Chapter 5

sumanturuvāca |
ṣaṭtriṃśadābdikaṃ caryaṃ gurau traivedikaṃ vratam |
tadardhikaṃ pādikaṃ vā grahaṇāntikameva ca || 1 ||
[Analyze grammar]

vedānadhītya vedau vā vedaṃ vāpi nṛpottama |
aviplutabrahmacaryo gṛhasthāśramamāvaset || 2 ||
[Analyze grammar]

taṃ pratītaṃ svadharmeṇa brahmadāyaharaṃ pituḥ |
sragviṇaṃ talpa 1 āsīnamarhayetprathamaṃ gavā || 3 ||
[Analyze grammar]

guruṇā samanujñātaḥ samāvṛttau yathāvidhi |
udvaheta dvijo bhāryāṃ savarṇāṃ lakṣaṇānvitām || 4 ||
[Analyze grammar]

śatānīka uvāca |
lakṣaṇaṃ dvijaśārdūla strīṇāṃ vada mahāmune |
kīdṛglakṣaṇasaṃyuktā 1 kanyā syātsukhadā nṛpa || 5 ||
[Analyze grammar]

sumanturuvāca |
yaduktaṃ brāhmaṇā pūrvaṃ strīlakṣaṇamanuttamam |
śreyase sarvalokānāṃ śubhāśubhaphalapradam || 6 ||
[Analyze grammar]

tatte vacmi mahābāho śṛṇuṣvaikamanā nṛpa |
śrutena yena jānīṣe kanyāṃ śobhanalakṣaṇām || 7 ||
[Analyze grammar]

sukhāsīnaṃ suraśreṣṭhamabhigamya maharṣayaḥ |
papracchurlakṣaṇaṃ strīṇāṃ yatpṛṣṭo'haṃ tvayādhunā || 8 ||
[Analyze grammar]

praṇamya śirasā devamidaṃ vacanamabruvan |
bhagavanbrūhi naḥ sarvaṃ strīṇāṃ lakṣaṇamuttamam || 9 ||
[Analyze grammar]

śreyase sarvalokānāṃ śubhāśubhaphalapradam |
praśastāmapraśāstāṃ ca jānīmo yena kanyakām || 10 ||
[Analyze grammar]

teṣāṃ tadvacanaṃ śrutvā viriñco vākyamabravīt |
śṛṇudhvaṃ dvijaśārdūlā vacmi yuṣmāsvaśeṣataḥ || 11 ||
[Analyze grammar]

pratiṣṭhitatalau samyagratāmbhojasamaprabhau |
īdṛśau caraṇau dhanyau yoṣitāṃ bhogavardhanau || 12 ||
[Analyze grammar]

karālairatinirmāsai rūkṣairardhaśirānvitaiḥ |
dāridryaṃ durbhagatvaṃ ca prāpnuvanti na saṃśayaḥ || 13 ||
[Analyze grammar]

aṅgulyaḥ saṃhatā vṛttāḥ snig dhāḥ sūkṣmanakhāstathā |
kurvantyatyantamaiśvaryaṃ rājabhāvaṃ ca yoṣitaḥ || 14 ||
[Analyze grammar]

hrasvāḥ sujīvitaṃ hrasvā viralā vittahānaye |
dāridryaṃ mūlamagnāsu preṣyaṃ ca pṛthulāsu ca || 15 ||
[Analyze grammar]

parasparasamārūḍhaistanubhirvṛttaparvabhiḥ |
bahūnapi patīnhatvā dāsī bhavati vai dvijāḥ || 16 ||
[Analyze grammar]

aṅguṣṭhonnataparvāṇastuṅgāgrāḥ komalānvitāḥ |
ratnakāñcanalābhāya viparītā vipattaye || 17 ||
[Analyze grammar]

subhagatvaṃ nakhaiḥ snigdhairātāmraiśca dhanād yatā |
putrāḥ syurunnatairebhiḥ susūkṣmaiścāpi rājatā || 18 ||
[Analyze grammar]

pāṇḍuraiḥ sphuṭitai rūkṣairnīlairdhūmraistathā kharaiḥ || 1 ||
[Analyze grammar]

