Chapter 110

upasthitaṃ tu taṃ dṛṣṭvā puṣpakaṃ puṣpabhūṣitam |
avidūre sthitaṃ rāmaṃ pratyuvāca vibhīṣaṇaḥ || 1 ||
[Analyze grammar]

sa tu baddhāñjaliḥ prahvo vinīto rākṣaseśvaraḥ |
abravīttvarayopetaḥ kiṃ karomīti rāghavam || 2 ||
[Analyze grammar]

tamabravīnmahātejā lakṣmaṇasyopaśṛṇvataḥ |
vimṛśya rāghavo vākyamidaṃ snehapuraskṛtam || 3 ||
[Analyze grammar]

kṛtaprayatnakarmāṇo vibhīṣaṇa vanaukasaḥ |
ratnairarthaiśca vivibhairbhūṣaṇaiścābhipūjaya || 4 ||
[Analyze grammar]

sahaibhirarditā laṅkā nirjitā rākṣaseśvara |
hṛṣṭaiḥ prāṇabhayaṃ tyaktvā saṃgrāmeṣvanivartibhiḥ || 5 ||
[Analyze grammar]

evaṃ saṃmānitāśceme mānārhā mānada tvayā |
bhaviṣyanti kṛtajñena nirvṛtā hariyūthapāḥ || 6 ||
[Analyze grammar]

tyāginaṃ saṃgrahītāraṃ sānukrośaṃ yaśasvinam |
yatastvāmavagacchanti tataḥ saṃbodhayāmi te || 7 ||
[Analyze grammar]

evamuktastu rāmeṇa vānarāṃstān vibhīṣaṇaḥ |
ratnārthaiḥ saṃvibhāgena sarvānevānvapūjayat || 8 ||
[Analyze grammar]

tatastānpūjitāndṛṣṭvā ratnairarthaiśca yūthapān |
āruroha tato rāmastadvimānamanuttamam || 9 ||
[Analyze grammar]

aṅkenādāya vaidehīṃ lajjamānāṃ yaśasvinīm |
lakṣmaṇena saha bhrātrā vikrāntena dhanuṣmatā || 10 ||
[Analyze grammar]

abravīcca vimānasthaḥ kākutsthaḥ sarvavānarān |
sugrīvaṃ ca mahāvīryaṃ rākṣasaṃ ca vibhīṣaṇam || 11 ||
[Analyze grammar]

mitrakāryaṃ kṛtamidaṃ bhavadbhirvānarottamāḥ |
anujñātā mayā sarve yatheṣṭaṃ pratigacchata || 12 ||
[Analyze grammar]

yattu kāryaṃ vayasyena suhṛdā vā paraṃtapa |
kṛtaṃ sugrīva tat sarvaṃ bhavatā dharmabhīruṇā |
kiṣkindhāṃ pratiyāhyāśu svasainyenābhisaṃvṛtaḥ || 13 ||
[Analyze grammar]

svarājye vasa laṅkāyāṃ mayā datte vibhīṣaṇa |
na tvāṃ dharṣayituṃ śaktāḥ sendrā api divaukasaḥ || 14 ||
[Analyze grammar]

ayodhyāṃ pratiyāsyāmi rājadhānīṃ piturmama |
abhyanujñātumicchāmi sarvānāmantrayāmi vaḥ || 15 ||
[Analyze grammar]

evamuktāstu rāmeṇa vānarāste mahābalāḥ |
ūcuḥ prāñjalayo rāmaṃ rākṣasaśca vibhīṣaṇaḥ |
ayodhyāṃ gantumicchāmaḥ sarvānnayatu no bhavān || 16 ||
[Analyze grammar]

dṛṣṭvā tvāmabhiṣekārdraṃ kausalyāmabhivādya ca |
acireṇāgamiṣyāmaḥ svān gṛhānnṛpateḥ suta || 17 ||
[Analyze grammar]

evamuktastu dharmātmā vānaraiḥ savibhīṣaṇaiḥ |
abravīd rāghavaḥ śrīmān sasugrīvavibhīṣaṇān || 18 ||
[Analyze grammar]

priyāt priyataraṃ labdhaṃ yadahaṃ sasuhṛjjanaḥ |
sarvairbhavadbhiḥ sahitaḥ prītiṃ lapsye purīṃ gataḥ || 19 ||
[Analyze grammar]

kṣipramāroha sugrīva vimānaṃ vānaraiḥ saha |
tvamadhyāroha sāmātyo rākṣasendravibhīṣaṇa || 20 ||
[Analyze grammar]

tatastat puṣpakaṃ divyaṃ sugrīvaḥ saha senayā |
adhyārohattvarañ śīghraṃ sāmātyaśca vibhīṣaṇaḥ || 21 ||
[Analyze grammar]

teṣvārūḍheṣu sarveṣu kauberaṃ paramāsanam |
rāghaveṇābhyanujñātamutpapāta vihāyasaṃ || 22 ||
[Analyze grammar]

yayau tena vimānena haṃsayuktena bhāsvatā |
prahṛṣṭaśca pratītaśca babhau rāmaḥ kuberavat || 23 ||
[Analyze grammar]