Chapter 235

[English text for this chapter is available]

brahmovāca |
dānadharmaṃ praśaṃsaṃti sarvadharmeṣu sarvadā |
harau supte viśeṣeṇa dānaṃ brahmatvakāraṇam || 1 ||
[Analyze grammar]

annaṃ brahma iti proktamanne prāṇāḥ pratiṣṭhitāḥ |
tasmādannaprado nityaṃ vāridaśca bhavennaraḥ || 2 ||
[Analyze grammar]

vāridastṛptimāyāti sukhamakṣayyamannadaḥ |
vāryannayoḥ samaṃ dānaṃ na bhūtaṃ na bhaviṣyati || 3 ||
[Analyze grammar]

maṇiratnapravālānāṃ rūpyaṃ hāṭakavāsasām |
anyeṣāmapi dānānāmannadānaṃ viśiṣyate || 4 ||
[Analyze grammar]

annodakapradānaṃ ca gopradānaṃ ca nityadā |
vedapāṭho vahnihomaścāturmāsye mahāphalam || 9 ||
[Analyze grammar]

vaikuṇṭhapadavāñchā cedviṣṇunā saha saṃgame |
sarvapāpakṣayārthāya cāturmāsye'nnado bhavet || 6 ||
[Analyze grammar]

satyaṃsatyaṃ hi devarṣe mayoktaṃ tava nārada |
janmāṃtarasahasreṣu nādattamupatiṣṭhate || 7 ||
[Analyze grammar]

tasmādannapradānena sarve hṛṣyaṃti jantavaḥ |
devāśca spṛhayaṃtyenamannadānapradāyinam || 8 ||
[Analyze grammar]

ājyaṃ deyaṃ ca pātreṣu śraddhayā vajramiśritam |
vajradānakaro martyaścāturmāsye na mānavaḥ || 9 ||
[Analyze grammar]

bhojanaṃ guruviprāṇāṃ ghṛtadānaṃ ca satkriyā |
etāni yasya tiṣṭhanti cāturmāsye na mānavaḥ || 10 ||
[Analyze grammar]

saddharmaḥ satkathā caiva satsevā darśanaṃ satām |
viṣṣupūjā ratirdāne cāturmāsyeṣu durlabhāḥ || 11 ||
[Analyze grammar]

pitṝnuddiśya yo martyaścāturmāsye'nnado bhavet |
sarvapāpaviśuddhātmā pitṛlokamavāmuyāt || 12 ||
[Analyze grammar]

devāḥ sarve'nnadānena tṛptā yacchanti vāṃchitam |
pipīlikā'pi yadgehādbhakṣyamādāya gacchati || 13 ||
[Analyze grammar]

rātrau divā'niṣiddhānno hyannadānamanuttamam |
harau supte hi pāpaghnaṃ vārya mapi śatruṣu || 14 ||
[Analyze grammar]

cāturmāsye dugdhadānaṃ dadhi takraṃ mahāphalam |
janmakāle yena baddhaḥ piṃḍastaddānamuttamam || 15 ||
[Analyze grammar]

śākapradātā narakaṃ yamalokaṃ na paśyati |
vastradaḥ somalokaṃ ca vasedābhūtasaṃplavam || 16 ||
[Analyze grammar]

supte deve yathāśakti hyanyāsu pratimāsu ca |
puṣpavastrapradānena santānaṃ naiva hīyate || 17 ||
[Analyze grammar]

candanāgurudhūpaṃ ca cāturmāsye prayacchati |
putrapautrasamāyukto viṣṇurūpī bhavennaraḥ || 18 ||
[Analyze grammar]

supte deve jagannāthe phaladānaṃ praya cchati |
viprāya vedaviduṣe yamalokaṃ na paśyati || 19 ||
[Analyze grammar]

vidyādānaṃ ca godānaṃ bhūmidānaṃ prayacchati |
viṣṇuprītyarthameveha sa tārayati pūrvajān || 20 ||
[Analyze grammar]

guḍasaiṃdhavatailādimadhutiktatilānnadaḥ |
devatāyāssamuddiśya tāsāṃ lokaṃ prayāti hi || 21 ||
[Analyze grammar]

cāturmāsye tilāndattvā na bhūyaḥ stanapo bhavet |
yavapradātā vasate vāsavaṃ lokamakṣayam || 22 ||
[Analyze grammar]

hūyeta havyaṃ vahnau ca dānaṃ dadyāddvijātaye |
gāvaḥ supūjitāḥ kāryāścāturmāsye viśeṣataḥ || 23 ||
[Analyze grammar]

yatkiṃcitsukṛtaṃ karma janmāvadhi susaṃcitam |
cāturmāsye gate pātre vimukhe yanna dīyate || 24 ||
[Analyze grammar]

praṇaśyati kṣaṇādeva vacanā dyastu pracyutaḥ |
divasedivase tasya varddhate ca pratiśrutam || 25 ||
[Analyze grammar]

tasmānnaiva pratiśrāvyaṃ svalpamapyāśu dīyate |
tāvadvivarddhate dānaṃ yāvattanna prayacchati || 26 ||
[Analyze grammar]

yo mohānmanujo loke yāvatkoṭiguṇaṃ bhavet |
tato daśaguṇā vṛddhiścāturmāsye pradātari || 27 ||
[Analyze grammar]

narake patanaṃ tasya yāva diṃdrāścaturdaśa |
atastu sarvadā deyaṃ narairyattu pratiśrutam || 28 ||
[Analyze grammar]

anyasmai na pradātavyaṃ pradattaṃ naiva hārayet |
cāturmāsyeṣu yaḥ śayyāṃ dvijāgryāya prayacchati || 29 ||
[Analyze grammar]

vedoktena vidhānena na sa yāti yamālayam |
āsanaṃ vāripātraṃ ca bhājanaṃ tāmrabhājanam || 30 ||
[Analyze grammar]

cāturmāsye prayatnena deyaṃ vittānusārataḥ |
sarvadānāni viprebhyo dadatsupte jagadgurau || 31 ||
[Analyze grammar]

ātmānaṃ pūrvajaiḥ sārddhaṃ sa mocayati pātakāt |
gaurbhūśca tilapātraṃ ca dīpadānamanuttamam || 32 ||
[Analyze grammar]

dadadvijātaye mukto jāyate sa ṛṇatrayāt || 33 ||
[Analyze grammar]

sa viśvakartā bhuvaneṣu goptā sa yajñabhuksarvaphalapradaśca |
dānāni vastuṣvadhidaivataṃ ca yasminsamuddiśya dadāti muktaḥ || 34 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvara kṣetramāhātmye śeṣaśāyyupākhyāne cāturmāsyamāhātmye brahmanāradasaṃvāde cāturmāsyadānamahimavarṇanaṃnāma pañcatriṃśaduttaradviśatatamo'dhyāyaḥ || 235 ||
[Analyze grammar]