![Yoga-sutra with Bhoja Vritti [sanskrit] - book cover](/images/book-cover-default.png)
Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 1.4
vyutthānadaśāyāṃ tu tasya kiṃ rūpamityāha —
vṛttisārūpyamitaratra || samādhi 4 ||
vṛttiḥ — itaratra yogādanyasmin kāle vṛttayo yā vakṣyamāṇalakṣaṇāstābhiḥ sārūpyaṃ tadrūpatvam | ayamarthaḥ — yādṛśyo vṛttayaḥ sukhaduḥkhamohātmikāḥ prādurbhavanti tādṛgrūpa eva saṃvedyate vyavahartṛbhiḥ puruṣaḥ | tadevaṃ yasminnekāgratayā pariṇate citiśakteḥ svasmin rūpe pratiṣṭhānaṃ bhavati yasmiṃścendriyavṛttidvāreṇa viṣayākāreṇa pariṇate puruṣastadrūpākāra iva paribhāvyate | yathā jalataraṅgeṣu calatsu candraścalanniva pratibhāṣate taccittam || 4 ||