Chapter 153

[English text for this chapter is available]

īśvara uvāca |
tato gacchenmahādevi hiraṇyeśvaramuttamam |
brahmakuṇḍasya vāyavye dhanuṣāṃ dvitaye sthitam || 1 ||
[Analyze grammar]

sarvapāpapraśamanaṃ dāridryaughavināśanam |
kṛtasmarācca parato hyagnitīrthācca pūrvataḥ || 2 ||
[Analyze grammar]

yameśvarācca nairṛtye samudrasyottare tathā |
tasya liṃgasya prāgbhāge brahmā tepe mahattapaḥ |
ārādhayāmāsa tadā devadevaṃ trilocanam || 3 ||
[Analyze grammar]

tatastuṣṭo mahādevo brahmanbrūhi varo mama || 4 ||
[Analyze grammar]

brahmovāca |
yadi tuṣṭo'si me deva yāja yāmīti me matiḥ |
sthānaṃ ca yanmahāpuṇyaṃ tanmamākhyātumarhasi || 5 ||
[Analyze grammar]

īśvara uvāca |
kṛtasmarādbrahmakuṃḍaṃ yameśātsāgarāvadhi |
etadaṃtaramāsādya pāpī cāpi vimucyate || 6 ||
[Analyze grammar]

vahedviṣuvatī tatra sadā puṇyātmanāṃ nṛṇām |
yatra tatra kuru vibho manasā te yathepsitam || 7 ||
[Analyze grammar]

ityuktaḥ sa tadā brahmā prārebhe yajñamuttamam || 8 ||
[Analyze grammar]

tato bhāgārthino devā indrādyāstatra cāgatāḥ |
ṛṣayo bhāgakāmāstu sarve tatra samāgatāḥ || 9 ||
[Analyze grammar]

tato yajñāgatebhyaḥ sa dakṣiṇāmadadātpunaḥ |
tato'tha dakṣiṇā kṣīṇā dīyamānā yaśasvini || 10 ||
[Analyze grammar]

tatobrahmā bahūdvigno dadhyau vai manasā tadā |
baddhāñjalipuṭo bhūtvā idaṃ vacanamabravīt || 11 ||
[Analyze grammar]

bhagavanvai virūpākṣa kraturnaiva samāpyate |
dakṣiṇāhai nyato deva na yāti paripūrṇatām || 12 ||
[Analyze grammar]

dakṣiṇāsahitāḥ sarve yathā yāṃti tathā kuru |
pitāmahavacaḥ śrutvā kṛtvā dhyānaṃ tadā mayā || 13 ||
[Analyze grammar]

smṛtā sarasvatī devī devānāṃ hitakāmyayā |
āgatā sā mahāpuṇyā uktā devī mayā tadā || 14 ||
[Analyze grammar]

padmayonerdhanaṃ kṣīṇaṃ kraturvai na samāpyate |
tasmānmama prasādena bhava kāñcanavāhinī || 15 ||
[Analyze grammar]

sarasvatyāstataḥ srota utthitaṃ paścimāmukham |
kāñcanānāṃ tu padmāni ucchritāni sahasraśaḥ || 16 ||
[Analyze grammar]

kāñcanena pravāheṇa toyaṃ sārasvataṃ śubham |
daityasūdanamāsādya agnitīrthāvadhi priye |
pūrayāmāsa padmaiśca koṭiśaśca samaṃtataḥ || 17 ||
[Analyze grammar]

kāñcanāni tu tānyeva dattvā vipreṣu dakṣiṇām |
yajñaṃ nirvartayāmāsa hṛṣṭo brahmā dvijaiḥ saha || 18 ||
[Analyze grammar]

śeṣāṇi yāni padmāni tāni niḥkṣipya bhūtale |
tadūrdhvaṃ sthāpayāmāsa ligaṃ tu kanake śvaram || 19 ||
[Analyze grammar]

tatra liṃgaṃ pratiṣṭhāpya sarvadevanamaskṛtam |
ṛṣibhyo dakṣiṇāṃ prādādekaikasya yathākramam |
kāñcanānāṃ ca padmānāṃ pratyekamayutaṃ dadau || 20 ||
[Analyze grammar]

tataḥ śeṣāṇi padmāni nihitāni dharātale |
brahmakuṇḍasya madhye tu nāpuṇyo labhate naraḥ || 21 ||
[Analyze grammar]

tatkuṇḍatoyamadyāpi nānāvarṇaṃ pradṛśyate |
tatrādhaḥ padmasaṃyogānnīraṃ svarṇāyate kṣaṇāt || 22 ||
[Analyze grammar]

hiraṇmayāni padmāni adhaḥ kṛtvā prajāpatiḥ |
liṃgamūrdhvaṃ pratiṣṭhāpya svayaṃ pūjitavāṃstadā |
hiraṇyakamalairdivyairhiraṇyeśastato'bhavat || 23 ||
[Analyze grammar]

sarvapāpapraśamanaṃ tathā dāridryanāśanam |
dṛṣṭvā hiraṇmayeśānaṃ sarvapāpaiḥ pramucyate || 24 ||
[Analyze grammar]

māgha māse caturdaśyāṃ yastalliṃgaṃ prapūjayet |
pūjitaṃ tena sakalaṃ brahmāṇḍaṃ sacarācaram || 25 ||
[Analyze grammar]

sarvadānāni dattāni sarve devāśca toṣitāḥ |
brahmāṇḍaṃ tena dattaṃ syādyena talliṃgamarcitam || 26 ||
[Analyze grammar]

etanmayā te kathitaṃ snehena varavarṇini |
na kasyacinmayā'khyātaṃ mahāgopyaṃ varānane || 27 ||
[Analyze grammar]

ya idaṃ śṛyuyādbhaktyā paṭhedvā bhaktisaṃyutaḥ |
sa gaccheddevalokaṃ tu muktaḥ sarvaistu pātakaiḥ || 28 ||
[Analyze grammar]

iti te cātivikhyātāḥ pavitrāḥ pañca bhairavāḥ |
brahmakuṇḍasamīpasthāḥ kathitāstava sundari || 29 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe prathame prabhāsakṣetramāhātmye brahmakuṇḍamāhātmye hiraṇyeśvaramāhātmyavarṇanaṃnāma tripañcāśaduttaraśatatamo'dhyāyaḥ || 153 ||
[Analyze grammar]