Chapter 187

[English text for this chapter is available]

īśvara uvāca |
tato gacchenmahādevi sarvakāmaphalapradam |
prabhāsapaṃcakaṃ puṇyamādyaṃ tatra vyavasthitam || 1 ||
[Analyze grammar]

tasyaiva paścime bhāge prabhāsa iti cocyate |
vṛddhaprabhāsaśca tato dakṣiṇe nātidūrataḥ || 2 ||
[Analyze grammar]

jala prabhāsaśca tato dakṣiṇena varānane |
kṛtasmaraprabhāsaśca śmaśānaṃ yatra bhairavam || 3 ||
[Analyze grammar]

evaṃ paṃcaprabhāsānyaḥ paśyedbhaktayā samanvitaḥ |
sa yāti paramaṃ sthānaṃ jarāmaraṇavarjitam || 4 ||
[Analyze grammar]

na nivartati yatprāpya duṣprāpyaṃ tridaśairapi |
prabhāsaṃ prathamaṃ tīrthaṃ triṣu lokeṣu viśrutam || 5 ||
[Analyze grammar]

devānāmapi duṣprāpyaṃ mahāpātakanāśanam |
prabhāse tvekarātreṇa amāvāsyāṃ kṛtodakaḥ || 6 ||
[Analyze grammar]

mucyate pātakaiḥ sarvaiḥ śivalokaṃ sa gacchati |
saptajanmakṛtaṃ pāpaṃ gaṃgāsāgarasaṃgame || 7 ||
[Analyze grammar]

janmanāṃ ca sahasreṇa yatpāpaṃ kurute naraḥ |
snānādevāsya naśyeta sāgare lavaṇāṃbhasi || 8 ||
[Analyze grammar]

caturdaśyāmamāvāsyāṃ pañcadaśyāṃ viśeṣataḥ |
ahorātroṣito bhūtvā brāhmaṇānbhojya śaktitaḥ || 9 ||
[Analyze grammar]

dattvā gāṃ kāṃcanaṃ tebhyaḥ śivaḥ prīto bhavatviti |
evaṃ kṛtvā naro devi kulānāṃ tārayecchatam || 10 ||
[Analyze grammar]

devyuvāca |
prabhāsapaṃcakaṃ hyetadyattvayā parikīrtitam |
kathamatra samudbhūtametanme kautukaṃ mahat || 11 ||
[Analyze grammar]

eka eva śruto'smābhiḥ prabhāsastīrthavāsitaḥ |
prabhāsāḥ paṃca deveśa yattvayā parikīrtitāḥ || 12 ||
[Analyze grammar]

etanme saṃśayaṃ sarvaṃ yathāvadvaktumarhasi || 13 ||
[Analyze grammar]

īśvara uvāca |
śṛṇu devi pravakṣyāmi kathāṃ pāpapraṇāśanīm |
yāṃ śrutvā mānavo bhaktyā prāpnoti paramāṃ gatim || 14 ||
[Analyze grammar]

purā maheśvaro devaścacāra vasudhāmimām |
divyarūpadharaḥ kānto digvāsāḥ sa yadṛcchayā || 15 ||
[Analyze grammar]

evaṃ ca ramamāṇastu ṛṣīṇāmāśramaṃ mahat |
jagāma kautukāviṣṭo bhikṣārthaṃ dāruke vane || 16 ||
[Analyze grammar]

bhramamāṇasya tasyātha dṛṣṭvā rūpamanuttamam |
tā nāryaḥ kāmasaṃtaptā babhūvurvyathitendriyāḥ || 17 ||
[Analyze grammar]

sānurāgāstataḥ sarvā anugacchaṃti taṃ sadā |
samāliṃgaṃti tāḥ kāścitkāśca vīkṣaṃti rāgataḥ || 18 ||
[Analyze grammar]

prārthayaṃti tathā cānyāḥ parityajya gṛhānsvakān || 19 ||
[Analyze grammar]

evaṃ tāsāṃ svarūpaṃ te dṛṣṭvā sarve maharṣayaḥ |
kopena mahatā yuktāḥ śepustaṃ vṛṣabhadhvajam || 20 ||
[Analyze grammar]

yasmāttvaṃ nagnatāmetya āśrame'sminmamāgataḥ |
mohayānaḥ striyo'smākaṃ lajjāṃ naivaṃ karoṣi ca |
tasmātte patatālliṃgaṃ sadya eva vṛṣadhvaja || 21 ||
[Analyze grammar]

tatastatpatitaṃ liṃgaṃ tatkṣaṇācchaṃkarasya ca |
tasminprapatite bhūmau prākaṃpata vasuṃdharā || 22 ||
[Analyze grammar]

kṣubhitāḥ sāgarāḥ sarve maryādā vijahustadā |
śīrṇāni giriśṛṃgāṇi trastāḥ sarve divaukasaḥ || 23 ||
[Analyze grammar]

tato devāḥ sagandharvāḥ samahoragakinnarāḥ |
ūcuḥ pitāmahaṃ gatvā kimetatkāraṇaṃ vibho || 24 ||
[Analyze grammar]

sāgarāḥ kṣubhitā yena plāvayaṃti vasuṃdharām |
śīryaṃte giriśṛṅgāṇi kaṃpate ca vasuṃdharā || 25 ||
[Analyze grammar]

cihnāni lokanāśāya dṛśyante dāruṇāni ca |
teṣāṃ tadvacana śrutvā brahmaloke pitāmahaḥ || 26 ||
[Analyze grammar]

dhyātvā tu suciraṃ kālaṃ vākyametaduvāca ha |
śivaliṃgaṃ nipatitaṃ pṛthivyāṃ surasattamāḥ || 27 ||
[Analyze grammar]

