Chapter 97

nārada uvāca |
sāditā mauravāḥ pāśā nisundanarakau hatau |
kṛtaḥ kṣemaḥ punaḥ panthāḥ puraṃ prāgjyotiṣaṃ prati || 1 ||
[Analyze grammar]

bhūyaśca khalu vakṣyāmi śṛṇudhvaṃ yādavottamāḥ || 1 ||
[Analyze grammar]

yatkṛtaṃ śauriṇā samyag lokānāṃ hitakāmyayā || 1 ||
[Analyze grammar]

śauriṇā pṛthivīpālāstrāsitāḥ spardhino yudhi |
dhanuṣaśca ninādena pāñcajanyasvanena ca || 2 ||
[Analyze grammar]

meghaprakhyairanīkaiśca dākṣiṇātyābhirakṣitām |
rukmiṇaṃ yudhi nirjitya mahābalaparākramam |
rukmiṇīmājahārāśu keśavo vṛṣṇipuṃgavaḥ || 3 ||
[Analyze grammar]

tataḥ parjanyaghoṣeṇa rathenādityavarcasā |
uvāha mahiṣīṃ bhojāṃ śaṅkhacakragadāsibhṛt || 4 ||
[Analyze grammar]

jārūthyāmāhvṛtiḥ krāthaḥ śiśupālaśca nirjitaḥ |
vaktraśca saha sainyena śatadhanvā ca durjayaḥ || 5 ||
[Analyze grammar]

indradyumno hataḥ kopād yavanaśca kaśerumān |
hataḥ saubhapatiḥ sālvaḥ śaubhaśca dṛḍhadhanvanā || 6 ||
[Analyze grammar]

parvatānāṃ sahasraṃ ca cakreṇa puruṣottamaḥ |
vikīrya puṇḍarīkākṣo dyumatsenamapothayat || 7 ||
[Analyze grammar]

mahendraśikhare caiva nimeṣontaracāriṇau |
jaghāna yo naravyāghro rāvaṇasyābhitaścarau || 8 ||
[Analyze grammar]

irāvatyāṃ mahābhojāvagnisūryasamau yudhi |
gopatistālaketuśca nihatau śārṅgadhanvanā || 9 ||
[Analyze grammar]

akṣaprapatane caiva nimirhaṃsaśca dānavau |
ubhau tāvapi kṛṣṇena sarāṣṭrau vinipātitau || 10 ||
[Analyze grammar]

dagdhā vārāṇasī caiva keśavena mahātmanā |
sānubandhaḥ sarāṣṭraśca kāśīnāmadhipo hataḥ || 11 ||
[Analyze grammar]

vijitya ca yamaḥ saṃkhye śaraiḥ saṃnataparvabhiḥ |
athaindrasenirānītaḥ kṛṣṇenādbhutakarmaṇā || 12 ||
[Analyze grammar]

sahitaḥ sarvayādobhiḥ sāgareṣu mahābalaḥ |
prāpya lohitakūṭāni kṛṣṇena varuṇo jitaḥ || 13 ||
[Analyze grammar]

mahendrabhavane jāto devairgupto mahātmabhiḥ |
acintayitvā devendraṃ pārijātadrumo hṛtaḥ || 14 ||
[Analyze grammar]

pāṇḍyaṃ pauṇḍraṃ ca matsyaṃ ca kaliṅgaṃ ca janārdanaḥ |
jaghāna sahitān sarvānvaṅgarājaṃ tathaiva ca || 15 ||
[Analyze grammar]

eṣa caikaśataṃ hatvā raṇe rājñāṃ mahātmanām |
gāndhārīmāvahaddhīmānmahiṣīṃ priyadarśanām || 16 ||
[Analyze grammar]

tathā gāṇḍīvadhanvānaṃ krīḍantaṃ madhusūdanaḥ |
jigāya bharata śreṣṭhaṃ kuntyāḥ pramukhato vibhuḥ || 17 ||
[Analyze grammar]

droṇaṃ drauṇiṃ kṛpaṃ karṇaṃ bhīmasenaṃ suyodhanam |
cakrānuyāte sahitāñjigāya puruṣottamaḥ || 18 ||
[Analyze grammar]

babhrośca priyamanvicchañchaṅkhacakragadāsibhṛt |
sauvīrarājasya sutāṃ prasahya hṛtavānprabhuḥ || 19 ||
[Analyze grammar]

paryastāṃ pṛthivīṃ kṛtsnāṃ sāśvāṃ sarathakuñjarām |
veṇudārikṛte yatnājjigāya puruṣottamaḥ || 20 ||
[Analyze grammar]

avāpya tapaso vīryaṃ balamojaśca mādhavaḥ |
pūrvadehe jahārāyaṃ balestribhuvanaṃ hariḥ || 21 ||
[Analyze grammar]

vajrāśanigadāśṛṅgaistrāsayadbhiśca dānavaiḥ |
yasya nādhigato mṛtyuḥ puraṃ prāgjyotiṣaṃ prati || 22 ||
[Analyze grammar]

abhibhūtaśca kṛṣṇena sagaṇaḥ sa mahābalaḥ |
baleḥ putro mahāvīryo bāṇo draviṇavattaraḥ || 23 ||
[Analyze grammar]

