Chapter 40

[English text for this chapter is available]

śrīprahlāda uvāca |
svanāmāṃkita patraistu śrīpatiṃ yo'rcayeta vai |
saptalokānanuprāpya saptadvīpādhipo bhavet || 1 ||
[Analyze grammar]

mākāntavṛkṣapatraistu yo'rcayeta sadā harim |
puṇyaṃ bhavati tasyeha vājimedhāyutaṃ kalau || 2 ||
[Analyze grammar]

lakṣmīṃ sarasvatīṃ devīṃ sāvitrīṃ caṃḍikāṃ tathā |
pūjayitvā divaṃ yāti patraiḥ śrīvṛkṣasaṃbhavaiḥ || 3 ||
[Analyze grammar]

tulasyā adhikaṃ proktaṃ dalaṃ śrīvṛkṣasaṃbhavam |
tasmānnityaṃ prayatnena pūjanīyaḥ sadā'cyutaḥ || 4 ||
[Analyze grammar]

dvādaśyāṃ ravivāreṇa śrīvṛkṣamarcayanti ye |
brahmahatyādikaiḥ pāpairna lipyaṃte kṛtairapi || 5 ||
[Analyze grammar]

yathā karipade'nyāni praviśaṃti padāni ca |
tathā sarvāṇi puṇyāni praviṣṭāni harerdine || 6 ||
[Analyze grammar]

adhruveṇaiva dehena pratikṣa ṇavināśinā |
kathaṃ nopāsate jaṃturdvādaśīṃ jāgarānvitām || 7 ||
[Analyze grammar]

atītānpuruṣānsapta bhaviṣyāṃśca caturddaśa |
narakāttārayetsarvāṃllokānkṛṣṇeti kīrtanāt |
na te jīvaṃti loke'sminyatratatra sthitā narāḥ || 8 ||
[Analyze grammar]

dvārakāyāṃ ca saṃprāptāstriṣu lokeṣu vaṃditāḥ |
dvārakāyāṃ prakurvaṃti yatīnāṃ bhojanaṃ sthitim |
grāsegrāse makhaśataṃ te labhaṃte phalaṃ narāḥ || 9 ||
[Analyze grammar]

yatīnāṃ ye prayacchaṃti kaupīnācchādanādikam |
vasatāṃ dvārakāmadhye yathāśaktyā tu bhojanam |
śṛṇu puṇyaṃ pravakṣyāmi samāsena hi daityaja || 10 ||
[Analyze grammar]

koṭibhirvedavidvadbhirgayāyāṃ pitṛvatsalaiḥ |
bhojitairyatsamāpnoti tatphalaṃ daityanāyaka || 11 ||
[Analyze grammar]

ekasminbhojite pautra bhikṣuke phalamīdṛśam |
dātavyaṃ bhikṣuke cānnaṃ kuryyādvai cātmavikrayam || 12 ||
[Analyze grammar]

dhanyāste yatayaḥ sarve ye vasaṃti kalau yuge |
kṛṣṇamāśritya daityendra dvārakāyāṃ dinedine || 13 ||
[Analyze grammar]

prāṇino ye mṛtāḥ keciddvārakāṃ kṛṣṇasannidhau |
pāpinastatpadaṃ yāṃti bhittvā sūryasya maṃḍalam || 14 ||
[Analyze grammar]

dvārakācakratīrthe ye nivasaṃti narottamāḥ |
teṣāṃ nivāritāḥ sarve yamena yamakiṃkarāḥ || 15 ||
[Analyze grammar]

snātvā paśyaṃti gomatyāṃ kṛṣṇaṃ kalimalāpaham |
na teṣāṃ viṣaye yūyaṃ na cāsmadviṣaye tu te || 16 ||
[Analyze grammar]

api kīṭaḥ pataṃgo vā vṛkṣā vā ye tadāśritāḥ |
yāṃti te kṛṣṇasadanaṃ saṃsāre na punarhiṃ te || 17 ||
[Analyze grammar]

kiṃ punardvijavaryyāśca kṣatriyāśca viśeṣataḥ |
trivarṇapūjāsaṃyuktāḥ śūdrāstatra nivāsinaḥ || 18 ||
[Analyze grammar]

gītāṃ paṭhaṃti kṛṣṇāgre kārtikaṃ sakalaṃ dvijāḥ |
ekabhaktena naktena tathaivāyācitena ca || 19 ||
[Analyze grammar]

trirātreṇāpi kṛcchreṇa tathā cāndrāyaṇena ca |
yāvakaistaptakṛcchrādyaiḥ pakṣamāsamupoṣaṇaiḥ || 20 ||
[Analyze grammar]

kṣapayaṃti ca ye māsaṃ kārtikaṃ vratacāriṇaḥ |
snātvā vai gomatīnīre tathā vai rukmiṇīhrade || 21 ||
[Analyze grammar]

śaṃkhacakragadā hastāḥ kṛṣṇarūpā bhavaṃti te |
upoṣyaikādaśīṃ śuddhāṃ daśamīsaṃgavarjitām || 22 ||
[Analyze grammar]

śrāddhaṃ kurvaṃti dvādaśyāṃ cakratīrthe ca nirmale |
brāhmaṇānbhojayitvā ca madhupāyasasarpiṣā || 23 ||
[Analyze grammar]

saṃtarpya vidhivadbhaktyā śaktyā dattvā tu dakṣiṇām |
gobhūhiraṇyavāsāṃsi tāṃbūlaṃ ca phalāni ca || 24 ||
[Analyze grammar]

upānahau cchatrasumaṃ jalapūrṇā ghaṭāstathā |
pakvānnasaṃyutāḥ śubhrāḥ saphalā dakṣiṇānvitāḥ || 25 ||
[Analyze grammar]

evaṃ yaḥ kurute samyakkṛṣṇamuddiśya kārtike |
mārkaṃḍeya samā prītiḥ pitṝṇāṃ jāyate dhruvam || 26 ||
[Analyze grammar]

kṛṣṇasya tridaśaiḥ sārddhaṃ tuṣṭirbhavati cākṣayā || 27 ||
[Analyze grammar]

ye kārtike puṇyatamā manuṣyāstiṣṭhaṃti māsaṃ vratadānayuktāḥ |
rathāṃgatīrthe kṛtapūtagātrāste yāṃti puṇyaṃ padamavyayaṃ ca || 28 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye kārtike cakratīrthasnānadānaśrāddhādimāhātmyavarṇanaṃnāma catvāriṃśattamo'dhyāyaḥ || 40 ||
[Analyze grammar]