Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 10.22
vedānāṃ sāmavedo'smi devānāmasmi vāsavaḥ |
indriyāṇāṃ manaścāsmi bhūtānāmasmi cetanā ||22||
The Subodhinī commentary by Śrīdhara
vedānāmiti | vāsava indraḥ | bhūtānāṃ cetanā jñānaśaktirahamasmi ||22||
The Gūḍhārthadīpikā commentary by Madhusūdana
catūrṇāṃ vedānāṃ madhye gānamādhuryeṇātiramaṇīyaḥ sāmavedo'hamasmi | vāsava indraḥ sarvadevādhipatiḥ | indriyāṇāmekādaśānāṃ pravartakaṃ manaḥ | bhūtānāṃ sarvaprāṇisambandhināṃ pariṇāmānāṃ madhye cidabhivyañjikā buddhervṛttiścetanāhamasmi ||22||
The Sārārthavarṣiṇī commentary by Viśvanātha
vāsava indraḥ | bhūtānāṃ sambandhinī cetanā jñānaśaktiḥ ||22||
The Gītābhūṣaṇa commentary by Baladeva
vedānāṃ madhye gītamādhuryeṇotkarṣātsāmavedo'ham | devānāṃ madhye vāsavasteṣāṃ rājā indro'ham | indriyāṇāṃ madhye durjayaṃ teṣāṃ pravartakaṃ ca mano'ham | bhūtānāṃ sambandhinī cetanā jñānaśaktiraham ||22||
__________________________________________________________