Chapter 234

[English text for this chapter is available]

brahmovāca |
pitṝṇāṃ tarpaṇaṃ kuryācchraddhāyuktena cetasā |
snānāvasāne nityaṃ ca gupte deve mahāphalam || 1 ||
[Analyze grammar]

saṃgame saritostatra pitṝnsaṃtarpya devatāḥ |
japahomādikarmāṇi kṛtvā phalamanaṃtakam || 2 ||
[Analyze grammar]

goviṃdasmaraṇaṃ kṛtvā paścātkāryāḥ śubhāḥ kriyāḥ |
eṣa eva pitṛdevamanuṣyādiṣu tṛptidaḥ || 3 ||
[Analyze grammar]

śraddhāṃ dharmayutāṃ nāma smṛtipūtāni kārayet |
karmāṇi sakalānīha cāturmāsye guṇottare || 4 ||
[Analyze grammar]

satsaṃgo dvijabhaktiśca gurudevāgni tarpaṇam |
gopradānaṃ vedapāṭhaḥ satkriyāsatyabhāṣaṇam || 5 ||
[Analyze grammar]

gobhaktirdānabhaktiśca sadā dharmasya sādhanam |
kṛṣṇe supte viśeṣeṇa niyamo'pi mahā phalaḥ || 6 ||
[Analyze grammar]

nārada uvāca |
niyamaḥ kīdṛśo brahmanphalaṃ ca niyamena kim |
niyamena haristuṣṭo yathā bhavati tadvada || 7 ||
[Analyze grammar]

brahmovāca |
niyamaścakṣurādīnāṃ kriyāsu vividhāsu ca |
kāryo vidyāvatā puṃsā tatprayogānmahāsukham || 8 ||
[Analyze grammar]

etatṣaḍvargaharaṇaṃ ripunigrahaṇaṃ param |
adhyātmamūlametaddhi paramaṃ saukhyakāraṇam || 9 ||
[Analyze grammar]

tatra tiṣṭhaṃti niyataṃ kṣamāsatyādayo guṇāḥ |
vivekarūpiṇaḥ sarve tadviṣṇoḥ paramaṃ padam || 10 ||
[Analyze grammar]

kṛtvā bhavati yajñānyatkṛtakṛtyatvamatra tat |
syāttasya tatpūrvajānāṃ yena jñātamidaṃ padam || 11 ||
[Analyze grammar]

tanmuhūrttamapi dhyātvā pāpaṃ janmaśatodbhavam |
bhasma sādyāti vihitaṃ niraṃjananiṣevaṇāt || 12 ||
[Analyze grammar]

pratyahaṃ saṃkucatyasya kṣutpipāsādikaḥ śramaḥ |
sa yogī niyamī nityaṃ harau supte viśiṣyate || 13 ||
[Analyze grammar]

cāturmāsye naro bhaktyā yogābhyāsarato na cet |
tasya hastātparibhraṣṭamamṛtaṃ nātra saṃśayaḥ || 14 ||
[Analyze grammar]

mano niyamitaṃ yena sarvecchāsu sadāgatam |
tasya jñāne ca mokṣe ca kāraṇaṃ mana eva hi || 15 ||
[Analyze grammar]

manoniyamane yatnaḥ kāryaḥ prajñāvatā sadā |
manasā sugṛhītena jñānāptirakhilā dhruvam || 16 ||
[Analyze grammar]

tanmanaḥ kṣamayā grāhyaṃ yathā vahniśca vāriṇā |
ekayā kṣamayā sarvo niyamaḥ kathito budhaiḥ || 17 ||
[Analyze grammar]

satyamekaṃ paro dharmaḥ satyamekaṃ paraṃ tapaḥ |
satyamekaṃ paraṃ jñānaṃ satye dharmaḥ pratiṣṭhitaḥ || 18 ||
[Analyze grammar]

dharmamūlamahiṃsā ca manasā tāṃ ca citayan |
karmaṇā ca tathā vācā tata etāṃ samācaret || 19 ||
[Analyze grammar]

parasvaharaṇaṃ cauryaṃ sarvadā sarvamānuṣaiḥ |
cāturmāsye viśeṣeṇa brahmadevasvavarjanam || 20 ||
[Analyze grammar]

akṛtyakaraṇaṃ caiva varjanīyaṃ sadā budhaiḥ |
ahīnaḥ sarvakāryeṣu yaḥ sadā vipra vartate || 21 ||
[Analyze grammar]

sa ca yogī mahāprājñaḥ prajñācakṣurahaṃ nadhīḥ || |
ahaṃkāro viṣamidaṃ śarīre varttate nṛṇām || 22 ||
[Analyze grammar]

tasmātsa sarvadā tyājyaḥ supte deve viśeṣataḥ |
anīhayā jitakrodho jitalobho bhavennaraḥ || 23 ||
[Analyze grammar]

tasya pāpasahasrāṇi dehādyāṃti sahasradhā |
mohaṃ mānaṃ parājitya śamarūpeṇa śatruṇā || 24 ||
[Analyze grammar]

vicāreṇa śamo grāhyaḥ santoṣeṇa tathā hi saḥ |
mātsaryamṛjubhāvena niyacchetsa munīśvaraḥ || 25 ||
[Analyze grammar]

cāturmāsye dayādharmo na dharmo bhūtavidruhām |
sarvadā sarva dāneṣu bhūtadrohaṃ vivarjayet || 26 ||
[Analyze grammar]

etatpāpasahasrāṇāṃ mūlaṃ prāhurmanīṣiṇaḥ |
tasmātsarvaprayatnena kāryā bhūtadayā nṛbhiḥ || 27 ||
[Analyze grammar]

sarveṣāmeva bhūtānāṃ harirnityaṃ hṛdi sthitaḥ |
sa eva hi parābhūto yo bhūtadrohakārakaḥ || 28 ||
[Analyze grammar]

yasmindharme dayā naiva sa dharmo dūṣito mataḥ |
dayāṃ vinā na vijñānaṃ na dharmo jñānameva ca || 29 ||
[Analyze grammar]

tasmātsarvātmabhāvena dayādharmaḥ sanātanaḥ |
sevyaḥ sa puruṣairnityaṃ cāturmāsye viśeṣataḥ || 30 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye cāturmāsyamāhātmye śepaśāyyupākhyāne brahma nāradasaṃvāde cāturmāsyaniyamavidhimāhātmyavarṇanaṃnāma catustriṃśaduttaradviśatatamo'dhyāyaḥ || 234 ||
[Analyze grammar]