Chapter 3

śatānīka uvāca |
jātakarmādisaṃskārānvarṇānāmanupūrvaśaḥ |
āśramāṇāṃ ca me dharmaṃ kathayasva dvijottama || 1 ||
[Analyze grammar]

sumanturuvāca |
garbhādhānaṃ puṃsavanaṃ sīmantonnayanaṃ tathā |
jātakarmānnaprāśaśca cūḍāmauñjīnibandhanam || 2 ||
[Analyze grammar]

baijikaṃ gārbhikaṃ caino dvijānāmapamṛjyate |
svādhyāyena vratairhomaistraividyenejyayā śrutaiḥ || 3 ||
[Analyze grammar]

mahāyajñaiśca brāhmīyaṃ yajñaiśca kriyate tanuḥ |
śṛṇuṣvaikamanā rājanyathā sā kriyate tanuḥ || 4 ||
[Analyze grammar]

prāṅnābhikartanātpuṃso jātakarma vidhīyate |
mantravatprāśanaṃ cāsya hiraṇyamadhusarpiṣām || 5 ||
[Analyze grammar]

nāmadheyaṃ daśamyāṃ tu kecidicchanti pārthiva |
dvādaśyāmapare rājanmāsi pūrṇe tathā pare || 6 ||
[Analyze grammar]

aṣṭādaśe'hani tathā'nye vadanti manīṣiṇaḥ |
puṇye tithau muhūrte ca nakṣatre ca guṇānvite || 7 ||
[Analyze grammar]

maṅgalyaṃ tāta viprasya śivaśarmeti pārthiva |
rājanyasya viśiṣṭaṃ 1 tu induvarmeti kathyate 2 || 8 ||
[Analyze grammar]

vaiśyasya dhanasaṃyuktaṃ śūdrasya ca jugupsitam |
dhanavardhaneti vaiśyasya sarvadāseti hīnaje || 9 ||
[Analyze grammar]

manunā ca tathā proktaṃ nāmno lakṣaṇamuttamam |
śarmavadbrāhmaṇasya syādrājño rakṣāsamanvitam || 10 ||
[Analyze grammar]

vaiśyasya puṣṭisaṃyuktaṃ śūdrasya preṣyasaṃyutam |
strīṇāṃ sukhodyamakrūraṃ vispaṣṭārthamanoramam || 11 ||
[Analyze grammar]

maṅgalyaṃ dīrghavarṇāntamāśīrvādābhidhānavat |
dvādaśe'hani rājendra śiśorniṣkamaṇaṃ gṛhāt || 12 ||
[Analyze grammar]

caturthe māsi karttavyaṃ tathānyeṣāṃ mataṃ vibho |
ṣaṣṭhe'nnaprāśanaṃ māsi yatheṣṭaṃ maṅgalaṃ kule || 13 ||
[Analyze grammar]

cūḍākarma dvijātīnāṃ sarveṣāmanupūrvaśaḥ |
prathame'bde tṛtīye vā kartavyaṃ kurunandana || 14 ||
[Analyze grammar]

garbhāṣṭame'bde kurvīta brāhmaṇasyopanāyanam |
garbhādekādaśe rājankṣatriyasya vinirdiśet || 15 ||
[Analyze grammar]

dvādaśe'bde'pi garbhāttu vaiśyasya vratamādiśet |
brahmavarcasakāmena kāryaṃ viprasya pañcame || 16 ||
[Analyze grammar]

balārthinā tathā rājñaḥ ṣaṣṭhe 'bde kāryameva hi |
arthakāmena vaiśyasya aṣṭame kurunandana || 17 ||
[Analyze grammar]

āṣoḍaśādbrāhmaṇasya sāvitrī nātivartate |
dvāviṃśateḥ kṣatrabandhorācaturviṃśaterviśaḥ || 18 ||
[Analyze grammar]

ata ūrdhvaṃ tu ye rājanyathākālamasaṃskṛtāḥ |
sāvitrīpatitā vrātyā vrātyastomādṛte 3 kratoḥ || 19 ||
[Analyze grammar]

na cāpyebhirapūtaistu āpadyapi hi karhicit |
brāhmaṃ yaunaṃ ca sambandhamācaredbrāhmaṇaiḥ saha || 20 ||
[Analyze grammar]

bhavanti rājaṃścarmāṇi vratināṃ trividhāni ca |
kārṣṇarauravavāstāni brahmakṣatraviśāṃ nṛpa || 21 ||
[Analyze grammar]

