Chapter 4

sumanturuvāca |
keśāntaḥ ṣoḍaśe varṣe brāhmaṇasya vidhīyate |
rājanyabandhordvāviṃśe vaiśyasya tryadhike tataḥ || 1 ||
[Analyze grammar]

amantrikā sadā kāryā strīṇāṃ cūḍā mahīpate |
saṃskārahetoḥ kāyasya yathākālaṃ vibhāgaśaḥ || 2 ||
[Analyze grammar]

vaivāhiko vidhiḥ strīṇāṃ saṃskāro naigamaḥ smṛtaḥ |
nivasedvā gurorvāpi gṛhe vāgniparikriyā || 3 ||
[Analyze grammar]

eṣa te kathito rājannaupanāyaniko vidhiḥ |
dvijātīnāṃ mahābāho utpattivyañjakaḥ paraḥ || 4 ||
[Analyze grammar]

karmayogamidānīṃ te kathayāmi mahābala |
upanīya guruḥ śiṣyaṃ prathamaṃ śaucamādiśet || 5 ||
[Analyze grammar]

ācāramagnikāryaṃ ca sandhyopāsanameva ca |
adhyāpayettu sacchiṣyānsadācānta udaṅmukhaḥ || 6 ||
[Analyze grammar]

brahmāñjalikaro nityamadhyāpyo vijitendriyaḥ |
laghuvāsāstathaikāgraḥ sumanā supratiṣṭhitaḥ || 7 ||
[Analyze grammar]

brahmārambhe'vasāne ca pādau pūjyau guroḥ sadā |
saṃhatya hastāvadhyeyaṃ sa hi brahmāñjaliḥ smṛtaḥ || 8 ||
[Analyze grammar]

vyatyastapāṇinā kāryamupasaṅgrahaṇaṃ guroḥ |
savyena savyaḥ spraṣṭavyo dakṣiṇena tu dakṣiṇaḥ || 9 ||
[Analyze grammar]

adhyeṣyamāṇaṃ tu gururnityakālamatandritaḥ |
adhīṣva bho iti brūyādvirāmo'stviti vārayet || 10 ||
[Analyze grammar]

brahmaṇaḥ praṇavaṃ kuryādādāvante ca sarvadā |
sravatyanoṅkṛtaṃ pūrvaṃ parastācca viśīryate || 11 ||
[Analyze grammar]

śrūyatāṃ cāpi rājendra yathoṅkāraṃ dvijo'rhati |
prākkūlānparyupāsīnaḥ pavitraiścaiva pāvitaḥ || 12 ||
[Analyze grammar]

prāṇāyāmaistribhiḥ pūtastatastvoṅkāramarhati |
oṃkāralakṣaṇaṃ cāpi śṛṇuṣva kurunandana || 13 ||
[Analyze grammar]

akāraṃ cāpyukāraṃ ca makāraṃ ca prajāpatiḥ |
vedatrayāttu nirgṛhya bhūrbhuvaḥ svaritīti ca || 14 ||
[Analyze grammar]

tribhya eva tu vedebhyaḥ pādaṃpādamadūduhat |
tadityṛco'syāḥ sāvitryāḥ parameṣṭhī prajāpatiḥ || 15 ||
[Analyze grammar]

etadakṣarametāṃ ca japanvyāhṛtipūrvikām |
sandhyayorubhayorvipro veda puṇyena yujyate || 16 ||
[Analyze grammar]

sahasrakṛtvastvabhyasya bahiretattrikaṃ dvijaḥ |
mahato'pyenaso māsāttvacevāhirvimucyate || 17 ||
[Analyze grammar]

etayarcā visaṃyuktaḥ kāle ca kriyayā svayā |
viprakṣatriyaviḍyonirgarhaṇāṃ yāti sādhuṣu || 18 ||
[Analyze grammar]

śṛṇuṣvaikamanā rājanparamaṃ brahmaṇo mukham |
oṃkārapūrvikāstisro mahāvyāhṛtayo'vyayāḥ || 19 ||
[Analyze grammar]

tripadā caiva sāvitrī vijñeyā brahmaṇo mukham |
yo'dhīte'hanyahanyetāṃ trīṇi varṣāṇyatandritaḥ || 20 ||
[Analyze grammar]

sa brahma paramabhyeti vāyubhūtaḥ khamūrtimān |
ekākṣaraṃ paraṃ brahma prāṇāyāmaḥ parantapa || 21 ||
[Analyze grammar]

sāvitryāstu paraṃ nāsti maunātsatyaṃ viśiṣyate |
tapaḥ kiyā homakriyā tathā dānakriyā nṛpa || 22 ||
[Analyze grammar]

akṣayāntāḥ sadā rājanyathāha bhagavānmanuḥ |
avaraṃ svakṣaraṃ jñeyaṃ brahma caiva prajāpatiḥ || 23 ||
[Analyze grammar]

vidhiyajñātsadā rājañjapayajño viśiṣyate |
nānāvidhairguṇoddeśaiḥ sūkṣmākhyātairnṛpottama || 24 ||
[Analyze grammar]

pāṃśuḥ syāllakṣaguṇaḥ sahasro mānasaḥ smṛtaḥ |
ye pākayajñāścatvāro vidhiyajñena cānvitāḥ || 25 ||
[Analyze grammar]

sarve te japayajñasya kalāṃ nārhanti ṣoḍaśīm |
japādeva tu saṃsidhyeddbrāhmaṇo nātra saṃśayaḥ || 26 ||
[Analyze grammar]

kuryādanyanna vā kuryānmaitro brāhmaṇa ucyate |
pūrvāṃ sandhyāṃ japaṃstiṣṭhetsāvitrīmārkadarśanāt || 27 ||
[Analyze grammar]

