Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

īśvara uvāca |
tato gacchenmahādevi tritakūpamiti smṛtam |
naṃdādityasya pūrveṇa yojanatritayena tu || 1 ||
[Analyze grammar]

purā babhūva rājendraḥ saurāṣṭraviṣaye sudhīḥ |
ātreya iti vikhyāto vedavedāṃgapāragaḥ || 2 ||
[Analyze grammar]

tasya putratrayaṃ jajña ṛtukālābhigāminaḥ |
ekataścadvitaścaiva tritaścaiveti bhāmini || 3 ||
[Analyze grammar]

tritasteṣāṃ kaniṣṭho'bhūdvedavedāṃgapāragaḥ |
sarvaireva guṇairyukto mūrkho jyeṣṭhau babhūvatuḥ || 4 ||
[Analyze grammar]

kasyacittvathakālasya ātreyo dvija sattamaḥ |
tapaḥ kṛtvā tu vipulaṃ kāladharmamupeyivān || 5 ||
[Analyze grammar]

tatasteṣāṃ trito rājā babhūva guṇavattaraḥ |
dhuramākarṣayāmāsa putro'yaṃ tasya yā purā || 6 ||
[Analyze grammar]

tasya buddhiḥ samutpannā kathaṃ yajñaṃ karomyaham |
sannimaṃtrya dvijaśreṣṭhānyajñakarmasvadhiṣṭhitān || 7 ||
[Analyze grammar]

indrādīṃśca surānsarvānāvāhya vidhipūrvakam |
dakṣiṇārthaṃ dvijendrāṇāṃ prabhāsaṃ sa jagāma ha |
gṛhītvā bhrātarau jyeṣṭhau gavārthaṃ prasthito dvijaḥ || 8 ||
[Analyze grammar]

yasya yasya gṛhe yāti sa trito vedapāragaḥ |
tatra tatra varāṃ pūjāṃ lebhe gāścaiva puṣkalāḥ || 9 ||
[Analyze grammar]

evaṃ sa godhanaṃ prāpya bhrātṛbhyāṃ sahitastadā |
gṛhāya prasthito devi nirvṛtiṃ paramāṃ gataḥ || 10 ||
[Analyze grammar]

tritastābhyāṃ puro yāti pṛṣṭhato bhrātarau ca tau |
godhanaṃ cālayaṃtaste prabhāsaṃ kṣetramāgatāḥ || 11 ||
[Analyze grammar]

atha tadgodhanaṃ dṛṣṭvā bhūri dānārthamāhṛtam |
bhrātṛbhyāṃ tritaye ceti pāpā matirajāyata || 12 ||
[Analyze grammar]

parasparamūcatustau bhrātarau duṣṭacetasau |
trito yajñeṣu kuśalo vedeṣu kuśalastathā || 13 ||
[Analyze grammar]

mānyaḥ pūjyaśca sarvatra āvāṃ mūrkhau nirarthakau |
etaddhi godhanaṃ sarvaṃ trito dāsyati sanmakhe || 14 ||
[Analyze grammar]

asmākaṃ pitṛparyāto yadāptaṃ tatsamaṃ bhavet |
tasmādatraiva yukto'sya vadho vai tritayajñinaḥ || 15 ||
[Analyze grammar]

evaṃ tau niścayaṃ kṛtvā prasthitau bhrātarāvubhau |
tritastu purato yāti nirvikalpa ṛjuḥ sudhīḥ || 16 ||
[Analyze grammar]

anu tatra samuttasthau vyāghro raudratarākṛtiḥ |
vyāditāsyo ravaṃ devi vyanadbhairavaṃ tataḥ || 17 ||
[Analyze grammar]

tasya śabdena tā gāvo naṣṭā jagmurdiśo daśa |
andhakūpo mahāṃstatra pradeśe dāruṇo'bhavat || 18 ||
[Analyze grammar]

ekato dāruṇo vyāghraḥ kūpo'nyatra sudāruṇaḥ |
dṛṣṭvā te bhrātaraḥ sarve bhayodvignāḥ pradudruvuḥ || 19 ||
[Analyze grammar]

atha te viṣamaṃ prāpya taṭaṃ kūpasya bhāmini |
sthitā yāvadgato vyāghrastato gaṃtuṃ mano dadhuḥ || 20 ||
[Analyze grammar]

atha tābhyāṃ trito devi bhrātṛbhyāṃ nṛpasattama |
prakṣipto dāruṇe kūpe jīrṇe toyavivarjite || 21 ||
[Analyze grammar]

tatastadgodhanaṃ gṛhya prasthitau hṛṣṭamānasau |
tritastu patitastatra kūpe jalavivarjite || 22 ||
[Analyze grammar]

cintayāmāsa medhāvī nāhaṃ śocāmi jīvitum |
mayāhūtā dvijaśreṣṭhā yajñārthaṃ vedapāragāḥ |
indrādyāśca surāḥ sarve sa kratuḥ syānna me tvataḥ || 23 ||
[Analyze grammar]

sa evaṃ cintayāmāsa vedavedāṃgapāragaḥ |
mānasaṃ yajñamārabhya tatraiva varavarṇini || 24 ||
[Analyze grammar]

svayameva sa sūktāni proktvā proktvā dvijottamaḥ |
kṛtavānbālukāhomaṃ tena tuṣṭāśca devatāḥ || 25 ||
[Analyze grammar]

śraddhāṃ tasya viditvā tu bhūyastṛptāstu devatāḥ |
āgatya brāhmaṇaṃ procuḥ kūpamadhye vyavasthitam || 26 ||
[Analyze grammar]

devā ūcuḥ |
bhobho vipra tvayā nūnaṃ sarve saṃtarpitā vayam |
mānasena tu yajñena tasmādbrūhi manogatam || 27 ||
[Analyze grammar]

brāhmaṇa uvāca |
yadi devāḥ prasannā me kūpānniṣkamaṇe tvaham |
yaṣṭā svaṃ maṃdiraṃ gatvā devayajñaṃ karomyaham || 28 ||
[Analyze grammar]

īśvara uvāca |
atha devaiḥ samādiṣṭā tasminkūpe sarasvatī |
nirgatya vasudhāṃ bhittvā pūrayāmāsa vāriṇā || 29 ||
[Analyze grammar]

atha niṣkramya vipro'sau yātaḥ svabhavanaṃ prati |
tataḥ prabhṛti deveśi tritakūpaḥ sa ucyate || 30 ||
[Analyze grammar]

snātvā tatra śucirbhūtvā tvatha saṃtarpayetpitṝn |
aśvamedhamavāpnoti sarvapāpavivarjitaḥ || 31 ||
[Analyze grammar]

tila dānaṃ tu deveśi tatra śastaṃ sakāñcanam |
pitṝṇāṃ vallabhaṃ tīrthaṃ nityaṃ caiva tu bhāmini || 32 ||
[Analyze grammar]

agniṣvāttā barhiṣada āyaṃtuna iti smṛtāḥ |
ye divyāḥ pitaro devi teṣāṃ sāṃnidhyamatra hi || 33 ||
[Analyze grammar]

darśanādapi tīrthasya tasya vai surasattame |
mucyante prāṇinaḥ pāpādājanmamaraṇāṃtikāt || 34 ||
[Analyze grammar]

tasmātsarvaprayatnena tatra snānaṃ samācaret |
prabhāsaṃ kṣetramāsādya yadīcchecchreya ātmanaḥ || 35 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye tritakūpamāhātmyavarṇanaṃnāma saptapañcāśaduttaradviśatatamo'dhyāyaḥ || 257 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 257

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: