Chapter 22

[English text for this chapter is available]

śrīmadbhāgavata mahāpurāṇa |
pañcamaḥ skandhaḥdvāviṃśo'dhyāyaḥ |
jyotiścakrasūryarathamaṇḍalavarṇanamyadetadbhagavata ādityasya meruṃ dhruvaṃ ca pradakṣiṇena |
parikrāmato rāśīnāmabhimukhaṃ pracalitaṃ cāpradakṣiṇaṃ |
bhagavatopavarṇitamamuṣya vayaṃ kathamanumimīmahīti || 1 ||
[Analyze grammar]

sa hovāca |
yathā kulālacakreṇa bhramatā saha bhramatāṃ |
tadāśrayāṇāṃ pipīlikādīnāṃ gatiranyaiva pradeśāntareṣvapyupalabhyamānatvādevaṃ nakṣatrarāśibhirupalakṣitena |
kālacakreṇa dhruvaṃ meruṃ ca pradakṣiṇena paridhāvatā saha |
paridhāvamānānāṃ tadāśrayāṇāṃ sūryādīnāṃ gṛhāṇāṃ |
gatiranyaiva nakṣatrāntare rāśyantare copalabhyamānatvāt || 2 ||
[Analyze grammar]

sa eṣa bhagavānādipuruṣa eva sākṣānnārāyaṇo |
lokānāṃ svastayaātmānaṃ trayīmayaṃ karmaviśuddhinimittaṃ |
kavibhirapi ca vedena vijijñāsyamāno |
dvādaśadhā vibhajya ṣaṭsu vasantādiṣvṛtuṣu |
thopajoṣamṛtuguṇān vidadhāti || 3 ||
[Analyze grammar]

tametamiha puruṣāstrayyā vidyayā varṇāśramācārānupathā |
ukṣāvacaiḥ karmabhirāmnātairyogavitānaiśca |
śraddhayā yajanto'ñjasāśreyaḥ samadhigacchanti || 4 ||
[Analyze grammar]

atha sa eṣa ātmā lokānāṃ dyāvāpṛthivyorantareṇa |
nabhovalayasya kālacakragato dvādaśamāsān bhuṅkte |
rāśisaṃjñān saṃvatsarāvayavānmāsaḥ pakṣadvayaṃ divā naktaṃ |
ceti sapādarkṣadvayamupadiśanti yāvatā ṣaṣṭhamaṃśaṃ |
bhuñjīta sa vai ṛturityupadiśyate saṃvatsarāvayavaḥ || 5 ||
[Analyze grammar]

atha ca yāvatārdhena nabhovīthyāṃ pracarati taṃ |
kālamayanamācakṣate || 6 ||
[Analyze grammar]

atha ca yāvannabhomaṇḍalaṃ sa ha dyāvāpṛthivyormaṇḍalābhyāṃ kārtsnyena saha bhuñjīta taṃ kālaṃ |
saṃvatsaraṃ parivatsaramiḍāvatsaramanuvatsaraṃ vatsaramiti |
bhānormāndyaśaighryasamagatibhiḥ samāmananti || 7 ||
[Analyze grammar]

evaṃ candramā arkagabhastibhya upariṣṭāllakṣayojanata upalabhyamāno'rkasya saṃvatsarabhuktiṃ |
pakṣābhyāṃ māsabhuktiṃ sapādarkṣābhyāṃ dinenaiva |
pakṣabhuktimagracārī drutataragamano bhuṅkte || 8 ||
[Analyze grammar]

atha cāpūryamāṇābhiśca kalābhiramarāṇāṃ |
kṣīyamāṇābhiśca kalābhiḥ pitṝṇāmahorātrāṇi |
pūrvapakṣāparapakṣābhyāṃ vitanvānaḥ sarvajīvanivahaprāṇo |
jīvaścaikamekaṃ nakṣatraṃ triṃśatā muhūrtairbhuṅkte || 9 ||
[Analyze grammar]

ya eṣa ṣoḍaśakalaḥ puruṣo bhagavānmanomayo'nnamayo'mṛtamayo devapitṛmanuṣyabhūtapaśupakṣisarīsṛpavīrudhāṃ prāṇāpyāyanaśīlatvātsarvamaya |
itivarṇayanti || 10 ||
[Analyze grammar]

tata upariṣṭāttrilakṣayojanato nakṣatrāṇi meruṃ |
dakṣiṇenaiva kālāyana īśvarayojitāni sahābhijitāṣṭāviṃśatiḥ || 11 ||
[Analyze grammar]

tata upariṣṭāduśanā dvilakṣayojanata upalabhyate |
purataḥ paścātsahaiva vārkasya śaighryamāndyasāmyābhirgatibhirarkavaccarati lokānāṃ nityadānukūla eva |
prāyeṇa varṣayaṃścāreṇānumīyate sa vṛṣṭiviṣṭambhagrahopaśamanaḥ || 12 ||
[Analyze grammar]

uśanasā budho vyākhyātastata upariṣṭād |
dvilakṣayojanato budhaḥ somasuta upalabhyamānaḥ |
prāyeṇa śubhakṛdyadārkād vyatiricyeta tadātivātābhraprāyānāvṛṣṭyādibhayamāśaṃsate || 13 ||
[Analyze grammar]

ata ūrdhvamaṅgārako'pi yojanalakṣadvitaya |
upalabhyamānastribhistribhiḥ pakṣairekaikaśo rāśīndvādaśānubhuṅkte yadi na vakreṇābhivartate prāyeṇāśubhagraho'ghaśaṃsaḥ || 14 ||
[Analyze grammar]

tata upariṣṭād dvilakṣayojanāntaragato bhagavān |
bṛhaspatirekaikasmin rāśau parivatsaraṃ parivatsaraṃ |
carati yadi na vakraḥ syātprāyeṇānukūlo brāhmaṇakulasya || 15 ||
[Analyze grammar]

tata upariṣṭādyojanalakṣadvayātpratīyamānaḥ |
śanai ścara ekaikasmin rāśau triṃśanmāsān |
vilambamānaḥ sarvānevānuparyeti tāvadbhiranuvatsaraiḥ |
prāyeṇa hi sarveṣāmaśāntikaraḥ || 16 ||
[Analyze grammar]

tata uttarasmādṛṣaya ekādaśalakṣayojanāntara |
upalabhyante ya eva lokānāṃ śamanubhāvayanto bhagavato |
viṣṇoryatparamaṃ padaṃ pradakṣiṇaṃ prakramanti || 17 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
pañcamaskandhe jyotiścakravarṇane dvāviṃśo'dhyāyaḥ || 22 ||
[Analyze grammar]