Chapter 9 - rajjubandhanam

athātaḥ saṃpravakṣyāmi rajjubandhavidhiṃ kramāt |
yathoktaṃ ca mṛdassarvāssamāhṛtya vidhānataḥ || 1 ||
[Analyze grammar]

saṃpiṣya śodhayitvaiva yathoktaṃ sarva mauṣadham |
cūrṇāni ca yathoktāni kaṣāyāṇi vidhānataḥ || 2 ||
[Analyze grammar]

yojayitvā yathābhāgaṃ gavyairapi ihaivaca |
niryāsena kapiddhasya yuktaṃ nādeyavāriṇā || 3 ||
[Analyze grammar]

peṣayitvā mṛdā samyaksaṃpiṣya ca vidhānataḥ |
sādhayitvātha vā vāmaṃ sārdhaṃvāpi nidhāya ca || 4 ||
[Analyze grammar]

nālikerasya sāreṇa trivṛtāṃ rajjumāharet |
sarajjuṃ bandhayecchūlaṃ yathātatsudṛḍhaṃ tathā || 5 ||
[Analyze grammar]

bandhayitvāṣṭabandhaṃ ca śūlamālipya sarvaśaḥ |
mṛdaṃ ca tāṃ samādāya śūla mālopayettathā || 6 ||
[Analyze grammar]

śūlopari pramāṇaṃ yaccaturbhāgaṃ vibhajyaca |
tattribhāgaṃ mṛdākuryā drajjubandhasamāyutam || 7 ||
[Analyze grammar]

ghaṭaśarkarayā vastramauktikairvarṇakairyutam |
pūraye danyabhāgaṃ ca tatpramāṇavidhānataḥ || 8 ||
[Analyze grammar]

śarkarāṃ ca samālipya paṭaṃ saṃyojya pūrvavat |
mauktikākṛti mālipya bhūṣaṇāni prakalpyaca || 9 ||
[Analyze grammar]

yathoktena vidhānena varṇānapi suyojayet |
mṛṇmayaṃ dhravaberaṃ cetkāraye devamaiva tat || 10 ||
[Analyze grammar]

ardhacitraṃ na kurvīta dhruvaberaṃ tu mṛṇmayam |
śūlārdhaṃ tu dvayaṃ kuryāttāmranālasamāyutam || 11 ||
[Analyze grammar]

khādiraṃ tāmradaṇḍaṃ vābhittisthaṃ sudṛḍhaṃ caret |
chidraṃ kṛtvātadādhāre śūlaṃ yantreṇa yojayet || 12 ||
[Analyze grammar]

dṛḍhaṃ tadyojayitvaiva berapṛṣṭhasya madhyame |
tatpṛṣṭheskandhamadhye ca tadādhāreṇa yojayet || 13 ||
[Analyze grammar]

śūle chidraṃ nakartavyaṃ kuryācchetsa vinaśyati |
tāmreṇa dhruvaberaṃ cenmadhūcchiṣṭavidhānataḥ || 14 ||
[Analyze grammar]

mṛṇmayaṃ dvividhaṃ prokta mapakvaṃ pakvamityapi |
pūrvoktaṃ mṛṇmayaṃ yattadapakva mabhidhīyate || 15 ||
[Analyze grammar]

mṛdākṛtvāgvinādagdhaṃ yattatpakvamitīritam |
apakvaṃ mṛṇmaye viṣṇoḥ kārayettu vidhānataḥ || 16 ||
[Analyze grammar]

yadi pakvaṃ tu kuryācchettadvināśakaṃ bhavet |
yogādisthānāni |
sthānaṃ caturvidhaṃ vindyādyogaṃ bhogaṃ tathaiva ca || 17 ||
[Analyze grammar]

sṛṣṭiḥ saṃhāra ityeṣāṃ sthānabhedaḥ pravakṣyate |
sarvato bhadrakaṃ nandyāvartakaṃ śrīpratiṣṭhitam || 18 ||
[Analyze grammar]

