Chapter 148

[English text for this chapter is available]

īśvara uvāca |
tato gacchenmahādevi kūpaṃ kuṃḍalasaṃbhavam |
tasyaiva cottare bhāge brahmakuṇḍasamīpataḥ || 1 ||
[Analyze grammar]

yatra siddho mahādevi rūpakuṃḍalahārakaḥ |
tatra snātvā naro devi mucyetsteyakṛtādaghāt || 2 ||
[Analyze grammar]

sapta janmāni deveśi na tasyānvayasaṃbhavaḥ |
cauraḥ kaścidbhavetkrūrastatra snānaprabhāvataḥ || 3 ||
[Analyze grammar]

śivarātryāṃ viśeṣeṇa piṃḍadānādikāṃ kriyām |
kuryācchastrahatānāṃ ca pāpināṃ tatra muktaye || 4 ||
[Analyze grammar]

devyuvāca |
kathaṃ kuṇḍalarūpaṃ tu pṛthivyāṃ khyātimāgatam |
etatkathaya me deva vistarādvadatāṃ vara || 5 ||
[Analyze grammar]

īśvara uvāca |
śṛṇu devi mahāpuṇyāṃ kathāṃ pāpapraṇāśanīm |
yāṃ śrutvā mucyate pāpānnaro janmaśatārjitāt || 6 ||
[Analyze grammar]

prabhāsakṣetramāhātmyācchivarātryāmupoṣitaḥ |
āsītsudarśano rājā pṛthivyāmekarāṭ sudhīḥ || 7 ||
[Analyze grammar]

dhanyo hi sa dhanāḍhyaśca prajāṃ yatnairapālayat |
rājyaṃ tasya susaṃpannaṃ brāhmaṇairupaśobhitam |
samṛddhamṛddhisaṃyuktaṃ viṭataskaravarjitam || 8 ||
[Analyze grammar]

tasmiñjanapade ramye purī bhagavatī śubhā |
cāturvarṇyasamāyuktā puraprākāramaṃḍitā || 9 ||
[Analyze grammar]

tasminpuravare ramye rājyaṃ nihatakaṇṭakam |
karoti bāndhavaiḥ sārddhamṛddhiyuktaḥ sudarśanaḥ |
hiraṇyadattasya suto jāto gāṃdhārakanyayā || 10 ||
[Analyze grammar]

tasya bhāryā priyā sādhvī bhartṛvrataparāyaṇā |
sunaṃdā nāmavikhyātā kāśirājasutā śubhā || 11 ||
[Analyze grammar]

tayā sārdhaṃ hi rājendro bhogānsa bubhuje sadā |
bhuṃjamānasya bhogānvai cirakālo gatastadā || 12 ||
[Analyze grammar]

akarotsa mahāyajñāndadau dānāni bhūriśaḥ |
evaṃ kālo gatastasya bhāryayā saha suvrate || 13 ||
[Analyze grammar]

kadācinmāghamāse tu śivarātryāṃ varānane |
sasmāra pūrvajātiṃ sa bhāryāmāhūya cābravīt || 14 ||
[Analyze grammar]

sudarśana uvāca |
śivarātrivrataṃ devi mayā kāryaṃ varānane |
vratasyāsya prabhāvena prāptaṃ rājyaṃ mayā kila || 15 ||
[Analyze grammar]

rājñyuvāca |
mahānprabhāvo rājendra evamuktaṃ tvayā mama |
etanme kāraṇaṃ brūhi āścaryaṃ hṛdi vartate || 16 ||
[Analyze grammar]

rājovāca |
śṛṇu tīrthasya māhātmyaṃ śivarātrimupoṣaṇāt |
tasmiñchivapure ramye svargadvāre suśobhane || 17 ||
[Analyze grammar]

āditīrthe prabhāse tu kāmike tīrtha uttame || 18 ||
[Analyze grammar]

ṛddhiyukte pure tasminnityaṃ dharmānusevite |
śivarātryāṃ gato rājñi tithīnāmuttamā tithiḥ || 19 ||
[Analyze grammar]

mānavāstatra ye kecitpurarāṣṭrani vāsinaḥ |
tatrāgatā varārohe śivarātryāmupoṣitum || 20 ||
[Analyze grammar]

dhananāmā vaṇikkaścittatraiva vasate sadā |
dhanāḍhyaḥ sa tu dharmātmā sadā dharmaparāyaṇaḥ || 21 ||
[Analyze grammar]

sa bhāryāsahitastatra śivarātrimupoṣitaḥ |
tasya bhāryā'bhavatsādhvī rūpayauvanasaṃvṛtā || 22 ||
[Analyze grammar]

pracalanmekhalāhārā sarvābharaṇabhūṣitā |
sa tayā bhāryayā sārdhaṃ kāmakrodhavivarjitaḥ || 23 ||
[Analyze grammar]

prabhāsasyāgrato bhūtvā snātaḥ śuklāṃbaraḥ śuciḥ |
yathoktena vidhānena bhaktyā nidrāvivarjitaḥ || 24 ||
[Analyze grammar]

tatrāhaṃ caurarūpeṇa pāpaḥ stainyaṃ samāśritaḥ |
sacchūdrāṇāṃ kule jāto devabrāhmaṇapūjakaḥ || 25 ||
[Analyze grammar]

pūrvakarmānusaṃyogādvikarmaṇi rataḥ sadā |
tasyāṃ rātryāmahaṃ tatra janamadhye tu saṃsthitaḥ || 26 ||
[Analyze grammar]

