Chapter 20

[English text for this chapter is available]

prahlāda uvāca |
brahmaghoṣadhvaniṃ śrutvā dānavo durmukhastadā |
krodhasaṃraktanayano durvāsasamathābravīt || 1 ||
[Analyze grammar]

hanyamānastvamasmābhiryadi muktosi vai dvija |
kasmātpunaḥ samāyāto maraṇāya ca duṣṭadhīḥ || 2 ||
[Analyze grammar]

ityuktvā muṣṭinā hantuṃ prādravaddānavādhamaḥ |
prāha pradhāvamānaṃ taṃ durvāsā munisattamaḥ || 3 ||
[Analyze grammar]

sparśaṃ mā kuru pāpiṣṭha brāhmaṇaṃ māṃ kṛtāhnikam |
taṃ dṛṣṭvā dānavaṃ viṣṇurbrāhmaṇaṃ hantumudyatam || 13 ||
[Analyze grammar]

tasya kruddho jagannātho durvāsasaḥ kṛte tadā |
cakreṇa kṣuradhāreṇa śiraściccheda līlayā || 5 ||
[Analyze grammar]

prahlāda uvāca |
durmukhaṃ nihataṃ dṛṣṭvā dānavo duḥsahastadā |
ākrośaduccairditijāñchīghramāgamyatāmiti || 6 ||
[Analyze grammar]

śrutvā daityagaṇāḥ sarve durmukhaṃ nihataṃ tadā |
durvāsasaṃ punastatra paritrātaṃ ca viṣṇunā || 7 ||
[Analyze grammar]

kūrmapṛṣṭho golakaśca krodhano vedadūṣakaḥ |
yajñaghno yajñahaṃtā ca dharmāntakastapasvihā || 8 ||
[Analyze grammar]

ete cānye ca bahavo vividhāyudhapāṇayaḥ |
krodhasaṃraktanayanāḥ śapanto brāhmaṇaṃ tathā || 9 ||
[Analyze grammar]

parikṣipya tadātreyaṃ viṣṇuṃ saṃkarṣaṇaṃ tathā |
tomarairbhindipālaiśca muśalaiśca bhuśuṃḍibhiḥ || 10 ||
[Analyze grammar]

astrairnānāvidhaiścāpi yuyudhuḥ krodhamūrchitāḥ |
dānavaiḥ saṃvṛto viṣṇuḥ samantādghoradarśanaiḥ || 11 ||
[Analyze grammar]

saṃkarṣaṇaśca śuśubhe caṃdrādityau ghanairiva |
gṛhītvā dhanuṣī divye śīghraṃ saṃyojya cāśugān || 12 ||
[Analyze grammar]

tānmārgaṇagaṇairdaityāñjaghnatuste mahāmṛdhe |
te hanyamānāḥ samare viṣṇunā vidrutā diśaḥ || 13 ||
[Analyze grammar]

dānavānvidrutāndṛṣṭvā viṣṇunā nihatānparān |
golakaḥ kūrmapṛṣṭhaśca mānaṃ kṛtvā nyavartatām || 14 ||
[Analyze grammar]

saṃkarṣaṇaṃ golakaśca hyājaghāna tribhiḥ śaraiḥ |
anantaṃ vyathitaṃ dṛṣṭvā golakaḥ krodhamūrchitaḥ || 15 ||
[Analyze grammar]

utpatya tarasā mūrdhni durvāsasamatāḍayat |
sa muṣṭighātābhihataścukrośa patitaḥ kṣitau || 16 ||
[Analyze grammar]

saṃkarṣaṇastu patitaṃ dṛṣṭvā mūrdhni pratāḍitam |
dṛṣṭvā cukopa bhagavāṃstiṣṭhatiṣṭheti cābravīt |
saṃgṛhya muśalaṃ vīro jaghāna samare ripum || 17 ||
[Analyze grammar]

muśalenāhato mūrdhni golako vikalendriyaḥ |
saṃbhinnamastakaścaiva papāta ca mamāra ca || 18 ||
[Analyze grammar]

golakaṃ patitaṃ dṛṣṭvā krandaṃtaṃ brāhmaṇaṃ tathā |
kūrmapṛṣṭhaṃ ca bhagavānviṣṇurhantuṃ mano dadhe |
nārācena sutīkṣṇena jaghāna hṛdaye ripum || 19 ||
[Analyze grammar]

