Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 11.28
yathā nadīnāṃ bahavo'mbuvegāḥ
samudramevābhimukhā dravanti |
tathā tavāmī naralokavīrā
viśanti vaktrāṇyabhivijvalanti ||28||
The Subodhinī commentary by Śrīdhara
praveśameva dṛṣṭāntenāha yatheti | nadīnāmanekamārgapravṛttānāṃ bahavo'mbūnāṃ vārīṇāṃ vegāḥ pravāhāḥ samudrābhimukhāḥ santo yathā samudrameva dravanti viśanti | tathāmī ye naralokavīrāste viśanti tathaiva lokā ete janā api tava mukhāni praviśanti ||28||
The Gūḍhārthadīpikā commentary by Madhusūdana
rājñāṃ bhagavanmukhapraveśane nidarśanamāha yatheti | yathā nadīnāmanekamārgapravṛttānāṃ bahavo'mbūnāṃ jalānāṃ vegāḥ vegavantaḥ pravāhāḥ samudrābhimukhāḥ santaḥ samudrameva dravanti viśanti tathā tavāmī naralokavīrā viśanti vaktrāṇyabhitaḥ sarvato jvalanti abhivijvalantīti vā pāṭhaḥ ||28||
The Gītābhūṣaṇa commentary by Baladeva
praveśe dṛṣṭāntāvāha yatheti dvyābhyām | tatra prathamo'dhīpūrvake praveśe | dvitīyastu dhīpūrvake bodhyaḥ ||28||
__________________________________________________________