Chapter 306

[English text for this chapter is available]

īśvara uvāca |
tato gacchenmahādevi sāṃbādityamanuttamam |
tasmāduttarabhāge tu sarvapātakanāśanam || 1 ||
[Analyze grammar]

yatra sāṃbastapastaptvā hyārādhya ca divākaram |
prāptavānsundaraṃ dehaṃ sahasrāṃśuprasādataḥ || 2 ||
[Analyze grammar]

yadā roṣeṇa saṃśaptaḥ pitrā jāṃbavatīsutaḥ |
ārādhayāmāsa tadā viṣṇuṃ kamalalocanam || 3 ||
[Analyze grammar]

anugrahārthaṃ śāpasya sāṃbo jāṃbavatīsutaḥ |
prasannavadano bhūtvā viṣṇuḥ provāca taṃ prati || 4 ||
[Analyze grammar]

gaccha prābhāsike kṣetre brahmabhāgamanuttamam |
ṛṣitoyātaṭe ramye brāhmaṇairupaśobhite || 5 ||
[Analyze grammar]

tatrā'haṃ sūryarūpeṇa varaṃ dāsyāmi putraka |
ityuktaḥ sa tadā sāṃbo viṣṇunā prabhaviṣṇunā || 6 ||
[Analyze grammar]

gataḥ prābhāsike kṣetre ramye śivapure śive |
tatrārādhya paraṃ devaṃ bhāskaraṃ vāritaskaram || 7 ||
[Analyze grammar]

prasādayāmāsa tadā stutvā stotrairanekadhā || 8 ||
[Analyze grammar]

pratyuvāca raviḥ sāṃbaṃ prasannaste stavena vai |
śīghraṃ gaccha naraśreṣṭha ṛṣitoyātaṭe śubhe || 9 ||
[Analyze grammar]

ityuktaḥ sa tadā'gatya ṛṣitoyātaṭaṃ śubham |
nārado yatra brahmarṣistapastapyati caiva hi || 10 ||
[Analyze grammar]

tatra gatvā hareḥ sūnurunnatasthānavāsinaḥ |
āsanye brāhmaṇāstānsa idaṃ vacanamabravīt || 11 ||
[Analyze grammar]

sāṃba uvāca |
eṣa vai brahmaṇo bhāgaḥ prabhāse kṣetra uttame |
atra vai brāhmaṇā ye tu te vai śreṣṭhāḥ smṛtā bhuvi || 12 ||
[Analyze grammar]

bhavatāṃ vacanādviprāḥ sūryamārādhayāmyaham |
mama vai pūrvamādiṣṭaṃ sthānametacca viṣṇunā || 13 ||
[Analyze grammar]

viprā ūcuḥ |
siddhiste bhavitā sāṃba ārādhaya divākaram |
ityuktaḥ sa tadā vipraiḥ praviṣṭo'tha prabhākaram || 14 ||
[Analyze grammar]

nityamārādhayāmāsa sāṃbo jāṃbavatīsutaḥ |
taponiṣṭhaṃ ca taṃ dṛṣṭvā viṣṇuḥ kāruṇiko mahān || 15 ||
[Analyze grammar]

idaṃ vai cintayāmāsa putravātsalyasaṃyutaḥ |
yathaiśvaryaprado rudro yathā viṣṇuśca muktidaḥ || 16 ||
[Analyze grammar]

yajñairiṣṭo hi devendro yathā svargapradaḥ smṛtaḥ |
śuddhikartṛ yathā toyaṃ mṛttikābhasmasaṃyutam |
dahanātmā yathā vahnirvighnaharttā gaṇeśvaraḥ || 17 ||
[Analyze grammar]

svacchaṃdabhāratīdāne yathā brahmasutā nṛṇām |
tathā'rogyapradātā ca nānyo devo divākarāt || 18 ||
[Analyze grammar]

anekadhā'rādhito'pi sa devo bhāskaraḥ śuciḥ |
na dadāti varaṃ yattu tanme śāpasya kāraṇāt || 19 ||
[Analyze grammar]

evaṃ saṃcintya bhagavānviṣṇuḥ kamalalocanaḥ |
sūryarūpaṃ samāśritya tasya tuṣṭo janārdanaḥ || 20 ||
[Analyze grammar]

yo'paranārāyaṇakhyastasyaiva sannidhau sthitaḥ |
pratyakṣaḥ sa tato viṣṇuḥ sūryarūpī divākaraḥ |
uvāca paramaprīto varadaḥ puṇyakarmaṇām || 21 ||
[Analyze grammar]

alaṃ kleśena te sāṃba kimarthaṃ tapyase tapaḥ |
prasanno'haṃ hareḥ sūno varaṃ varaya suvrata || 22 ||
[Analyze grammar]

sāṃba uvāca |
nirmalastvatprasādena kuṣṭhamuktakalevaraḥ |
bhavāni devadeveśa pratyakṣā'mbarabhūṣaṇa |
asminsthāne sthito ramye nityaṃ sannihito bhava || 23 ||
[Analyze grammar]

sūrya uvāca |
adhunā nirmalo dehastava sāṃba bhaviṣyati || ihāgatya naro yastu saptamyāṃ ravivāsare |
upavāsaparo bhūtvā rātrau jāgaraṇe sthitaḥ || 24 ||
[Analyze grammar]

aṣṭādaśāni kuṣṭhāni pāparogāstathaiva ca |
kadācinna bhaviṣyanti kule tasya mahātmanaḥ || 25 ||
[Analyze grammar]

kṛtvā snānaṃ naro yastu bhaktiyukto jitendriyaḥ |
pūjayedravivāreṇa sāṃbādityaṃ mahāprabham |
sa rogahīno dhanavānputravāñjāyate naraḥ || 26 ||
[Analyze grammar]

tasyaiva pūrvadigbhāge kiñcidīśānamāśritam |
kuṃḍaṃ pāpaharaṃ puṇyaṃ svacchodapari pūritam || 27 ||
[Analyze grammar]

tatra snātvā c vidhivatkuryācchrāddhaṃ vicakṣaṇaḥ |
bhojayedbrāhmaṇānyastu sāṃbādityaṃ prapūjayet || 28 ||
[Analyze grammar]

sarvakāmasamṛddhātmā sūrya loke mahīyate || 29 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye sāṃbāditya māhātmyavarṇanaṃnāma ṣaḍuttaratriśatatamodhyāyaḥ || 306 ||
[Analyze grammar]