sa viṣṇubāṇābhihatastyaktaśastraḥ palāyitaḥ |
tasminprabhinne'tibale gate vai kūrmapṛṣṭhake |
abhajyata balaṃ sarvaṃ vidrutaṃ ca diśo daśa || 20 ||
[Analyze grammar]

tatprabhagraṃ balaṃ sarvaṃ nihataṃ golakaṃ tathā |
dvārasthaḥ kathayāmāsa daityarājñe kuśāya saḥ || 21 ||
[Analyze grammar]

golakaṃ nihataṃ śrutvā daityānanyāṃśca daityarāṭ |
yodhānājñāpayāmāsa sannaddhānsvabalasya ca || 22 ||
[Analyze grammar]

ājñāṃ kuśasya te labdhvā daityāḥ paṃcajanādayaḥ |
yuddhāyābhimukhāḥ sarve rathairnāgaiśca niryayuḥ || 23 ||
[Analyze grammar]

anīkaṃ daśasāhasraṃ kūrmapṛṣṭhasya niryayau |
ayute dve rathānāṃ tu nāgānāmayutaṃ tathā || 24 ||
[Analyze grammar]

daśāyutāni cāśvānāmuṣṭrāṇāṃ ca tathaiva ca |
bakaśca niryayau daityo bahusainyasamanvitaḥ || 25 ||
[Analyze grammar]

tathā dīrghanakho daityaḥ svenānīkena saṃvṛtaḥ |
maṃtriputro mahāmāyo daityarāja kuśasya vai |
niryayau vighaso daityaḥ praghasaśca mahābalaḥ || 26 ||
[Analyze grammar]

ūrddhvabāhurvakraśirāḥ kañcukaśca śivolukaiḥ |
brahmaghno yajñahā daityo rāhurbarbarakastathā || 27 ||
[Analyze grammar]

sunāmā vasunāmā ca maṃtriṇau buddhisattamau |
senāpatiścogradaṃṣṭastasya bhrātā mahāhanuḥ || 28 ||
[Analyze grammar]

ete cānye ca bahavo daityāḥ krodhasamanvitāḥ |
mahatā rathaghoṣeṇa niryayuryuddhakāṃkṣiṇaḥ || 29 ||
[Analyze grammar]

snātvā śuklāṃbaradharaḥ śuklamālāvibhūṣitaḥ |
kuśaḥ śaṃbhuṃ mahādevaṃ bhavānīpatimavyayam |
ārcayamāsa bhūteśaṃ parameṇa samādhinā || 30 ||
[Analyze grammar]

paṃcāmṛtena saṃsnāpya tathā gandhairvi lipya ca |
arcayāmāsa daityendro hyanekakusumotkaraiḥ || 31 ||
[Analyze grammar]

gītavāditraśabdaiśca tathā maṃgalavācakaiḥ |
pūjayitvā mahādevaṃ brāhmaṇānsvasti vācya ca || 32 ||
[Analyze grammar]

bhūṣayitvā bhūṣaṇaiśca maṇivajravibhūṣaṇaiḥ |
mukuṭenārkavarṇena jvaladbhāskararociṣā || 33 ||
[Analyze grammar]

bhrājamāno daityarājo hāreṇā'tīva śobhitaḥ |
saṃnahya ca mahābāhuḥ sārathiṃ samudaikṣata || 34 ||
[Analyze grammar]

sunāmānaṃ vasuṃ caiva maṃtriṇau vākyamabravīt |
kaścāyamasurānhaṃti kimarthaṃ jñāyatāmiti || 35 ||
[Analyze grammar]

tasya tadvacanaṃ śrutvā rururvacanamabravīt |
gatehni brāhmaṇaḥ snātuṃ gomatyāḥ saṃgame kila || 36 ||
[Analyze grammar]