niḥsvatā bhavati strīṇāṃ pītaiścābhakṣyabhakṣaṇam || 19 ||
[Analyze grammar]

gulphāḥ snigdhāśca vṛttāśca samārūḍhaśirāstathā |
yadi syurnūpurāndadhyurbāndhavādyaiḥ samāpnuyuḥ || 20 ||
[Analyze grammar]

aśirā śarakāṇḍābhāḥ suvṛttālpatanūruhāḥ |
jaṅghā kurvanti saubhāgyaṃ yānaṃ ca gajavājibhiḥ || 21 ||
[Analyze grammar]

kliśyate romajaṅghā strī bhramatyuddhatapiṇḍikā |
kākajaṅghā patiṃ hanti vācāṭā kapilā ca yāḥ || 22 ||
[Analyze grammar]

jānubhiścaiva mārjārasiṃhajānvanukāribhiḥ |
śriyamāpya subhāgyatvaṃ prāpnuvanti sutāṃstathā || 23 ||
[Analyze grammar]

ghaṭābhairadhvagā nāryo nirmāṃsaiḥ kulaṭā striyaḥ |
śirālairapi hiṃsrāḥ syurviśliṣṭairdhanavarjitāḥ || 24 ||
[Analyze grammar]

atyantakuṭilai rūkṣaiḥ sphuṭitāgrairguḍaprabhaiḥ |
anekajaistathā romaiḥ keśaiścāpi tathāvidhaiḥ || 25 ||
[Analyze grammar]

atyantapiṅgalā nārī viṣatulyeti niścitam |
saptāhābhyantare pāpā patiṃ hanyānna saṃśayaḥ || 26 ||
[Analyze grammar]

hastihastanibhairvṛtai rambhābhaiḥ karabhopamaiḥ |
prāpnuvantyūrubhiḥ śaśvatstriyaḥ sukhamanaṅgajam || 27 ||
[Analyze grammar]

daurbhāgyaṃ baddhamāṃsaiśca bandhanaṃ romaśorubhiḥ |
tanubhirvadhamityāhurmadhyacchidreṣvanīśatā || 28 ||
[Analyze grammar]

sandhyāvarṇaṃ samaṃ cāru sūkṣmaromānvitaṃ pṛthu |
jaghanaṃ śasyate strīṇāṃ ratisaukhyakaraṃ dvija || 29 ||
[Analyze grammar]

aromako bhago yasyāḥ samaḥ suśliṣṭasaṃsthitaḥ |
api nīcakulotpanna rājapatnī bhavatyasau || 30 ||
[Analyze grammar]

aśvatthapatrasadṛśaḥ kūrmapṛṣṭhonnatastathā |
śaśibimbanibhaścāpi tathaiva kalaśākṛtiḥ |
bhagaḥ śastatamaḥ strīṇāṃ ratisaubhāgyavardhanaḥ || 31 ||
[Analyze grammar]

tilapuṣpanibho yaśca yadyagre khurasannibhaḥ |
dvāvapyetau parapreṣyaṃ kurvāte ca daridratām || 32 ||
[Analyze grammar]

ulūkhalanibhaiḥ śokaṃ maraṇaṃ vivṛtānanaiḥ |
virūpaiḥ pūtinirmāṃsairgajasannibharomabhiḥ |
dauḥśīlyaṃ durbhagatvaṃ ca dāridryamadhigacchati || 33 ||
[Analyze grammar]

kapitthaphalasaṃkāśaḥ pīno valivivarjitaḥ |
sphītāḥ praśasyate strīṇāṃ ninditabhrānyathā dvijāḥ || 34 ||
[Analyze grammar]

payodharabharānamrapracalattrivalīguruḥ |
madhyaḥ śubhāvahaḥ strīṇāṃ romarājīvibhūṣitaḥ || 35 ||
[Analyze grammar]

paṇavābhairmṛdaṅgābhaistathā madhye yavopamaiḥ |
prāpnuvanti bhayāvāsakleśadauḥśīlyamīdṛśaiḥ || 36 ||
[Analyze grammar]

