![Ashtanga-hridaya-samhita [sanskrit] - book cover](/uploads/a/Ashtanga-Hridaya-Samhita.jpg)
Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 9
svāduramlavipāko'nyo vrīhiḥ pittakaro guruḥ||10||
bahumūtrapurīṣoṣmā, tridoṣastveva pāṭalaḥ||11||
Commentary: Aruṇadatta’s Sarvāṅgasundarā
ebhyaḥ ṣaṣṭikādibhyo'nyaḥ-anukto, vrīhiḥ svāduḥ-madhurarasaḥ, amlavipākaḥ pittakaro gururbahumūtrapurīṣoṣmā cha| pāṭalaḥ-paṭalākusumākāraḥ| tridoṣaḥtridoṣakopanaḥ| tridoṣastvevetyatraivaśabdo'tiśayakhyāpanāya| atiśayena tridoṣala ityarthaḥ| atitridoṣalatvenaasyā'bhyavahāraniṣedhaṃ karoti| ata eva ca rasādimattvaṃ na vyadhādasya śāstrakāraḥ| §1197
Commentary: Hemādri’s Āyurvedarasāyana
athāviśiṣṭavrīhiguṇānāha-svāduriti| anyaḥ-uktebhya itaraḥ| ūṣmā-auṣṇyam| pāṭalaguṇānāha-tridoṣastviti| trayo doṣā yasmātsaḥ-tridoṣaḥ| evagrahaṇātsarvāsvavasthāsu doṣalatvam| ata evānyeṣāṃ dravyāṇāmavasthāto guṇā nyatvaṃ jñeyam| tathā (saṅgrahe sū.a. 7)-"sarvathā doṣajittakraṃ grahaṇyāṃ, doṣakṛdrvraṇe| śāliḥ piṣṭo garīyastvaṃ godhūmādapi gacchati||" ityādi|