Chapter 256

[English text for this chapter is available]

īśvara uvāca |
tato gacchenmahādevi naṃdādityaṃ samāhitaḥ |
naṃdena sthāpitaṃ pūrvaṃ tatraivāmitabuddhinā || 1 ||
[Analyze grammar]

naṃdo rājā purā hyāsītsarvalokasukhapradaḥ |
na durbhikṣaṃ na ca vyādhi nākāle maraṇaṃ nṛṇām || 2 ||
[Analyze grammar]

tasmiñchāsati dharmajñe na cāvṛṣṭikṛtaṃ bhayam |
kasyacittvatha kālasya pūrvakarmānusārataḥ || 3 ||
[Analyze grammar]

kuṣṭhena mahatā vyāpto vairāgyaparamaṃ gataḥ |
tena rogābhibhūtena devadevo divākaraḥ |
pratiṣṭhito nadītīre sa ca rogādvimocitaḥ || 4 ||
[Analyze grammar]

devyuvāca |
kimasau rogavānrājā sārvabhaumo mahīpatiḥ |
tasya dharmaratasyāpi kasmādroga samudbhavaḥ || 5 ||
[Analyze grammar]

īśvara uvāca |
eṣa dharmasadācāro naṃdo rājā pratāpavān |
vyacaratsarvalokānsa vimānavaramāsthitaḥ || 6 ||
[Analyze grammar]

vimānaṃ tasya tuṣṭena dattaṃ vai viṣṇunā svayam |
kāmagaṃ varavarṇena barhiṇena vināditam || 7 ||
[Analyze grammar]

sa kadācinnṛpaśreṣṭho vicaraṃstatra saṃsthitaḥ |
gatavānmānasaṃ divyaṃ saro devagaṇānvitam || 8 ||
[Analyze grammar]

tatrāpaśyadbṛhatpadmaṃ saromadhyagataṃ sitam |
tatra cāṃguṣṭhamātraṃ tu sthitaṃ puruṣasattamam || 9 ||
[Analyze grammar]

raktavāsobhirācchannaṃ dvibhujaṃ tigmatejasam |
taṃ dṛṣṭvā sārathiṃ prāha padmametatsamāhara || 10 ||
[Analyze grammar]

idaṃ tu śirasā bibhratsarvalokasya sannidhau |
ślāghanīyo bhaviṣyāmi tasmādāhara mā ciram || 11 ||
[Analyze grammar]

evamuktastatastena sārathiḥ praviveśa ha |
grahītumupacakrāma tatpadmaṃ varavarṇini |
spṛṣṭamātre tadā padme huṃkāraḥ samapadyata || 12 ||
[Analyze grammar]

rājā ca tatkṣaṇāttena śabdena samajāyata |
kuṣṭhī vigatavarṇaśca balavīryavivarjitaḥ || 13 ||
[Analyze grammar]

tathāgatamathātmānaṃ dṛṣṭvā sa puruṣarṣabhaḥ |
tasthau tatraiva śokārtaḥ kimetaditi ciṃtayan || 14 ||
[Analyze grammar]

tasya ciṃtayato dhīmānājagāma mahātapāḥ |
vasiṣṭho brahmaputrastu sa taṃ papraccha pārthivaḥ || 15 ||
[Analyze grammar]

eṣa me bhagavañjāto dehasyāsya viparyayaḥ |
kuṣṭharogābhibhūtātmā nāhaṃ jīvitumutsahe || 16 ||
[Analyze grammar]

upāyaṃ brūhi me brahmanvyādhitasya cikitsitam |
utāho vratamanyadvā dānaṃ yajñamathāpi vā || 17 ||
[Analyze grammar]

vasiṣṭha uvāca |
etadbrahmodbhavaṃ nāma padmaṃ trailokyaviśrutam |
dṛṣṭamātreṇa cānena dṛṣṭāḥ syuḥ sarva devatāḥ || 18 ||
[Analyze grammar]

etaddhi dṛśyate dhanyaiḥ padmaṃ kaiḥ kvāpi pārthiva |
etasmindṛṣṭamātre tu yo jalaṃ viśate naraḥ || 19 ||
[Analyze grammar]

sarvapāpavinirmuktaḥ padaṃ nirvāṇa māpnuyāt |
eṣa dṛṣṭvā tu te sūto hartuṃ toye praviṣṭavān || 20 ||
[Analyze grammar]