avakrānulbaṇaṃ pṛṣṭhamaromaśamagarhitam |
nānāstaraṇaparyaṅkaratisaukhyakaraṃ param || 37 ||
[Analyze grammar]

kubjamadroṇikaṃ pṛṣṭhaṃ romaśaṃ yadi yoṣitaḥ |
svapnāntare sukhaṃ tasyā nāsti hanyātpatiṃ ca sā || 38 ||
[Analyze grammar]

vipulaiḥ 1 sukumāraiśca kukṣibhiḥ subahuprajāḥ |
maṇḍūkakukṣiryā nārī rājānaṃ sā prasūyate || 39 ||
[Analyze grammar]

unnatairbalibhirvadhyāḥ suvṛttaiḥ kulaṭā striyaḥ |
2 jārakarmaratāstāḥ syuḥ pravrajyāṃ ca samāpnuyuḥ || 40 ||
[Analyze grammar]

unnatā ca nataiḥ kṣudrā viṣamairviṣamāśayā |
āyuraiśvaryasampannā vanitā hṛdayaiḥ samaiḥ || 41 ||
[Analyze grammar]

suvṛttamunnataṃ pīnamadūronnatamāyatam |
stanayugmamidaṃ śastamato'nyadasukhāvaham || 42 ||
[Analyze grammar]

unnatiḥ prathame garbhe dvayorekasya bhūyasī |
vāme tu jāyate kanyā dakṣiṇe tu bhavetsutaḥ || 43 ||
[Analyze grammar]

dīrghe tu 3 cūcuke yasyāḥ sā strī dhūrtā ratipriyā |
suvṛtte tu punaryasyā dveṣṭi sā puruṣaṃ sadā || 44 ||
[Analyze grammar]

stanaiḥ sarpaphaṇākāraiḥ śvajihvākṛtibhistathā |
dāridryamadhigacchanti striyaḥ puruṣaceṣṭitāḥ |
avaṣṭabdhaghaṭītulyā bhavanti hi tathā dvijāḥ || 45 ||
[Analyze grammar]

susamaṃ māṃsalaṃ cāru śiro romavivarjitam |
vakṣo yasyā bhavennāryā bhogānbhukte yathepsitān || 46 ||
[Analyze grammar]

hiṃsrā bhavati vakreṇa dauḥśīlyaṃ romaśena tu |
nirmāṃsena tu vaidhavyaṃ vistīrṇe kalahapriyā || 47 ||
[Analyze grammar]

catasro raktagambhīrā rekhāḥ snigdhāḥ kare striyāḥ |
yadi syuḥ sukhamāpnoti vicchinnābhiranīśatā || 48 ||
[Analyze grammar]

rekhāḥ kaniṣṭhikāmūlādyasyāḥ prāptāḥ pradeśinīm |
śatamāyurbhavettasyāstrayāṇāmunnatau kramāt || 49 ||
[Analyze grammar]

saṃvṛttāḥ samaparvāṇastīkṣṇāgrāḥ komalatvacaḥ |
samā hyaṃgulayo yasyāḥ sā nārī bhogavardhinī || 50 ||
[Analyze grammar]

bandhujīvāruṇaistuṃgairnakhairaiśvaryamāpnuyāt |
kharairvakrairvivarṇābhaiḥ śvetaprītairanīśatā || 51 ||
[Analyze grammar]

raktairmṛdubhiraiśvaryaṃ niśchidrāṅgulibhirdvijāḥ |
sphuṭitairviṣamai rūkṣaiḥ kleśaṃ pāṇibhirāpnuyuḥ || 52 ||
[Analyze grammar]

samarekhā yavā yāsāṅguṣṭhāṅguliparvasu |
tāsāṃ hi vipulaṃ saukhyaṃ dhanaṃ dhānyaṃ tathā'kṣayam || 53 ||
[Analyze grammar]

maṇibandho'vyavacchinno rekhātrayavibhūṣitaḥ |
dadāti na cirādeva bhogamāyustathākṣayam || 54 ||
[Analyze grammar]

