Chapter 42

dhūmrākṣaṃ prekṣya niryāntaṃ rākṣasaṃ bhīmanisvanam |
vinedurvānarāḥ sarve prahṛṣṭā yuddhakāṅkṣiṇaḥ || 1 ||
[Analyze grammar]

teṣāṃ tu tumulaṃ yuddhaṃ saṃjajñe harirakṣasām |
anyonyaṃ pādapairghorairnighnataṃ śūlamudgaraiḥ || 2 ||
[Analyze grammar]

rākṣasairvānarā ghorā vinikṛttāḥ samantataḥ |
vānarai rākṣasāścāpi drumairbhūmau samīkṛtāḥ || 3 ||
[Analyze grammar]

rākṣasāścāpi saṃkruddhā vānarānniśitaiḥ śaraiḥ |
vivyadhurghorasaṃkāśaiḥ kaṅkapatrairajihmagaiḥ || 4 ||
[Analyze grammar]

te gadābhiśca bhīmābhiḥ paṭṭasaiḥ kūṭamudgaraiḥ |
ghoraiśca parighaiścitraistriśūlaiścāpi saṃśitaiḥ || 5 ||
[Analyze grammar]

vidāryamāṇā rakṣobhirvānarāste mahābalāḥ |
amarṣājjanitoddharṣāścakruḥ karmāṇyabhītavat || 6 ||
[Analyze grammar]

śaranirbhinnagātrāste śūlanirbhinnadehinaḥ |
jagṛhuste drumāṃstatra śilāśca hariyūthapāḥ || 7 ||
[Analyze grammar]

te bhīmavegā harayo nardamānāstatastataḥ |
mamanthū rākṣasānbhīmānnāmāni ca babhāṣire || 8 ||
[Analyze grammar]

tadbabhūvādbhutaṃ ghoraṃ yuddhaṃ vānararakṣasām |
śilābhirvividhābhiśca bahuśākhaiśca pādapaiḥ || 9 ||
[Analyze grammar]

rākṣasā mathitāḥ ke cidvānarairjitakāśibhiḥ |
vavarṣū rudhiraṃ ke cinmukhai rudhirabhojanāḥ || 10 ||
[Analyze grammar]

pārśveṣu dāritāḥ ke cit ke cid rāśīkṛtā drumaiḥ |
śilābhiścūrṇitāḥ ke cit ke ciddantairvidāritāḥ || 11 ||
[Analyze grammar]

dhvajairvimathitairbhagnaiḥ kharaiśca vinipātitaiḥ |
rathairvidhvaṃsitaiścāpi patitai rajanīcaraiḥ || 12 ||
[Analyze grammar]

vānarairbhīmavikrāntairāplutyāplutya vegitaiḥ |
rākṣasāḥ karajaistīkṣṇairmukheṣu vinikartitāḥ || 13 ||
[Analyze grammar]

vivarṇavadanā bhūyo viprakīrṇaśiroruhāḥ |
mūḍhāḥ śoṇitagandhena nipeturdharaṇītale || 14 ||
[Analyze grammar]

naye tu paramakruddhā rākṣasā bhīmavikramāḥ |
talairevābhidhāvanti vajrasparśasamairharīn || 15 ||
[Analyze grammar]

vanarairāpatantaste vegitā vegavattaraiḥ |
muṣṭibhiścaraṇairdantaiḥ pādapaiścāpapothitāḥ || 16 ||
[Analyze grammar]

sanyaṃ tu vidrutaṃ dṛṣṭvā dhūmrākṣo rākṣasarṣabhaḥ |
krodhena kadanaṃ cakre vānarāṇāṃ yuyutsatām || 17 ||
[Analyze grammar]

prāsaiḥ pramathitāḥ ke cidvānarāḥ śoṇitasravāḥ |
mudgarairāhatāḥ ke cit patitā dharaṇītale || 18 ||
[Analyze grammar]

parighairmathitaḥ ke cidbhiṇḍipālairvidāritāḥ |
paṭṭasairāhatāḥ ke cidvihvalanto gatāsavaḥ || 19 ||
[Analyze grammar]