vaśīraṃścānupūrvyeṇa vastrāṇi vividhāni tu |
brahmakṣatraviśo rājañchāṇakṣaumādikāni ca || 22 ||
[Analyze grammar]

mauñjī trivṛtsamā ślakṣṇā kāryā viprasya mekhalā |
kṣatriyasya ca maurvījyā vaiśyasya śaṇatāntavī || 23 ||
[Analyze grammar]

muñjālābhe tu kartavyā kuśāśmantakabalvajaiḥ |
trivṛttā granthinaikena tribhiḥ pañcabhireva ca || 24 ||
[Analyze grammar]

kārpāsamupavītaṃ syādviprasyordhvavṛtaṃ trivṛt |
śaṇasūtramayaṃ rājño vaiśyasyāvikasautrikam || 25 ||
[Analyze grammar]

puṣkarāṇi tathā caiṣāṃ bhavanti trividhāni tu |
brahmaṇo bailvapālāśau tṛtīyaṃ plakṣajaṃ nṛpa || 26 ||
[Analyze grammar]

vāṭakhādirau kṣatriyastu tathānyaṃ vetasodbhavam |
pailavodumbarau vaiśyastathāśvatthajameva hi || 27 ||
[Analyze grammar]

daṇḍānetānmahābāho dharmato'rhanti dhāritum |
keśāntiko brāhmaṇasya daṇḍaḥ kāryaḥ pramāṇataḥ || 28 ||
[Analyze grammar]

lalāṭasammito rājñaḥ syāttu nāsāntiko viśaḥ |
ṛjavaste tū sarve syurbrāhmaṇāḥ saumyadarśanāḥ || 29 ||
[Analyze grammar]

anudvegakarā nṝṇāṃ satvaco nāgnidūṣitāḥ |
pragṛhya cepsitaṃ daṇḍamupasthāya ca bhāskaram || 30 ||
[Analyze grammar]

samyagguruṃ tathā pūjya caredbhaikṣyaṃ yathāvidhi |
bhavatpūrvaṃ caredbhaikṣyamupanīto dvijottamaḥ || 31 ||
[Analyze grammar]

bhavanmadhyaṃ tu rājanyo vaiśyasya bhavaduttaram |
mātaraṃ vā svasāraṃ vā māturvā bhaginīṃ nijām || 32 ||
[Analyze grammar]

bhikṣeta bhaikṣyaṃ prathamaṃ yā cainaṃ nāvamānayet |
suvarṇaṃ rajataṃ cānnaṃ sā pātre'sya vinirdiśet || 33 ||
[Analyze grammar]

samāhṛtya tato bhaikṣyaṃ yāvadarthamamāyayā |
nivedya gurave'śnīyādācamya prāṅmukhaḥ śuciḥ || 34 ||
[Analyze grammar]

āyuṣyaṃ prāṅmukho bhuṅkte yaśasyaṃ dakṣiṇāmukhaḥ |
śriyaṃ pratyaṅmukho bhuṅkte ṛtaṃ 1 bhuṅkte udaṅmukhaḥ || 35 ||
[Analyze grammar]

upaspṛśya dvijo rājannannamadyātsamāhitaḥ |
bhuktvā copaspṛśetsamyagadbhiḥ khāni ca saṃspṛśet || 36 ||
[Analyze grammar]

tathānnaṃ pūjayennityamadyāccaitadakutsayan |
darśanāttasya haṣyedvai prasīdeccāpi bhārata || 37 ||
[Analyze grammar]

abhinandya tato'śnīyādityevaṃ manurabravīt |
pūjitaṃ tvaśanaṃ nityaṃ balamojaśca yacchati || 38 ||
[Analyze grammar]

apūjitaṃ tu tadbhuktamubhayaṃ nāśayedidam || 6 ||
[Analyze grammar]

nocchiṣṭaṃ kasyaciddadyānnādyāccaitattathāntarā || 39 ||
[Analyze grammar]

yastvannamantarā kṛtvā lobhādatti nṛpottama |
vināśaṃ yāti sa nara iha loke paratra ca |
yathābhavatpurā vaiśyo dhanavarddhanasaṃjñitaḥ || 40 ||
[Analyze grammar]