śrīvatsadhvajapadmākṣagajavājiniveśanaiḥ |
cakrasvastikavajrāsipūrṇakumbhanibhāṅkuśaiḥ || 55 ||
[Analyze grammar]

prāsādacchatramukuṭairhārakeyūrakuṇḍalaiḥ |
śaṅkhatoraṇanirvyūhairhastanyastairnṛpastriyaḥ || 56 ||
[Analyze grammar]

yasyāḥ pāṇitale raktā yūpakumbhāśca kuṇḍikāḥ |
dṛśyante caraṇe yasyā yajñapalī bhavatyasau || 57 ||
[Analyze grammar]

vīthyāpaṇatulāmānaistathā mudrādibhiḥ striyaḥ |
bhavanti vaṇijāṃ patnyo ratnakāñcanaśālinām || 58 ||
[Analyze grammar]

dātrayoktrayugābandhaphalolūkhalalāṅgalaiḥ |
bhavanti dhanadhānyāḍhyā kṛṣīvalajanāṅganāḥ || 59 ||
[Analyze grammar]

anunnataśirāsandhi pīnaṃ romavivarjitam |
gopucchākṛti nārīṇāṃ bhujayoryugulaṃ śubham || 60 ||
[Analyze grammar]

nigūḍhagranthayo yasyāḥ kūrparau romavarjitau |
bāhū vai lalitau yasyāḥ praśastau vṛttakomalau || 61 ||
[Analyze grammar]

unnatāvanatau caiva nātisthūlau na romaśau |
sukhadau tu sadā strīṇāṃ saubhāgyārogyavardhanau || 62 ||
[Analyze grammar]

sthūle skandhe vahedbhāraṃ romaśe vyādhitā bhavet |
vakraskandhe bhavedvandhyā kulaṭā connatānane || 63 ||
[Analyze grammar]

spaṣṭaṃ rekhātrayaṃ yasyā grīvāyāṃ caturaṅgulam |
maṇikāñcanamuktāḍhyaṃ sā dadhāti vibhūṣaṇam || 64 ||
[Analyze grammar]

adhanā strī kṛśagrīvā dīrghagrīvā ca . bandhakī |
hasvagrīvā mṛtāpatyā sthūlagrīvā ca duḥkhitā || 65 ||
[Analyze grammar]

anunnatā samāṃsā ca samā yasyāḥ kṛkāṭikā |
sudīrghamāyustvasyāstu ciraṃ bhartā ca jīvati || 66 ||
[Analyze grammar]

nirmāṃsā bahumāṃsā ca śirālā romaśā tathā |
kuṭilā vikaṭā caiva vistīrṇā na ca śasyate || 67 ||
[Analyze grammar]

na sthūlo na kṛśo'tyarthaṃ na vakro na ca romaśaḥ |
hanurevaṃvidhaḥ śreyāṃstato'nyo na praśasyate || 68 ||
[Analyze grammar]

caturasramukhī dhūrtā maṇḍalāsyā śivā 1 bhavet |
aprajā vājivakrā strī mahāvakrā ca durbhagā || 69 ||
[Analyze grammar]

śvavarāhavṛkolūkamarkaṭāsyāśca yāḥ striyaḥ |
kūrāstāḥ pāpakarmiṇyaḥ prajābāndhavavarjitāḥ || 70 ||
[Analyze grammar]

mālatībakulāmbhojanīlotpalasugandhi yat |
vadanaṃ mucyate naitatpānatāmbūlabhojanaiḥ || 71 ||
[Analyze grammar]

tāmrābhaḥ kiñcidālambhaḥ sthaulyakārśyavivarjitaḥ |
adharo yadi tuṅgaśca nārīṇāṃ bhojadaḥ sadā || 72 ||
[Analyze grammar]

sthūle kalahaśīlā syādvivarṇe cātiduḥkhitā |
uttaroṣṭhena tīkṣṇena vanitā cātikopanā || 73 ||
[Analyze grammar]

jihvā tanutarā vakrā tāmrā dīrghā ca śasyate |
sthūlā hrasvā vivarṇā yā vakrā bhinnā ca ninditā || 74 ||
[Analyze grammar]