jarāsaṃdhaṃ mahāvīryaṃ mahotsāhaṃ mahābalam || 23 ||
[Analyze grammar]

asakṛjjitavān kṛṣṇo līlayā puruṣottamaḥ || 23 ||
[Analyze grammar]

pīṭhaṃ tathā mahābāhuḥ kaṃsāmātyaṃ janārdanaḥ |
paiṭhikaṃ cāsilomānaṃ nijaghāna mahābalaḥ || 24 ||
[Analyze grammar]

jambhamairāvataṃ cāpi virūpaṃ ca mahāyaśāḥ |
jaghāna puruṣavyāghraḥ śambaraṃ cārimardanaḥ || 25 ||
[Analyze grammar]

tathā nāgapatiṃ toye kāliyaṃ ca mahaujasam |
nirjitya puṇḍarīkākṣaḥ preṣayāmāsa sāgaram || 26 ||
[Analyze grammar]

saṃjīvayāmāsa mṛtaṃ putraṃ sāṃdīpanestathā |
nirjitya puruṣavyāghro yamaṃ vaivasvataṃ hariḥ || 27 ||
[Analyze grammar]

evameṣa mahābāhuḥ śāstā sarvadurātmanām || 28 ||
[Analyze grammar]

devāṃśca brāhmaṇāṃścaiva ye dviṣanti sadā nṛpa || 28 ||
[Analyze grammar]

daityānāṃ dānavānāṃ ca rākṣasānāṃ janārdanaḥ || 28 ||
[Analyze grammar]

nihatya narakaṃ bhaumamāhṛtya maṇikuṇḍale |
devamāturdadau cāpi prītyarthaṃ vajrapāṇinaḥ || 29 ||
[Analyze grammar]

prāptaṃ ca divi deveṣu keśavena mahad yaśaḥ || 29 ||
[Analyze grammar]

evaṃ sa devadaityānāṃ surāṇāṃ ca mahāyaśāḥ |
bhayābhayakaraḥ kṛṣṇaḥ sarvalokeśvaro vibhuḥ || 30 ||
[Analyze grammar]

saṃsthāpya dharmānmartyeṣu yajñairiṣṭvāptadakṣiṇaiḥ |
kṛtvā devārthamamitaṃ svasthānaṃ pratipatsyate || 31 ||
[Analyze grammar]

kṛṣṇo bhogavatīṃ ramyāmṛṣikāntāṃ mahāyaśāḥ |
dvārakāmātmasātkṛtvā samudraṃ gamayiṣyati || 32 ||
[Analyze grammar]

bahuratnasamākīrṇā caityayūpaśatāṅkitā |
dvārakā varuṇāvāsaṃ pravekṣyati sakānanā || 33 ||
[Analyze grammar]

tāṃ sūryasadanaprakhyāṃ matajñaḥ śārṅgadhanvanaḥ |
visṛṣṭāṃ vāsudevena sāgaraḥ plāvayiṣyati || 34 ||
[Analyze grammar]

surāsuramanuṣyeṣu nāsinna bhavitā kvacit |
ya imāmāvasetkaścidanyatra madhusūdanāt || 35 ||
[Analyze grammar]

evameṣa daśārhāṇāṃ vidhāya vidhinā vidhim |
viṣṇurnārāyaṇaḥ somaḥ sūryaśca bhavitā svayam || 36 ||
[Analyze grammar]

aprameyo'niyojyaśca yatrakāmagamo vaśī |
modatyeṣa sadā bhūtairbālaḥ krīḍanakairiva || 37 ||
[Analyze grammar]

na pramātuṃ mahābāhuḥ śakyo'yaṃ madhusūdanaḥ |
pramāṇaṃ hyatra vicchinnaṃ pramāṇaṃ sarvavastuṣu |
yato'yaṃ devadeveśo na pramāṇe pramā bhavet |
paraṃ hyaparametasmādviśvarūpānna vidyate || 38 ||
[Analyze grammar]

stavyo'yamevaṃ śataśastathā śatasahasraśaḥ |
anto hi karmaṇāmasya dṛṣṭapūrvo na kenacit || 39 ||
[Analyze grammar]

evametāni karmāṇi śiśurmadhyavayāstathā |
kṛtavānpuṇḍarīkākṣaḥ saṃkarṣaṇasahāyavān || 40 ||
[Analyze grammar]

ityuvāca purā vyāsastapodīrgheṇa cakṣuṣā |
mahāyogī mahābuddhiḥ sarvapratyakṣadarśivān || 41 ||
[Analyze grammar]

iti saṃstūya govindaṃ mahendravacanādṛṣiḥ |
yadubhiḥ pūjitaḥ sarvairnāradastridivaṃ gataḥ || 42 ||
[Analyze grammar]

tatastadvasu govindo dideśāndhakavṛṣṇiṣu |
yathārhaṃ puṇḍarīkākṣo vidhivanmadhusūdanaḥ || 43 ||
[Analyze grammar]

namaskṛtya jagannathaṃ śirasā suprasāriṇā || 43 ||
[Analyze grammar]

yādavāśca dhanaṃ prāpya vidhivadbhūridakṣiṇaiḥ |
yajñairiṣṭvā mahātmāno dvārakāmāvasanpurīm || 44 ||
[Analyze grammar]