āgataḥ pratiṣiddhaḥ sandaityaistatra mahī pate |
tena viṣṇuḥ samānītaḥ saṃkarṣaṇasamanvitaḥ || 37 ||
[Analyze grammar]

so'smānhaṃti mahārāja brahmaṇyo jagadīśvaraḥ |
tena te bahavo daityā hatāḥ kecitpalāyitāḥ || 38 ||
[Analyze grammar]

sunāmovāca |
snātvā gacchatu vipro'sau vāsudevasamanvitaḥ |
rājanvṛthā vigraheṇa kiṃ kāryaṃ kathayasva naḥ || 39 ||
[Analyze grammar]

tasya tadvacanaṃ śrutvā kuśaḥ krodhasamanvitaḥ |
kathaṃ golakahaṃtāraṃ na haniṣyāmi keśavam || 40 ||
[Analyze grammar]

etāvaduktvā sa kruddho yayau daityapatistadā |
tato vāditra śabdaiśca bherīśabdaiḥ samanvitaḥ || 41 ||
[Analyze grammar]

dadarśa tatra deveśaṃ sahasraśirasaṃ prabhum |
tathā viṣṇuṃ cakrapāṇiṃ durvāsasamakalmaṣam || 42 ||
[Analyze grammar]

īśvarāṃśaṃ ca taṃ dṛṣṭvā na hantavyo'yamīśvaraḥ |
viṣṇumuddiśya tānsarvānprerayāmāsa dānavān || 43 ||
[Analyze grammar]

nāgaiḥ parvatasaṃkāśai rathairjaladasannibhaiḥ |
aśvairmahājavaiścaiva parivavruḥ samaṃtataḥ || 44 ||
[Analyze grammar]

tato yuddhaṃ samabhavaddevayordānavaiḥ saha |
ācchāditau tau dadṛśurdaityairdevagaṇāstadā || 45 ||
[Analyze grammar]

tato gṛhītvā muśalaṃ halaṃ ca balavānhalī |
jaghāna daityapravarānkālānalayamopamān || 46 ||
[Analyze grammar]

te hanyamānā daiteyā balena balaśālinā |
sarvato vidrutā bhagnāḥ kuśameva yayustadā || 47 ||
[Analyze grammar]

bakaśca yajñakopaśca brahmaghno vedadūṣakaḥ |
mahāmakhaghno jaṃbhaśca rāhurvakraśirāstathā || 48 ||
[Analyze grammar]

ete cānye ca bahavaḥ pravarā dānavottamāḥ |
krodhasaṃraktanayanā bibhiduste janārddanam || 49 ||
[Analyze grammar]

tataḥ krodhasamāyuktau saṃkarṣaṇajanārdanau |
cakralāṃgalaghātena jaghnaturdānavottamān || 50 ||
[Analyze grammar]

cakreṇa ca śiraḥ kāyāccicchedāśu bakasya vai |
cūrṇayāmāsa muśalī yajñahaṃtārameva ca || 51 ||
[Analyze grammar]

rāhuṃ jaghāna cakreṇa tathānyānmuśalena ca |
te hatā hanyamānāśca bhagnā jagmurdiśo daśa || 52 ||
[Analyze grammar]

kuśaḥ svāṃ vāhinīṃ dṛṣṭvā vidrutāṃ nihatāṃ tathā |
krodhasaṃraktanayanaḥ prāha yāhīti sārathim || 53 ||
[Analyze grammar]

sa tayoraṃtikaṃ gatvā nāma viśrāvya cātmanaḥ |
uvāca kastvaṃ daiteyānmama haṃsi gadādhara || 54 ||
[Analyze grammar]

śrīvāsudeva uvāca |
yasmādvimuktidaṃ puṇyaṃ gomatyudadhisaṃgamam |
ruddhaṃ durātmabhiḥ pāpaistasmātte nihatā mayā || 55 ||
[Analyze grammar]

kuśa uvāca |
māṃ na jānāsi cātrasthaṃ kathaṃ jīvanprayāsyasi |
yudhyasva tvaṃ sthiro bhūtvā tatastyakṣyasi jīvitam || 56 ||
[Analyze grammar]

ityuktvā paṃcaviṃśatyā tāḍayāmāsa keśavam |
anaṃtaṃ cāṣṭabhirbāṇairhatvā'treyaṃ nirīkṣya tam |
īśvarāṃśaṃ ca taṃ dṛṣṭvā prāha yāhīti mā ciram || 57 ||
[Analyze grammar]

sa bāṇairbhinnasarvāṃgaḥ śārṅgaṃ hi dhanuṣāṃ varam |
vikṛṣya ghātayāmāsa caturbhiścaturo hayān || 58 ||
[Analyze grammar]