śaṅkhakundendudhavalaṃ snigdhaistuṅgairasandhibhiḥ |
miṣṭānnapānamāpnoti dantairebhiranunnataiḥ || 75 ||
[Analyze grammar]

sūkṣmairatikṛśairhrasvaiḥ sphuṭitairviralaistathā |
rūkṣaśca duḥkhitā nityaṃ vikaṭairbhāminī bhavet || 76 ||
[Analyze grammar]

sumṛṣṭadarpaṇāmbhojapūrṇabimbendusannibham |
vadanaṃ varanārīṇāmabhīṣṭaphaladaṃ smṛtam || 77 ||
[Analyze grammar]

na sthūlā na kṛśā vakrā nātidīrghā samunnatā |
īdṛśī nāsikā yasyāḥ sā dhanyā tu śubhaṅkarī || 78 ||
[Analyze grammar]

unnatā mṛdulā yā ca rekhā śuddhā na saṅgantā |
bhrūrvakratulyā sūkṣmā ca yoṣitāṃ sā sukhāvahā || 79 ||
[Analyze grammar]

1 dhanustulyābhiḥ saubhāgyaṃ vandhyā syāddīrgharomabhiḥ |
piṅgalāsaṅgatā hrasvā dāridryāya na saṃśayaḥ || 80 ||
[Analyze grammar]

nīlotpaladalaprakhyairātāmraiścārupakṣmabhiḥ |
vanitā nayanairebhirbhogasaubhāgyabhāginī || 81 ||
[Analyze grammar]

khañjanākṣī mṛgākṣī ca varāhākṣī varāṅganā |
yatrayatra samutpannā mahāntaṃ bhogamaśnute || 82 ||
[Analyze grammar]

agambhīrairasaṃśliṣṭairbahurekhāvibhūṣitaiḥ |
rājapantyo bhavantīha nayanairmadhupiṅgalaiḥ || 83 ||
[Analyze grammar]

vāyasākṛtinetrāṇi dīrghāpāṅgāni yoṣitām |
anāvilāni cārūṇi bhavanti hi vibhūtaye || 84 ||
[Analyze grammar]

gambhīraiḥ piṅgalaiścaiva duḥkhitāḥ syuścirāyuṣaḥ |
vayomadhye tyajetprāṇānunnatākṣī tu2 yāṅganā || 85 ||
[Analyze grammar]

raktākṣī viṣamākṣī ca 3 dhūmrākṣī pretalocanā |
varjanīyā sadā nārī śvanetrā caiva dūrataḥ || 86 ||
[Analyze grammar]

udbhrāntakaiḥ karaiścitrairnayanastvaṃganāstviha |
madyamāṃsapriyā nityaṃ capalāścaiva sarvataḥ || 87 ||
[Analyze grammar]

karālākṛtayaḥ karṇā nabhaḥśabdāstu saṃsthitāḥ |
vahanti vikasatkāntiṃ hemaratnavibhūṣaṇam || 88 ||
[Analyze grammar]

kharoṣṭranakulolūkakapilaśravaṇāḥ striyaḥ |
prāpnuvanti mahadduḥkhaṃ prāyaśaḥ pravrajanti ca || 89 ||
[Analyze grammar]

īṣadāpāṇḍugaṇḍā yā suvṛttā parvaṇi tviha |
praśastā ninditā tvanyā romakūpakadūṣitā || 90 ||
[Analyze grammar]

ardhendupratimābhogamaroma tu samāhitama |
bhogārogyakaraṃ śreṣṭhaṃ lalāṭaṃ varayoṣitām || 91 ||
[Analyze grammar]

dviguṇaṃ pariṇāhena lalāṭaṃ vihitaṃ ca yat |
śiraḥ praśastaṃ nārīṇāmadhanyā hastimastakā || 92 ||
[Analyze grammar]

sūkṣmāḥ kṛṣṇā mṛdusnigdhāḥ kuñjitāgrāḥ śiroruhāḥ |
bhavanti śreyase strīṇāmanye syuḥ kleśaśokadāḥ || 93 ||
[Analyze grammar]

haṃsakokilavīṇāliśikhiveṇusvarāḥ striyaḥ |
prāpnuvanti bahūnbhogānbhṛtyānājñāpayanti ca || 94 ||
[Analyze grammar]

bhinnakāṃsyasvarā nārī kharakākasvarā ca yā |
rogaṃ vyādhiṃ bhayaṃ śokaṃ dāridryaṃ cādhigacchati || 95 ||
[Analyze grammar]

haṃsagovṛṣacakrāhvamattamātaṅgagāminī |
svakulaṃ dyotayennārī mahiṣī pārthivasya ca || 96 ||
[Analyze grammar]

