Chapter 54

tathokte tānṛṣīn rāmaḥ pratyuvāca kṛtāñjaliḥ |
kimāhāraḥ kimācāro lavaṇaḥ kva ca vartate || 1 ||
[Analyze grammar]

rāghavasya vacaḥ śrutvā ṛṣayaḥ sarva eva te |
tato nivedayāmāsurlavaṇo vavṛdhe yathā || 2 ||
[Analyze grammar]

āhāraḥ sarvasattvāni viśeṣeṇa ca tāpasāḥ |
ācāro raudratā nityaṃ vāso madhuvane sadā || 3 ||
[Analyze grammar]

hatvā daśasahasrāṇi siṃhavyāghramṛgadvipān |
mānuṣāṃścaiva kurute nityamāhāramāhnikam || 4 ||
[Analyze grammar]

tato'parāṇi sattvāni khādate sa mahābalaḥ |
saṃhāre samanuprāpte vyāditāsya ivāntakaḥ || 5 ||
[Analyze grammar]

tacchrutvā rāghavo vākyamuvāca sa mahāmunīn |
ghātayiṣyāmi tad rakṣo vyapagacchatu vo bhayam || 6 ||
[Analyze grammar]

tathā teṣāṃ pratijñāya munīnāmugratejasām |
sa bhrātṝn sahitān sarvānuvāca raghunandanaḥ || 7 ||
[Analyze grammar]

ko hantā lavaṇaṃ vīrāḥ kasyāṃśaḥ sa vidhīyatām |
bharatasya mahābāhoḥ śatrughnasyātha vā punaḥ || 8 ||
[Analyze grammar]

rāghaveṇaivamuktastu bharato vākyamabravīt |
ahamenaṃ vadhiṣyāmi mamāṃśaḥ sa vidhīyatām || 9 ||
[Analyze grammar]

bharatasya vacaḥ śrutvā śauryavīryasamanvitam |
lakṣmaṇāvarajastasthau hitvā sauvarṇamāsanam || 10 ||
[Analyze grammar]

śatrughnastvabravīdvākyaṃ praṇipatya narādhipam |
kṛtakarmā mahābāhurmadhyamo raghunandanaḥ || 11 ||
[Analyze grammar]

āryeṇa hi purā śūnyā ayodhyā rakṣitā purī |
saṃtāpaṃ hṛdaye kṛtvā āryasyāgamanaṃ prati || 12 ||
[Analyze grammar]

duḥkhāni ca bahūnīha anubhūtāni pārthiva |
śayāno duḥkhaśayyāsu nandigrāme mahātmanā || 13 ||
[Analyze grammar]

phalamūlāśano bhūtvā jaṭācīradharastathā |
anubhūyedṛśaṃ duḥkhameṣa rāghavanandanaḥ |
preṣye mayi sthite rājanna bhūyaḥ kleśamāpnuyāt || 14 ||
[Analyze grammar]

tathā bruvati śatrughne rāghavaḥ punarabravīt |
evaṃ bhavatu kākutstha kriyatāṃ mama śāsanam || 15 ||
[Analyze grammar]

rājye tvāmabhiṣekṣyāmi madhostu nagare śubhe |
niveśaya mahābāho bharataṃ yadyavekṣase || 16 ||
[Analyze grammar]

śūrastvaṃ kṛtavidyaśca samarthaḥ saṃniveśane |
nagaraṃ madhunā juṣṭaṃ tathā janapadāñ śubhān || 17 ||
[Analyze grammar]

yo hi vaṃśaṃ samutpāṭya pārthivasya punaḥ kṣaye |
na vidhatte nṛpaṃ tatra narakaṃ sa nigacchati || 18 ||
[Analyze grammar]

sa tvaṃ hatvā madhusutaṃ lavaṇaṃ pāpaniścayam |
rājyaṃ praśādhi dharmeṇa vākyaṃ me yadyavekṣase || 19 ||
[Analyze grammar]

uttaraṃ ca na vaktavyaṃ śūra vākyāntare mama |
bālena pūrvajasyājñā kartavyā nātra saṃśayaḥ || 20 ||
[Analyze grammar]

abhiṣekaṃ ca kākutstha pratīcchasva mayodyatam |
vasiṣṭhapramukhairviprairvidhimantrapuraskṛtam || 21 ||
[Analyze grammar]