śāpena ṛṣimukhyānāṃ bhārgavāṇāṃ mahātmanām |
tasminnipatite bhūmau trailokyaṃ sacarācaram || 28 ||
[Analyze grammar]

etadavasthatāṃ prāptaṃ tasmāttatraiva gamyatām |
viṣṇunā saha gīrvāṇāstathā nītirvidhīyatām || 29 ||
[Analyze grammar]

tataḥ kṣīrodadhiṃ jagmurbrahmādyāstridivaukasaḥ |
yatra śete caturbāhuryoganidrāṃ ca saṃgataḥ || 30 ||
[Analyze grammar]

tasmai sarvaṃ samācakhyustenaiva sahitāstataḥ |
jagmuryatra mahādevo liṃgena rahito vibhuḥ || 31 ||
[Analyze grammar]

ūcuḥ samāhitāḥ sarve praṇipatya divaukasaḥ || 32 ||
[Analyze grammar]

liṃgamutkṣipyatāmetadyatkṣitau patitaṃ vibho |
ete mahārṇavāḥ sarve plāvayaṃti vasuṃdharām || 33 ||
[Analyze grammar]

bhagavānuvāca |
ṛṣibhiḥ pātitaṃ hyetanmama liṃgaṃ sureśvarāḥ |
na tu śakyo mayā kartuṃ bādhasteṣāṃ mahātmanām || 34 ||
[Analyze grammar]

śāpo hi bhārgavendrāṇāmato me śrūyatāṃ vacaḥ |
pūjayadhvaṃ surāḥ sarve brahmaviṣṇupurassarāḥ || 35 ||
[Analyze grammar]

liṃgametattataḥ sarve sarvaṃ lipsatha sattamāḥ |
prakṛtiṃ sāgarāḥ sarve yāsyaṃti girayastathā || 36 ||
[Analyze grammar]

etatpuṇyatame kṣetre dhṛtvā sarve samāhitāḥ |
athoddhṛtya surāḥ sarve prabhāsaṃ kṣetramāgatāḥ || 37 ||
[Analyze grammar]

tatraiva nidadhuḥ sarve tataḥ pūjāṃ pracakrire |
brahmaṇā pūjitaṃ liṃgaṃ viṣṇunā prabhaviṣṇunā || 38 ||
[Analyze grammar]

śakreṇātha kubereṇa yamena varuṇena ca |
ūcuścaiva tato devā liṃgaṃ saṃpūjya bhaktitaḥ || 39 ||
[Analyze grammar]

adyaprabhṛti rudrasya liṃgaṃ saṃpūjya bhaktitaḥ |
bhaviṣyāmo na saṃdehastathā pitṛgaṇāśca ye || 40 ||
[Analyze grammar]

ya enaṃ pūjayiṣyaṃti bhaktiyuktāśca mānavāḥ |
yāsyaṃti te surāvāsaṃ saśarīrā narottamāḥ || 41 ||
[Analyze grammar]

atraiva prathamaṃ ligaṃ yatosmā'bhiḥ pratiṣṭhitam |
prabhāsaṃ nāma cāsyāpi prabhāseti bhaviṣyati || 42 ||
[Analyze grammar]

evamuktvā gatāḥ sarve tridivaṃ surasattamāḥ |
taṃ dṛṣṭvā tridivaṃ yānti bhūyāṃsaḥ prāṇino bhuvi || 43 ||
[Analyze grammar]

tatastriviṣṭapaṃ vyāptaṃ bahubhiḥ prāṇibhiḥ priye |
taddṛṣṭvā tridivaṃ vyāptaṃ sahasrākṣaḥ suduḥkhitaḥ || 44 ||
[Analyze grammar]

jñātvā liṃgaprabhāvaṃ tu tataścāgatya bhūtalam |
vajreṇācchādayāmāsa samaṃtātsa varānane || 45 ||
[Analyze grammar]

tataḥ prabhṛti no devi svargaṃ gacchaṃti mānavāḥ |
iti saṃkṣepataḥ proktaḥ prabhāsasya mahodayaḥ |
sarvapāpopaśamanaḥ sarvakāmaphalaṃ pradaḥ || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathameprabhāsakṣetramāhātmye prabhāsapañcakamāhātmyavarṇanaṃnāma saptāśītyuttaraśatatamo'dhyāyaḥ || 187 ||
[Analyze grammar]