Chapter 236

[English text for this chapter is available]

brahmovāca |
iṣṭavastuprado viṣṇurlokaśceṣṭaruciḥ sadā |
tasmātsarvaprayatnena cātumāsye tyajecca tat || 1 ||
[Analyze grammar]

nārāyaṇasya prītyarthaṃ tadevākṣayyamāpyate |
martyastyajati śraddhāvānso'naṃtaphalabhāgbhavet || 2 ||
[Analyze grammar]

kāṃsyabhājanasaṃtyāgājjāyate bhūpatirbhuvi |
pālāśapatre bhuñjāno brahmabhūyastvamaśnute || 3 ||
[Analyze grammar]

tāmrapātre na bhuñjīta kadācidvā gṛhī naraḥ |
cāturmāsye viśeṣeṇa tāmrapātraṃ vivarjayet || 4 ||
[Analyze grammar]

arkapatreṣu bhuñjāno'nupamaṃ labhate phalam |
vaṭapatreṣu bhoktavyaṃ cāturmāsye viśeṣataḥ || 5 ||
[Analyze grammar]

aśvatthapatrasaṃbhogaḥ kāryo budhajanaiḥ sadā |
ekānnabhojī rājā syātsakalaṃ bhūmimaṇḍale || 6 ||
[Analyze grammar]

tathā ca lavaṇatyāgātsubhago jāyate naraḥ |
godhūmānnaparityāgājjāyate janavalabhaḥ || 7 ||
[Analyze grammar]

aśākabhojī dīrghāyuścāturmāsye'bhijāyate |
rasatyāgānmahāprāṇī madhutyāgātsulocanaḥ || 8 ||
[Analyze grammar]

mudgatyāgādripumṛtī rājamāṣāddhanāḍhyatā |
aśvāptistaṃḍulatyāgāccāturmāsye'bhijāyate || 9 ||
[Analyze grammar]

phalatyāgādbahusutastailatyāgātsurūpitā |
jñānī tuvarisaṃtyāgādbalaṃ vīryaṃ sadaiva hi || 10 ||
[Analyze grammar]

mārgamāṃsaparityāgānnarakaṃ na ca paśyati |
śaukarasya pīratyāgādbrahmavāsamavāpnuyāt || 11 ||
[Analyze grammar]

jñānaṃ lāvakasantyāgādājyatyāge mahatsukham |
āsavaṃ samparityajya muktistasya na durlabhā || 12 ||
[Analyze grammar]

sabalaḥ kanakatyāgādrūpyatyāgena mānuṣaḥ || 69 ||
[Analyze grammar]

dadhidugdhaparityāgī goloke sukha bhāgbhavet || 13 ||
[Analyze grammar]

brahmā pāyasasaṃtyāgātkṣiprātyāgānmaheśvaraḥ |
kandarpo'pūpasaṃtyāgānmodakatyājakaḥ sukhī || 14 ||
[Analyze grammar]

gṛhāśramaparityāgī bāhyā śramaniṣevakaḥ |
cāturmāsyaṃ hariprītyai na māturjaṭhare śiśuḥ || 15 ||
[Analyze grammar]

nṛpo marīcasaṃtyāgācchuṇṭhītyāgena satkaviḥ |
śarkarāyāḥ parityāgājjāyate rājapūjitaḥ || 16 ||
[Analyze grammar]

guḍatyāgānmahābhūtistathā dāḍimavarjanāt |
raktavastraparityāgājjāyate janavallabhaḥ || 17 ||
[Analyze grammar]

paṭṭakūlaparityāgādakṣayyaṃ svarga māpnuyāt |
māṣānnacaṇakānnasya tyāgānnaiva punarbhavaḥ || 18 ||
[Analyze grammar]

kṛṣṇavastraṃ sadā tyājyaṃ cāturmāsye viśeṣataḥ |
sūryasaṃdarśanācchuddhirnīlavastrasya darśanāt || 19 ||
[Analyze grammar]

caṃdanasya parityāgādgāṃdharvaṃ lokamaśnute |
karpūrasya parityāgādyāvajjīvaṃ mahādhanī || 20 ||
[Analyze grammar]

kusumbhasya parityāgānnaiva paśyedyamāla yam |
keśarasya parityāgānmanuṣyo rājavallabhaḥ || 21 ||
[Analyze grammar]

yakṣakardamasaṃtyāgādbrahmaloke mahīyate |
jñānī puṣpaparityāgācchayyātyāge mahatsu kham || 22 ||
[Analyze grammar]

bhāryāviyogaṃ nāpnoti cāturmāsye na saṃśayaḥ |
alīkavādasaṃtyāgānmokṣadvāramapāvṛtam || 23 ||
[Analyze grammar]

paramarmaprakāśaśca sadyaḥpāpasamā gamaḥ |
cāturmāsye harau supte paranindāṃ vivarjayet || 24 ||
[Analyze grammar]

paranindā mahāpāpaṃ paranindā mahābhayam |
paranindā mahadduḥkhaṃ na tasyāṃ pātakaṃ param || 25 ||
[Analyze grammar]

kevalaṃ nindane caiva tatpāpaṃ labhate guru |
yathā śṛṇvāna eva syātpātakī na tataḥ paraḥ || 26 ||
[Analyze grammar]

keśasaṃskārasaṃtyāgāttāpatrayavivarjitaḥ |
nakharomadharo yastu harau supte viśeṣataḥ || 27 ||
[Analyze grammar]

divasedivase tasya gaṃgāsnānaphalaṃ bhavet || 25 ||
[Analyze grammar]

sarvopāyairviṣṇureva prasādyo yogidhyeyaḥ pravaraiḥ sarvavarṇeḥ |
viṣṇornāmnā mucyate ghorabandhāccāturmāsye smaryate'sau viśeṣāt || 29 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitā yāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne cāturmāsyamāhātmye brahmanāradasaṃvāda iṣṭavastuparityāgamahimavarṇanaṃnāma ṣaṭtriṃśaduttaradvi śatatamo'dhyāyaḥ || 236 ||
[Analyze grammar]