sārathestu śiraḥ kāyādarddhacaṃdreṇa pattriṇā |
ciccheda dhanurekena dhvajamekena cicchide || 59 ||
[Analyze grammar]

sa cchinnadhanvā viratho hatāśvo hatasārathiḥ |
pragṛhya ca mahākhaṅgamuvāca vacanaṃ tadā || 60 ||
[Analyze grammar]

yadi tvāṃ pātayiṣyāmi kīrtirme hyatulā bhavet |
pātito'haṃ tvayā vīra yāsyāmi paramāṃ gatim || 61 ||
[Analyze grammar]

tiṣṭhatiṣṭha hare sthāne śaraṇaṃ me sadāśivaḥ |
dhāvaṃtamatisaṃkruddhaṃ khaṅgahastaṃ nirīkṣya tam |
cakreṇa śitadhāreṇa śiraściccheda līlayā || 62 ||
[Analyze grammar]

taṃ chinnaśirasaṃ bhūmau patitaṃ vīkṣya dānavam |
athovāha rathenājau daityaḥ khaṃjanakastathā || 63 ||
[Analyze grammar]

apayāte kuśe daitye viṣṇuḥ saṃkarṣaṇastadā |
durvāsasā ca sahitaḥ saṃnyavartata harṣitaḥ || 64 ||
[Analyze grammar]

śivālaye tu patitaṃ kuśaṃ nikṣipya dānavaḥ |
snānagandhārcanairdhūpairgītavādyairatoṣayat || 65 ||
[Analyze grammar]

avāpa jīvitaṃ sadyaḥ prasādācchaṃkarasya ca |
utthitaḥ sa tadā daityo bruvañchivaśiveti ca || 66 ||
[Analyze grammar]

taṃ punarjovitaṃ dṛṣṭvā daityaṃ daityagaṇastadā |
uvāca sumanā vākyaṃ varddhasva suciraṃ vibho || 67 ||
[Analyze grammar]

snāpayitvā yadi punarbrāhmaṇaṃ vinivarttate |
yatheṣṭaṃ gacchatu tadā kiṃ vṛthā vigraheṇa te || 68 ||
[Analyze grammar]

tasya tadvacanaṃ śrutvā kuśo vacanamabravīt |
gaccha preṣaya tau śīghraṃ vipratrāṇakarāvubhau || 69 ||
[Analyze grammar]

sa ca rājñā samādiṣṭa sumanā munisattamāḥ |
uvāca viṣṇumānamya namaskṛtya halāyudham || 70 ||
[Analyze grammar]

kuśena preṣitaścāsmi samīpe te janārdana |
kiṃ tavāpakṛtaṃ nātha yena daityāñjighāṃsasi || 71 ||
[Analyze grammar]

durvāsasaṃ snāpayitvā gaccha mukto'si mānada |
amaratvaṃ mahādevātprāptaṃ viddhi kuśena hi || 72 ||
[Analyze grammar]

śrīviṣṇuruvāca |
muktitīrthamidaṃ ruddhaṃ bhavadbhiḥ pāpakarmabhiḥ |
tasmāddhaniṣye sarvāṃśca dānavānnātra saṃśayaḥ || 73 ||
[Analyze grammar]

durvāsasaśca ye darbhāstilāścaivākṣataiḥ saha |
punastānānayadhvaṃ hi kṣiptā ye varuṇālaye || 74 ||
[Analyze grammar]

savāhanaparīvārāḥ sajātikulabāṃdhavāḥ |
puṇyatīrthamidaṃ hitvā praviśadhvaṃ dharātale || 75 ||
[Analyze grammar]

sumanāstadvacaḥ śrutvā krodhasaṃraktalocanaḥ |
yudhyadhvamiti taṃ coktvā naitadevaṃ bhaviṣyati || 76 ||
[Analyze grammar]

kuśāya kathayāmāsa yaduktaṃ śārṅgadhanvinā |
kruddhastadvacanaṃ śrutvā maṃtriṇā samudīritam || 77 ||
[Analyze grammar]

rathamāruhya vegena yayau yoddhumariṃdamaḥ |
saṃsmṛtya manasā devaṃ pinākiṃ vṛṣabhadhvajam || 78 ||
[Analyze grammar]