śatānīka uvāca |
sa kathamantaraṃ pūrvamannasya dvijasattama |
kimantaraṃ tathānnasya kathaṃ vā tatkṛtaṃ bhavet || 41 ||
[Analyze grammar]

sumanturuvāca |
purā kṛtayuge rājanvaiśyo vasati puṣkare |
dhanavardhananāmā vai samṛddhau dhanadhānyataḥ || 42 ||
[Analyze grammar]

nidāghakāle rājendra sa kṛtvā vaiśvadevikam |
saputrabhrātṛbhiḥ sārdhaṃ tathā vai mitrabandhubhiḥ |
āhāraṃ kurute rājanbhakṣyabhojyasamanvitam 1 || 43 ||
[Analyze grammar]

atha tadbhuñjatastasya 2 annaṃ śabdo mahānabhūt |
karuṇaḥ kuruśārdūla atha taṃ sa pradhāvitaḥ || 44 ||
[Analyze grammar]

tyaktvā sa bhojanaṃ yāvanniṣkrānto gṛhabāhyataḥ |
atha śabdastirobhūtaḥ sa bhūyo gṛhamāgataḥ || 45 ||
[Analyze grammar]

tameva bhājanaṃ gṛhya 3 āhāraṃ kṛtavānnṛpa |
bhuktaśeṣaṃ mahābāho āhāraṃ sa tu bhuktavān || 46 ||
[Analyze grammar]

bhuktvā sa śatadhā jātastasminneva kṣaṇe nṛpa |
tasmādannaṃ na rājendra aśnīyādantarā kvacit || 47 ||
[Analyze grammar]

na caivātyaśanaṃ kuryānna cocchiṣṭaḥ kvacidvrajet |
raso bhavatyatyaśanādrasādrogaḥ pravartate || 48 ||
[Analyze grammar]

snānaṃ dānaṃ japo homaḥ pitṛdevābhipūjanam |
na bhavanti rase jāte narāṇāṃ bharatarṣabha || 49 ||
[Analyze grammar]

anārogyamanāyuṣyamasvargyaṃ cātibhojanam |
apuṇyaṃ lokavidviṣṭaṃ tasmāttatparivarjayet || 50 ||
[Analyze grammar]

yakṣabhūtapiśācānāṃ rakṣasāṃ ca nṛpottama |
4 gamyo bhavati vai vipra ucchiṣṭo nātra saṃśayaḥ || 51 ||
[Analyze grammar]

śucitvamāśrayettasmācchucitvānmodate diti |
sukhena ceha ramate itīyaṃ vaidikī śrutiḥ || 52 ||
[Analyze grammar]

śatānīka uvāca |
śucitāmiyātkathaṃ vipraḥ kathaṃ cāśucitāmiyāt |
etanme ihi viprendra kautukaṃ paramaṃ mama || 53 ||
[Analyze grammar]

sumanturuvāca |
upaspṛśya śucirvipro bhavate bharatarṣabha |
vidhivatkuruśārdūla bhavedvidhiparo hyataḥ || 54 ||
[Analyze grammar]

śatānīka uvāca |
upasparśavidhiṃ vipra kathaya tvaṃ mamākhilam |
śucitvamāpnuyādyena ācānto brāhmaṇo dvijaḥ || 55 ||
[Analyze grammar]

sumanturuvāca |
sādhu pṛṣṭo'smi rājendra śṛṇu vipro yathā bhavet |
śucirbharataśārdūla vidhinā yena vā vibho || 56 ||
[Analyze grammar]

prakṣālya hastau pādau ca prāṅmukhodaṅmukho'pi vā |
upaviśya śucau deśe bāhuṃ kṛtvā ca dakṣiṇam || 57 ||
[Analyze grammar]

jānvantare mahābāho brahmasūtrasamanvitaḥ || 1 ||
[Analyze grammar]

susamau caraṇau kṛtvā tathā baddhaśikho nṛpa || 58 ||
[Analyze grammar]

na tiṣṭhanna ca saṃjalpaṃstathā cānavalokayan |
na tvarankupito vāpi tyaktvā rājansudūrataḥ || 59 ||
[Analyze grammar]

prasannābhistathādbhistu ācāntaḥ śucitāmiyāt |
noṣṇābhirna saphenābhiryuktābhiḥ kaluṣeṇa ca || 60 ||
[Analyze grammar]

varṇena rasagandhābhyāṃ hīnābhirna ca bhārata |
sabudbudābhiśca tathā nācāmetpaṇḍito nṛpa || 61 ||
[Analyze grammar]

pañcatīrthāni viprasya śrūyante dakṣiṇe kare |
devatīrthaṃ pitṛtīrthaṃ brahmatīrthaṃ ca mānada || 62 ||
[Analyze grammar]