tava vākyena rājeṃdra mṛto'sau rogavānbhavet |
brahmaputro'pyahaṃ tena paśyāmi parameśvaram || 21 ||
[Analyze grammar]

ahanyahani cāgacchaṃstvaṃ punardṛṣṭavānasi |
vāṃchaṃti devatā nityamamuṃ hṛdi manoratham || 22 ||
[Analyze grammar]

mānase brahmapadmaṃ tu dṛṣṭvā snātvā kadā vayam |
prāpsyāmaḥ paramaṃ brahma yadgatvā na punarbhavet || 23 ||
[Analyze grammar]

idaṃ ca kāraṇaṃ bhūyo dvitīyaṃ śṛṇu pārthiva |
kuṣṭhasya yattvayā prāptaṃ hartukāmena paṃkajam || 24 ||
[Analyze grammar]

pradyotanastu garbhe'sminsvayameva vyavasthitaḥ |
tavaiṣā buddhirabhavaddṛṣṭvedaṃ varapaṃkajam || 25 ||
[Analyze grammar]

dhārayāmi śirasyenaṃ lokamadhye vibhūṣaṇam |
idaṃ cintayataḥ pāpamevaṃ devena darśitam || 26 ||
[Analyze grammar]

tataḥ sarvaprayatnena tamārādhaya bhāskaram |
prasādāddevadevasya mokṣyase nātra saṃśayaḥ || 27 ||
[Analyze grammar]

prabhāsaṃ gaccha rājeṃdra tīrthaṃ trailokyaviśrutam |
tatra siddhirbhavecchīghramārttānāṃ prāṇināṃ bhuvi || 28 ||
[Analyze grammar]

īśvara uvāca |
tasya tadvacanaṃ śrutvā vasiṣṭhasya mahātmanaḥ |
prabhāsaṃ kṣetramāsādya māheśvaryāstaṭe śubhe || 29 ||
[Analyze grammar]

naṃdādityaṃ pratiṣṭhāpya gaṃdhadhūpānulepanaiḥ |
pūjayāmāsa taṃ devi puṣpairuccāvacaistathā || 30 ||
[Analyze grammar]

tasya tuṣṭo divānātho varado'hamathābravīt || 31 ||
[Analyze grammar]

nanda uvāca |
kuṣṭhena mahatā vyāptaṃ paśya māṃ surasattama |
yathā'yaṃ nāśamāyāti tathā kuru divākara || 32 ||
[Analyze grammar]

sānnidhyaṃ kuru deveśa sthāne'sminnityadā vibho || 33 ||
[Analyze grammar]

sūrya uvāca |
nīrogastvaṃ mahārāja sadya eva bhaviṣyasi |
atra ye māṃ samāgatya drakṣyaṃti ca narā bhuvi || 34 ||
[Analyze grammar]

saptamyāṃ sūryavāreṇa yāsyaṃti paramāṃ gatim |
atra me sūryavāreṇa sāṃnidhyaṃ saptamīdine |
bhaviṣyati na saṃdeho gamiṣye tvaṃ sukhī bhava || 35 ||
[Analyze grammar]

evamuktvā sahasrāṃśustatraivāṃtaradhīyata || 36 ||
[Analyze grammar]

nīrogatvamavā pyāsau kṛtvā rājyamanuttamam |
jagāma paramaṃ sthānaṃ yatra devo divākaraḥ |
tasmiṃstīrthe naraḥ snātvā kṛtvā śrāddhaṃ prayatnataḥ || 37 ||
[Analyze grammar]

naṃdādityaṃ punardṛṣṭvā na punarmarttyatāṃ vrajeta |
pradadyātkapilāṃ tatra brāhmaṇe vedapārage || 38 ||
[Analyze grammar]

ahorātroṣito bhūtvā ghṛtadhenumathāpi vā |
na tasya guṇituṃ śakyā saṃkhyā puṇyasya kenacit || 39 ||
[Analyze grammar]

ityevaṃ devadevasya māhātmyaṃ dīptadīdhiteḥ |
kathitaṃ tava suśroṇi sarvapāpapraṇāśanam || 40 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye nandādityamāhātmyavarṇanaṃnāma ṣaṭpañcāśaduttaradviśatatamo 'dhyāyaḥ || 256 ||
[Analyze grammar]