paścimāṃ tu samāsīnaḥ samyagṛkṣavibhāvanāt |
dinasyādau bhavetpūrvā śarvaryādau tathā parā || 28 ||
[Analyze grammar]

sanakṣatrā parā jñeyā aparā sadivākarā |
japaṃstiṣṭhanparāṃ sandhyāṃ naiśameno vyapohati || 29 ||
[Analyze grammar]

aparāṃ tu samāsīno malaṃ hanti divākṛtam |
nopatiṣṭhati yaḥ pūrvāṃ nopāste paścimāṃ nṛpa || 30 ||
[Analyze grammar]

sa śūdravadbahiṣkāryaḥ sarvasmāddvijakarmaṇaḥ |
apāṃ samīpe niyato naityakaṃ vidhimāsthitaḥ || 31 ||
[Analyze grammar]

sāvitrīmapyadhīyīta gatyā'raṇyaṃ samāhitaḥ |
vedopakaraṇe rājansvādhyāye caiva naityake || 32 ||
[Analyze grammar]

nātra doṣostyanadhyāye homamantreṣu vā vibho |
naityake nāstvanadhyāyo brahmasatraṃ hi tatkṛtam || 33 ||
[Analyze grammar]

brahmāhutihutaṃ puṣyamanadhyāyavaṣaṭkṛtam |
ṛgekāṃ yastvadhīyīta vidhinā niyato dvijaḥ || 34 ||
[Analyze grammar]

tasya nityaṃ kṣaratyeṣā payo medhyaṃ ghṛtaṃ madhu |
agniśuśrūṣaṇaṃ bhaikṣamadhaḥ śayyāṃ gurorhitam || 35 ||
[Analyze grammar]

āsamāvartanātkuryātkṛtopanayano dvijaḥ |
ācāryaputraśuśrūṣāṃ jñānado dhārmikaḥ śuciḥ || 36 ||
[Analyze grammar]

āptaḥ śaktonnadaḥ sādhuḥ svādhyāpyā daśa dharmataḥ |
nāpṛṣṭaḥ kasyacidbrūyānna cānyāyena pṛcchataḥ || 37 ||
[Analyze grammar]

jānannapi hi medhāvī jaḍavalloka ācaret |
adharmeṇa ca yaḥ prāha yaścādharmeṇa pṛcchati || 38 ||
[Analyze grammar]

tayoranyataraḥ praiti vidveṣaṃ vā nigacchati |
dharmārthau yatra na syātāṃ śuśrūṣā cāpi tadvidhā |
na tatra vidyā vaptavyā śubhaṃ bījamivoṣare || 39 ||
[Analyze grammar]

vidyayaiva samaṃ kāmaṃ martavyaṃ brahmavādinā |
āpadyapi hi ghorāyāṃ na tvenāmīriṇe vapet || 40 ||
[Analyze grammar]

vidyā brāhmaṇamityāha śevadhiste'smi rakṣa mām |
asūyakāya mā prādāstathā syāṃ vīryavattamā || 41 ||
[Analyze grammar]

śevaṃ sukhamuśantīha kecijjñānaṃ pracakṣate |
tau dhārayati vai yasmācchevadhistena socyate || 42 ||
[Analyze grammar]

yameva tu śuciṃ vidyānniyataṃ brahmacāriṇam |
tasmai māṃ brūhi viprāya nidhipāyāpramādine || 43 ||
[Analyze grammar]

brahma yastvananujñātamadhīyānādavāpnuyāt || 44 ||
[Analyze grammar]

laukikaṃ vaidikaṃ vāpi tathādhyātmikameva ca |
sa yāti narakaṃ ghoraṃ rauravaṃ bhīmadarśanam || 45 ||
[Analyze grammar]

aṇumātrātmakaṃ dehaṃ ṣoḍaśārdhamiti smṛtam |
ādadīta yato jñānaṃ taṃ pūrvamabhivādayet || 46 ||
[Analyze grammar]

sāvitrīsāramātro'pi varo vipraḥ suyantritaḥ |
nāyantritastrivedo'pi sarvāśī sarvavikrayī || 47 ||
[Analyze grammar]

śayyāsanedhyācarite śreyasā na samāviśet |
śayyāsanasthaścaivenaṃ pratyutthāyābhivādayet || 48 ||
[Analyze grammar]

ūrdhvaṃ prāṇā hyutkrāmanti yūnaḥ sthavira āgate |
pratyutthānābhivādābhyāṃ punastānpratipadyate || 49 ||
[Analyze grammar]

abhivādanaśīlasya nityaṃ vṛddhopasevinaḥ |
catvāri samyagvardhante āyuḥ prajñā yaśo balam || 50 ||
[Analyze grammar]

abhivādaparo vipro jyāyāṃsamabhivādayet |
asau nāmāhamasmīti svanāma parikīrtayet || 51 ||
[Analyze grammar]

nāmadheyasya ye kecidabhivādaṃ na jānate |
tānprājño'hamiti brūyātstriyaḥ sarvāstathaiva ca || 52 ||
[Analyze grammar]

bhoḥ śabdaṃ kīrtayedante svasya nāmnobhivādane |
nāmnaḥ svarūpabhāvo hi bho bhāva ṛṣibhiḥ smṛtaḥ || 53 ||
[Analyze grammar]

