |
jagāma tatra yatrāste prādyumniḥ sāyakaiścitaḥ || 113 ||
[Analyze grammar]

gate kṛṣṇe tato nandī bāṇamāha śubhaṃ vacaḥ |
gaccha bāṇa kṣatenaiva devadevasya cāgrataḥ || tacchrutvā nandivākyaṃ tu bāṇo'gacchata śīghragaḥ |
chinnabāhuṃ tato bāṇaṃ dṛṣṭvā nandī pratāpavān |
apavāhya rathenaiva yato devastato yayau || tato nandī punarbāṇaṃ prāguvācottaraṃ vacaḥ |
bāṇa bāṇa pranṛtyasva śreyastava bhaviṣyati || 114 ||
[Analyze grammar]

kṛttabāṇa mahādaitya tataḥ śreyastvamāpsyasi || 114cd ||
[Analyze grammar]

eṣa devo mahādevaḥ prasādasumukhastava || 114 ||
[Analyze grammar]

śoṇitaughaplutairgātrairnandivākyapracoditaḥ |
jīvitārthī tato bāṇaḥ pramukhe śaṃkarasya vai || 115 ||
[Analyze grammar]

etacchrutvā vaco nandeḥ śoṇitāṅgaḥ sa dānavaḥ || 115 ||
[Analyze grammar]

pravṛtto jīvitārthāya śaṃkaraṃ pramukhe sthitaḥ || 115 ||
[Analyze grammar]

prānṛtyata bhaye jāte dānavaḥ sa vicetanaḥ |
jaya deva jagannātha jayājeya harāvyaya |
jaya bhaktipriya sadā jaya bhūtagaṇārcitaḥ || jaya bhasmapradigdhāṅga jaya nagnavidāṃ mukha |
umāpate viśvapate jayājeyāvyaya prabho || evamādi tadā bāṇo vilapanbhavatuṣṭaye |
avasthāṃ kṛpaṇāṃ prāpto bhayaviklavalocanaḥ || 116 ||
[Analyze grammar]

tataḥ pranṛttaṃ bāṇaṃ ca cakramapratimaṃ raṇe || 116 ||
[Analyze grammar]

bāṇaṃ dvibāhuṃ kṛtvā tu svāmeva prakṛtiṃ gatam || 116 ||
[Analyze grammar]

taṃ dṛṣṭvā ca pranṛtyantaṃ bhayodvignaṃ punaḥ punaḥ || 116 ||
[Analyze grammar]

nandivākyaprajavitaṃ bhaktānugrahakṛdbhavaḥ || 116 ||
[Analyze grammar]

karuṇāvaśamāpanno mahādevo'bravīdvacaḥ || 116 ||
[Analyze grammar]

prānṛtyadbahuśo rājanyathā prīto bhavedbhava || 116 ||
[Analyze grammar]

tataḥ prīto'bhavad rājanbāṇasyāsya sa līlayā || 116 ||
[Analyze grammar]

maheśvara uvāca |
varaṃ vṛṇīṣva bāṇa tvaṃ yatte manasi vartate |
prasādasumukho'haṃ te varakālo'yamāgataḥ || 117 ||
[Analyze grammar]

yatprārthyase varaṃ bāṇa cirāya manasepsitam || 117 ||
[Analyze grammar]

tatte'haṃ tvāṃ pradāsyāmi tridaśairapi durlabham || 117 ||
[Analyze grammar]

rudravākyaṃ tataḥ śrutvā bāṇo manasi harṣitaḥ || 117 ||
[Analyze grammar]

varānmanasi saṃdhārya pravaktumupacakrame || 117 ||
[Analyze grammar]

bāṇa uvāca |
ajaraścāmaraścaiva bhaveyaṃ satataṃ vibho |
eṣa me prathamo deva varo'stu yadi manyase || 118 ||
[Analyze grammar]

maheśvara uvāca |
tulyo'si daivatairbāṇa na mṛtyustava vidyate |
anyaṃ varaṃ vṛṇīṣvādya anugrāhyo'si me sadā || 119 ||
[Analyze grammar]

bāṇa uvāca |
yathāhaṃ śoṇitādigdho bhṛśārto vraṇapīḍitaḥ |
bhaktānāṃ nṛtyatāmevaṃ putrajanma bhevedbhava || 120 ||
[Analyze grammar]

maheśvara uvāca |
nirāhārāḥ kṣamāyuktāḥ satyārjavaparāyaṇāḥ |
madbhaktā ye hi nṛtyanti teṣāmevaṃ bhaviṣyati || 121 ||
[Analyze grammar]

tṛtīyaṃ tvamatho bāṇa varaṃ vara manogatam || 121 ||
[Analyze grammar]

tadvidhāsyāmi te putra saphalo'stu bhavāniha || 121 ||
[Analyze grammar]

bāṇa uvāca |
cakrapāṭanajā ghorā rujā tīvrā hi yā mama |
vareṇa sā tṛtīyena śāntiṃ gacchatu me bhava || 122 ||
[Analyze grammar]

maheśvara uvāca |
evaṃ bhavatu bhadraṃ te na rujā prabhaviṣyati |
akṣataṃ tava gātraṃ ca svasthāvasthaṃ bhaviṣyati || 123 ||
[Analyze grammar]

cakrapāṭanajā ghorā rujā te surasattama || 123 ||
[Analyze grammar]

na bhaviṣyati gātreṣu balavāṃśca bhaviṣyasi || 123 ||
[Analyze grammar]

caturthaṃ te varaṃ dadmi vṛṇīṣvāsura kāṅkṣitaṃ |
na te'haṃ vimukhastāta prasādasumukho hyaham || 124 ||
[Analyze grammar]

bāṇa uvāca |
pramāthagaṇavaṃśasya prathamaḥ syāmahaṃ vibho |
mahākāla iti khyātaḥ khyātiṃ gaccheyamīśvara || 125 ||
[Analyze grammar]

vaiśampāyana uvāca |
evaṃ bhaviṣyatītyāha devo bāṇaṃ mahādyutiḥ || 125 ||
[Analyze grammar]

divyarūpo'kṣato gātrairnīrujastvaṃ mamāśrayāt || 125 ||
[Analyze grammar]

mamātisargādbāṇa tvaṃ bhava caivākutobyahaḥ || 125 ||
[Analyze grammar]

maheśvara uvāca |
bhūyo'pi te varaṃ dadmi prakhyātabalapauruṣa |
evaṃ bhaviṣyatyavaśyaṃ yaṃ varaṃ tvamihecchasi |
taṃ taṃ vṛṇīṣva bhadraṃ te yadicchasi mahāsura || 126 ||
[Analyze grammar]

bāṇa uvāca |
vairūpyamaṅgajaṃ kiṃ cinmā bhūnme devasattama |
dvibāhutve'pi me deho na virūpo bhavedbhava || 127 ||
[Analyze grammar]

hara uvāca |
bhavitā sarvametatte yathecchasi mahāsura || 127 ||
[Analyze grammar]

bhaktastvaṃ me na cādeyaṃ bhaktānāṃ vidyate mama || 127 ||
[Analyze grammar]

tato'bravīnmahādevo bāṇaṃ sthitamathāntike |
evaṃ bhaviṣyate bāṇa yattvayā samudāhṛtam || 128 ||
[Analyze grammar]

tyaja mūḍhāṃ matiṃ bāṇa mā mohavaśago bhava || 128ab ||
[Analyze grammar]

etāvaduktvā bhagavāṃstrinetro gaṇasaṃvṛtaḥ |
paśyatāṃ sarvabhūtānāṃ tatraivāntaradhīyata || 129 ||
[Analyze grammar]