Chapter 21

[English text for this chapter is available]

śrīprahlāda uvāca |
śivaligamalaṃghyaṃ hi buddhipūrvaṃ hato hyaham |
uvāca kṛṣṇaṃ danujaśchalito'haṃ tvayā'nagha || 1 ||
[Analyze grammar]

śrīviṣṇu ruvāca |
parituṣṭosmi te daitya śauryeṇa śivasaṃśrayāt |
varaṃ varaya bhadraṃ te yadicchasi mahāmate || 2 ||
[Analyze grammar]

kuśa uvāca |
yathā pūjyo mahādevo mama tvaṃ ca tathā hare |
eka eva dvidhāmūrtistasmāttvāṃ varayāmyaham || 3 ||
[Analyze grammar]

śivaliṃgaṃ tvayā nātha sthāpitaṃ yanmamopari |
mama nāmnā bhavatu ca kuśeśvara iti smṛtam || 4 ||
[Analyze grammar]

anugrāhyo yadyahaṃ te mama kīrtirbhavatviyam |
evaṃ bhaviṣyatītyuktastatraivāvasthito'suraḥ || 5 ||
[Analyze grammar]

tato'nyadānavānsarvānpreṣayāmāsa mādhavaḥ |
rasātalagatā kecitkecidviṣṇuṃ samāgatāḥ || 6 ||
[Analyze grammar]

anaṃtaḥ saṃsthitastatra viṣṇuśca tadanaṃtaram |
jñātvā vimuktidaṃ tīrthaṃ durvāsā munipuṃgavaḥ || 7 ||
[Analyze grammar]

gomatyāṃ cakratīrthe ca bhagavāṃśca trivikramaḥ |
tena tanmuktidaṃ matvā durvāsāstatra saṃsthitaḥ || 8 ||
[Analyze grammar]

evaṃ trivikramaḥ svāmī tadāprabhṛti saṃsthitaḥ |
kalau punaḥ kalānyāsātkṛṣṇatvamagamatprabhuḥ || 9 ||
[Analyze grammar]

prahlāda uvāca |
pūjāvidhiṃ harerviprāḥ śṛṇudhvaṃ susamāhitāḥ |
viśeṣātphaladaḥ proktaḥ pūjito madhumādhave || 10 ||
[Analyze grammar]

madhusūdanīṃ naro yastu dvāravatyāṃ karoti ca |
pūjayetkṛṣṇadevaṃ ca snāpayitvā vilipya ca || 11 ||
[Analyze grammar]

gandhaiśca vāsasā'cchādya dhūpairdīpairanekadhā |
naivedyairbhūṣaṇaiścaiva tāṃbūlena phalena ca || 12 ||
[Analyze grammar]

ārārtikena saṃpūjya daṇḍavatpraṇipatya ca |
ghṛtena dīpakaṃ dattvā rātrau jāgaraṇaṃ tathā |
kuryyācca gītavāditraistathā pustakavācakaiḥ || 13 ||
[Analyze grammar]

kṛtvā caivaṃ vidhiṃ bhaktyā sarvānkāmānavāpnu yāt || 14 ||
[Analyze grammar]

tathā nabhasi sampūjya pavitrāropaṇena ca |
pitṝṇāṃ cākṣayā tṛptiḥ saphalāḥ syurmanorathāḥ || 15 ||
[Analyze grammar]

prabodhavāsare prāpte kārtike dvija sattamāḥ |
saṃpūjya kṛṣṇaṃ deveśaṃ parāṃ gatimavāpnuyāt || 16 ||
[Analyze grammar]

tathā nabhasye saṃpūjya pavitrāropaṇena ca |
sarvānkāmānavāpnoti viṣṇulokaṃ ca gacchati || 17 ||
[Analyze grammar]

yugādiṣu ca saṃpūjya hyayane dakṣiṇottare |
āṣāḍhajyeṣṭhamāgheṣu pauṣādidvādaśīṣu ca || 18 ||
[Analyze grammar]

kalau kṛṣṇaṃ pūjayitvā gomatyudadhisaṃgame |
vimalaṃ lokamāpnoti yatra gatvā na śocati || 19 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye gomatītīrastha kṣetrastha bhagavatpūjāmāhātmyavarṇanaṃnāmaikaviṃśatitamo'dhyāyaḥ || 21 ||
[Analyze grammar]