āyuṣmānbhava saumyeti vācyo vipro'bhivādane |
akāraścāsya nāmno'nte vācyaḥ pūrvākṣaraḥ plutaḥ || 54 ||
[Analyze grammar]

yo na vettyabhivādasya vipraḥ pratyabhivādanam |
nābhivādyaḥ sa viduṣā yathā śūdrastathaiva saḥ || 55 ||
[Analyze grammar]

abhivāde kṛte yastu na karotyabhivādanam |
āśīrvā kuruśārdūla sa yāti narakaṃ dhruvam || 56 ||
[Analyze grammar]

abhīti bhagavānviṣṇuाrvādayāmīti śaṅkaraḥ |
dvāveva pūjitau tena yaḥ karotyabhivādanam || 57 ||
[Analyze grammar]

brāhmaṇaṃ kuśalaṃ pṛcchetkṣatrabandhumanāmayam |
vaiśyaṃ kṣemaṃ samāgamya śūdramārogyameva tu || 58 ||
[Analyze grammar]

na vācyo dīkṣito nāmnā yavīyānapi yo bhavet |
bho bhavatpūrvakatvena iti svāyambhuvo'bravīt || 59 ||
[Analyze grammar]

parapatnī tu yā rājannasambaddhā tu yonitaḥ |
vaktavyā bhavatītyevaṃ subhage bhaganīti ca || 60 ||
[Analyze grammar]

pitṛvyānmātulānrājañchvaśurānṛtvijo gurūn |
asāvahamiti brūyātpratyutthāya jaghanyajaḥ || 61 ||
[Analyze grammar]

mātṛṣvasā mātulānī śvaśrūratha pitṛṣvasā |
sampūjyā gurupatnī ca samāstā gurubhāryayā || 62 ||
[Analyze grammar]

jyeṣṭhasya bhrāturyā bhāryā savarṇāhanyahanyapi |
2 pūjayanprayato vipro yāti viṣṇusado nṛpa || 63 ||
[Analyze grammar]

pravāsādetya sampūjyā jñātisambandhiyoṣitaḥ |
pituryā bhaginī rājanmātuścāpi viśāmpate || 64 ||
[Analyze grammar]

ātmano bhaginī yā ca jyeṣṭhā kurukulodvaha |
sadā svamātṛvaddhṛttimātiṣṭhedbhāratottama || 65 ||
[Analyze grammar]

garīyasī tatastābhyo mātā jñeyā narādhipa |
putramitrabhāgineyā draṣṭavyā hyātmanā samāḥ || 66 ||
[Analyze grammar]

daśābdākhyaṃ paurasakhyaṃ pañcābdākhyaṃ kalābhṛtām |
abdapūrvaṃ śrotriyāṇāṃ svalpenāpi svayoniṣu || 67 ||
[Analyze grammar]

brāhmaṇaṃ daśavarṣaṃ ca śatavarṣaṃ ca bhūmipam |
pitāputrau vijānīyādbrāhmaṇastu tayoḥ pitā || 68 ||
[Analyze grammar]

ityevaṃ kṣatriyapitā vaiśyasyāpi pitāmahaḥ |
prapitāmahaśca śūdrasya prokto vipro manīṣibhiḥ || 69 ||
[Analyze grammar]

vittaṃ bandhurvayaḥ karma vidyā bhavati pañcamī |
etāni mānyasthānāni garīyo yadyaduttaram || 70 ||
[Analyze grammar]

pañcānāṃ triṣu vargeṣu bhūyāṃsi guṇavanti ca |
yasya syuḥ so'tra mānārhaḥ śūdro'pi daśamīṃ gataḥ || 71 ||
[Analyze grammar]

cakriṇo daśamīsthasya rogiṇo bhāriṇaḥ 1 striyāḥ |
snātakasya tu rājñaśca panthā deyo varasya ca || 72 ||
[Analyze grammar]

eṣāṃ samāgame tāta pūjyau snātakapārthivau |
ābhyāṃ samāgame rājansnātako nṛpamānabhāk || 73 ||
[Analyze grammar]

adhyāpayedyastu śiṣyaṃ kṛtvopanayanaṃ dvijaḥ |
sarahasyaṃ sakalpaṃ ca vedaṃ bharatasattama |
tamācāryaṃ mahābāho pravadanti manīṣiṇaḥ || 74 ||
[Analyze grammar]

ekadeśaṃ tu vedasya vedāṅgānyapi vā punaḥ |
yo'dhyāpayati vṛttyarthamupādhyāyaḥ sa ucyate || 75 ||
[Analyze grammar]

niṣekādīni kāryāṇi yaḥ karoti nṛpottama |
adhyāpayati cānyena sa vipro gururucyate || 76 ||
[Analyze grammar]

agnyādheyaṃ pākayajñānagniṣṭomādikānmakhān |
yaḥ karoti vṛto yasya sa tasyartvigihocyate || 77 ||
[Analyze grammar]

ya āvṛṇotyavitathaṃ brahmaṇā śravaṇāvubhau |
sa mātā sa pitā jñeyastaṃ na druhyetkathañcana 1 || 78 ||
[Analyze grammar]

upādhyāyāndaśācāryaṃ ācāryāṇāṃ śataṃ pitā |
sahasreṇa piturmātā gauraveṇātiricyate || 79 ||
[Analyze grammar]

utpādakabrahmadātrorgarīyānbrahmadaḥ pitā |
brahmajanma hi viprasya pretya ceha ca śāśvatam || 80 ||
[Analyze grammar]

kāmānmātā pitā cainaṃ yadutpādayato mithaḥ |
sambhūtiṃ tasya tāṃ vidyādyadyonāvabhijāyate || 81 ||
[Analyze grammar]

ācāryastasya tāṃ jātiṃ vidhidvedapāragaḥ |
utpādayati sāvitryā sā satyā sā'jarāmarā || 82 ||
[Analyze grammar]

upādhyāyamāditaḥ kṛtvā ye pūjyāḥ kathitāstava |
mahāgururmahābāho sarveṣāmadhikaḥ smṛtaḥ || 83 ||
[Analyze grammar]

sahasraśatasaṃkhyo'sāvācāryāṇāmidaṃ matam |
caturṇāmapi varṇānāṃ sa mahāgururucyate || 84 ||
[Analyze grammar]

