Chapter 282

[English text for this chapter is available]

īśvara uvāca |
tataḥ śrutvā ca śaryātirvalabhīsthāna saṃsthitaḥ |
vayasthaṃ cyavanaṃ śrutvā ānandodgatamānasaḥ || 1 ||
[Analyze grammar]

prahṛṣṭaḥ senayā sārddhaṃ sa prāyādbhārgavāśramam |
cyavanaṃ ca sukanyāṃ ca hṛṣṭāṃ deva sutāmiva || 2 ||
[Analyze grammar]

gato mahīpaḥ śaryātiḥ kṛtsnānaṃdamahodadhiḥ |
ṛṣiṇā satkṛtastena sabhāryaḥ pṛthivīpatiḥ |
tatropaviṣṭaḥ kalyāṇīḥ kathāścakre mahāmanāḥ || 3 ||
[Analyze grammar]

athainaṃ bhārgavo devi hyuvāca parisāṃtvayan |
yājayiṣyāmi rājaṃstvāṃ saṃbhārānupakalpaya || 4 ||
[Analyze grammar]

tataḥ paramasaṃhṛṣṭaḥ śaryātiḥ pṛthivīpatiḥ |
cyavanasya mahādevi tadvākyaṃ pratyapūjayat || 5 ||
[Analyze grammar]

praśaste'hani yājñīye sarvakāmasamṛddhimat |
kārayāmāsa śaryātiryajñāyatanamuttamam || 6 ||
[Analyze grammar]

tatraiva cyavano devi yājayāmāsa bhārgavam |
adbhutāni ca tatrāsanyāni tāni maheśvari || 7 ||
[Analyze grammar]

agṛhṇāccyavanaḥ somamaśvinordevayostadā |
tamindro vārayāmāsa mā gṛhāṇa tayorgraham || 8 ||
[Analyze grammar]

indra uvāca |
ubhāvetau na somārhau nāsatyāviti me matiḥ |
bhiṣajau devatānāṃ hi karmaṇā tena garhitau || 9 ||
[Analyze grammar]

cyavana uvāca |
mā'vamaṃsthā mahātmānau rūpadraviṇavarcasau |
yau cakratuśca māmadya vṛṃdārakamivājaram || 10 ||
[Analyze grammar]

samatvenānyadevānāṃ kathaṃ vai nekṣate bhavān |
aśvināvapi devendra devau viddhi paraṃtapa || 11 ||
[Analyze grammar]

indra uvāca |
cikitsakau karmakarau kāmarūpasamanvitau |
loke caraṃtau martyānāṃ kathaṃ somamihārhataḥ || 12 ||
[Analyze grammar]

īśvara uvāca |
etadeva yadā vākyamāmreḍayati vāsavaḥ |
anādṛtya tataḥ śakraṃ grahaṃ jagrāha bhārgavaḥ || 13 ||
[Analyze grammar]

grahīṣyaṃtaṃ tataḥ somamaśvinoḥ sattamaṃ tadā |
samīkṣya balabhiddeva idaṃ vacanamabravīt || 14 ||
[Analyze grammar]

ābhyāmarthāya somaṃ tvaṃ grahīṣyasi yadi svayam |
vajraṃ te prahariṣyāmi ghorarūpamanuttamam || 15 ||
[Analyze grammar]

evamuktaḥ svayamindramabhivīkṣya sa bhārgavaḥ |
jagrāha vidhivatsomamaśvibhyāmuttamaṃ graham || 16 ||
[Analyze grammar]

tato'smai prāharatkopādvajramiṃdraḥ śacīpatiḥ |
tasya praharato bāhuṃ staṃbhayāmāsa bhārgavaḥ || 17 ||
[Analyze grammar]

staṃbhayitvātha cyavano juhuve mantrato'nalam |
kṛtyārthī sumahātejā devaṃ hiṃsitumudyataḥ || 18 ||
[Analyze grammar]

tatra kṛtyodbhavo yajñe munestasya tapobalāt |
madonāma mahāvīryo mahākāyo mahāsuraḥ || 19 ||
[Analyze grammar]

śarīraṃ yasya nirdeṣṭumaśakyaṃ ca surāsuraiḥ |
tasya pramāṇaṃ vapuṣā na tulyamiha vidyate || 20 ||
[Analyze grammar]

tasyāsyaṃ cābhavedghoraṃ daṃṣṭrā durdarśanaṃ mahat |
hanurekaḥ sthitastasya bhūmāveko divaṃ gataḥ || 21 ||
[Analyze grammar]

catasraścāpi tā daṃṣṭrā yojanānāṃ śataṃśatam |
itare tvasya daśanā babhūburdaśayojanāḥ || 22 ||
[Analyze grammar]

prākārasadṛśākārā mūlāgrasamadarśanāḥ |
nāmnā parvatasaṃkāśāścāyutāyutayojanāḥ || 23 ||
[Analyze grammar]

netre raviśaśiprakhye bhruvāvaṃtakasannibhe |
lelihajjihvayā vaktraṃ vidyuccalitalolayā |
vyāttānano ghoradṛṣṭirgrasanniva jagadbalāt || 24 ||
[Analyze grammar]

sa bhakṣayiṣyansaṃkruddhaḥ śatakratumupādravat |
mahatā ghoranādena lokāñchabdena chādayan || 25 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye cyavaneśvaramāhātmye cyavanena nāsatyayajñabhāgapratirodhakavajra mocanodyataśakranāśāya kṛtyodbhavamadanāmakamahā'surotpādanavṛttāntavarṇanaṃnāma dvyaśītyuttaradviśatatamo'dhyāyaḥ || 282 ||
[Analyze grammar]