svastikaṃ parvatākāraṃ vṛttabhedaṃ tathaivaca |
pralīnaka mathodyogaṃ padmañcaiva caturmukham || 19 ||
[Analyze grammar]

brahmādīśānaparyantaṃ krameṇaiva niveśayet |
yogakāntaṃ bhavedyogaṃ sthānakasya vidhīyate || 20 ||
[Analyze grammar]

caturaśraṃ vṛttagehaṃ prāsādaṃ sthānakasya tu |
āsanānāṃ caturbhedaṃ pūrvoktena krameṇa tu || 21 ||
[Analyze grammar]

pralīnaṃ sarvatobhadraṃ vimānaṃ vā caturmukham |
viṣṇuchandavimānaṃ ca śrīpratiṣṭhitakaṃ tathā || 22 ||
[Analyze grammar]

parvatākṛtikañcaiva nandyāvartaṃ tathaiva ca |
mahāpadmavimānaṃ ca pralīnaka vīmānakam || 23 ||
[Analyze grammar]

aṣṭāṅgaṃ sarmatobhadraṃ citraśilpaṃ tathaiva ca |
mahāpadmaṃ ca vṛttaṃ ca caturmukhavimānakam || 24 ||
[Analyze grammar]

evaṃ vimānakaṃ caiva āsanasya vidhīyate |
svastikaṃ vṛttabhadraṃ ca vṛttagarbha mavedikam || 25 ||
[Analyze grammar]

prekṣya gṛhālpabhūrājachandaṃ ca śrīpratiṣṭhitam |
martalaṃ ca śanairyogaṃ mārtāṇḍaṃ ca catuṣphuṭam || 26 ||
[Analyze grammar]

gaṇikāviśālaṃ saṃśuddhaṃ svastikaṃ dhvajamānakam |
evamākhyāya tantrāṇi vartulādyāyutāni ca || 27 ||
[Analyze grammar]

śayānakena yogyāni kathitāni manīṣibhiḥ |
āyādivicāraḥ |
āyavyayādi ṛkṣāṃścayoniḥ paścādvidhīyate || 28 ||
[Analyze grammar]

berodayaṃ triguṇitaṃ śiṣṭamāyaṃ nage hṛte |
caturbhirguṇitaṃ sapta sauravārādikaṃ dinam || 29 ||
[Analyze grammar]

berocca maṣṭaguṇitaṃ saptaviśadibhirhṛtam |
śiṣṭa maśvyādibhaṃ vindyāttaccheṣaṃ syāccaturguṇam || 30 ||
[Analyze grammar]

randhrehṛte navāṃśaṃ taccheṣaṃ bhāṃśayugairhṛtam |
berodayaṃ triguṇitaṃ yonissyā daṣṭabhirhṛtam || 31 ||
[Analyze grammar]

āyādhikye śubhaṃ prokta mṛṇavṛddhirvyayādhike |
vāreṣu saurisūryārairvinānye śubhadāssmṛtāḥ || 32 ||
[Analyze grammar]

taskaraṃ bhuktiśaktī ca dhanaṃ rājyaṃ klibādi ca |
nirhṛtya cādhanaṃ preṣyaṃ tannāmasadṛśaṃ phalam || 33 ||
[Analyze grammar]

nāmakartṛnṛparkṣādyā nāmarkṣānuguṇaṃ bhavet |
yadākāraṃ dhruvākāraṃ tadākāraṃ ca kautukam || 34 ||
[Analyze grammar]

āsane sthānakaṃvāpi śayāne sthāna māsanam |
deve sthite na devyau ca āsīne sthānakāsane || 35 ||
[Analyze grammar]

viparītaṃ na kurvīta sarvaśāstraviśāradāḥ |
tālaniyamaḥ |
śreṣṭhaṃ prādurbhavaṃ tālaṃ kevalaṃ keśavasya tu || 36 ||
[Analyze grammar]

taddevīnāṃ sarasvatyā madhyamaṃ daśatālakam |
candrendrānalakīnāśavaruṇānilaśūlinaḥ || 37 ||
[Analyze grammar]