prājāpatyaṃ tathā cānyattathānyatsaumyamucyate |
aṅguṣṭhamūlottarato yeyaṃ rekhā mahīpate || 63 ||
[Analyze grammar]

brāhmaṃ tīrthaṃ vadantyetadvasiṣṭhādyā dvijottamāḥ |
kāyaṃ kaniṣṭhikāmūle aṅgulyagre tu daivatam || 64 ||
[Analyze grammar]

tarjanyaṅguṣṭhayorantaḥ pitryaṃ tīrthamudāhṛtam |
karamadhye sthitaṃ saumyaṃ praśastaṃ devakarmaṇi || 65 ||
[Analyze grammar]

devārcābaliharaṇaṃ pravikṣapaṇameva ca |
etāni devatīrthena kuryātkurukulodvaha || 66 ||
[Analyze grammar]

annanirvapaṇaṃ rājaṃstathā sapavanaṃ 1 nṛpa |
lājāhomaṃ tathā saumyaṃ prājāpatyena kārayet || 67 ||
[Analyze grammar]

kamaṇḍalūpasparśanaṃ dadhiprāśanameva ca |
saumyatīrthena rājendra sadā kuryādvicakṣaṇaḥ || 68 ||
[Analyze grammar]

pitṝṇāṃ tarpaṇaṃ kāryaṃ pitṛtīrthena dhīmatā |
brāhmeṇa cāpi tīrthena sadoṣasparśanaṃ param || 69 ||
[Analyze grammar]

2 ghanāṅgulikaraṃ kṛtvā ekāgraḥ sumanā dvijaḥ |
triḥ kṛtvā yaḥ pibedāpo mukhaśabdavivarjitaḥ || 70 ||
[Analyze grammar]

śṛṇu yatphalamāpnoti prīṇāti ca yathā surān |
prathamaṃ yatpibedāpa ṛgvedastena tṛpyati || 71 ||
[Analyze grammar]

yaddvitīyaṃ yajurvedastena prīṇāti bhārata |
yattṛtīyaṃ sāmavedastena prīṇāti bhārata || 72 ||
[Analyze grammar]

prathamaṃ yanmṛjedāsyaṃ dakṣiṇāṅguṣṭhamūlataḥ |
atharvavedaḥ prīṇāti tena rājannasaṃśayaḥ || 73 ||
[Analyze grammar]

itihāsapurāṇāni yaddvitīyaṃ pramārjati |
yanmūrdhānaṃ hi rājendra abhiṣiñcati vai dvijaḥ || 74 ||
[Analyze grammar]

tena prīṇāti vai rudraṃ śikhāmālabhya vai ṛṣīn |
yadakṣiṇī cālabhate raviḥ prīṇāti tena vai || 75 ||
[Analyze grammar]

nāsikālambhanādvāyuṃ prīṇātyeva na saṃśayaḥ |
yacchrotramālabhedvipro diśaḥ prīṇāti tena vai || 76 ||
[Analyze grammar]

yamaṃ kuberaṃ varuṇaṃ vāsavaṃ cāgnimeva ca |
yadbāhumanvālabhate etānprīṇāti tena 1 vai || 77 ||
[Analyze grammar]

yannābhimanvālabhate prāṇānāṃ granthimeva ca |
tena prīṇāti rājendra itīyaṃ vaidikī śrutiḥ || 78 ||
[Analyze grammar]

abhiṣiñcati yatpādau viṣṇuṃ prīṇāti tena vai |
yadbhūmyācchādakaṃ vāri visarjayati mānada || 79 ||
[Analyze grammar]

vāsukipramukhānnāgāṃstena prīṇāti bhārata |
yadbindavo'ntare bhūmau patantīha narādhipa || 80 ||
[Analyze grammar]

bhūtagrāmaṃ tatastastu prīṇantīha caturvidham |
aṅguṣṭhena pradeśinyā labheta cākṣiṇī nṛpa || 81 ||
[Analyze grammar]

anāmikāṅguṣṭhikābhyāṃ nāsikāmālabhennṛpa |
madhyamāṅguṣṭhābhyāṃ mukhaṃ saṃspṛśedbharatarṣabha || 82 ||
[Analyze grammar]

kaniṣṭhikāṅguṣṭhakābhyāṃ karṇamālabhate nṛpa |
aṅgulībhistathā bāhumaṅguṣṭhena tu maṅgalam || 83 ||
[Analyze grammar]