Chapter 55

evamuktastu rāmeṇa parāṃ vrīḍāmupāgataḥ |
śatrughno vīryasaṃpanno mandaṃ mandamuvāca ha || 1 ||
[Analyze grammar]

avaśyaṃ karaṇīyaṃ ca śāsanaṃ puruṣarṣabha |
tava caiva mahābhāga śāsanaṃ duratikramam |
ayaṃ kāmakaro rājaṃstavāsmi puruṣarṣabha || 2 ||
[Analyze grammar]

evamukte tu śūreṇa śatrughnena mahātmanā |
uvāca rāmaḥ saṃhṛṣṭo lakṣmaṇaṃ bharataṃ tathā || 3 ||
[Analyze grammar]

saṃbhārānabhiṣekasya ānayadhvaṃ samāhitāḥ |
adyaiva puruṣavyāghramabhiṣekṣyāmi durjayam || 4 ||
[Analyze grammar]

purodhasaṃ ca kākutsthau naigamānṛtvijastathā |
mantriṇaścaiva me sarvānānayadhvaṃ mamājñayā || 5 ||
[Analyze grammar]

rājñaḥ śāsanamājñāya tathākurvanmahārathāḥ |
abhiṣekasamārambhaṃ puraskṛtya purodhasaṃ |
praviṣṭā rājabhavanaṃ puraṃdaragṛhopamam || 6 ||
[Analyze grammar]

tato'bhiṣeko vavṛdhe śatrughnasya mahātmanaḥ |
saṃpraharṣakaraḥ śrīmān rāghavasya purasya ca || 7 ||
[Analyze grammar]

tato'bhiṣiktaṃ śatrughnamaṅkamāropya rāghavaḥ |
uvāca madhurāṃ vāṇīṃ tejastasyābhipūrayan || 8 ||
[Analyze grammar]

ayaṃ śarastvamoghaste divyaḥ parapuraṃjayaḥ |
anena lavaṇaṃ saumya hantāsi raghunandana || 9 ||
[Analyze grammar]

sṛṣṭaḥ śaro'yaṃ kākutstha yadā śete mahārṇave |
svayambhūrajito devo yaṃ nāpaśyan surāsurāḥ || 10 ||
[Analyze grammar]

adṛśyaḥ sarvabhūtānāṃ tenāyaṃ hi śarottamaḥ |
sṛṣṭaḥ krodhābhibhūtena vināśārthaṃ durātmanoḥ |
madhukaiṭabhayorvīra vighāte vartamānayoḥ || 11 ||
[Analyze grammar]

sraṣṭukāmena lokāṃstrīṃstau cānena hatau yudhi |
anena śaramukhyena tato lokāṃścakāra saḥ || 12 ||
[Analyze grammar]

nāyaṃ mayā śaraḥ pūrvaṃ rāvaṇasya vadhārthinā |
muktaḥ śatrughna bhūtānāṃ mahāṃstrāso bhavediti || 13 ||
[Analyze grammar]

yacca tasya mahacchūlaṃ tryambakeṇa mahātmanā |
dattaṃ śatruvināśāya madhorāyudhamuttamam || 14 ||
[Analyze grammar]

tat saṃnikṣipya bhavane pūjyamānaṃ punaḥ punaḥ |
diśaḥ sarvāḥ samālokya prāpnotyāhāramātmanaḥ || 15 ||
[Analyze grammar]

yadā tu yuddhamākāṅkṣan kaścidenaṃ samāhvayet |
tadā śūlaṃ gṛhītvā tadbhasma rakṣaḥ karoti tam || 16 ||
[Analyze grammar]

sa tvaṃ puruṣaśārdūla tamāyudhavivarjitam |
apraviṣṭapuraṃ pūrvaṃ dvāri tiṣṭha dhṛtāyudhaḥ || 17 ||
[Analyze grammar]

apraviṣṭaṃ ca bhavanaṃ yuddhāya puruṣarṣabha |
āhvayethā mahābāho tato hantāsi rākṣasaṃ || 18 ||
[Analyze grammar]

anyathā kriyamāṇe tu avadhyaḥ sa bhaviṣyati |
yadi tvevaṃ kṛte vīra vināśamupayāsyati || 19 ||
[Analyze grammar]

etatte sarvamākhyātaṃ śūlasya ca viparyayam |
śrīmataḥ śitikaṇṭhasya kṛtyaṃ hi duratikramam || 20 ||
[Analyze grammar]