śatānīka uvāca |
ya ete bhavatā proktā upādhyāyamukhā dvijāḥ |
viditā eva me sarve na mahāgurureva hi || 85 ||
[Analyze grammar]

sumanturuvāca |
jayopajīvī yo vipraḥ sa mahāgururucyate |
aṣṭādaśapurāṇāni rāmasya caritaṃ tathā || 86 ||
[Analyze grammar]

viṣṇudharmādayo dharmāḥ śivadharmāśca bhārata |
kārṣṇaṃ vedaṃ pañcamaṃ tu yanmahābhārataṃ smṛtam || 87 ||
[Analyze grammar]

śrautā 1 dharmāśca rājendra nāradoktā mahīpate |
jayeti nāma eteṣāṃ pravadanti manīṣiṇaḥ || 88 ||
[Analyze grammar]

evaṃ viprakadambasya dhārakaḥ2 pravaraḥ smṛtaḥ |
yastvetāni samastāni purāṇānīha vindati || 89 ||
[Analyze grammar]

bhārataṃ ca mahābāho sa sarvajño mato nṛṇām |
tasmātsa pūjyo rājendra varṇairviprādibhiḥ sadā || 90 ||
[Analyze grammar]

kiṃ tvayā na śrutaṃ vākyaṃ yadāha bhagavānvibhuḥ |
alpaṃ vā bahu vā yasya śrutasyopakaroti yaḥ |
tamapīha guruṃ vidyācchrutopakriyayā tayā3 || 91 ||
[Analyze grammar]

brāhmasya janmanaḥ kartā svadharmasya ca śāsitā |
bālo'pi vipro vṛddhasya pitā bhavati dharmataḥ 4 || 92 ||
[Analyze grammar]

adhyāpayāmāsa pitṝñchiśurāṅgirasaḥ kaviḥ |
putrakā iti hovāca jñānena parigṛhya tām || 93 ||
[Analyze grammar]

te tamarthamapṛcchanta devānāgatamanyavaḥ |
devāścaitānsametyocurnyāyyaṃ vai śiśuruktavān || 94 ||
[Analyze grammar]

ajño bhavati vai bālaḥ pitā bhavati mantradaḥ |
ajñaṃ hi bālamityāhuḥ pitetyeva tu mantradam || 95 ||
[Analyze grammar]

pitāmaheti jayadamityūcuste divaukasaḥ |
jayo mantrāstathā vedā dehamekaṃ tridhā kṛtam || 96 ||
[Analyze grammar]

nahāyanairna palitairna mitreṇa na bandhubhiḥ |
ṛṣayaścakrire dharmaṃ yo'nūcānaḥ sa no mahān || 97 ||
[Analyze grammar]

brāhmaṇakṣatriyaviśāṃ śūdrāṇāṃ ca viśāṃpate |
jyeṣṭhaṃ vandanti rājendra sandehaṃ śṛṇu vai yathā || 98 ||
[Analyze grammar]

jñānato vīryato rājandhanato janmatastathā |
śīlatastu pradhānā ye te pradhānā matā mama || 99 ||
[Analyze grammar]

na tena sthaviro bhavati yenāsya palitaṃ śiraḥ |
yo vai yuvāpyadhīyānastaṃ devāḥ sthaviraṃ viduḥ || 100 ||
[Analyze grammar]

yathā kāṣṭhamayo hastī yathā carmamayo mṛgaḥ |
yaśca vipro'nadhīyānastrayaste nāma 1 bibhrati || 101 ||
[Analyze grammar]

yathā yoṣā'phalā strīṣu yathā gaurgavi cāphalā |
yathā cājñe'phalaṃ dānaṃ yathā vipro'nṛco'phalaḥ || 102 ||
[Analyze grammar]

vaiśvadevena ye hīnā ātithyena vivarjitāḥ |
sarve tu vṛṣalā jñeyāḥ prāptavedā api dvijāḥ || 103 ||
[Analyze grammar]

nānṛgbrāhmaṇo bhavati na vaṇiṅna kuśīlavaḥ |
na śūdraḥ preṣaṇaṃ kurvannasteno na cikitsakaḥ || 104 ||
[Analyze grammar]

avratā hyanadhīyānā yatra bhaikṣacarā dvijāḥ |
taṃ grāmaṃ daṇḍayedrājā corabhaktaprado hi saḥ || 105 ||
[Analyze grammar]

santuṣṭo yatra vai vipraḥ sāgnikaḥ kurunandana |
yāti sāphalyatāṃ vedairdevairevaṃ hi bhāṣitam || 106 ||
[Analyze grammar]

vedairuktaṃ yathā vīra surajyeṣṭhamupetya vai |
vepante brāhmaṇā bhūmāvabhyasyanti hyanagnikāḥ |
kliśyante te kimarthaṃ hi mūḍhā vai phalakāmyayā || 107 ||
[Analyze grammar]

anuṣṭhānavihīnānāmasmānabhyasatāṃ bhuvi |
kleśo hi kevalaṃ deva nāsmadabhyasane phalam || 108 ||
[Analyze grammar]

anuṣṭhānaṃ paraṃ devamasmatsvabhyasanātsadā |
ityevaṃ rājaśārdūla vedā ūcurhi vedhasam |
tasmācca vedābhyasanādanuṣṭhānaṃ paraṃ matam || 109 ||
[Analyze grammar]

catvāro vā trayo vāpi yadbrūyurvedapāragāḥ |
sa dharma iti vijñeyo netareṣāṃ sahasraśaḥ || 110 ||
[Analyze grammar]

yadvadanti tamomūḍhā mūrkhā dharmamajānataḥ || 1 ||
[Analyze grammar]

tatpāpaṃ śatadhā bhūtvā vaktṝnevānugacchati || 111 ||
[Analyze grammar]

