Chapter 152

[English text for this chapter is available]

īśvara uvāca |
tṛtīyo bhairavaḥ proktaścaturthaṃ bhairavaṃ śṛṇu |
brahmeśātpaścime bhāge dhanuṣāṃ tritaye sthitam || 1 ||
[Analyze grammar]

sarvapāpapraśamanaṃ sarva kāmapradaṃ nṛṇām |
nāradeśvaranāmānaṃ sthāpitaṃ nāradena vai || 2 ||
[Analyze grammar]

brahmaloke sthitaḥ pūrvaṃ nārado bhagavānṛṣiḥ |
tatra dṛṣṭvā mahāvīṇāṃ divyāṃ taṃtryayutai ryutām || 3 ||
[Analyze grammar]

sarasvatyā vinirmuktāṃ brahmaloke mahāprabhām |
tenāsau kautukāviṣṭo vādayāmāsa tāṃ tadā || 4 ||
[Analyze grammar]

taṃtrībhyo vādyamānābhyo brāhmaṇāḥ patitā bhuvi |
sapta svarāste vikhyātā mūrcchitāḥ ṣaḍjakādayaḥ || 5 ||
[Analyze grammar]

tāndṛṣṭvā vismayāviṣṭo muktvā vīṇāṃ prayatnataḥ |
papraccha devaṃ brahmāṇaṃ kimidaṃ kautukaṃ vibho || 6 ||
[Analyze grammar]

vādyamānāsu tantrīṣu patitā brāhmaṇā bhuvi |
ka ete brāhmaṇā deva kiṃ mṛtā iva śerate || 7 ||
[Analyze grammar]

brahmovāca |
ete svarā mahābhāga mūrcchitāḥ patitā bhuvi |
ajñānavādanenaiva pāpaṃ jātaṃ tavādhunā || 8 ||
[Analyze grammar]

saptabrāhmaṇavidhvaṃsapātakaṃ te samā gatam |
tasmācchīghraṃ vraja mune prabhāsaṃ kṣetramuttamam || 9 ||
[Analyze grammar]

samārādhaya deveśaṃ sarvapāpaviśuddhaye |
ityukto nāradastatra saṃtapya ca muhurmuhuḥ || 10 ||
[Analyze grammar]

kṛtvā viṣādaṃ bahuśaḥ prabhāsaṃ kṣetramāgataḥ |
tatraiva brahmakuṇḍaṃ tu samāsādya prayatnataḥ || 11 ||
[Analyze grammar]

bhairavaṃ pūjayāmāsa divyābdānāṃ śataṃ priye |
tato niṣkalmaṣo bhūtvā gītajñaścābhavattathā || 12 ||
[Analyze grammar]

tataḥ prabhṛti talliṃgaṃ nāradeśvarabhairavam |
khyātaṃ loke mahādevi sarvapātakanāśanam || 13 ||
[Analyze grammar]

ajñānādvādayedyastu vīṇāṃ caiva tathā svarān |
sa tatpātakaśuddhyarthaṃ tatra gacchenmaheśvari || 14 ||
[Analyze grammar]

māghe māsi jitāhārastrikālaṃ yo'rcayettataḥ |
nāradeśaṃ bhairavaṃ sa svargarāmāmanoharaḥ || 15 ||
[Analyze grammar]