Chapter 183

[English text for this chapter is available]

sūta uvāca |
dvitīye divase prāpte yajñakarmasamudbhave |
dvādaśyāmabhavattatra śṛṇudhvaṃ taddvijottamāḥ |
vṛttāntaṃ sarvadevānāṃ mahāvismayakārakam || 1 ||
[Analyze grammar]

makhakarmaṇi prārabdha ṛtvigbhirvedapāragaiḥ |
jalasarpaṃ samādāya baṭuḥ kaścitsunarmakṛt || 2 ||
[Analyze grammar]

praviśyātha sadastatra taṃ sarpaṃ brāhmaṇāntike |
cikṣepa prahasaṃścaiva sarvaduḥkhabhayaṃkaram || 3 ||
[Analyze grammar]

tatastu ḍuṇḍubhastūrṇaṃ bhramamāṇa itastataḥ |
viprāṇāṃ sadasisthānāṃ saktānāṃ yajñakarmaṇi || 4 ||
[Analyze grammar]

aho hotuḥ sthite praiṣe dīrghasatrasamudbhave |
sa sarpo veṣṭayāmāsa tasya gātraṃ samaṃtataḥ || 5 ||
[Analyze grammar]

na cacāla nijasthānātprāyaścittavibhīṣayā |
novāca vacanaṃ so'tra cayananyastalocanaḥ || 6 ||
[Analyze grammar]

hāhākāro mahāñjajñe etasminnaṃtare dvijāḥ |
tasminsadasi viprāṇāṃ viṣā ḍhyāhipraśaṃkayā || 7 ||
[Analyze grammar]

hāhākāro mahānāsīttaṃ dṛṣṭvā sarpaveṣṭitam |
tasya putro vinītātmā maitrāvaruṇakarmaṇi || 9 ||
[Analyze grammar]

saṃsthitastena saṃdṛṣṭaḥ pitā sarpābhiveṣṭitaḥ |
jñātvā tu ceṣṭitaṃ tasya bhaye sarpasamudbhave |
śaśāpa krodhasaṃyuktastatastaṃ sa baṭuṃ muniḥ || 9 ||
[Analyze grammar]

yasmātpāpa tvayā sarpaḥ kṣiptaḥ sadasi durmate |
tasmādbhava drutaṃ sarpo mama vākyādasaṃśayam || 10 ||
[Analyze grammar]

baṭuruvāca |
hāsyena jalasarpo'yaṃ mayā mukto'tra līlayā |
na te tātaṃ samuddiśya tatkiṃ māṃ śapasi dvija || 11 ||
[Analyze grammar]

etasminnaṃtare muktvā tasya gātraṃ sa pannagaḥ |
jagāmānyatra tasyāpi sarpatvaṃ samapadyata || 12 ||
[Analyze grammar]

so'pi sarpatvamāpannaḥ sanātanasuto baṭuḥ |
duḥkhaśokasamāpanno brāhmaṇaiḥ pariveṣṭitaḥ || 13 ||
[Analyze grammar]

atha gatvā bhṛguṃ so'pi bāṣpavyākulalocanaḥ |
provāca gadgadaṃ vākyaṃ praṇipatya puraḥsaraḥ || 14 ||
[Analyze grammar]

sanātanasutaścāsmi pautrastu parameṣṭhinaḥ |
śaptastava sutenāsmi cyavanena mahātmanā || 15 ||
[Analyze grammar]

nirdoṣo brāhmaṇaśreṣṭha tasmācchāpātprarakṣa mām |
tacchrutvā cyavanaṃ prāha kṛpāviṣṭo bhṛguḥ svayam || 16 ||
[Analyze grammar]

ayuktaṃ vihitaṃ tāta yacchapto'yaṃ baṭustvayā |
na māṃ dharṣayituṃ śakto viṣāḍhyo'pi bhujaṃgamaḥ || 17 ||
[Analyze grammar]

kiṃ punarjalasarpo'yaṃ nirviṣo rajjusaṃnibhaḥ |
na māmuddiśya nirmuktaḥ sarpo'nena dvijanmanā |
śāpamokṣaṃ kuruṣvāsya tasmācchīghraṃ dvijanmanaḥ || 19 ||
[Analyze grammar]

cyavana uvāca |
yadi tyajati maryādāmabdhiḥ śaityaṃ vrajedraviḥ |
uṣṇatvaṃ ca kṣapānāthastanme syādanṛtaṃ vacaḥ || 19 ||
[Analyze grammar]

tacchrutvā vacanaṃ tasya svayameva pitāmahaḥ |
tatrāyātaḥ sthito yatra sa pautraḥ sarparūpadhṛk || 20 ||
[Analyze grammar]

provāca na viṣādaste putra kāryaḥ kathaṃcana |
yatsarpatvamanuprāptaḥ śṛṇuṣvātra vaco mama || 21 ||
[Analyze grammar]

purā saṃsraṣṭukāmo'haṃ nāgānāṃ navamaṃ kulam |
tadbhaviṣyati tvatpārśvātsamaryādaṃ dharātale || 22 ||
[Analyze grammar]

mantrauṣadhiyujāṃ puṃsāṃ na pīḍāmācariṣyati |
saṃprāpsyati parāṃ pūjāṃ samaste jagatītale || 23 ||
[Analyze grammar]

atrā'sti suśubhaṃ toyaṃ hāṭakeśvarasaṃjñite |
kṣetre tatra samāvāsaḥ putra kāryastvayā sadā || 24 ||
[Analyze grammar]

