Chapter 17

saptadeśo'dhyāyaḥ |
viṣvaksenaḥ |
athātaḥ saṃpravakṣyāmi jaṅgamasthāpanaṃ param |
apradhānaṃ ca bimbaṃ tu jaṅgamaṃ bimbamuttamam || 1 ||
[Analyze grammar]

pṛthak cet sarvakarmāṇi bimbaśuddhyarthameva ca |
kārayenmuniśārdūla snānādipratimākriyām || 2 ||
[Analyze grammar]

snānotsavādikāryārthaṃ kāle'smin vartate sati |
jalavāsaṃ kramāt kṛtvā maṇḍape cādhivāsanam || 3 ||
[Analyze grammar]

kṛtvā tu pūrvavaddhomaṃ tilahomaṃ vinā dvija |
snapanaṃ vidhivat kṛtvā ratnanyāsaṃ vinā mune || 4 ||
[Analyze grammar]

mantranyāsaṃ vinā tasmin tattvanyāsaṃ samācaret |
madhyasūtraṃ parityajya prāsāde parameṣṭhinā || 5 ||
[Analyze grammar]

pauruṣaṃ sūktamuccārya sthāpayenmatimān pṛthak |
mūrtīnāṃ sthānabhedastu bimbādhyāye pradarśitaḥ || 6 ||
[Analyze grammar]

tattatsthāne svamantreṇa saṃsthāpyārcādi nārada |
yadrupaṃ mūlaberasya yaccihnaiścihnitaṃ purā || 7 ||
[Analyze grammar]

yā mūrtiḥ sthāpitā pūrvaṃ mūlārceti mahātmabhiḥ |
yathā cāyudhavinyāsaḥ kathaṃ buddhimatāṃ varaiḥ || 8 ||
[Analyze grammar]

karmārcādiṣu bereṣu tatsarvaṃ kārayettathā |
na vidhiḥ śayitasyaiṣaḥ sthāpanādi prakīrtitam || 9 ||
[Analyze grammar]

śayitasya tu karmārcā sthānakaṃ tvāsanaṃ tu vā |
saṃsthāpya vāsudevākhyaṃ na saṃkarṣaṇamiṣyate || 10 ||
[Analyze grammar]

tathā saṃkarṣaṇaṃ sthāpya pradyumnaṃ nārcayet sudhīḥ |
pradyumnasthāpanārcāyāṃ karmārcā nāniruddhakā || 11 ||
[Analyze grammar]

karmārcā sarvathā kāryā mūlabimbānusāriṇī |
viśeṣaścātra saṃproktaḥ śeṣaṃ pūrvavadācaret || 12 ||
[Analyze grammar]

evaṃ saṃkṣepataḥ proktaṃ jaṅgamasthāpanaṃ mune |
dhanyaṃ yaśasyamāyuṣyaṃ sarvakāmaphalapradam || 13 ||
[Analyze grammar]

sthāpanaṃ saṃpravakṣyāmi citrābhāsārdhacitrake |
ābhāsaṃ trividhaṃ proktaṃ bhittau ca phalake paṭe || 14 ||
[Analyze grammar]

ardhacitraṃ tathā bhittau śilāyāṃ dāruke'pi ca |
vidyate yadi karmārcāpyeteṣāṃ lohajākṛtiḥ || 15 ||
[Analyze grammar]

karmārcāyāṃ tu sakalāṃ kriyāṃ kṛtvā tu pūrvavat |
mūlārcāyāṃ tu kartavyo mantranyāso dvijottama || 16 ||
[Analyze grammar]

adhivāsanakumbhasthatoyena prokṣayedbudhaḥ |
tataḥ puruṣasūktena pañcopaniṣadairapi || 17 ||
[Analyze grammar]

atraiva ṣoḍaśanyāso neṣyate tantrapāragaiḥ |
phalake ca paṭe caiva viśeṣaṃ kathayāmyaham || 8 ||
[Analyze grammar]

maṇḍapaṃ pūrvavat kṛtvā vediṃ kṛtvā tu pūrvavat |
kṛtvā sulocane divye śाyane saṃniveśayet || 19 ||
[Analyze grammar]

jalādhivāsanaṃ caiva neṣyate snapanaṃ budhaiḥ |
mūrtihomaṃ tataḥ kṛtvā diśāhomavivarjitam || 20 ||
[Analyze grammar]

vidyeśānapi saṃpūjya vedikākalaśeṣvatha |
pralayaṃ ca nisargaṃ ca kramāt kṛtvā tu deśikaḥ || 21 ||
[Analyze grammar]

prokṣayet svena mantreṇa brahmakumbhasthavāriṇā |
yuktyā yuktiviśeṣeṇa śeṣaṃ pūrvavadācaret || 22 ||
[Analyze grammar]

bhittisthapratimāyāṃ tu sthānaṃ kathayāmyaham |
bhittau samyakpaṭe citre varṇālaṃkārabhūṣite || 23 ||
[Analyze grammar]

