Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XXXIII
śrīrāma uvāca |
bhagavanyuddhametanme samāsena manāgvada |
śrutirāhlādyate śroturyasmādetābhiruktimiḥ || 1 ||
[Analyze grammar]
śrīvasiṣṭha uvāca |
atha tatraiva te devyau saṃgrāmaṃ tamavekṣitum |
vimāne kalpite kānte ruddhe ruruhatuḥ sthire || 2 ||
[Analyze grammar]
etasminnantare tatra līleśaḥ pratipakṣataḥ |
tamutsoḍhumaśaktaḥ sanmukhavyatikare raṇe || 3 ||
[Analyze grammar]
pralayārṇavakallola ivotpattyodbhaye bhaṭe |
jahau sānāviva śilāṃ bhaṭasyorasi mudgaram || 4 ||
[Analyze grammar]
atha pravṛttaḥ prasabhaṃ pralayārṇavaraṃhasā |
senayoḥ śastrasaṃpātaḥ kirannanalavidyutaḥ || 5 ||
[Analyze grammar]
tarattaraladhārāgrarekhāṅkitanabhastalaḥ |
dhvanatkaṇakaṇāśabdamadhyalakṣitaṭāṃkṛtiḥ || 6 ||
[Analyze grammar]
dhīrahuṃkāramiśroṣmaghargharāravaghasmaraḥ |
pravṛttaśaradhārāgrabhāskarārcirvitānakaḥ || 7 ||
[Analyze grammar]
nadatkaṅkaṭaṭaṅkāraproḍḍīnakaṇapāvakaḥ |
parasparāhaticchinnahetikhaṇḍakhagāmbaraḥ || 8 ||
[Analyze grammar]
vīradordrumasaṃcāravahadvananabhasthalaḥ |
kodaṇḍacakrakreṅkāradravadvaimānikāṅganaḥ || 9 ||
[Analyze grammar]
mahāhalahalārāvabhṛṅgīkṛtaghanadhvaniḥ |
nirvikalpasamādhistha ivaikaghanatāvaśāt || 10 ||
[Analyze grammar]
nārācāsāradhārāgralūnaśūraśiraskaraḥ |
parasparāṃsasaṃghaṭṭaraṇatkaṅkaṭasaṃkaṭaḥ || 11 ||
[Analyze grammar]
huṃkārahatahetyugrasaṃghaṭṭakaṭuṭāṃkṛtaḥ |
taraddhārātaraṅgābhradanturāśeṣadiṅmukhaḥ || 12 ||
[Analyze grammar]
hetisaṃghaṭṭavikṣobhamuṣṭigrāhyajhaṇajjhaṇaḥ |
ciramāsphoṭakāsphoṭaluṭhaccaṭacaṭāravaḥ || 13 ||
[Analyze grammar]
pravahatkhaḍgasītkārajvalatkaṇasaṇadhvaniḥ |
saraccharabharādhvāntaśaratkharakharāravaḥ || 14 ||
[Analyze grammar]
dhagaddhagitivicchinnakaṇṭhotthaprāṇalohitaḥ |
chinnabāhuśiraḥkhaḍgakhaṇḍanirvivarāmbaraḥ || 15 ||
[Analyze grammar]
kaṅkaṭotthasphuradvahnisaṭāspṛṣṭaśiroruhaḥ |
raṇatpatadasivrātamattapīnajhaṇajjhaṇaḥ || 16 ||
[Analyze grammar]
kuntakuṇṭhitamātaṅgataraṅgottuṅgalohitaḥ |
dantidantaviniṣpeṣatāracītkārakarkaśaḥ || 17 ||
[Analyze grammar]
mahāmusalasaṃpātapiṣṭakaṣṭoddhurasvaraḥ |
taracchūraśiraḥpadmaprakarācchāditāmbaraḥ || 18 ||
[Analyze grammar]
vyomanyastabhujāhīndraḥ pūrṇadhūlimayāmbudaḥ |
chinnahetinarārabdhakeśākeśipratikriyaḥ || 19 ||
[Analyze grammar]
nakhānakhinikṛttākṣikarṇanāsoṣṭhakandharaḥ |
chinnāyudhamahāmallahelollālanalabdhabhūḥ || 20 ||
[Analyze grammar]
patatsamadamātaṅgakampitorvīluṭhadrayaḥ |
raṇadratharayotpannakṣaradraktasaritpathaḥ || 21 ||
[Analyze grammar]
rajoracitanīhāraḥ kacatpravahadāyudhaḥ |
ekīkṛtaghanakṣobhasainyasāgaragarjitaḥ || 22 ||
[Analyze grammar]
mattahāsavilāsena mṛtyunā paricarvitaḥ |
garvitādrīndranāgendrakharvitāmbhodagarjitaḥ || 23 ||
[Analyze grammar]
vṛkṣaśvabhrataṭīcchannacakraśaktyṛṣṭimudgaraḥ |
śarorṇātantunīrandhraghṛṣṭiyodhādrimekhalaḥ || 24 ||