ṛṣayo vasavo rudrā mārkaṇḍeyo'mito bhṛguḥ |
āryāścaiva guho hīnadaśatālamitā matāḥ || 38 ||
[Analyze grammar]

maruto'pi ca yakṣeśadevavadhvaśśubhāgrahāḥ |
tadhānyetu tridhā sādhyā navatālamitā matāḥ || 39 ||
[Analyze grammar]

daityayakṣeśa randhāśca siddhagandharvacāraṇāḥ |
kujārkarāhava śśreṣṭhanavatālena sammatāḥ || 40 ||
[Analyze grammar]

navatālairmunīṃścaiva gaṇāṃścaiva tu mānayet |
uṅgāścāraṇāścānye navatālamitodayāḥ || 41 ||
[Analyze grammar]

martyāścāṣṭāyatāḥ proktāḥ pretānāṃ saptatālakam |
ṣaḍyamāḥ kubjakāḥ proktā vāmanāḥ pañcatālagāḥ || 42 ||
[Analyze grammar]

bhūgatānāṃ catustālaṃ kinnarāstu tritālakāḥ |
kūśmāṇḍā dvitayāścaiva kabandhā stvekatālakā || 43 ||
[Analyze grammar]

śreṣṭhamadhyakaniṣṭhāni tritālānāntu tatra nai |
pravakṣyāmi madhūcchiṣṭakriyāṃ pratividhānataḥ || 44 ||
[Analyze grammar]

yajamānagṛhevāpi ālaye vā manorame |
alaṅkṛtya vitānādyaiḥ kuṇḍa maupāsanaṃ kriyāt || 45 ||
[Analyze grammar]

āghāraṃ vidhivatkṛtvā vaiṣṇavaṃ ca yajettathā |
viṣṇusūktaṃ ca hutvātu brāhmaṃ raudraṃ tathaiva ca || 46 ||
[Analyze grammar]

vīśaśaiṣikacakrāṃśca vighneśaṃ ca suhūyate |
tasyāgnerdakṣiṇe kuryā dvrīhibhi sthsaṃḍilaṃ tathā || 47 ||
[Analyze grammar]

caturaśraṃ tato vṛttaṃ samāstīrya yathā śubham |
cakraśaiṣikavīśāṃśca krameṇaiva supūjayet || 48 ||
[Analyze grammar]

śodhitaṃ tu madhūcchiṣṭa mādāya praṇavena tu |
iṣetvorje'tveti mantreṇa pradhānāṃgaṃ prakalpayet || 49 ||
[Analyze grammar]

akṣarāṇi ca sannyasya caivaṃ dhyātvābhimṛśya ca |
vaiṣṇavaṃ ca tato hutvā devā nanyānvisṛjya ca || 50 ||
[Analyze grammar]

devyādīnpārṣadāṃ statra tattanmantreṇa hūyatām |
tatsiddhaṃ śilpihaste tu nidhāyaiva hariṃsmaran || 51 ||
[Analyze grammar]

yathā nagendriyaṃ grāhyaṃ yoniṣveva samarpayet |
tathā tantu gṛhītvaiva sthāpanīyantu garbhakam || 52 ||
[Analyze grammar]

mānonmānapramāṇena matimān śilpinācaret |
śanairālipya saṃśoṣya mṛdbhiśca bahirāyasaiḥ || 53 ||
[Analyze grammar]

paṭṭairābaddhya vidhinā punarālipya śoṣayet |
yajamānānukūlarkṣe pūrvavaddhoma mācaret || 54 ||
[Analyze grammar]

tathā tulyaṃ ca saṃsthāpya jalatulyakrameṇa vai |
yuktāṃ siddhiṃ ca saṃprāpya taṃ ca garbhaṃ pratāpayet || 55 ||
[Analyze grammar]

śanairmṛdbhedanaṃ kṛtvā vidhinā beramāharet || 56 ||
[Analyze grammar]