ke cidvinihatā bhūmau rudhirārdrā vanaukasaḥ |
ke cidvidrāvitā naṣṭāḥ saṃkruddhai rākṣasairyudhi || 20 ||
[Analyze grammar]

vibhinnahṛdayāḥ ke cidekapārśvena śāyitāḥ |
vidāritāstraśūlai ca ke cidāntrairvinisrutāḥ || 21 ||
[Analyze grammar]

tat subhīmaṃ mahad yuddhaṃ harirākasa saṃkulam |
prababhau śastrabahulaṃ śilāpādapasaṃkulam || 22 ||
[Analyze grammar]

dhanurjyātantrimadhuraṃ hikkātālasamanvitam |
mandrastanitasaṃgītaṃ yuddhagāndharvamābabhau || 23 ||
[Analyze grammar]

dhūmrākṣastu dhanuṣpāṇirvānarān raṇamūrdhani |
hasan vidrāvayāmāsa diśastāñ śaravṛṣṭibhiḥ || 24 ||
[Analyze grammar]

dhūmrākṣeṇārditaṃ sainyaṃ vyathitaṃ dṛśya mārutiḥ |
abhyavartata saṃkruddhaḥ pragṛhya vipulāṃ śilām || 25 ||
[Analyze grammar]

krodhāddviguṇatāmrākṣaḥ pitṛtulyaparākramaḥ |
śilāṃ tāṃ pātayāmāsa dhūmrākṣasya rathaṃ prati || 26 ||
[Analyze grammar]

āpatantīṃ śilāṃ dṛṣṭvā gadāmudyamya saṃbhramāt |
rathādāplutya vegena vasudhāyāṃ vyatiṣṭhata || 27 ||
[Analyze grammar]

sā pramathya rathaṃ tasya nipapāta śilābhuvi |
sacakrakūbaraṃ sāśvaṃ sadhvajaṃ saśarāsanam || 28 ||
[Analyze grammar]

sa bhaṅktvā tu rathaṃ tasya hanūmānmārutātmajaḥ |
rakṣasāṃ kadanaṃ cakre saskandhaviṭapairdrumaiḥ || 29 ||
[Analyze grammar]

vibhinnaśiraso bhūtvā rākṣasāḥ śoṇitokṣitāḥ |
drumaiḥ pramathitāścānye nipeturdharaṇītale || 30 ||
[Analyze grammar]

vidrāvya rākṣasaṃ sainyaṃ hanūmānmārutātmajaḥ |
gireḥ śikharamādāya dhūmrākṣamabhidudruve || 31 ||
[Analyze grammar]

tamāpatantaṃ dhūmrākṣo gadāmudyamya vīryavān |
vinardamānaḥ sahasā hanūmantamabhidravat || 32 ||
[Analyze grammar]

tataḥ kruddhastu vegena gadāṃ tāṃ bahukaṇṭakām |
pātayāmāsa dhūmrākṣo mastake tu hanūmataḥ || 33 ||
[Analyze grammar]

tāḍitaḥ sa tayā tatra gadayā bhīmarūpayā |
sa kapirmārutabalastaṃ prahāramacintayan |
dhūmrākṣasya śiro madhye giriśṛṅgamapātayat || 34 ||
[Analyze grammar]

sa vihvalitasarvāṅgo giriśṛṅgeṇa tāḍitaḥ |
papāta sahasā bhūmau vikīrṇa iva parvataḥ || 35 ||
[Analyze grammar]

dhūmrākṣaṃ nihataṃ dṛṣṭvā hataśeṣā niśācarāḥ |
trastāḥ praviviśurlaṅkāṃ vadhyamānāḥ plavaṃgamaiḥ || 36 ||
[Analyze grammar]

sa tu pavanasuto nihatya śatruṃ kṣatajavahāḥ saritaśca saṃvikīrya |
ripuvadhajanitaśramo mahātmā mudamagamat kapibhiśca pūjyamānaḥ || 37 ||
[Analyze grammar]