śvaśṛgālagatirnindyā yā ca vāyasavadvrajet |
dāsī mṛgagatirnārī drutagāmī ca bandhakī || 97 ||
[Analyze grammar]

phalinī rocanā hemakuṅkumaprabha eva ca |
varṇaḥ śubhakaraḥ strīṇāṃ yaśca dūrvāṅkuropamaḥ || 98 ||
[Analyze grammar]

mṛdūni mṛduromāṇi nātyantasvedakāni ca |
surabhīṇi ca gātrāṇi yāsāṃ tāḥ pūjitāḥ striyaḥ || 99 ||
[Analyze grammar]

nodvahetkapilāṃ kanyāṃ nādhikāṅgīṃ na rogiṇīm |
nālomikāṃ nātihrasvāṃ na vācāṭāṃ na piṅgalām || 100 ||
[Analyze grammar]

narkṣavṛkṣanadīnāmnīṃ nāntyaparvatanāmikām |
na pakṣyahipreṣyanāmnīṃ na ca bhīṣaṇanāmikām || 101 ||
[Analyze grammar]

avyaṅgāṅgīṃ saumyanāmnīṃ haṃsavāraṇagāminīm |
tanulomakeśadaśanāṃ mṛdaṅgīmudvahetstriyam || 102 ||
[Analyze grammar]

mahāntyapi samṛddhāni gojāvidhanadhānyataḥ |
strīsambandhe daśaitāni kulāni parivarjayet || 103 ||
[Analyze grammar]

hīnakriyaṃ niṣpuruṣaṃ niśchandoromaśārśasam |
kṣayāmayāvyapasmāriśvitrakuṣṭhikulāni ca || 104 ||
[Analyze grammar]

pādau sugulphau prathamaṃ pratiṣṭhau jaṅghe dvitīyaṃ ca sujānucakre |
meḍhroruguhyaṃ ca tatastṛtīyaṃ nābhiḥ kaṭiśceti caturthamāhuḥ || 105 ||
[Analyze grammar]

udaraṃ kathayanti pañcamaṃ hṛdayaṃ ṣaṣṭhamatha stanānvitam |
atha saptamamaṃsajatruṇī kathayantyaṣṭamamoṣṭhakandhare || 106 ||
[Analyze grammar]

navamaṃ nayane ca sabhruṇī salalāṭaṃ daśamaṃ śirastathā |
aśubheṣvaśubhaṃ daśāphalaṃ caraṇaṃ caraṇādyaśubheṣu śobhanam || 107 ||
[Analyze grammar]

idaṃ mahātmā sa mahānubhāvaḥ śacīnimittaṃ gururabravīddvijāḥ |
śakreṇa pṛṣṭaḥ saviśeṣamuttamaṃ saṃlakṣyamuktaṃ varayoṣalakṣaṇam 1 || 108 ||
[Analyze grammar]

matsakāśātpunaḥ śrutvā lakṣaṇaṃ puruṣasya ca |
yathādhunā bhavadbhistu śrutaṃ matto dvijottamāḥ || 109 ||
[Analyze grammar]

lakṣaṇebhyaḥ praśastaṃ tu strīṇāṃ sadvṛttamucyate |
sadvṛttamuktvā yā strī sā praśastā na ca lakṣaṇaiḥ || 110 ||
[Analyze grammar]

īdṛglakṣaṇasampannāṃ sukanyāmudvahettu yaḥ |
ṛddhirvṛddhistathā kīrtistatra tiṣṭhati nityaśaḥ || 111 ||
[Analyze grammar]