Chapter 98

janamejaya uvāca |
bahūnāṃ strīsahasrāṇāmaṣṭau bhāryāḥ prakīrtitāḥ |
tāsāmapatyānyaṣṭānāṃ bhagavānprabravītu me || 1 ||
[Analyze grammar]

vaiśaṃpāyana uvāca |
aṣṭau mahiṣyaḥ putriṇya iti prādhānyataḥ smṛtāḥ |
sarvā vīraprajāyinyastāsvapatyāni me śṛṇu || 2 ||
[Analyze grammar]

rukmiṇī satyabhāmā ca devī nagnajitī tathā |
sudattā ca tathā śaibyā lakṣmaṇā cāruhāsinī || 3 ||
[Analyze grammar]

mitravindā ca kālindī jāmbavatyatha pauravī |
subhīmā ca tathā mādrī raukmiṇeyānimāñchṛṇu || 4 ||
[Analyze grammar]

pradyumnaḥ prathamo yajñe śambarāntakaraḥ sutaḥ |
dvitīyaścārudeṣṇaśca vṛṣṇisiṃho mahārathaḥ || 5 ||
[Analyze grammar]

cārubhadro bhadracāruḥ sudaṃṣṭro druma eva ca |
suṣeṇaścāruguptaśca cāruvindaśca cārumān |
cārubāhuḥ kaniṣṭhaśca kanyā cārumatī tathā || 6 ||
[Analyze grammar]

jajñire satyabhāmāyāṃ bhānurbhimarathaḥ kṣupaḥ |
rohito dīptimāṃścaiva tāmrajākṣo jalāntakaḥ |
catasro jajñire teṣāṃ svasāro garuḍadhvajāt || 7 ||
[Analyze grammar]

bhānurbhīmarikā caiva tāmrapakṣā jalaṃdhamā || 7cd ||
[Analyze grammar]

jāmbavatyāḥ suto jajñe sāmbaḥ samitiśobhanaḥ |
mitrabāhurmitradhāmā mitrasenastathaiva ca |
mitravānmitravindaśca mitravatyapi cāṅganā || 8 ||
[Analyze grammar]

mitravāhaḥ sunīthaśca nagnajityāḥ prajāḥ śṛṇu |
bhadrakāro bhadravindaḥ kanyā bhadravatī tathā || 9 ||
[Analyze grammar]

sudattāyāstu śaibyāyāḥ saṃgrāmajidajāyata |
satyajitsenajiccaiva tathā śūraḥ sapatnajit || 10 ||
[Analyze grammar]

subhīmāyāḥ suto mādryā vṛkāśvo vṛkanirvṛtiḥ |
kumāro vṛkadīptiśca lakṣmaṇāyāḥ prajāḥ śṛṇu || 11 ||
[Analyze grammar]

gātravān gātraguptaśca gātravindaśca vīryavān |
jajñire gātravantyete bhaginyānujayā saha || 12 ||
[Analyze grammar]

aśrutaśca suto jajñe kālindyāḥ śrutasattamaḥ |
aśrutaṃ śrutasenāyai pradadau madhusūdanaḥ || 13 ||
[Analyze grammar]

taṃ pradāya hṛṣīkeśastāṃ bhāryāṃ mudito'bravīt |
eṣa vāmubhayorastu dāyādaḥ śāśvatīḥ samāḥ || 14 ||
[Analyze grammar]

bṛhatyāṃ tu gadasyāhuḥ śaibyāyāmaṅgadaṃ sutam |
utpannaṃ kumudaṃ caiva śvetaṃ śvetāṃ tathāṅganām || 15 ||
[Analyze grammar]

agāvahaḥ sumitraśca śuciścitrarathastathā |
citrasenaḥ sute cāsya citrā citravatī tathā || 16 ||
[Analyze grammar]

vanustambasya jajñāte stambaḥ stambavanaśca ha |
nivāsano vanastambaḥ kanyā stambavatī tathā |
upāsaṅgasya tu sutau vajraḥ sukṣipra eva ca || 17 ||
[Analyze grammar]

kauśikyāṃ sutasomāyāṃ yaudhiṣṭhiryāṃ yudhiṣṭhirau |
kāpālī garuḍaścaiva jajñāte citrayodhinau || 18 ||
[Analyze grammar]

evamādīni putrāṇāṃ sahastrāṇi nibodhata || 18 ||
[Analyze grammar]

ayutaṃ tu samākhyātaṃ vāsudevasya te sutāḥ || 18 ||
[Analyze grammar]

ayutāni tathā cāṣṭau śūrā raṇaviśāradāḥ || 18 ||
[Analyze grammar]

janārdanasya prasavaḥ kīrtito'yaṃ yathā tathā || 18 ||
[Analyze grammar]

pradyumnasya suto yastu vaidarbhyāṃ rājasattamaḥ |
aniruddho raṇe yoddhā jajñe sa mṛgaketanaḥ || 19 ||
[Analyze grammar]

revatyāṃ baladevasya jajñāte niśaṭholmukau |
bhrātarau devasaṃkāśāv ubhau puruṣasattamau || 20 ||
[Analyze grammar]

sutanuśca narācī ca śaurerāstāṃ parigrahaḥ |
pauṇḍraśca kapilaścaiva vāsudevasya tau sutau || 21 ||
[Analyze grammar]

narācyāṃ kapilo jajñe pauṇḍraśca sutanoḥ sutaḥ |
tayornṛpo'bhavatpauṇḍraḥ kapilaśca vanaṃ yayau || 22 ||
[Analyze grammar]

samādhisthaḥ sa bhūteṣu dayāṃ kurvanmahāmatiḥ || 22 ||
[Analyze grammar]

sa nṛpaḥ samacittātmā viṣṇusāyujyamāptavān || 22 ||
[Analyze grammar]

turyāṃ samabhavadvīro vasudevānmahābalaḥ |
jarā nāma niṣādānāṃ prabhuḥ sarvadhanuṣmatām || 23 ||
[Analyze grammar]

kāśyā supārśvaṃ tanayaṃ lebhe sāmbāttarasvinam |
aniruddhasya vaidarbhyā bhāryā rukmavatī śubhā |
tasyāṃ vajro'niruddhasya vajrasya tanayaṃ śṛṇu |
sānorvajro'niruddhasya vajrastvādāvajāyata || 24 ||
[Analyze grammar]

vajrājjajñe prativahaḥ sucārustasya cātmajaḥ |
anamitrācchinirjajñe kaniṣṭhādvṛṣṇinandanāt || 25 ||
[Analyze grammar]

śinestu satyavāgjajñe satyakaśca mahārathaḥ |
satyakasyātmajaḥ śūro yuyudhānastvajāyata || 26 ||
[Analyze grammar]

asaṅgo yuyudhānasya bhūmistasyābhavatsutaḥ |
bhūmeryugaṃdharaḥ putra iti vaṃśaḥ samāpyate || 27 ||
[Analyze grammar]