kuṇḍalīnaḥ sthitastatra raṃdhrāpekṣī varānane |
vaṇijastasya bhāryāyāśchidrānveṣaṇatatparaḥ || 27 ||
[Analyze grammar]

sā rātrirjāgratastasya gatā me vijane tathā |
gītanṛtyādinirghoṣairvedamaṃgalapāṭakaiḥ || 28 ||
[Analyze grammar]

tālaśabdaistathā bandhaiḥ pustakānāṃ ca vācakaiḥ |
evaṃ rātryāṃ tu śeṣāyāṃ yāvattiṣṭhati tatra vai || 29 ||
[Analyze grammar]

nirodhena samāyuktā pīḍyamānā śucismitā |
dhanibhāryā nirodhārtā devāgārādbahirgatā || 30 ||
[Analyze grammar]

tasyāḥ karṇau troṭayitvā pupluve'haṃ jale sthitaḥ |
tataḥ kolāhalastatra kṛtastatpuravāsibhiḥ || 31 ||
[Analyze grammar]

śrutvā kolāhalaṃ śabdaṃ karṇatroṭanajaṃ tadā |
dhāvitā rakṣakāstatra rājaśāsanakārakāḥ || 32 ||
[Analyze grammar]

tairahaṃ śastrahastaiśca ulkāhastaiḥ samaṃtataḥ |
nirīkṣito'tha na prāptaṃ suvarṇaṃ manmukhe sthitam || 33 ||
[Analyze grammar]

khaḍgena tīkṣṇadhāreṇa chittvā śīrṣaṃ tadā mama |
ulkāhastā nirīkṣanto nāpaśyansvarṇamaṇvapi || 34 ||
[Analyze grammar]

hitvā māṃ te gatāḥ sarve gatvā rājñe nyavedayan |
na kiñcittatra saṃprāptaṃ hato'smābhiśca tatkṣaṇāt || 35 ||
[Analyze grammar]

kathayitvā tu te sarve yathādeśaṃ gatāḥ punaḥ |
tato vai bandhunā tatra bhayabhītena cetasā || 36 ||
[Analyze grammar]

nikhātaṃ mama tatraiva śiraḥ kāyena saṃyutam |
khātaṃ kṛtvā priye tatra brahmatīrthasya cottare || 37 ||
[Analyze grammar]

pihito'haṃ tu tatraiva prabhāse tīrtha uttame |
śivarātriprabhāvena tajjātismaratāṃ gataḥ || 38 ||
[Analyze grammar]

rājyaṃ niṣkaṇṭakaṃ prāptaṃ samṛddhaṃ varavarṇini |
etatprabhāsamāhātmyaṃ śivarātrerupoṣaṇāt |
etatphalaṃ mayā labdhaṃ gatvā tasmādupoṣaye || 39 ||
[Analyze grammar]

rājñyuvāca |
gacchāvastatra yatraiva kapālaṃ patitaṃ tava |
sphoṭite ca kapāle ca hiraṇyaṃ dṛśyate yadi |
pratyayo me bhavetpaścāttava vākyaṃ na saṃśayaḥ || 40 ||
[Analyze grammar]

rājovāca |
kalpaṃ hi tiṣṭhate cāsthi yāvadbhūmiviparyayaḥ |
uttiṣṭha vraja bhadraṃ te prabhāsaṃ kṣetramuttamam || 41 ||
[Analyze grammar]

tasya tadvacanaṃ śrutvā yadrājñā samudīritam |
gamanāya matiṃ cakre śivarātryā upoṣaṇe || 42 ||
[Analyze grammar]

tato'śvairjavanaiyurktaṃ rathaṃ hemavibhūṣitam |
āsthāya saha patnyā ca prabhāsaṃ kṣetrameyivān || 43 ||
[Analyze grammar]

vrataṃ kṛtvā prabhāse tu yathoktaṃ varavarṇini |
brahmatīrthe samāgatya uddhṛtya sakalaṃ tataḥ || 44 ||
[Analyze grammar]

hiraṇyaṃ darśayāmāsa sphoṭayitvā śavaṃ svayam || 45 ||
[Analyze grammar]

īśvara uvāca |
jātasaṃpratyayā bhāryā tasya rājño babhūva ha |
jagāma paramaṃ sthānaṃ yatra kalyāṇamuttamam || 46 ||
[Analyze grammar]

jano'pi vismitaḥ sarvo dṛṣṭvā citraṃ tadadbhutam || 47 ||
[Analyze grammar]

nadī citrapathānāma tatrotpannā varānane |
citrādityasya pūrveṇa brahmatīrthasya cottare || 48 ||
[Analyze grammar]

tasyāṃ tattiṣṭhate tatra sarvapāpapraṇāśanam || 49 ||
[Analyze grammar]

śrāvaṇe māsi saṃprāpte tasminkūpe vidhānataḥ |
yaḥ snānaṃ kurute devi śrāddhaṃ tatra viśeṣataḥ || 50 ||
[Analyze grammar]

citrādityaṃ tu saṃpūjya śivaloke mahīyate || 51 ||
[Analyze grammar]

etatte kathitaṃ sarvaṃ śivarātryā mahatphalam |
bhuktimuktipradaṃ puṇyaṃ sarvapāpapraṇāśanam || 52 ||
[Analyze grammar]

ya idaṃ paṭhate nityaṃ śṛṇuyādvāpi mānavaḥ |
sarvapāpavinirmukto rudraloke mahīyate || 53 ||
[Analyze grammar]