Chapter 224

[English text for this chapter is available]

ānartauvāca |
śrutā mayā mahābhāga śrāddhārhā brāhmaṇāśca ye |
ye ca tyājyāstathā putrā bahavaścaiva suvrata || 1 ||
[Analyze grammar]

sāṃprataṃ kathayā'smākaṃ mantrapūrvaśca yo vidhiḥ |
gṛhasthena sadā kāryaḥ pitṝṇāṃ parituṣṭaye || 2 ||
[Analyze grammar]

bhartṛyajña uvāca |
praṇamyāmaṃtritā ye ca śrādrārthaṃ brāhmaṇottamāḥ |
ānīya kutape kāle tānsarvānprārthayedi dam || 3 ||
[Analyze grammar]

āgacchaṃtu mahābhāgā viśvedevā mahābalāḥ |
ye yatra vihitāḥ śrāddhe sāvadhānā bhavaṃtu te || 4 ||
[Analyze grammar]

evamabhyarcya tānsarvāṃstataḥ kṛtvā pradakṣiṇām |
jānunī bhūtale nyasya tataścārghaṃ pradāpayet || 5 ||
[Analyze grammar]

maṃtreṇānena rājeṃdra sapuṣpākṣatacaṃdanaiḥ |
arghamenaṃ pragṛhṇaṃtu mayā dattaṃ dvijottamāḥ |
pādaprakṣālanārthāya prakurvaṃtu mama priyam || 6 ||
[Analyze grammar]

evamuktvā mahīpṛṣṭhe anulipte tataḥ param |
sākṣatānprakṣipeddarbhānviśvedevānprakīrtayan || 7 ||
[Analyze grammar]

apasavyaṃ tataḥ kṛtvā darbhāṃstilasamanvitān |
dviguṇānprakṣipedbhūmau pitṝnuddiśya cātmanaḥ || 8 ||
[Analyze grammar]

evaṃ sarvāḥ kriyāḥ kāryā daivikā savyapūrvikāḥ |
paitṛkāścāpasavyena muktvā nāṃdīmukhānpitṝn || 9 ||
[Analyze grammar]

sarve pūrvāmukhāḥ sthāpyā yugmāśca śaktito nṛpa |
pitaro mātṛpakṣīyāḥ sthāpyāścodaṅmukhāstathā || 10 ||
[Analyze grammar]

ekaikaṃ vā trayo vā'pi syurekaikaṃ vā pṛthakpṛthaka |
paitṛkānsthāppa cakreṇa pitṝṇāṃ parituṣṭaye || 11 ||
[Analyze grammar]

ṣaṣṭhyā vibhaktyā tu teṣāmāsanaṃ ca pradāpayet |
ṛjubhiḥ sākṣatairdarbhaiḥ sodakairdakṣiṇāṃgataḥ || 12 ||
[Analyze grammar]

viṣamau dviguṇairdarbhaiḥ satilairvāmapārśvataḥ |
pāṇau toyaṃ parikṣipya na darbhāṃstu kathaṃ cana || 13 ||
[Analyze grammar]

yo haste cāsanaṃ dadyācceddārbhaṃ buddhivarjitaḥ |
pitaro nāsane tatra prakurvaṃti niveśanam || 14 ||
[Analyze grammar]

āvāhanaṃ prakartavyaṃ vibhaktyā ca dvitīyayā |
yenāgacchaṃti te sarve samāhūtāḥ pṛthakpṛthak || 15 ||
[Analyze grammar]

anyayā ca vibhaktyā cetpitṝnāvāhayetkvacit |
nāgacchaṃti mahābhāgā yadyapi syurbubhukṣitāḥ || 16 ||
[Analyze grammar]

viśvedevāsa āgata maṃtreṇānena pārthiva |
teṣāmāvāhanaṃ kāryamakṣataiśca śiroṃ'tikāt || 17 ||
[Analyze grammar]

uśaṃtastveti ca tilaiḥ pitṝnāvāhayettataḥ |
āyaṃtu na iti japettataḥ pārthivasattama || 18 ||
[Analyze grammar]