ābhāse cārdhacitre vā paṭe samyaksulocane |
devasya purataḥ kṛtvā maṇḍapaṃ saparicchadam || 24 ||
[Analyze grammar]

vedikāṃ tatra kurvīta pūrvoktena vidhānataḥ |
dvikarāṃ trikarāṃ vāpi śilpinā kuśalena tu || 25 ||
[Analyze grammar]

tatastu vedikāmadhye vinyasecchālisaṃcayam |
śālimadhye likhet padmamaṣṭapatraṃ sakarṇikam || 26 ||
[Analyze grammar]

tatastu droṇasaṃpūrṇaṃ brahmakumbhaṃ suvarcasam |
vastrapūtairjalaiḥ pūrṇaṃ sakūrcaṃ sāpidhānakam || 27 ||
[Analyze grammar]

sasūtraṃ vastrayugmena veṣṭitaṃ ratnasaṃyutam |
aṣṭaśaktisamopetaṃ sauvarṇāyudhapañcayuk || 28 ||
[Analyze grammar]

aśvatthapallavairyuktaṃ gandhapuṣpākṣatārcitam |
tatkumbhaṃ praṇavenaiva padmamadhye tu vinyaset || 29 ||
[Analyze grammar]

tataḥ padmadaleṣvaṣṭaghaṭāṃstu parito nyaset |
pūrvavattoyasaṃpūrṇān sahiraṇyān savastrakān || 30 ||
[Analyze grammar]

sapidhānān sakūrcāṃstu mukhe cāśvatthapallavān |
arcayedgandhapuṣpaiśca dīpairanyairvicitrakaiḥ || 31 ||
[Analyze grammar]

arcayenmūlamantreṇa nārāyaṇamanāmayam |
viśṇumakliṣṭakarmāṇaṃ paramaṃ madhyame ghaṭe || 32 ||
[Analyze grammar]

vāsudevaṃ nyaset pūrve saṃkarṣaṇaṃ tu dakṣiṇe |
pradyumnaṃ paścime nyasya aniruddhaṃ tu cottare || 33 ||
[Analyze grammar]

āgneyyāṃ vinyasellakṣmīṃ nairṛtyāṃ tu sarasvatīm |
vāyavye tu ratiṃ nyasya śāntimīśānagocare || 34 ||
[Analyze grammar]

evaṃ nyasya vidhānena gandhapuṣpādibhiryajet |
athavātra muniśreṣṭha paritaḥ kalaśān nyaset || 35 ||
[Analyze grammar]

tanmadhye cānayedaṣṭavidyeśān sādhakottamaḥ |
vārāhaṃ pūrvabhāge tu nārasiṃhaṃ tu dakṣiṇe || 36 ||
[Analyze grammar]

śrīdharaṃ paścime deśe uttare hayaśīrṣakam |
āgneye bhārgavaṃ rāmaṃ nairṛtyāṃ rāmameva ca || 37 ||
[Analyze grammar]

vāmanaṃ cāpi vāyavye vāsudevaṃ tatheśake |
svanāmnā pūjayitvaitān kalaśeṣu pṛthak pṛthak || 38 ||
[Analyze grammar]

evaṃ saṃpūjayitvā tu homakarma samācaret |
pūrvādi cottarāntaṃ tu kuṇḍāni parikalpayet || 40 ||
[Analyze grammar]

vāruṇe vṛttakuṇḍe tu pradyumnaṃ tu yajedbudhaḥ |
uttare padmakuṇḍe tu aniruddhamatho yajet || 41 ||
[Analyze grammar]

pālāśaṃ khādiraṃ caiva bailavamaudumbaraṃ tathā |
aṣṭottaraśata hutvā pūrvādi ca pṛthak kramāt || 42 ||
[Analyze grammar]

samidājyacarūn lājān juhuyurmūrtipāḥ kramāt |
athavātra muniśreṣṭha pūrvāgnau sādhakāttamaḥ || 43 ||
[Analyze grammar]

samidājyena caruṇā homamekena cāpyalam |
kuṇḍe vā sthaṇḍile vāpi ācāryo juhuyādbudhaḥ || 44 ||
[Analyze grammar]

rātrau homaḥ prakartavyaḥ jalasaṃprokṣaṇaṃ divā |
na kuryāt prokṣaṇaṃ rātrau na divā homamācaret || 45 ||
[Analyze grammar]

tasmāt sarvaprayatnena rātrau homaṃ tu kārayet |
muhūrte samanuprāpte brāhmaṇānāmanujñayā || 46 ||
[Analyze grammar]

kumbhasthitena toyena prokṣayet parameṣṭhinā |
āvāhayettato devaṃ nārāyaṇamanāmayam || 47 ||
[Analyze grammar]

śaṅkhacakradharaṃ devaṃ pītāmbaradharaṃ harim |
yadrupaṃ cintitaṃ bhittau tathā dhyāyejjagadgurum || 48 ||
[Analyze grammar]

evaṃ kṛtvā mahāviṣṇuṃ prokṣayedgandhavāriṇā |
tataḥ puruṣasūktena prokṣayet pratimāṃ punaḥ || 49 ||
[Analyze grammar]

pūjayedarghyapādyaiśca carubhirvividhairapi |
yathāvittānusāreṇa dadyādācāryadakṣiṇām || 50 ||
[Analyze grammar]

evaṃ saṃkṣepataḥ proktaṃ sthāpanaṃ bhittisaṃśritam |
tataḥsupīṭhikāṃ kṛtvā pīṭhasya paritaḥkramāt || 51 ||
[Analyze grammar]

saṃkalpya parivārāṃśca tatrāvāhya tu pūjayet |
dine dine muniśreṣṭha trisandhyaikamathāpi vā || 52 ||
[Analyze grammar]