śaucahīne vratabhraṣṭe vipre vedavivarjite |
dīyamānaṃ rudatyannaṃ ki mayā duṣkṛtaṃ kṛtam || 112 ||
[Analyze grammar]

japopajīvine dattaṃ yadātmānaṃ prapaśyati |
nṛtyati sma tadā rājankarāvuddhṛtya bhārata || 113 ||
[Analyze grammar]

vidyātapobhyāṃ sampanne brāhmaṇe gṛhamāgate |
krīḍantyauṣadhayaḥ sarvā yāsyāmaḥ paramāṃ gatim || 114 ||
[Analyze grammar]

1 avratānāmamantrāṇāmajapānāṃ ca bhārata |
pratigraho na dātavyo na śilā tārayecchilām || 115 ||
[Analyze grammar]

śrotriyāyaiva deyāni havyakavyāni nityaśaḥ |
aśrotriyāya dattāni na pitṝnnāpi 2 devatāḥ || 116 ||
[Analyze grammar]

yasya caiva gṛhe mūrkho dūre cāpi bahuśrutaḥ |
bahuśrutāya dātavyaṃ nāsti mūrkhavyatikramaḥ || 117 ||
[Analyze grammar]

brāhmaṇātikramo nāsti mūrkhe japavivarjite |
jvalantamagnimutsṛjya na hi bhasmani hūyate || 118 ||
[Analyze grammar]

na caitadeva manyante . pitaro devatāstathā |
saguṇaṃ nirguṇaṃ vāpi brāhmaṇaṃ daivataṃ param || 119 ||
[Analyze grammar]

nātikramedgṛhāsīnaṃ brāhmaṇaṃ viprakarmaṇi || 3 ||
[Analyze grammar]

atikramanmahābāho rauravaṃ yāti bhārata || 120 ||
[Analyze grammar]

gāyatrīmātrasāro'pi brāhmaṇaḥ pūjyatāṃ gataḥ |
gṛhāsanno viśeṣeṇa na bhavetpatitastu saḥ || 121 ||
[Analyze grammar]

dhānyaśūnyo yathā grāmo yathā kūpaśca nirjalaḥ |
brāhmaṇaścānadhīyānastrayaste nāmadhārakāḥ || 122 ||
[Analyze grammar]

yastvekapaṅktyāṃ viṣamaṃ dadāti snehādbhayādvā yadi vārthahetoḥ |
vedeṣu dṛṣṭamṛṣibhiśca gītaṃ tāṃ brahmahatyāṃ munayo vadanti || 123 ||
[Analyze grammar]

ahiṃsayaiva bhūtānāṃ kāryaṃ śreyo'nuśāsanam |
vākcaiva madhurā ślakṣṇā prayojyā dharmamīpsatā || 124 ||
[Analyze grammar]

yasya vāṅmanasī śuddhe satyagupte ca bhārata |
sa vai sarvamavāpnoti vedāntopagataṃ phalam || 125 ||
[Analyze grammar]

nāruntudaḥ syādārto'pi na paradrohakarmadhīḥ |
yayāsyo dvijate loko na tāṃ vācamudīrayet || 126 ||
[Analyze grammar]

yatkaroti śubhaṃ vācā 1 procyamānā manīṣibhiḥ |
śrūyatāṃ kuruśārdūla sadā cāpi tathocyatām || 127 ||
[Analyze grammar]

na tathā śaśī na salilaṃ na candanaraso na śītalacchāyā |
prahlādayati ca puruṣaṃ yathā madhurabhāṣiṇī vāṇī || 128 ||
[Analyze grammar]

arhaṇādbrāhmaṇo nityamudvijeta viṣādiva |
amṛtasyeva cākāṃkṣedapamānasya sarvadā || 129 ||
[Analyze grammar]

sukhaṃ hyavamataḥ śete sukhaṃ ca pratibudhyate |
sukhaṃ carati lokesminnavamantā vinaśyati || 130 ||
[Analyze grammar]

anena vidhinā rājansaṃskṛtātmā dvijaḥ śanaiḥ |
gurau vasansecinuyādbrahmādhigamidaṃ tapaḥ || 131 ||
[Analyze grammar]

tapoviśeṣairvividhairvrataiśca vividhoditaiḥ |
vedaḥ kṛtsnodhigantavyaḥ sarahasyo dvijanmanā || 132 ||
[Analyze grammar]

vedamevābhyasennityaṃ tapastapyaṃ dvijottamaḥ |
vedābhyāso hi viprasya tapaḥ paramihocyate || 133 ||
[Analyze grammar]

āhaiva sa nakhāgrebhyaḥ paramaṃ tapyate tapaḥ |
yaḥ supto'pi dvijo'dhīte svādhyāyaṃ śaktito'nvaham || 134 ||
[Analyze grammar]

yo'nadhītya dvijo vedamanyatra kurute śramam |
sa jīvanneva śūdratvamāśu gacchati sānvayaḥ || 135 ||
[Analyze grammar]

na yasya vedo na japo na vidyāśca viśāmpate |
sa śūdra eva mantavya ityāha bhagavānvibhuḥ || 136 ||
[Analyze grammar]

māturagre ca jananaṃ dvitīyo mauñjibandhanam |
tṛtīyo yajñadīkṣāyāṃ dvijasya vidhirīritaḥ || 137 ||
[Analyze grammar]

tatra yadbrahma janmāsya mauñjībandhanacihnitam || 138 ||
[Analyze grammar]

tatrāsya mātā sāvitrī pitā tvācārya ucyate |
vedapradānāttvācāryaṃ pitaraṃ manurabravīt || 139 ||
[Analyze grammar]

na hyasya vidyate karma kiñcidāmauñjibandhanāt |
nābhivyāhārayedbrahama svadhāninayanādṛte 1 || 140 ||
[Analyze grammar]