tataḥ pravavṛte yuddhaṃ sumahallomaharṣaṇam |
anyeṣāṃ dānavānāṃ ca keśavasya kuśasya ca || 79 ||
[Analyze grammar]

yajñaghno gadayā gurvyā saṃkarṣaṇamatāḍayat |
saṃkarṣaṇahataḥ śīrṣṇi musalena papāta ha || 80 ||
[Analyze grammar]

kañcukaṃ ca jaghānāśu cakreṇa bhagavānhariḥ |
ulmukaścātha nihato brahmaghnaśca nipātitaḥ || 81 ||
[Analyze grammar]

ete cānye ca bahavo ghātitāḥ keśavena hi |
dānavānpatitāndṛṣṭvā kuśaḥ paramakopitaḥ || 82 ||
[Analyze grammar]

jaghāna yudhi saṃrabdhaḥ paramāstreṇa keśavam |
bhagavānkrodhasaṃyuktaścakreṇa cāharacchiraḥ || 83 ||
[Analyze grammar]

taṃ chinnaśirasaṃ bhūmau pātitaṃ vīkṣya keśavaḥ |
ciccheda bāhū pādau ca khaṅgena tilaśastathā || 84 ||
[Analyze grammar]

khaṃḍaśo ghātitaṃ dṛṣṭvā keśavena kuśaṃ tadā |
saṃgṛhya te punardetyā ninyuḥ sarve śivālayam || 85 ||
[Analyze grammar]

prasādācchūlinaḥ sadyo jīvitaṃ prāpya dānavaḥ |
utthitaḥ sahasā kruddhaḥ kva viṣṇuriti cābravīt || 86 ||
[Analyze grammar]

gadāmudyamya saṃkruddho yoddhumāgājjanārddanam |
tamudyatagadaṃ dṛṣṭvā nihataṃ jīvitaṃ punaḥ || 87 ||
[Analyze grammar]

durvāsasamathovāca kimidaṃ na mriyeta yat |
mayā'sakṛcchiraśchinnaṃ khaṃḍaśastilaśaḥ kṛtam || 88 ||
[Analyze grammar]

jīvatyayaṃ punaḥ kasmātkāraṇaṃ katha yasva naḥ |
ityuktaściṃtayāmāsa dhyānena ṛṣisattamaḥ || 89 ||
[Analyze grammar]

jñātvā tatkāraṇaṃ sarvamuvāca madhusūdanam |
mahādevena tuṣṭena kuśo'yamamaraḥ kṛtaḥ || 90 ||
[Analyze grammar]

khaṃḍaśaśca kṛtaścāpi na ca prāṇairviyujyate |
tataḥ sa vismayāviṣṭo haṃtavyo'yaṃ mayā katham || 91 ||
[Analyze grammar]

upāyaṃ ca kariṣyāmi yenāyaṃ na bhave diti |
tataḥ sa jīvitaṃ prāpya prasādācchaṃkarasya ca |
carmakhaṅgamathādāya tiṣṭhatiṣṭheti cābravīt || 92 ||
[Analyze grammar]

tamāyāṃtaṃ tato dṛṣṭvā kuśaṃ śivaparigraham |
jaghāna gadayā gurvyā gadāhastaṃ tadā kuśam || 93 ||
[Analyze grammar]

sa bhinnamūrddhā nyapatatkeśavenābhitāḍitaḥ |
bhūmau nipatitaṃ vegātparigṛhya kuśaṃ hariḥ || 94 ||
[Analyze grammar]

garte nikṣipya taddehaṃ pūrayāmāsa vai punaḥ |
liṃgaṃ saṃsthāpayāmāsa tasyopari janārddanaḥ || 95 ||
[Analyze grammar]

sa labdhasaṃjño danujaḥ śivaliṃgamapaśyata |
ātmoparisthitaṃ tacca tadā cintāparo'bhavat || 96 ||
[Analyze grammar]

iti śrīskāndemahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye cakratīrthe rākṣasakuśaviṣṇuyuddhe kuśarākṣasopari viṣṇunā śivaliṃgasthāpanavarṇanaṃnāma viṃśatitamo'dhyāyaḥ || 20 ||
[Analyze grammar]