tatrasthasya tapasthasya nāgaḥ karkoṭako nijam |
tava dāsyati satkanyāṃ tataḥ sṛṣṭirbhaviṣyati || 25 ||
[Analyze grammar]

navamasya kulasyātra samaryādasya bhūtale |
śrāvaṇe kṛṣṇapakṣe tu saṃprāpte paṃcamīdine || 26 ||
[Analyze grammar]

saṃprāpsyati parāṃ pūjāṃ pṛthivyāṃ navamaṃ kulam |
adyaprabhṛti tattoyaṃ nāgatīrthamiti smṛtam || 27 ||
[Analyze grammar]

khyātiṃ yāsyati bhūpṛṣṭhe sarvapātakanāśanam |
ye'tra snānaṃ kariṣyaṃti saṃprāpte paṃcamīdine || 28 ||
[Analyze grammar]

na teṣāṃ vatsaraṃyāvadbhaviṣyatyahijaṃ bhayam |
viṣārdditastu yo martyastatra snānaṃ kariṣyati || 29 ||
[Analyze grammar]

tatkṣaṇānnirviṣo bhūtvā saṃprāpsyati paraṃ sukham |
putrakāmā tu yā nārī paṃcamyāṃ bhāskarodaye || 3 ||
[Analyze grammar]

kariṣyati tathā snānaṃ phalahastā prabhaktitaḥ |
bhaviṣyati ca sā śīghraṃ vaṃdhyā'pi ca suputriṇī || 31 ||
[Analyze grammar]

sūta uvāca |
evaṃ pravadatastasya brahmaṇo'vyaktajanmanaḥ |
anye nāgāḥ samāyātāstatra yajñe nimaṃtritāḥ || 32 ||
[Analyze grammar]

vāsukistakṣakaścaiva puṇḍarīkaḥ kṛśodaraḥ |
kambalāśvatarau nāgau śeṣaḥ kāliya eva ca || 33 ||
[Analyze grammar]

te praṇamya vacaḥ procuḥ proccairdevaṃ pitāmaham |
tavādeśādvayaṃ prāptā yajñe'tra prapitāmaha || 34 ||
[Analyze grammar]

sāhāyyārthaṃ tadādeśo dīyatāṃ prapitāmaha |
yena kurmo vayaṃ śīghraṃ nāgarājye hyadhiṣṭhitāḥ || 35 ||
[Analyze grammar]

brahmovāca || sāhāyyametadasmākaṃ bhavadīyaṃ mahoragāḥ |
gatvānena samaṃ śīghraṃ nāgarājena tiṣṭhata || 36 ||
[Analyze grammar]

nāgatīrthe tataḥ stheyaṃ sarvaistatra samāsthitaiḥ || 37 ||
[Analyze grammar]

yaḥ kaścinmama yajñe'tra duṣṭabhāvaṃ samāśritaḥ |
samāgacchati vighnāya rakṣaṇīyaḥ sa satvaram || 38 ||
[Analyze grammar]

rākṣaso vā piśāco vā bhūto vā mānuṣo'pi vā |
etatkṛtyatamaṃ nāgā mama yajñasya rakṣaṇam || 39 ||
[Analyze grammar]

tathā yūyamapi prāpte māsi bhādrapade tathā |
paṃcamyāṃ kṛṣṇapakṣasya tatra pūjāmavāpsyatha || 40 ||
[Analyze grammar]

sūta uvāca |
bāḍhamityeva te procya praṇipatya pitāmaham |
sanātanasutopetā nāgatīrthaṃ samāśritāḥ || 41 ||
[Analyze grammar]

tataḥprabhṛti tattīrthaṃ nāgatīrtha miti smṛtam |
kāmapradaṃ ca bhaktānāṃ narāṇāṃ snānakāriṇām || 42 ||
[Analyze grammar]

yastatra kurute snānaṃ sakṛdbhaktyā samanvitaḥ |
nānvaye'pi bhayaṃ tasya jāya te sarpasaṃbhavam || 43 ||
[Analyze grammar]

tatra yacchati miṣṭānnaṃ dvijānāṃ sajjanaiḥ saha |
pūjayitvā tu nāgeṃdrānsanātanapuraḥsarān || 44 ||
[Analyze grammar]

saptajanmāṃtaraṃ yāvanna sa dauḥsthyamavāpnuyāt |
bhūtapretapiśācānāṃ śākinīnāṃ viśeṣataḥ |
na cchidraṃ na ca rogāśca nādhayo na riporbhayam || 45 ||
[Analyze grammar]

yaścaitacchṛṇuyādbhaktyā vācyamānaṃ dvijottamāḥ |
so'pi saṃvatsaraṃ yāvatpannagairna ca pīḍyate || 46 ||
[Analyze grammar]

sarpadaṣṭasya yasyaitatpurataḥ paṭhyate bhṛśam |
nāgatīrthasya māhātmyaṃ kāla daṣṭo'pi jīvati || 47 ||
[Analyze grammar]

pustake likhitaṃ caitannāgatīrthasamudbhavam |
māhātmyaṃ tiṣṭhate yatra na sarpastatra tiṣṭhati || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye nāgatīrthotpattimāhātmyavarṇanaṃnāma tryaśītyuttaraśatatamo'dhyāyaḥ || 183 ||
[Analyze grammar]