śūdreṇa tu samaṃ tāvadyāvadvede na jāyate |
kṛtopanayanasyāsya vratādeśanamiṣyate |
brahmaṇo grahaṇaṃ caiva krameṇa vidhipūrvakam || 141 ||
[Analyze grammar]

yatsūtraṃ cāpi yaccarma yā yā cāsya ca mekhalā |
vasanaṃ cāpi yo daṇḍastadvai tasya vrateṣvapi || 142 ||
[Analyze grammar]

sevetemāṃstu niyamānbrahmacārī gurau vasan |
sanniyamyendriyagrāmaṃ tapovṛddhyarthamātmanaḥ || 143 ||
[Analyze grammar]

vṛndārakarṣipitṝṇāṃ kuryāttarpaṇameva hi |
narāṇāṃ ca mahābāho nityaṃ snātvā prayatnataḥ || 144 ||
[Analyze grammar]

puṣpaṃ toyaṃ phalaṃ cāpi samidādhānameva 3 ca |
nānāvidhāni kāṣṭhāni mṛttikāṃ ca tathā kuśān || 145 ||
[Analyze grammar]

varjayenmadhu māṃsaṃ ca gandhamālyarathānstriyaḥ |
śuklāni caiva sarvāṇi prāṇināṃ 1 caiva hiṃsanam || 146 ||
[Analyze grammar]

abhyaṅgamañjanaṃ cākṣṇorupānacchatradhāraṇam |
saṃkalpaṃ kāmajaṃ krodhaṃ lobhaṃ gītaṃ ca vādanam || 147 ||
[Analyze grammar]

nartanaṃ ca tathā dyūtaṃ janavādaṃ tathānṛtam |
parivādaṃ cāpi vibho dūrataḥ parivarjayet || 148 ||
[Analyze grammar]

strīṇāṃ ca prekṣaṇālambo rapavītaṃ2 parasya ca |
puṃścalībhistathā saṅgaṃ na kuryātkurunandana || 149 ||
[Analyze grammar]

ekaḥ śayīta sarvatra na retaḥ skandayetkvacit |
kāmāddhi skandayanreto hinasti vratameva tu || 150 ||
[Analyze grammar]

suptaḥ kṣaranbrahmacārī dvijaḥ śukramakāmataḥ |
snātvārkamarcayitvā tu punarmāmityṛcaṃ japet || 151 ||
[Analyze grammar]

manorapi tathā cātra śrūyate paramaṃ vacaḥ |
udakumbhaṃ sumanaso gośakṛnmṛttikāṃ kuśān |
āharedyāvadarthānhi bhaikṣaṃ cāpi hi nityaśaḥ || 152 ||
[Analyze grammar]

gṛheṣu yeṣāṃ kartavyaṃ tāñchṛṇuṣva nṛpottama |
svakarmasu ratā ye vai tathā vedeṣu ye ratāḥ |
yajñeṣu cāpi rājendra ye ca śraddhāsamāśritāḥ || 153 ||
[Analyze grammar]

brahmacāryā haredbhaikṣaṃ gṛhebhyaḥ prayato'nvaham |
guroḥ kule na bhikṣet svajñātikulabandhuṣu || 154 ||
[Analyze grammar]

alābhe tvanyagotrāṇāṃ pūrvaṃ pūrvaṃ vivarjayet |
sarvaṃ cāpi caredgrāmaṃ pūrvoktānāmasambhave |
antyavarjaṃ mahābāho ityāha bhagavānvibhuḥ || 155 ||
[Analyze grammar]

vācaṃ niyamya prayatastvagniṃ śastraṃ ca varjayet |
cāturvarṇyaṃ caredbhaikṣamalābhe kurunandana || 156 ||
[Analyze grammar]

ārādāhṛtya samidhaḥ. sannidadhyād gṛhopari |
sāyaṃprātastu juhuyāttābhiragnimatandritaḥ || 157 ||
[Analyze grammar]

bhaikṣācaraṇamakṛtvā na tamagniṃ samidhya vai |
anāturaḥ saptarātramavakīrṇivrataṃ caret || 158 ||
[Analyze grammar]

vartanaṃ cāsya bhaikṣeṇa pravadanti manīṣiṇaḥ |
tasmādbhaikṣeṇa vai nityaṃ naikānnādī bhavedyatī || 159 ||
[Analyze grammar]

bhaikṣeṇa vratino vṛttirupavāsasamā smṛtā |
daivatye vratavadrājanpitrye karmaṇyatharṣivat |
kāmamabhyarthito'śnīyādvratamasya na lupyate || 160 ||
[Analyze grammar]

brāhmaṇasya mahābāho karma yatsamudāhṛtam |
rājanyavaiśyayornaitatpaṇḍitaiḥ kurunandana || 161 ||
[Analyze grammar]

codito'codito 1 vāpi guruṇā nityameva hi |
kuryādadhyayane yogamācāryasya hiteṣu ca || 162 ||
[Analyze grammar]

buddhīndriyāṇi manasā śarīraṃ vācameva hi |
niyamya prāñjalistiṣṭhedvīkṣamāṇo gurormukham || 163 ||
[Analyze grammar]

nityamuddhṛtapāṇiḥ syātsādhvācārastu saṃyataḥ |
āsyatāmiti coktaḥ sannāsītābhimukhaṃ guroḥ || 164 ||
[Analyze grammar]

vastraveṣaistathānnaistu hīnaḥ syādgurusannidhau |
uttiṣṭhetprathamaṃ cāsya jaghanyaṃ cāpi saṃviśet || 165 ||
[Analyze grammar]

pratiśravaṇasambhāṣe talpastho na samācaret |
na cāsīno na bhuñjāno na tiṣṭhanna parāṅmukhaḥ || 166 ||
[Analyze grammar]