[Analyze grammar]
meghaviśrāntavicchinnapatākāpaṭacāmaraḥ |
yantrapāṣāṇacakraughadūravidrutakhecaraḥ || 25 ||
[Analyze grammar]
maraṇavyagrakṛttāṅgayodhākrandātighargharaḥ |
kuṭhārāghātasaṃghātavidalanmastakavrajaḥ || 26 ||
[Analyze grammar]
dūroḍḍīnakacatkhaḍgakhaṇḍatārakitāmbaraḥ |
śaktinirmuktaśaktyaughavibhinnebhāvṛtāvaniḥ || 27 ||
[Analyze grammar]
sainyavyākulavetālalalanonmuktamudgaraḥ |
gaganottambhitottuṅgaśūratomaratoraṇaḥ || 28 ||
[Analyze grammar]
bhuśuṇḍībhagnakhaḍgaughakhaṇḍālīvyomakuntalaḥ |
kuntaveṇuvananyastatāpāmbarakacacchaviḥ || 29 ||
[Analyze grammar]
khaḍgarṣṭivṛṣṭisaṃpuṣṭarājapūjitasainikaḥ |
śūlottambhitasacchūragrahaṇodyamitāpsarāḥ || 30 ||
[Analyze grammar]
gadātuṣāravigalatsphuritāṅgadadiṅmukhaḥ |
prāsaprasabhasaṃpiṣṭakaṣṭaceṣṭatayotkaṭaḥ || 31 ||
[Analyze grammar]
cakrakrakacasaṃcāracchinnāśvanaravāraṇaḥ |
paraśuvrātasaṃpātapatatsamadavāraṇaḥ || 32 ||
[Analyze grammar]
lakuṭolloḍanoḍḍīnaproḍḍāmaracaṭadbhaṭaḥ |
yantrapāṣāṇasaṃpātapiṣṭaketurathadrumaḥ || 33 ||
[Analyze grammar]
karavālavilūnāgracchatrapaṅkajapāṇḍuraḥ |
kṣepaṇakṣobhasaṃkṣīṇasainyakṣobho'pyalakṣaṇaḥ || 34 ||
[Analyze grammar]
kabandhabandhasaṃnetṛpātasaṃpiṣṭapārśvagaḥ |
sāṅkuśāṅkitasaṃkhyasthavīravāritavāraṇaḥ || 35 ||
[Analyze grammar]
paraśuvrātasaṃpātapatatsamadavāraṇaḥ |
pāśāprāśiviśeṣajñavīrātiparidevanaḥ || 36 ||
[Analyze grammar]
kṣurikākukṣinirbhedagalatpadmapatajjanaḥ |
triśūlavalanonmattaśūvarasaṃkaranartataḥ || 37 ||
[Analyze grammar]
dhāvaddhānuṣkasaṃpūrṇakulakūjitakākaliḥ |
bhindipālasaṭāṭopahuṃkārārabhaṭīnaṭaḥ || 38 ||
[Analyze grammar]
vajramuṣṭiviniṣpiṣṭapiṣṭasadbhaṭasaṃkaṭaḥ |
śyenavadvyomapadavīprotpatatpaṭupaṭṭiśaḥ || 39 ||
[Analyze grammar]
aṅkuśākṛṣṭaśūreśarathebhahayaketanaḥ |
halāhalihatālūnahelākulakulācalaḥ || 40 ||
[Analyze grammar]
sutālottālakuddālanikhātavanabhūtalaḥ |
dhanurdviguṇamātrāstalūnalokaśilāvaliḥ || 41 ||
[Analyze grammar]
krakacobhayapārśvebhacchinnamattamataṅgajaḥ |
saṃgrāmolūkhalakṣuṇṇalokataṇḍulamausalī || 42 ||
[Analyze grammar]
astrābhāśṛṅkhalājālabaddhasenāvihaṅgamaḥ |
lolāsivīranistriṃśanītavādigṛhāṅgaṇāḥ || 43 ||
[Analyze grammar]
gaṇaśo nīyamānāgryaśvāpadārāvanirbharaḥ |
nakhāṅguṣṭhakhanatpuṅkhapreṅkhāraṇaraṇāravaiḥ || 44 ||
[Analyze grammar]
maricairvyañjanānīva rañjayansakalāravān |
sainyanikṣiptakumbhāgnidagdhayodheritāyudhaḥ |
sainyanikṣiptakumbhāgnidagdhayodhojjhitāyudhaḥ || 45 ||
[Analyze grammar]
sainyanikṣiptakumbhasthataptāṅgārahatekṣaṇaḥ |
sainyanikṣiptakumbhasthaviṣavāridalajjanaḥ || 46 ||
[Analyze grammar]
nārācavarṣavaravāridavīrapūramattābhrasaṃbhramasanṛttakabandhabarhī |
kalpāntakāla iva vegavivartamānamātaṅgaśailavalito raṇasaṃbhramo'bhūt || 47 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XXXIII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!