śanno devīti maṃtreṇa svāhākārasamanvitam |
pitṝṇāmarghapātreṣu tathaiva ca jalaṃ kṣipet || 19 ||
[Analyze grammar]

yavo'si yavayāsmaddvetyakṣatāṃstatra nikṣipet |
caṃdanaṃ gaṃdhapuṣpāṇi dhūpaṃ dadyādyathākramam |
sapavitreṣu hasteṣu dadyādarghyaṃ samāhitaḥ || 20 ||
[Analyze grammar]

yā divyā iti mantreṇa svāhākārasamanvitam |
pitṝṇāmarghapātreṣu tathaiva ca jalaṃ kṣipet || 21 ||
[Analyze grammar]

tilo'si somadaivatyo gosave devanirmitaḥ |
pratnavadbhiḥ pṛktaḥ svadhayā pitṝnimāṃllokānprīṇāhi naḥ svadheti prakṣipettilān || 22 ||
[Analyze grammar]

yādivyeti ca mantreṇa tato hyarghyaṃ pradāpayet |
pitṛpātre samādāya arghyapātrāṇi kṛtsnaśaḥ || 23 ||
[Analyze grammar]

adhomukhaṃ ca tatpātraṃ mantravatsthāpayettataḥ |
āyuṣkāmastu tattoyaṃ locanābhyāṃ na vīkṣayet || 24 ||
[Analyze grammar]

tatastu candanādīni dīpāṃtāni samādadet |
tataḥ pākaṃ samādāya pṛcchedviprāndvijo ttamān || 25 ||
[Analyze grammar]

ahamagnau kariṣyāmi homaṃ pitṛsamudbhavam |
anujñā dīyatāṃ mahyamapasavyāśritasya bhoḥ || 26 ||
[Analyze grammar]

kuruṣveti ca taiḥ prokte gatvāgni śaraṇaṃ tataḥ |
agnaye kavyavāhanāya svāheti prathamāhutiḥ || 27 ||
[Analyze grammar]

somāya pitṛmate svadheti ca tataḥ param |
hutamannaṃ ca śeṣaṃ ca śrāddhārhebhyaḥ pradīyate || 28 ||
[Analyze grammar]

iṣṭamannaṃ tato dattvā pātramālabhya saṃjapet |
viprāṃguṣṭhaṃ samādāya pākamadhye nidhāya ca || 29 ||
[Analyze grammar]

pṛthivī te pātramādāya vaiṣṇa vyā ca ṛcā tathā |
svahastena na vai dadyātpratyakṣaṃ lavaṇaṃ tathā || 30 ||
[Analyze grammar]

svahastena ca yaddattaṃ pratyakṣalavaṇaṃ nṛpa |
tacchrāddhaṃ vyarthatāṃ yāti dhṛte datterddhabhuktake |
tṛptāñjñātvā tato viprānagre tvannaṃ parikṣipet || 31 ||
[Analyze grammar]

agnidagdhāśca ye jīvā yepyadagdhāḥ kule mama |
bhūmau dattena tṛpyaṃtu tṛptā yāṃtu parāṃ gatim || 32 ||
[Analyze grammar]

sakṛtsakṛjjalaṃ dattvā gāyatrītritayaṃ japet |
madhuvāteti saṃkīrtya tataḥ pṛccheddvijottamān || 33 ||
[Analyze grammar]

tṛptāḥ stha iti rājendra anujñāṃ prārthayettataḥ |
bandhūnāṃ bhojanārthāya śeṣasyānnasya bhaktimān || 34 ||
[Analyze grammar]

ucchiṣṭasannidhau paścātpitṛvediṃ samācaret |
pitṛviprāsanasthānāṃ nocchiṣṭaṃ dvijasannidhau || 35 ||
[Analyze grammar]