āsīnasya sthitaḥ kuryādabhigacchaṃśca tiṣṭhataḥ |
pratyudgantā tu vrajataḥ paścāddhāvaṃśca dhāvataḥ || 167 ||
[Analyze grammar]

parāṅmukhasyābhimukho dūrasthasyaitya cāntikam |
namaskṛtya śayānasya nideśe tiṣṭhetsarvadā || 168 ||
[Analyze grammar]

nīcaṃ śayyāsanaṃ cāsya sarvadā gurusannidhau |
gurośca cakṣurviṣaye na yatheṣṭāsano bhavet || 169 ||
[Analyze grammar]

nāmoccāraṇamevāsya parokṣamapi suvrata |
na cainamanukurvīta gatibhāṣaṇaceṣṭitaiḥ || 170 ||
[Analyze grammar]

parīvādastathā nindā guroryatra pravartate |
karṇau tatra pidhātavyo gantavyaṃ vā tato'nyataḥ || 171 ||
[Analyze grammar]

parīvādādrāsabhaḥ syātsārameyastu nindakaḥ |
paribhoktā kṛmirbhavati kīṭo bhavati matsarī || 172 ||
[Analyze grammar]

dūrastho nārcayedenaṃ na kruddho nāntike striyāḥ |
yānāsanagato rājannavaruhyābhivādayet || 173 ||
[Analyze grammar]

pratikūle samāne tu nāsīta guruṇā saha |
aśṛṇvaṃti gurau rājanna kiñcidapi kīrtayet || 174 ||
[Analyze grammar]

gośvoṣṭrayānaprāsādaprastareṣu kaṭeṣu ca |
āsīta guruṇā sārdhaṃ śilāphalaka nauṣu ca || 175 ||
[Analyze grammar]

gurorgurau sannihite guruvadvṛttimācaret |
guruputreṣu cāryeṣu guroścaiva svabandhuṣu || 176 ||
[Analyze grammar]

bālaḥ samānajanmā vā viśiṣṭo yajñakarmaṇi |
adhyāpayangurusuto guruvanmānamarhati || 177 ||
[Analyze grammar]

utsādanamathāṅgānāṃ snāpanocchiṣṭabhojane |
pādayornejana rājanguruputreṣu varjayet || 178 ||
[Analyze grammar]

guruvatpratipūjyāstu savarṇā guruyoṣitaḥ |
asavarṇāstu sampūjyāḥ pratyutthānābhivādanaiḥ || 179 ||
[Analyze grammar]

abhyañjanaṃ sa snapanaṃ gātrotsādanameva ca |
gurupatnyā na kāryāṇi keśānāṃ ca prasādhanam || 180 ||
[Analyze grammar]

gurupatnīṃ tu yuvatīṃ nābhivādeta pādayoḥ |
pūrṇaviṃśativarṣeṇa guṇadoṣau vijānatā || 181 ||
[Analyze grammar]

svabhāva eva nārīṇāṃ narāṇāmiha dūṣaṇam |
atorthānna pramādyanti pratipādya vipaścitaḥ || 182 ||
[Analyze grammar]

avidvāṃsamalaṃ loke vidvāṃsamapi vā punaḥ |
pramadā hyutpathaṃ netuṃ kāmakrodhavaśānugam || 183 ||
[Analyze grammar]

mātrā svasrā duhitrā vā na viviktāsano bhavet |
balavānindriyagrāmo vidvāṃsamapi karṣati || 184 ||
[Analyze grammar]

rājendra gurupatnīnāṃ yuvatīnāṃ yuvā bhuvi |
vidhivadvandanaṃ kuryādasāvahamiti bruvan || 185 ||
[Analyze grammar]

vipro'sya pādagrahaṇamanvahaṃ cābhivādanam |
gurudāreṣu kurvīta satāṃ dharmamanusmaran || 186 ||
[Analyze grammar]

yathā khanankhanitreṇa jalamāpnoti mānavaḥ |
tathā gurugatāṃ vidyāṃ śuśrūṣuradhigacchati || 187 ||
[Analyze grammar]

muṇḍo vā jaṭilo vā syādatha vā syācchikhī jaṭī |
nainaṃ grāme'bhinimlocedarko nābhyudiyātkvacit || 188 ||
[Analyze grammar]

taṃ cedabhyudiyātsūryaḥ śayānaṃ kāmakārataḥ |
nimlocedvāpyabhijñānājjapannupavaseddinam || 189 ||
[Analyze grammar]

sūryeṇa hyabhinirmuktaḥ śayānobhyuditaśca yaḥ |
prāyaścittamakurvāṇo yuktaḥ syānmahatainasā || 190 ||
[Analyze grammar]

upaspṛśya mahārāja ubhe sandhye samāhitaḥ |
śucau deśe japañjapyamupāsīta yathāvidhi || 191 ||
[Analyze grammar]

yadi strī yadyavarajaḥ śreyaḥ kiñcitsamācaret |
tatsarvamācaredyukto yatra vā ramate manaḥ || 192 ||
[Analyze grammar]

dharmārthāvucyate śreyaḥ kāmārthau dharmameva ca |
artha eveha vā śreyastrivarga iti saṃsthitiḥ || 193 ||
[Analyze grammar]

pitā mātā tathā bhrātā ācāryāḥ kurunandana |
nārtenāpyavamantavyā brāhmaṇena viśeṣataḥ || 194 ||
[Analyze grammar]

ācāryo brahmaṇo mūrtiḥ pitā mūrtiḥ prajāpateḥ |
mātāpyathāditermūrtirbhrātā syānmūrtirātmanaḥ || 195 ||
[Analyze grammar]

yanmātā pitarau kleśaṃ sahete sambhave nṛṇām |
na tasya niṣkṛtiḥ śakyā kartuṃ varṣaśatairapi || 196 ||
[Analyze grammar]

tayornityaṃ priyaṃ kuryādācāryasya ca bhārata |
teṣu hi triṣu tuṣṭeṣu tapaḥ sarvaṃ samāpyate || 197 ||
[Analyze grammar]

teṣāṃ trayāṇāṃ śuśrūṣā paramaṃ tapa ucyate |
na tairanabhyanujñāto dharmamanyaṃ samācaret || 198 ||
[Analyze grammar]

ta eva hi trayo lokāsta eva traya āśramāḥ || 1 ||
[Analyze grammar]

ta eva ca trayo vedāsta evoktāstrayo'gnayaḥ || 199 ||
[Analyze grammar]

mātā vai gārhapatyāgniḥ pitā vai dakṣiṇaḥ smṛtaḥ |
gururāhavanīyaśca sāgnitretā garīyasī || 200 ||
[Analyze grammar]

triṣu tuṣṭeṣu caiteṣu trīṃllokāñjayate gṛhī |
dīpyamānaḥ svavapuṣā devavaddivi modate || 201 ||
[Analyze grammar]

imaṃ lokaṃ pitṛbhaktyā mātṛbhaktyā tu madhyamam |
guruśuśrūṣayā caiva gacchecchakrasalokatām || 202 ||
[Analyze grammar]

sarve tenādṛtā dharmā yasyaite traya ādṛtāḥ |
anādṛtāstu yenaite sarvāstasyāphalāḥ || 203 ||
[Analyze grammar]

yāvattrayaste jīveyustāvannānyatsamācaret |
teṣveva nityaṃ śuśrūṣāṃ kuryātpriyahite rataḥ || 204 ||
[Analyze grammar]

teṣāmanuparodhena pārthakyaṃ 2 yadyadācaret |
tattannivedayettebhyo manovacanakarmabhiḥ || 205 ||
[Analyze grammar]

triṣveteṣviti kṛtyaṃ hi puruṣasya samāpyate |
eṣa dharmaḥ paraḥ sākṣādupadharmo'nya ucyate || 206 ||
[Analyze grammar]

śraddhadhānaḥ śubhāṃ vidyāmādadītāvarādapi |
antyādapi paraṃ dharmaṃ strīratnaṃ duṣkulādapi || 207 ||
[Analyze grammar]

viṣādapyamṛtaṃ grāhyaṃ bālādapi subhāṣitam |
amitrādapi sadvṛttamamedhyādapi kāñcanam || 208 ||
[Analyze grammar]

striyo ratnaṃ nayo vidyā dharmaḥ śaucaṃ subhāṣitam |
vividhāni ca śilpāni samādeyāni sarvaśaḥ || 209 ||
[Analyze grammar]

abrāhmaṇādadhyayanamāpatkāle vidhīyate |
anuvrajyā ca śuśrūṣā yāvadadhyayanaṃ guroḥ || 210 ||
[Analyze grammar]

nābrāhmaṇe gurau śiṣyo vāsamātyantikaṃ vaset |
brāhmaṇe cānanūcāne kāñkṣangatimanuttamām || 211 ||
[Analyze grammar]

yadi tvātyantiko vāso rocate ca guroḥ kule |
yuktaḥ paricaredenamāśarīravimokṣaṇāt || 212 ||
[Analyze grammar]

ā samāpteḥ śarīrasya yastu śuśrūṣate gurum |
sa gacchatyañjasā vipro brāhmaṇaḥ sadya śāśvatam || 213 ||
[Analyze grammar]

na pūrvaṃ gurave kiñcidupakurvīta dharmavit |
snānāya guruṇājñastaḥ śaktyā gurvarthamāharet || 214 ||
[Analyze grammar]

kṣetraṃ hiraṇyaṃ gāmaśvaṃ chatropānahameva ca |
dhānyaṃ vāsāṃsi śākaṃ vā gurave prītamāharet || 215 ||
[Analyze grammar]

svargate gāṃ parityajya gurau bharatasattama |
guṇānvite gurusute gurudāre'tha vā nṛpa |
sapiṇḍe vā guroścāpi guruvadvṛttimācaret || 216 ||
[Analyze grammar]

eteṣvavidyamāneṣu sthānāsanavihāravān |
prayuñjāno'gniśuśrūṣāṃ sādhayeddehamātsanaḥ |
vīrasya kurvañchuśrūṣāṃ yāti vīrasalokatām || 217 ||
[Analyze grammar]

caratyevaṃ hi yo vipro brahmacaryamaviplutaḥ |
sa gatvā brahmasadanaṃ brahmaṇā saha modate || 218 ||
[Analyze grammar]

ityeṣa kathito dharmaḥ prathamaṃ brahmacāriṇaḥ |
gṛhasthasyāpi rājendra śṛṇu dharmamaśeṣataḥ || 219 ||
[Analyze grammar]

kāle prāpya vrataṃ vipra ṛtuyogena bhārata |
prapālayanvrataṃ yāti brahmasālokyatāṃ vibho || 220 ||
[Analyze grammar]

sadopanayanaṃ śastaṃ vasante brāhmaṇasya tu |
kṣatriyasya tato grīṣme praśastaṃ manurabravīt || 221 ||
[Analyze grammar]

prāpte śaradi vaiśyasya sadopanayanaṃ param |
ityeṣa trividhaḥ kālaḥ kathito vratayojane || 222 ||
[Analyze grammar]