tato vediṃ samādhāya paitṛkīṃ dakṣiṇāplavām |
tasyāṃ darbhānsamādhāya kuryāccaivāvanejanam || 36 ||
[Analyze grammar]

vibhaktyā pūrvayā paścātpiṃḍāndadyādyathākramam |
bhūyo'pyatra jalaṃ dadyātpitṛtīrthena pārthiva |
sūtraṃ ca pratipiṇḍe vai dayātteṣu pṛthakpṛthak || 37 ||
[Analyze grammar]

yaḥ sūtraṃ pūrvapiṇḍeṣu satataṃ viniyojayet |
sa virodhaṃ caretteṣāṃ troṭanācca parasparam || 38 ||
[Analyze grammar]

tataḥ saṃpūjayetsarvānpiṃḍānyadvaddvijottamān |
ācamya prakṣālya tathā hastau pādau ca pārthiva || 39 ||
[Analyze grammar]

namaskṛtya pitṝnpaścātsuprokṣitaṃ tataḥ param |
kṛtvā savyena rājendra yācayitvā varāśiṣaḥ || 40 ||
[Analyze grammar]

akṣayyasalilaṃ deyaṃ ṣaṣṭhyā caiva tataḥ param |
pavitrāṇi samādāya ūrdhvaṃ svadheti kīrtayet |
astu svadheti tairukte piṃḍopari parikṣipet || 41 ||
[Analyze grammar]

tato madhu samādāya pāyasaṃ ca tilodakam |
ūrjasveti ca mantreṇa pitṝṇāmuparikṣipet o || 42 ||
[Analyze grammar]

uttānamarghapātraṃ tu kṛtvā dadyācca dakṣiṇām |
hiraṇyaṃ devatānāṃ ca pitṝṇāṃ rajataṃ tathā || 43 ||
[Analyze grammar]

tataḥ svastyudakaṃ dadyātpitṛpūrvaṃ ca savyataḥ |
na strībhirna ca bālena nānye naiva ca kenacit || 44 ||
[Analyze grammar]

śrāddhīyaviprapātraṃ ca svayameva pracālayet || 45 ||
[Analyze grammar]

tataḥ kṛtāṃjalirbhūtvā prārthayetpārthivottama |
aghorāḥ pitaraḥ santu asmadgotraṃ vivarddhatām || 46 ||
[Analyze grammar]

dātāro no'bhivardhaṃtāṃ vedāḥ santatireva naḥ |
śraddhā ca no mā vyagamadbahudheyaṃ ca no'stviti || 47 ||
[Analyze grammar]

annaṃ ca no bahu bhavedatithīṃśca labhemaddi |
yācitāraśca naḥ santu mā ca yāciṣma kaścana || 48 ||
[Analyze grammar]

etā evāśiṣaḥ santu viśvedevāḥ prīyaṃtāṃ tataḥ |
svastyarthamudakaṃ dadyātpitṛpūrvaṃ ca savyataḥ || 49 ||
[Analyze grammar]

vājevājeti ca ṛcā visṛjecca tataḥ param |
āmā vājasyeti pradakṣiṇīkṛtyopaveśayet || 5 ||
[Analyze grammar]

pādāvamardanaṃ kṛtvā āsīmāṃtamanuvrajet |
baliṃ ca nikṣipettasmādbhojanaṃ ca samācaret || 51 ||
[Analyze grammar]

maunena dṛśyate sūryo yāvattāvannarādhipa || 52 ||
[Analyze grammar]

yaścaivāstamite sūrye bhuṃkte ca śrāddhakṛnnaraḥ |
 vyarthatāṃ yāti tacchrāddhaṃ tasmādbhuṃjīta no niśi || 53 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śrāddhakalpe śrāddhavidhivarṇanaṃnāma caturviṃśatyuttaradviśatatamo'dhyāyaḥ || 224 ||
[Analyze grammar]